Blog

ဇန်န၀ါရီ ၁၊ ၂၀၁၄
M-Media

လောင်စာဆီနှင့် အခြားဈေးနှုန်းများ တက်၍ မလေးရှားပြည်သူများ ဆန္ဒပြ

– လောင်စာဆီဈေးနှုန်းနှင့် အခြားသော ဈေးနှုန်းများမြင့်တက်မှုများကို မကျေနပ်သောကြောင့် ထောင်ပေါင်းများစွာသောပြည်သူများမှာ မလေးရှား နိုင်ငံတွင် ယမန်နေ့က ဆန္ဒပြခဲ့ကြသည်ဟုသိရသည်။ ဆန္ဒပြသူ ၁၅၀၀၀ ခန့်မှာ မြို့တော်ကွာလာလမ်ပူရှိ လွတ်လပ်ရေးရင်ပြင်၌ ယမန်နေ့ ညပိုင်းက စုရုံးခဲ့ကြပြီး ကုန်ဈေးနှုန်းလျော့ချရန်နှင့် နိုင်ငံ၏ကြွေးမြီများအား လျော့ချရန်အတွက် အစိုးရ၏ ရုန်းကန်နေရမှုများကို ဖိအားပေး ပြောဆိုခဲ့သည်။

သို့သော်လည်း ထိုနေရာတွင် နှစ်သစ်ကူးပွဲတော် ကျင်းပရန်စီစဉ်ထားသည့်အတွက် ဆန္ဒပြမှုကို အဆုံးသတ်ရန် ရဲတပ်ဖွဲ့က သတိပေးခဲ့ပြီး၊ ည သန်းခေါင်ယံ အချိန်တွင် ဆန္ဒပြမှုများပြီးဆုံးခဲ့သည်။
……………………………….

NSA ကို iPhone သုံးသူများ အချက်အလက်ပေးသည့် စွပ်စွဲချက် Apple ငြင်း

– NSA ၏ လျှို့ဝှက်ထောက်လှမ်းရေးလုပ်ငန်းများအား အတူလုပ်ဆောင်ခဲ့ပြီး iPhone အသုံးပြုသူများ၏ အချက်အလက်များကို NSA အား ပေးအပ် ခဲ့သည် ဆိုသည့်သတင်းအား Apple က ငြင်းဆိုလိုက်သည်။ ယမန်နေ့က Apple ဆိုင်ခွဲများသို့ ပေးပို့ခဲ့သည့် ကြေညာချက်တွင် ဖော်ပြထားခြင်းဖြစ်ပြီး၊ NSA အား မိမိတို့၏ ဖုန်းများသို့ ၀င်ရောက်ထိန်းချုပ်ခွင့်မပြုထားဘဲ၊ ထိုဖုန်းများသို့ ပစ်မှတ်ထားသည့် ပရိုဂရမ်ကိုလည်း သတိပြုမိခဲ့ခြင်းမရှိဟု ထည့်သွင်းရေးသားထားသည်။

NSA အနေဖြင့် iPhone များအားလုံးနီးပါးအား ကြားဖြတ်ထောက်လှမ်းနိုင်သည်ဟု NSA ၀န်ထမ်းဟောင်း စနိုးဒင်၏ ဖွင့်ချမှုအားကိုးကား၍ ဂျာမန် မဂ္ဂဇင်း Der Spiegel က တနင်္ဂနွေနေ့တွင် ဖော်ပြခဲ့ပြီးနောက် Apple က ယခုကဲ့သို့ ဖြေရှင်းချက် ပေးခဲ့ခြင်းဖြစ်သည်။
………………………………

အစ္စရေးအစိုးရ ပါလက်စတိုင်းကလေးငယ်များကို ညှင်းပန်းနှိပ်စက်ဟု လူအခွင့်အရေးအဖွဲ့တခုမှပြော

– အစ္စရေးအနေဖြင့် ပါလက်စတိုင်း ကလေးငယ်များအား ပိတ်လှောင်ထားခြင်း၊ ခြိမ်းခြောက်ခြင်းနှင့် လိင်ပိုင်းဆိုင်ရာ အကြမ်းဖက်မှုများအပါအ၀င် နှိပ်စက်ညှင်းပန်းနှိပ်စက်ခြင်းများကို ပြုလုပ်နေသည်ဟု အစ္စရေးရှိ လူ့အခွင့်အရေးစောင့်ကြည်သည့် အဖွဲ့တစ်ခုက ပြောကြားလိုက်သည်။

ညှင်းပန်းနှိပ်စက်မှုများကို ဆန့်ကျင်သောပြည်သူ့ကော်မတီဟု အမည်ရသည့် PCATI အဖွဲ့က ပြောကြားခဲ့ခြင်းဖြစ်ပြီး ပါလက်စတိုင်းပြည်သူများအား ကာကွယ်ရန် အစ္စရေး၏ ပျက်ကွက်မှုများကို ရှုတ်ချခဲ့ကာ၊ ပါလက်စတိုင်း ကလေးငယ်များအား နှိပ်စက် ညှင်းပန်းခြးင်များကို ဥပဒေအရ ကာကွယ် ဆောင်ရွက်ပေးရန် တောင်းဆို ခဲ့သည်။

ထို့ပြင် ညှင်းပန်းနှိပ်စက်မှုများအားဆန့်ကျင်သည့် နိုင်ငံတကာဥပဒေများကို အစ္စရေးဥပဒေပြုလွှတ်တော်က လိုက်နာဆောင်ရွက်ခြင်း မရှိဟု ထောက်ပြပြောဆိုခဲ့သည်။
………………………………

New Year ပွဲတွင် မူးယစ်ရမ်းကားသူ ၁၀၀ ခန့် လန်ဒန်ရဲတပ်ဖွဲ့ ဖမ်းဆီး

– လန်ဒန်မြို့တွင် ယမန်နေ့က ကျင်းပခဲ့သည့် နှစ်သစ်ကူးပွဲတော်အတွင်း အနည်းဆုံး လူ ၁၀၀ အားဖမ်းဆီးခဲ့သည်ဟု သိရသည်။ ထိုကဲ့သို့ ဖမ်းဆီး ခဲ့မှုများတွင်း မူးယစ်ရမ်းကား၍ ဥပဒေချိုးဖောက်သူ ၃၉ ဦး၊ လက်ရောက်မှုကြောင့် ၂၁ ဦးနှင့် ၀တ္တရားနှောက်မှုကြောင့် ၁၆ ဦးတို့ဖြစ်ကြသည်။ နှစ်သစ်ကူးအထိမ်းအမှတ်အဖြစ် မီးရှူးမီးပန်း ပစ်ဖောက်မှုကို ကြည့်ရှုရန်အတွက် သိမ်းမြစ်ကမ်းနဖူးသို့ ပြည်သူ ထောင်ပေါင်းများစွာ လာရောက် စုရုံးခဲ့ကြပြီး လုံခြုံရေးကိစ္စများ ဆောင်ရွက်ရန်အတွက် လန်ဒန်မြို့တော်တစ်ဝှမ်း ရဲတပ်ဖွဲ့ဝင် ၄၀၀၀ နီးပါးအား ချထားခဲ့သည်ဟု ရဲတပ်ဖွဲ့က ပြောကြားခဲ့သည်။
………………………………

ငြိမ်းချမ်းရေးဆွေးနွေးရန် တောင်ပိုင်း ဆူဒန်အစိုးရနှင့် သူပုန်အဖွဲ့ သဘောတူညီမှုရရှိ

– နိုင်ငံအတွင်းဖြစ်ပွားနေသည့် ပဋိပက္ခများအား အဆုံးသတ်ရန်အတွက် အီသီယိုးပီးယားနိုင်ငံ အက်ဒစ် အဘာဘာမြို့တွင် ငြိမ်းချမ်းရေး ဆွေးနွေးမှု ပြုလုပ်ရန် တောင်ဆူဒန် အစိုးရနှင့် သူပုန်များက သဘော တူညီခဲ့ကြသည်ဟု ကြားဝင်စေ့စပ်ပေးနေသူများက ပြောကြားခဲ့သည်။

တောင်ဆူဒန်နိုင်ငံတွင် သမ္မတ ဦးဆောင်သည့်အဖွဲ့နှင့် ဒုတိယသမ္မတ ဦးဆောင်သည့် အဖွဲ့တို့ ဖြစ်ပွားနေသည့် ပဋိပက္ခမှာ သီတင်းပတ် အတော်ကြာ လာခဲ့ပြီဖြစ်ပြီး၊ လူပေါင်း ၁၀၀၀ကျော် သေဆုံးခဲ့ပြီးနောက် ပြည်တွင်းစစ်အသွင်သို့ ကူးပြောင်းလာနေသောကြောင့် အနောက် အုပ်စုများက ပြဿနာ ဖြစ်ဖြေရှင်းရန် တိုက်တွန်းခဲ့ပြီးနောက် အပစ်အခတ် ရပ်စဲ၍ ငြိမ်းချမ်းရေးဆွေးနွေးမှုပြုလုပ်ရန် နှစ်ဘက်စလုံးက သဘောတူခဲ့ခြင်းဖြစ်သည်။

………………………………

ဒေသတွင်း စစ်ဖြစ်လျင် နျူ စစ်ပွဲဖြစ်မည်ဟု မြောက်ကိုးရီယား ခေါင်ဆောင်ပြော

– ဒေသအတွင်းစစ်ပွဲများဖြစ်ပေါ်လာခဲ့ပါက ကိုရီးယားကျွန်းဆွယ်အတွင်း နျူးကလီးယား စစ်ပွဲဖြစ်လာမည်ဟု မြောက်ကိုရီးယားခေါင်းဆောင် ကင်ဂျုံအန်က နိုင်ငံပိုင်ရုပ်သံမှတစ်ဆင့် ယနေ့တွင်ပြောကြားလိုက်သည်။ ထို့ပြင် အမေရိကန်နှင့် တောင်ကိုရီးယားနိုင်ငံတို့ ပူးပေါင်းပြုလုပ်နေသည့် စစ်ရေးလေ့ကျင်မှုများက စစ်ပွဲဆီသို့ တစ်စတစ်စ ဦးတည်လာသောကြောင့် ထိုနှစ်နိုင်ငံစလုံးမှာ ပြဿနာနှင့်ပက်သက်၍ ဘေးကင်းမည် မဟုတ် ကြောင်း၊ မြောက်ကိုရီးယားနိုင်ငံအနေဖြင့် ငြိမ်းချမ်းရေးအတွက် ခယနေမည်မဟုတ်ဘဲ၊ နျူးကလီးယား ပိုင်ဆိုင်ထားသည့် ၎င်းတို့နိုင်ငံအနေဖြင့် ရန်သူများအားခုခံရန်အတွက် တောင့်တင်းသော ကာကွယ်ရေး အစီအမံများလည်း ရှိနေသည်ဟု ထည့်သွင်းပြောကြားခဲ့သည်။

………………………………

အစိုးရအရာရှိများ လူမြင်ကွင်းမှာ ဆေးလိပ်သောက်ခွင့် တရုတ်ပိတ်ပင်

– အစိုးရ အရာရှိများအနေဖြင့် လူမြင်ကွင်းတွင် ဆေးလိပ်သောက်ခြင်းအား တရုတ်အစိုးရက ယမန်နေ့ကစ၍ တားမြစ်ပိတ်ပင်လိုက်သည်ဟု သိရ သည်။ တရုတ်နိုင်ငံမှာ ကမ္ဘာပေါ်တွင် ဆေးလိပ်သောက်သုံးသူ အများဆုံးရှိသည့် နိုင်ငံတစ်ခုဖြစ်ပြီး ၂၀၁၁-ခုနှစ်ကတည်းက ဟိုတယ်နှင့် စားသောက်ဆိုင်များတွင် ဆေးလိပ်သောက်သုံးခြင်းမပြုရဟု ကျန်းမာရေးဝန်ကြီးဌာနမှ အမိန့်ထုတ်ပြန်ခဲ့သည်။

သို့သော်လည်း ထိုတားမြစ်ချက်အား ချိုးဖောက်သူများကို မည်သို့ မည်ပုံ အပြစ်ပေးရမည်ကို ရှင်းလင်းစွာ ပြဌာန်းထားခြင်းမရှိသောကြောင့် လူအများ ၏ ဝေဖန်ပြစ်တင်မှုကို ခံခဲ့ရသည်။ ဆေးလိပ်သောက်သုံးခြင်းမပြုရေး တက်ကြွလှုပ်ရှားသူများကမူ ယခုကဲ့သို့ ဘတ်မှုလိုက်မှုအား ကြိုဆိုခဲ့ပြီး အစိုးရ ၀န်ထမ်းများကို နမူနာထားကာ နောက်ပိုင်းတွင် တစ်နိုင်ငံလုံး ထိုဥပဒေ သက်ရောက်ရန် မျှော်လင့်နေသည်။