Blog

ဇန်နဝါရီ ၂ ၊ ၂၀၁၄
M-Media

– မလေးရှားနိုင်ငံ မာလာကာပြည်နယ် Medan Selera ရှိ Plaza Pandan Malim တွင် မြန်မာနိုင်ငံသားများ အရက်မူး၍ ရန်ဖြစ်ရာမှ တစ်ဦးသေဆုံးခဲ့သည်ဟု သိရသည်။

ဇန်နဝါရီလ  ၁ ရက် နံနက်က မြန်မာနိုင်ငံသား လေးဦးမှာ အရက်မူး၍ ရန်ဖြစ်ခဲ့ကြပြီး  နံနက်၂ နာရီ ၄၀ ခန့်တွင် ပြည်သူတစ်ဦးက ရန်ပွဲဖြစ်ပွားနေသည်ဟု ရဲတပ်ဖွဲ့အား အကြောင်းကြားခဲ့သည်။ ထို့ကြောင့် ရဲတပ်ဖွဲ့က သွားရောက်ကြည့်ရှုခဲ့ရာ အသက် ၂၅ နှစ်အရွယ် မြန်မာနိုင်ငံသား ကျော်ဆွေဦး ဆိုသူမှာ သွေးအိုင်ထဲတွင်သေဆုံးတွေ့ ခဲ့ရသည်။

သေဆုံးသူမှာ စားသောက်ဆိုင်တွင် အလုပ်လုပ်ကိုင်နေသူဖြစ်ပြီး  ချွန်ထက်သောအရာနှင့် တိုက်ခိုက်ခံခဲ့ရခြင်းဖြစ်ကာ ကပ်ကြေးဟု ယူဆရကြောင်း၊ ရဲတပ်ဖွဲ့ဝင်များ ရောက်လာချိန်တွင် တရားခံများမှာ ထွက်ပြေးသွားခဲ့သော်လည်း နံနက် ၄ နာရီခွဲခန့်တွင် သေဆုံးသူ လုပ်ကိုင်နေသည့် စားသောက်ဆိုင်တွင်ပင် လုပ်ကိုင်နေသော အသက် ၂၉ နှစ်အရွယ် မြန်မာ တစ်ဦးကို ဖမ်းဆီးနိုင်ခဲ့ကြောင်း၊ ထွက်ပြေး လွတ်မြောက်နေသည့် တရားနှစ်ဦးကိုလည်း ဖမ်းဆီးနိုင်ရန် စုံစမ်း စစ်ဆေးမှုများကိုပြုလုပ်နေကြာင်း မာလာကာ CID အကြီးအကဲ ရာဂျာရှာရွမ် ရာဂျာ အဗ္ဗဒူလာက ပြောကြားခဲ့သည်။

ယခုလူသတ်မှုမှာ တပတ်တွင်း ဒုတိယအကြိမ်မြောက်ဖြစ်ပွားခြင်းဖြစ်သည်။ ပြီးခဲ့သည့် ဒီဇင်ဘာ ၂၉ ရက်နေ့တွင် ပူချွန်းမြို့တွင် မူးယစ်ရမ်းကားမှုကြောင့် မြန်မာအချင်းချင်း ဓါးထိုးမှုကြောင့် မြန်မာတစ်ဥိးသေဆုံးမှုဖြစ်ပွားခဲ့သည်။

လူသတ်မှုဖြစ်စဉ် ၂ ခုစလုံးမှာ အရက်သေစာ သောက်စားရာမှ အစပြုဖြစ်ပွားခြင်းဖြစ်ပြီး အခင်းဖြစ်ပွားရာတွင် ပါဝင်သူ အားလုံးမှာ မြန်မာနိုင်ငံမှ လာရောက် အလုပ် လုပ်ကိုင်သူများ ဖြစ်ကြကြောင်း သတင်းများအရ သိရှိရပါသည်။

Ref: Bernama

ဇန်နဝါရီ ၂ ၊ ၂၀၁၄
M-Media

မလေးရှားနိုင်ငံ ပူချွန်းတွင် မူးယစ်ရမ်းကားရာမှ တအိမ်ထဲနေ မြန်မာအချင်းချင်း ဓါးထိုးမှုဖြစ်ပွား၊ တစ်ဦး သေဆုံး

မလေးရှားနိုင်ငံ ပူးချွန်းရှိ Batu Tiga Belas စက်ရုံတစ်ခုတွင် ဒီဇင်ဘာ ၂၉ ရက်နေ့နံနက်ပိုင်းက မြန်မာနိုင်ငံသားတစ်ဦး အသတ်ခံရမှု ဖြစ်ပွားခဲ့သည်ဟုသိရသည်။

သေဆုံးသွားသူမှာ အသက် ၃၆ နှစ်အရွယ် ဘိုဘိုဟ (မူရင်းသတင်းပါ Bo Bo Ha အတိုင်း) ဆိုသူဖြစ်ပြီး ၂၉ ရက်နေ့ နံနက်ပိုင်း ၂ နာရီ ၅၀ ခန့်က မူးယစ်ရမ်းကားကာ အခန်းဖော်အား စော်ကားမှုများပြုလုပ်ခဲ့သောကြောင့်၊ အခန်းဖော်ဖြစ်သူမှ မကျေမနပ်ဖြစ်ကာ ဓားဖြင့် ထိုးခဲ့ခြင်းဖြစ်သည်။ ဓားဖြင့်ထိုးခံရပြီးနောက် သေဆုံးသူမှာ အကူအညီရရန် မီတာ ၇၀၀ ခန့်အထိ ထွက်ပြေးလာခဲ့ပြီး စက်ရုံ ဂိတ်ပေါက်ဝတွင် လဲကျသေဆုံးခဲ့ခြင်းဖြစ်သည်။

ဆူဘန်းဒေသရှိ ရဲတပ်ဖွဲ့ အကြီးအကဲဖြစ်သူ ယာဟ်ယာ ရမ်လီက ပြစ်မှုကျူးလွန်သူ မြန်မာနိုင်ငံသား တစ်ဦးနှင့် ဇနီးဖြစ်သူတို့အား ဖမ်းဆီးထားပြီး စုံစမ်းစစ်ဆေးမှုများပြုလုပ်နေသည်ဟု ပြောကြားခဲ့သည်။ ဒီဇင်ဘာ ၃၀ ရက်နေ့ကလည်း ပီနန်မြို့တွင် မြန်မာအမျိုးသမီး နှစ်ဦးအသတ်ခံရပြီး၊ သံသယရှိသူ မြန်မာနိုင်ငံသား အမျိုးသားနှစ်ဦးအား ဖမ်းဆီးထားသည်ဟု ပီနန်ရဲတပ်ဖွဲ့က သတင်းထုတ်ပြန်ခဲ့သည်။

Ref: NTV7