ဒီဇင်ဘာ ၁၄၊ ၂၀၁၃
M-Media
ကိုလေး
ရန်ကုန်-ဓနုဖြူ-ကျုံဓနိ-လှည်းကူးသို့ ပြေးဆွဲနေသည့် လှိုင်ထိပ်ထား ကားဂိတ်တွင် “လှိုင်ထိပ်ထား၏ ရည်ရွယ်ချက်” ခေါင်းစဉ်တပ်ထားသည့် ဗီနိုင်းတစ်ခုကို တပ်ဆင်ထားပြီး၊ ထိုဗီနိုင်း၏ ၂ (ဂ) တွင် “အစ္စလာမ် ဘာသာဝင်/မူဆလင် လူမျိုးများနှင့် အလူ့မိစ္ဆာများ (လုံးဝ) မတင်ပါ” ဟု လူမျိုးရေး၊ ဘာသာရေးအား ထိခိုက်သည့် အချက်တစ်ချက် ထည့်သွင်းရေးသား ထားသည်ကို တွေ့ရှိခဲ့ရသည်။
ထိုကိစ္စနှင့် ပက်သက်၍ ရန်ကုန်မြို့လှိုင်သာယာရှိ ဒဂုံဧရာ ကားကွင်းရှိ လှိုင်ထိပ်ထား ကားဂိတ်သို့ ဆက်သွယ်မေးမြန်းခဲ့သည်။ ထိုသို့မေးမြန်းရာတွင် ထိုကြေညာချက်အား ကားဂိတ်ပိုင်ရှင်၏ သဘောထား အရသာ ကပ်ထားခြင်းဖြစ်ပြီး၊ မည်သည့်အဖွဲ့အစည်းကမှ လုပ်ခိုင်းခြင်း မဟုတ်ကြောင်း၊ ယခင်က စာရွက်ငယ်များဖြင့် ရေးသားထားပြီး ဗီနိုင်းဖြင့် ရေးသားထားခြင်းမှာ ၁ လကျော်ကြာပြီဖြစ်ကာ လှိုင်ထိပ်ထား ကားလိုင်း၏ လက်မှတ်ရောင်းသော ဂိတ်တိုင်းတွင် ကပ်ထားခြင်းဖြစ်ကြောင်းပြောကြားခဲ့သည်။
ထို့နောက် ကြေညာချက်တွင် ၂ (ဂ) တွင် ရေးသားထားသောအချက်နှင့် ပက်သက်၍ နိုင်ငံအတွင်း ယခုလက်ရှိ ဖြစ်ပေါ်နေသည့် အခြေအနေအရ မိမိတို့အနေဖြင့် အမျိုးဘာသာသာသနာအတွက် စည်း တစ်ခုခြားထားခြင်းဖြစ်ပြီး၊ အခြား မည်သည့် ရည်ရွယ်ချက်မှ မရှိကြောင်း၊ “မိစ္ဆာ” ဆိုသည့် စကားလုံးမှာလည်း အစ္စလာမ်ဘာသာဝင်များကို ရည်ညွှန်းခြင်းမရှိဘဲ၊ သောက်စား၊ မူးရစ်ရမ်းကားသည့် လူများကိုသာ ရည်ညွှန်းသုံးစွဲထားခြင်းဖြစ်ကြောင်း ပြန်လည်ဖြေကြားခဲ့သည်။
ဥပဒေပညာရှင်တစ်ဦးကို M-Media မှ ဆက်သွယ်မေးမြန်းရာ ‘ အဆိုပါကြေညာချက် ၂ (ဂ) တွင်ရေးသားထားသည့် စာကြောင်းတွင် “နှင့်” ဆိုသည့် စကာလုံးသုံးစွဲထားခြင်းကြောင့် အစ္စလာမ်ဘာသာဝင်များအား “မိစ္ဆာ” ဆိုသည့် စကားလုံးနှင့် တစ်တန်း တစ်စားတည်း ဖြစ်အောင် စော်ကားဖော်ပြထားခြင်းသာဖြစ်ပြီး၊ ပြစ်မှုဆိုင်ရာဥပဒေ အခန်း ၁၅ တွင် ဖော်ပြထားသည့် ဘာသာသာသနာရေးဆိုင်ရာ ပြစ်မှု ပုဒ်မ ၂၉၅(က) နှင့် ညိစွန်းနေကြောင်း’ ပြောကြားခဲ့သည်။
ပြစ်မှုဆိုင်ရာဥပဒေ (ယခင် ရာဇသတ်ကြီး) အခန်း ၁၅ ဘာသာ သာသနာဆိုင်ရာပြစ်မှုများ ပုဒ်မ ၂၉၅ တွင် အောက်ပါ အတိုင်း ပြဌားန်ပါရှိပါသည်။
“ပြည်ထောင်စုနိုင်ငံတော်တွင် နေထိုင်သော လူတစား၏ ဘာသာရေးစိတ်ကို နာကြည်းစေရန် တမင်မသမာသောအကြံဖြင့် မည်သူမဆို၊ စကားဖြင့်ဖြစ်စေ၊ စာဖြင့်ဖြစ်စေ၊ ထင်ရှားသော ပုံသဏ္ဍာန်ဖြင့်ဖြစ်စေ၊ ထိုလူတစားကိုးကွယ် သည့်ဘာသာသာသနာကိုသော်၎င်း၊ ဘာသာ သာသနာရေး ယုံကြည်မှုကိုသော်၎င်း၊ စော်ကားလျှင်၊ သို့တည်းမဟုတ် စော်ကားရန်အားထုတ်လျှင်၊ ထိုသူကို နှစ်နှစ်ထိထောင်ဒဏ် တမျိုးမျိုးဖြစ်စေ၊ ငွေ ဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရ မည်။”
အလားတူ ပုဒ်မ ၂၉၈ တွင် “တဦးတယောက်သောသူ၏ ဘာသာရေးစိတ်ကို နာစေရန်တမင်ကြံ၍၊ မည်သူမဆို၊ ထိုသူကြားလောက်သောနေရာ၌ စကားပြောဆိုလျှင်၊ သို့တည်းမဟုတ် အသံတခုခုကိုပြုလျှင်၊ သို့တည်းမဟုတ် ထိုသူမြင်လောက်သောနေရာ၌ ကိုယ်အမူအရာတခုခုကိုပြုလျှင်၊ သို့တည်းမဟုတ် အရာဝတ္ထုတခုခုကိုထားလျှင် ထိုသူကို တနှစ်ထိ ထောင်ဒဏ် တမျိုးမျိုးဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်စလုံးဖြစ်စေ ချမှတ်ရမည်။” ဟုပြဌားန်ထားပါသည်။
ယခုနောက်ပိုင်းနှစ်များတွင် မြန်မာနိုင်ငံအတွင်းရှိ အစ္စလာမ်ဘာသာဝင်များနှင့် အစ္စလာမ်သာသနာအား စော်ကား ပုတ်ခတ်မှုများကို သွယ်ဝိုက်၍ဖြစ်စေ၊ အတိအလင်းဖြစ်စေ ပြုလုပ်လျက်ရှိနေပြီး ပြစ်မှုဆိုင်ရာ ဥပဒေများနှင့် ညိစွန်းနေသော်လည်း အာဏာပိုင်းများအနေဖြင့် ထိထိရောက်ရောက် အရေးယူဆောင်ရွက်ခြင်းမရှိပေ။
ပြီးခဲ့သည့် နိုဝင်ဘာ ၁၅ ရက်နေ့ကလည်း ရန်ကုန်မြို့ ဗဟန်းမြို့နယ်တွင် ရခိုင်လူငယ်ကွန်ရက်မှ ပြုလုပ်ခဲ့သည့် အိုအိုင်စီ ဆန့်ကျင်ဆန္ဒပြပွဲတွင် အစ္စလာမ်ဘာသာအား ရိုင်းပြစွာ စော်ကားထားသော ဗီနိုင်းတစ်ခုအား သံဃာတော်များမှ ကိုင်ဆောင်မှုနှင့် ပတ်သက်ပြိး သီတင်းတစ်ပါတ်အကြာခန့်တွင်မှာ အရေးယူမည်ဟု သတင်းထုတ်ပြန်ခဲ့သော်လည်း ယနေ့ထိ ဖမ်းဆီးတရားစွဲဆိုမှုတစုံတရာ ပြုလုပ်သည်ကို မကြားသိရသေးပေ။
