နိုဝင်ဘာ-၂၅ ၂၀၁၃
M-Media
ထိုင်းဆန္ဒပြသူများ ဘဏ္ဍာရေးဝန်ကြီးဌာန အဆောက်အအုံအား သိမ်းပိုက်
အခက်အခဲများနှင့် ရင်ဆိုင်နေရသော ၀န်ကြီးချုပ် ယင်းလပ်ရှင်နာဝပ်ထရာအား ဖြုတ်ချရန် အားထုတ်မှုကို အရှိန်မြှင့်လုပ်ဆောင်သောအားဖြင့် အစိုးရဆန့်ကျင်သူ ထောင်ပေါင်းများစွာတို့က ဘန်ကောက်ရှိ ဘဏ္ဍာရေးဝန်ကြီးဌာနရုံးအား ယနေ့တွင် သိမ်းပိုက်လိုက်ပြီး အခြားသော အစိုးရ အဆောက်အအုံများကိုလည်း ထိုကဲ့သို့ သိမ်းပိုက်သွားမည်ဟု ခြိမ်းခြောက်ပြောဆိုလိုက်သည်။
ဝန်ကြီးချုပ်ယင်းလပ်နှင့် အစ်ကိုဖြစ်သူ ဖြုတ်ချခံ ၀န်ကြီးချုပ်ဟောင်း သက်ဆင်တို့အား ဆန့်ကျင်သည့် အဆိုပါ ဆန္ဒပြပွဲမှာ လူ ၉၀ ဦးသေဆုံးခဲ့သော ဆယ်စုနှစ်၏ အဆိုးဝါးဆုံး နိုင်ငံရေးဆိုင်ရာ သွေးမြေကျမှုဖြစ်ပွားခဲ့သည့် ၂၀၁၀ ခုနှစ်နောက်ပိုင်းတွင် အကြီးမားဆုံး ဆန္ဒပြမှုတစ်ခုလည်းဖြစ်သည်။
ယင်းလပ်အစိုးရအား ဆန့်ကျင်သော ထိုဆန္ဒပြပွဲတွင် လူပေါင်း ၃၀၀၀၀ ခန့် ပါဝင်ခဲ့ကြပြီး စစ်တပ်နှင့် ရဲစခန်းများ၊ ရုပ်မြင်သံကြားဌာနများအပါအ၀င် ဘန်ကောက်မြို့အတွင်းရှိ နိုင်ငံပိုင်အဆောက်အဦး တစ်ဒါဇင်ကျော်ခန့်အား လှည့်ပတ် ဆန္ဒပြခဲ့သည်ဟု ရဲတပ်ဖွဲ့ ပြေကြားခဲ့သည်။ ထို့နောက် ဆူသပ် သောင်ဆူဘန် ဦးဆောင်သည့် ဆန္ဒပြသူ ရာပေါင်းများစွာက ဘဏ္ဍာရေးဝန်ကြီးဌာနရုံးအဆောက်အအုံအား ၀င်ရောက်သိမ်းပိုက်ကာ အလံလွှင့်ထူခြင်းများ၊ ကခုန်ခြင်းများပြုလုပ်နေကြသည်။
ယမန်နေ့ကလည်း လူပေါင်း တစ်သိန်း ရှစ်သောင်းခန့်ရှိသည် လူအုပ်ကြီးမှာ အစိုးရအား ဆန့်ကျင်သောအနေဖြင့် မြို့တော်ဘန်ကောက်တွင် ဆန္ဒပြခဲ့ကြသေးသည်။
Ref: channelnewsasia
– ဆွစ်ဇာလန်နိုင်ငံရှိ အောက်ခြေ၀န်ထမ်းများနှင့် အထက်ပိုင်းအရာရှိများ၏ လုပ်ခလစာအား ညီမျှစေရန်အတွက် ဆိုရှယ်ဒီမိုကရတ်လူငယ်အဖွဲ့(JUSO)က တင်သွင်းသည့် ‘၁း၁၂ ၀င်ငွေညီမျှရေး’ အဆိုအား မဲခွဲဆုံးဖြတ်ခဲ့ရာ ပယ်ချခြင်းခံခဲ့ရပြီး၊ နိုင်ငံရှိ စီးပွားရေးလုပ်ငန်းရှင်များက အဆိုမှာ တိုင်းပြည်၏ စီပွားရေးအား ပျက်စီးစေနိုင်သည်ဟု သတိပေးပြောဆိုလိုက်သည်။ ၁း၂ ၀င်ငွေညီမျှရေးအစီအစဉ်က အထက်ပိုင်းအရာရှိများ၏ တစ်လ၀င်ငွေမှာ အောက်ခြေအလုပ်သမားများ၏ တစ်နှစ်စာဝင်ငွေထက်မကျော်ရဟု သတ်မှတ်ထားခြင်းဖြစ်သည်။
– ဥပေဒဆိုင်ရာ ကာကွယ်မှု၊ နိုင်ငံရေးဆိုင်ရာ လုပ်ပိုင်ခွင့်နှင့် စီးပွားရေးဆိုင်ရာ လွတ်လပ်မှုတို့မှ တစ်ဆင့် အမျိုးသမီးတို့၏အခွင့်အရေးများကို ကာကွယ်သွားရန် အရှေ့မြောက်အာရှ နိုင်ငံများ၏ အမျိုးသမီးရေးရာ ကိုယ်စားလှယ်များက ယမန်နေ့တွင် ဆုံးဖြတ်ခဲ့ကြသည်။ ထိုဆုံးဖြတ်ချက်အား မွန်ဂိုလီးယားနိုင်ငံ Great Hural ပြည်နယ်ပါလီမန်အဖွဲ့ဝင်များက ဦးဆောင်ကာ ၂ ရက်ကြာ ကျင်းပသော အရှေ့မြောက်အာရှနိုင်ငံများ၏ အမျိုးသမီးပါလီမန်အမတ်များဖိုရမ်တွင် ပြုလုပ်ခဲ့ခြင်းဖြစ်သည်။
– ဟိုင်ယန်မုန်တိုင်းဒဏ်ခံပြည်သူများအား ပြန်လည်နေရာချထားလုပ်ငန်းများ လုပ်ဆောင်ရာတွင် အကူအညီများပို့ဆောင်ပေးရန်အတွက် အလွန်အသုံးဝင်သည့် C-130 လေယာဉ်နှစ်စင်းကို ထပ်မံရရှိခဲ့သည်ဟု ဖိလစ်ပိုင်စစ်တပ်မှ ပြောကြားခဲ့သည်။ ဖိလစ်ပိုင်စစ်တပ်မှာ C-130 လေယာဉ်သုံးစီးဖြင့်သာ အကူအညီပို့ဆောင်ရေးလုပ်ငန်းများကို လုပ်ကိုင်နေရပြီး ယခုအခါ စုစုပေါင်း ၅ စီးဖြစ်လာသောကြောင့် ပို့ဆောင်ရေးလုပ်များအား ပိုမိုဆောင်ရွက်နိုင်တော့မည်ဟု ဖိလစ်ပိုင်စစ်တပ် တာဝန်ရှိသူတစ်ဦးက ပြောကြားခဲ့သည်။
– ၂၀၁၂ ခုနှစ်က အစိုးရ ဆန့်ကျင့်ရေး ဆန္ဒပြပွဲများအတွင် ရဲတပ်ဖွဲ့ဝင်တစ်ဦးအား သတ်ရန် ကြိုးပမ်းခဲ့သည်ဟုဆိုက ဆန္ဒပြသူ ၁၂ ဦးအား ဘာရိန်းတရားရုံးမှ ထောင်ဒဏ် ၁၀ နှစ်ကျခံစေရန် အမိန့်ချမှတ်လိုက်သည်ဟု သိရသည်။ ထိုပြစ်မှုဖြင့် စုစုပေါင်း ၁၇ ဦးအား စွဲချက်တင်ထားခြင်းဖြစ်ပြီး ၁ ဦးအား ထောင်ဒဏ် ၃ နှစ် ချမှတ်ခဲ့ကာ အခြား ၄ ဦးအား တရားရုံးက တရားသေလွှတ်ပေးခဲ့သည်။ ၎င်းတို့အားလုံးကို နိုင်ငံအတွင်း ဒီမိုကရေစီ ပြုပြင်ပြောင်းလဲမှုများပြုလုပ်ရန် တောင်းဆိုသော ၂၀၁၂ ခုနှစ် မေလက ပြုလုပ်ခဲ့သည့် ဆန္ဒပြပွဲတွင် ဖမ်းဆီးခဲ့ခြင်းဖြစ်သည်။
– နိုင်ငံအတွင်း ဆယ်ဆုနှစ်သုံးခုအကြာ ဖြစ်ပွားခဲ့သည့် ပဋိပက္ခများအား ငြိမ်းချမ်းမည်ဆိုပါက အမေရိကန်နှင့် လုံခြုံရေးဆိုင်ရာ စာချုပ်အား လက်မှတ်ထိုးရန် သဘောတူမည်ဟု အာဖဂန် သမ္မတ ဟာမစ် ကာဇိုင်းက ပြောကြားလိုက်သည်။ မျိုးနွယ်စုခေါင်းဆောင်များ အစည်းအဝေး နောက်ဆုံးနေ့ဖြစ်သော ယမန်နေ့က ပြောကြားခဲ့ခြင်းဖြစ်ပြီး ကဘူလ်း-၀ါရှင်တန် လုံခြုံရေးဆိုင်ရာ အပြန်အလှန် သဘောတူညီချက်၏ ရလဒ်မှာ ငြိမ်းချမ်းရမည်ဟု ကာဇိုင်းက ထည့်သွင်းပြောကြားခဲ့သည်။
– အင်ဒိုနီးရှားနိုင်ငံ ဆူမာတြားကျွန်း မြောက်ဘက်ရှိ မီးတောင် စီနာဘန်မှာ ယမန်နေ့က စတင်လှုပ်ခတ်လာသောကြောင့် ထိုတောင်ခြေရှိ ရွာမှ လူ ၁၂၀၀၀ ထောင်အား ဘေးလွတ်ရာနေရာသို့ ယမန်နေ့ ကတည်းက စတင်ရွှေ့ပြောင်းပေးခဲ့ရပြီး ယခုအချိန်အထိ ထိုဒေသရှိ လူပေါင်း ၂ သောင်းကျော်အား ပြောင်းရွှေ့ပြီဖြစ်သည်ဟု အင်ဒို အာဏာပိုင်များက ယနေ့တွင်ပြောကြားလိုက်သည်။
– အာဖဂန်နစ္စတန်မြောက်ပိုင်းရှိ Jauzjan ပြည်နယ်တွင် အဓိက တာလီဘန် တပ်မှူးတစ်ဦးအား စနေနေ့တွင် ဖမ်းဆီးရမိခဲ့သည်ဟု အာဖဂန် ရဲတပ်ဖွဲ့က ပြောကြားခဲ့သည်။ မူလာဆိုဘာသွလ္လာ အမည်ရသည့် အဆိုပါ တာလီဘန် တပ်မှူးအား ပြည်နယ်အတွင်း အသေခံဗုံးခွဲမှု၊ လမ်းဘေးဗုံးထောင်မှုတို့ဖြင့် တရားစွဲဆိုသွားမည်ဟု သိရသည်။
– ဗြိတိန်ပါလီမန်ရှိ ဥပဒေပြုအမတ်တစ်ဦးဖြစ်သူ ရှေ့နေချုပ် ဒိုမီနစ် ဂရီဗီက ဗြိတိန်ရှိ ပါကစ္စတန် လူ့အဖွဲ့အစည်းမှ လူအချို့မှာ ပါကစ္စတန်နိုင်ငံတွင် ချစားသော အသိုင်းအ၀ိုင်းမှ ဗြိတိန်သို့ လာရောက်အခြေချခြင်းဖြစ်သည်ဟု Daily Telegraph သတင်စာ၏ အင်တာဗျူးတွင် ပြောကြားခဲ့သည်။
– ရုရှားနှင့် စီပွားရေးဆိုင်ရာ သဘောတူညီချက်အား ဂရုမထားဘဲ ဥရောပသမဂ္ဂ၏ လွတ်လပ်စွာကုန်သွယ်မှု သဘောတူညီချက်အား လက်မှတ်ထိုးရန် တောင်းဆိုသောအားဖြင့် ယူကရိန်းနိုင်ငံသား ၅၀၀၀၀ ခန့်က မြို့တော်ကိဗ်တွင် ယမန်နေ့က ဆန္ဒပြခဲ့ကြသည်ဟုသိရသည်။ ဆန္ဒပြစဉ်အတွင်း လူအချို့မှာ အစိုးရအဆောက်အဦးများအား ဖျက်ဆီးခဲ့သောကြောင့် ရဲတပ်ဖွဲ့က မျက်ရည်ယိုဗုံးများ၊ ရာဘာတုတ်များဖြင့် လူစုခွဲခဲ့သည်။ ထိုဆန္ဒပြပွဲအား အစိုးရအတိုက်အခံများက စီစဉ်ပြုလုပ်ခြင်းဖြစ်ပြီး ဥရောပ၏လွတ်လပ်စွာ ကုန်သွယ်မှုစာချုပ်ကို လက်မှတ်မထိုးမချင်း ဆက်လက်ပြုလုပ်သွားမည်ဟု သိရသည်။
#MMedia_IntShortNews
