နိုဝင်ဘာ ၂၅ ၂၀၁၃
M-Media
– ဒဏ်ရာကြောင့် မျှော်လင့်ထားသည့်ထက်ပို၍ အနားယူခဲ့ရခြင်းကို စိတ်ပျက်မိပြီး မကြာခင်အချိန်အတွင်း အကောင်းဆုံးပုံစံဖြင့်ပြန်လာနိုင်ရန် မျှော်လင့်နေသည်ဟု အာဆင်နယ်အသင်း၏ အင်္ဂလန်တိုက်စစ်မှူး သီယိုဝေါလ်ကော့က ပြောကြားလိုက်သည်။ ဝေါလ်ကော့မှာ ဒဏ်ရာကြောင့် ပြီးခဲ့သည့် စက်တင်ဘာလကတည်းက အနားယူနေရသူဖြစ်ပြီး စနေနေ့က ဆောက်သက်တမ်အသင်းအား ၂ ဂိုး ဂိုးမရှိဖြင့် အနိုင်ရခဲ့သောပွဲတွင် ဒုတိယပိုင်း၌ လူစားဝင်ကစားခဲ့သည်။
– မန်ယူအသင်းအား ၂ ဂိုး စီသရေကျခဲ့သည့်ပွဲတွင် ပြသခဲ့သည့် အသင်း၏ခြေစွမ်းအား ကာဒစ်ဖ်အသင်း၏ နည်းပြဖြစ်သူ မာလ်ကီ မက်ကေးက ချီးကျူးပြောဆိုလိုက်သည်။ ထိုပွဲတွင် ကာဒစ်ဖ်အသင်းမှာ မန်ယူမှ ရူနီနှင့် အီဗရာတို့၏ ဂိုးဖြင့် နှစ်ကြိမ်တိုင်တိုင် ဦးဆောင်ခြင်းကိုခံခဲ့ရသော်လည်း ဖရေးဇာကမ်းဘဲလ်နှင့် ကင်မ်ဘိုကျုံတို့က အသင်းအတွက် အဖိုးတန်ချေပဂိုးများကို သွင်းယူပေးခဲ့သောကြောင့် တစ်ရေတစ်မှတ်ရရှိခဲ့ပြီး တန်းဆင်းဇုန် အထက်တွင် ၃ မှတ်အကွာဖြင့် ရှိနေသည်။
– ရီးယဲလ်မက်ဒရစ်၏ ပေါ်တူဂီတိုက်စစ်မှူး ခရစ္စတီယာနိုရော်နယ်ဒိုမှာ ကမ္ဘာ့ဘောလုံးသမိုင်းတွင် အလှည့်အပြောင်းတစ်ခုလာမည်ဟုရီးယဲလ်မက်ဒရစ်အားကစား ဒါရိုက်တာဖြစ်သူ မီးဂွဲ ပါဒါဇာက အဲလ်မာရီယာအား စနေနေ့က ၅ ဂိုး ဂိုးမရှိဖြင့် အနိုင်ရရှိခဲ့သောပွဲအပြီးတွင် ပြောကြားခဲ့သည်။
– အသင်းရှိ ဂိုးသမား ဗစ်တာဗားလ်ဒက်စ်၏ နေရာအားအစားထိုးရန် မလွယ်ကူဟု ဘာစီလိုနာအသင်း၏ အရန်ဂိုးသမားဖြစ်သူ ဟိုဆေးပင်တိုက ဂရန်ဒါနှင့်ပွဲအပြီးတွင်ပြောကြားခဲ့သည်။ ထို့ပြင် အသက် ၃၈ နှစ်အရွယ်ရှိပြီဖြစ်သည့် ပင်တိုက ကစားသမားဘ၀မှ အနားယူရန် အဆင်သင့်မဖြစ်သေးဟု ထည့်သွင်းပြောကြားခဲ့သည်။ ဗားလ်ဒက်စ်မှာ ဒဏ်ရာကြောင့် အနားယူးနေရကာ ဘာစီလိုနာက ၄ ဂိုး ဂိုးမရှိဖြင့်အနိုင်ရခဲ့သော ဂရန်ဒါနှင့်ပွဲတွင် ပင်တိုမှာ ပွဲထွက်ကစားသမားအဖြစ် ပါဝင်ခွင့်ရခဲ့သည်။
– လာမည့်ကမ္ဘာ့ဖလားပြိုင်ပွဲတွင် ကွင်းလယ်လူ ဆာမိခီဒီရာက မပါဝင်နိုင်ပါက ဂျာမနီအသင်းအတွက် ခါးသီးသော ဆုံးရှုံးမှုတစ်ခုဖြစ်လိမ့်မည်ဟု ဂျာမနီ၏ ဂန္တ၀င်ကစားသမားဖြစ်သူ ဂန်တာနတ်ဇာက ပြောဆိုလိုက်သည်။ ခီဒီရာမှာ မကြာမီက ကစားခဲ့သည့် အီတလီအသင်းနှင့် ခြေစမ်းပွဲတွင် ညာဘက်ဒူးခေါင်း အရွတ် စုတ်ပြဲဒဏ်ရာရရှိခဲ့ပြီး ကာလည်ကြာရှည်စွာ အနားယူရမည်ဖြစ်ကာ လာမည့်နှစ် ကမ္ဘာ့ဖလားပြိုင်ပွဲကိုလည်း လွဲချော်ဖွယ်ရှိနေသည်။
– ရီးယဲလ်မက်ဒရစ်သို့ပြောင်းရွှေ့ခြင်းမပြုမီ ရီးယဲလ်ကစားသမား ဟောင်းများဖြစ်ကြသည့် ဒေးဗစ်ဘက်ခမ်း၊ မိုက်ကယ်အိုဝင်၊ မက်မာနာမန်နှင့် ဂျိုနသန် ၀ုဒ်ဂိတ်တို့ထံမှ အကြံဥာဏ်များရယူခဲ့သည်ဟု ရီးယဲလ်အသင်း၏ ဝေးလ်တိုက်စစ်မှူး ဂါရက်ဘေးလ်က ဖွင့်ဟခဲ့သည်။ ဘေးလ်မှာ စပါးအသင်းမှ ရီးယဲလ်သို့ စံချိန်တင်ပြောင်းရွှေ့ကြေး ယူရိုသန်း ၁၀၀ ဖြင့် ပြီးခဲ့သည့်နွေရာသီက ပြောင်းရွှေ့သွားခဲ့ခြင်းဖြစ်သည်။
– အသင်း၏ ၏ရည်ရွယ်ချက်ဖြစ်သည့် ချန်ပီယံလိဂ်ဝင်ခွင့်ရရှိရန်အတွက် အသင်းမှာ လာမည့်ဇန်န၀ါရီလတွင် လူအင်အားဖြည့်တင်းရန် လိုအပ်သည်ဟု အင်တာမီလန်အသင်း၏ ဘရာဇီးကစားသမား ဂျိုနသန်က ပြောကြားလိုက်သည်။ ထို့ပြင် ဘိုလော့ဂ်နာအသင်းအား ၁ ဂိုး စီသရေကျခဲ့သည့်ပွဲတွင် အသင်းအတွက်တစ်လုံးတည်းသောဂိုးအား သွင်းယူပေးခဲ့သည့် ဂျိုနသန်က အသင်းနည်းပြ မာတာရာဇီကိုလည်း ချီးကျူးပြောဆိုခဲ့သည်။
– တိုက်စစ်မှူး မာရီယိုဂိုးမက်ဇ်မရှိသည့်ဒဏ်ကို အူဒီးနီးစ်နှင့်ပွဲတွင် ခံစားခဲ့ရသည်ဟု ဖီအိုရင်တီးနားအသင်း၏ နည်းပြဖြစ်သူ ဗင်စန်ဇို မွန်တဲလားက ပြောကြားလိုက်သည်။ ယမန်နေ့က ကစားခဲ့သည့် အဆိုပါပွဲတွင် ဖီအိုရင်တီးနားအသင်းမှာ ဘောလုံးပိုင်ဆိုင်မှု အသာရရှိခဲ့သော်လည်း ဂိုးအဖြစ်ပြောင်းလဲပေးမည့် တိုက်စစ်မှူးမရှိခဲ့သောကြောင့် အူဒီးနီးစ်အသင်းအား ၁ ဂိုး ဂိုးမရှိဖြင့် အရှုံးပေးခဲ့ရခြင်းဖြစ်သည်။ ထိုပွဲအရှုံးမှာ ဖီအိုရင်တီးနားအသင်းအတွက် စီးရီးအေ ဒုတိယမြောက်ရှုံးပွဲလည်းဖြစ်သည်။
– နာပိုလီပရိတ်သတ်များအနေဖြင့် မနက်ဖြန်တွင်ကစားမည့် ဒေါ့မွန်အသင်းနှင့် ချန်ပီယံလိဂ်ပွဲစဉ်တွင် အသင်း၏တိုးတက်မှုများကို မြင်တွေ့ရမည်ဟု နာပိုလီအသင်း၏ ဆွစ်ဇလန်အလယ်တန်းလူ ဂေါ့ဟန်အင်လာက ပြောကြားလိုက်သည်။ နာပိုလီအသင်းမှာ စီးရီးအေတွင် ပါးမားအသင်းအား ၁ ဂိုး ဂိုးမရှိဖြင့် ရှုံးနိမ့်ခဲ့ပြီး၊ ထိုရှုံးနိမ့်မှုမှာ တစ်နှစ်နီးပါးအတွင်း ပထမဆုံး စီးရီးအေ ရှုံးပွဲလည်းဖြစ်သည်။ ထို့ကြောင့် အသင်းအနေဖြင့် ပြောင်းလဲမှုများကို ပြုလုပ်ရန်လိုအပ်နေပြီး ဒေါ့မွန်အသင်းအား အဝေးကွင်းတွင် အနိုင်ကစားနိုင်မည်ဟု အင်လာက ယုံကြည်နေသည်။
