နိုဝင်ဘာ- ၂၀ ၂၀၁၃
M-Media
မိမိမပါဝင်သည့် ကမ္ဘာ့ဖလားပြိုင်ပွဲမှာ အသက်မ၀င်ဟု အီဗရာဟီမိုဗစ်ဆို
ပေါ်တူဂီအားအိမ်ကွင်းတွင် ရှုံးနိမ့်ခဲ့ပြီးနောက် ကမ္ဘာ့ဖလား ၀င်ရောက်ခွင့် အိပ်မက် ပျက်ပြယ်ခဲ့ရသည့် ဆွီဒင်အသင်း၏ တိုက်စစ်မှူး အီဗရာဟီမိုဗစ်က ၎င်း မပါဝင်သော ကမ္ဘာ့ဖလားပြိုင်ပွဲမှာ တန်ဖိုးမရှိတော့ဟု ပြောဆိုလိုက်သည်။
ယနေ့နံနက်က ကစားခဲ့သည့် အဆိုပါပွဲတွင် အီဗရာဟီမိုဗစ်မှာ အသင်းအတွက် ၂ ဂိုးသွင်းယူပေးခဲ့သော်လည်း ရော်နယ်ဒို၏ ဟက်ထရစ်ဂိုးကြောင့် ဆွီဒင်အသင်းမှာ အိမ်ကွင်းတွင် အရှုံးပေးခဲ့ရသည်။
အသက် ၃၂ နှစ်အရွယ်ရှိပြီဖြစ်သည့် မိုဗစ်က ကမ္ဘာ့ဖလားပြိုင်ပွဲတွင် ပါဝင်ကစားခွင့်ရရန် ယခုအကြိမ်မှာ ၎င်း၏နောက်ဆုံးအကြိမ်ကြိုးပမ်းမှုဖြစ်ခဲ့ပြီး၊ လာမည့် ဇွန်လတွင်ကျင်းပမည့် ကမ္ဘာ့ဖလားပြိုင်ပွဲမှာ ၎င်းမပါဝင်သောကြောင့် ကြည့်ရှုရန် ထိုက်တန်ခြင်းမရှိဟု ဖွင့်ဟခဲ့သည်။
“နိုင်ငံအသင်းနဲ့ ကမ္ဘာ့ဖလားပွဲကို ၀င်ရောက်စားနိုင်ဖို့ အခုအချိန်ဟာ ကျွန်တော့်ရဲ့ နောက်ဆုံးအချိန်လည်း ဖြစ်ကောင်းဖြစ်နိုင်ပါတယ်။ သေချာ တစ်ခုကတော့ ကျွန်တော်မပါတဲ့ ကမ္ဘာ့ဖလားပွဲဟာ စောင့်ကြည်ဖို့ မထိုက်တန်ပါဘူး” ဟု သူ၏ Application တစ်ခုဖြစ်သည့် Zlatan unplugged သို့ ပြောကြားခဲ့သည်။
ထို့ပြင် ခြေစစ်ပွဲအောင်မြင်သွားခဲ့သည့် ပေါ်တူဂီအသင်းကိုလည်း ချီးကျူးခဲ့ပြီး၊ ဘရာဇီးကမ္ဘာ့ဖလားပွဲမှာ ဆွီဒင်အသင်းအတွက် အိပ်မက်အဖြစ်သာ ရှိနေတော့မည်ဟု ထည့်သွင်းပြောကြားခဲ့သည်။
………………………………..
နည်းပြ ဒက်ချမ့် ပြင်သစ်အသင်းနှင့် သက်တမ်းတိုး
ပြင်သစ်အသင်းအား ၂၀၁၄ ခုနှစ် ကမ္ဘာ့ဖလားပြိုင်ပွဲသို့ ၀င်ရောက်ယှဉ်ပြိုင်ခွင့်ရရန် စွမ်းဆောင်ပေးနိုင်ခဲ့သည့် နည်းပြ ဒက်ချမ့်မှာ အသင်းတွင် ၂၀၁၆ ခုနှစ်အထိရှိနေမည့် သက်တမ်းတိုး စာချုပ်ကို ချုပ်ဆိုခဲ့သည်ဟု သိရသည်။
ထိုစာချုပ်သစ်မှာ ယနေ့နံနက်က ယူကရိန်းအသင်းအား ၃ ဂိုး ဂိုးမရှိဖြင့် အနိုင်ရရှိသော ပွဲအပြီးတွင် ချုပ်ဆိုခဲ့ခြင်းဖြစ်သည်။ ပြင်သစ်အသင်းမှာ ယခုပွဲအနိုင်ကြောင့် နှစ်ကျော့ပေါင်း ရလဒ် ၃ ဂိုး ၂ ဂိုးဖြင့်အနိုင်ရရှိခဲ့ကာ ဘရားဇီးသို့ သွားရောက်ခွင့် လက်မှတ် ရရှိသွားခဲ့သည်။
ဒက်ချမ့်က ထိုပွဲတွင်ကစားခဲ့သည့် ကစားမားများ၏စိတ်ဓာတ်ကို ချီးကျူးလိုက်ပြီး၊ ပြင်သစ်အသင်းမှာ ကြီးကျယ်သောအရာများအား လုပ်ဆောင်နိုင်သည်ဟု ပြောကြားခဲ့သည်။
“ဒါဟာ ဘောလုံးလောကရဲ့ ပဉ္စလက်တစ်ခုပါပဲ။ လေးရက် အရင်တုန်းက ကျွန်တော်တို့ဟာ အခြေအနေဆိုးမှာရှိခဲ့တာပါ။ ဒါပေမယ့် ဒီညတော့ ကစားသမားတွေဟာ အံ့သြဖွယ်ပါပဲ” ဟု ပွဲအပြီးတွင် ပြောကြားခဲ့သည်။
ဒက်ချမ့်မှာ ယခုချုပ်ဆိုလိုက်သည့် စာချုပ်အသစ်ကြောင့် ပြင်သစ်အသင်းအား ၂၀၁၆ ဥရောဖလားပြိုင်ပွဲ အထိ ကိုင်တွယ်ခွင့်ရတော့မည်ဖြစ်သည်။
…………………………………….
ကျွန်တော်ဘယ်သူ့ကိုမှ သက်သေပြစရာမရှိပါဘူး (ရော်နယ်ဒို)
နိုင်ငံ၏ ဂိုးအများဆုံးသွင်းခဲ့သည့် ပေါ်လက်တာနှင့် စံချိန်တူသွားခဲ့သည့် ပေါ်တူဂီအသင်း တိုက်စစ်မှူး ရော်နယ်ဒိုက ၎င်းအနေဖြင့် ပေါ်တူဂီအသင်း ခြေစစ်ပွဲအောင်ရန်သာ အာရုံစိုက်ခဲ့ပြီး မည်သူကိုမှ သက်သေပြခြင်းမဟုတ်ဟု ပြောကြားလိုက်သည်။
ပေါ်တူဂီအသင်းမှာ ယနေ့နံနက်တွင် ဆွီဒင်အသင်းအား အဝေးကွင်းတွင် ၃ ဂိုး ၂ ဂိုးဖြင့် အနိုင်ရရှိခဲ့ပြီး အနိုင်ဂိုး ၃ ဂိုးစလုံးအား ရော်နယ်ဒိုက သွင်းယူပေးခဲ့ခြင်းဖြစ်သည်။ ထိုပွဲအနိုင်ကြောင့် ပေါ်တူဂီအသင်းက နှစ်ကျော့ပေါင်း ၄ ဂိုး ၂ ဂိုးဖြင့် အနိုင်ရရှိခဲ့ကာ ကမ္ဘာ့ဖလားပွဲအား ၀င်ရောက်ယှဉ်ပြိုင်ခွင့် ရရှိသွားပြီဖြစ်သည်။
“မှတ်တမ်းဆိုတာဟာ ချိုးဖျက်ဖို့ပါ။ အဓိကထားရမယ့် ကိစ္စတော့မဟုတ်ပါဘူး။ ပေါ်တူဂီက ကျွန်တော့်ကိုလိုအပ်တယ်ဆိုတာ ကျွန်တော်သိပါတယ်။ (ဆွီဒင်က ဂိုးသွင်းလိုက်တဲ့အခါ) ကျွန်တော်တို့ စိတ်နည်းနည်းပျက်ခဲ့ပေမယ့် (နောက်ပိုင်းမှာ) ကျွန်တော်တို့ ပိုကောင်းခဲ့ပြီး၊ ပိုကောင်းအောင် ကစားနိုင်ခဲ့ပါတယ်” ဟု ပွဲအပြီးတွင် ရော်နယ်ဒိုက ပေါ်တူဂီ နေ့စဉ်သတင်းစာတစ်စောင်ဖြစ်သည့် Publico သို့ပြောကြားခဲ့သည်။
ထို့ပြင် ရော်နယ်ဒိုက အီဗရာဟီမိုဗစ်မှာ ဆွီဒင်၏ ကြီးကျယ်သော ကစားသမားတစ်ဦးဖြစ်ပြီး ၎င်းအနေဖြင့် မိုဗစ်နှင့် ယှဉ်ပြိုင်မည် မဟုတ်ကြောင်း၊ ပေါ်တူဂီအသင်း အတွက်သာ ကစားပေးခြင်းဖြစ်ကြောင်း ထည့်သွင်းပြောကြားခဲ့သည်။
