နိုဝင်ဘာ- ၁၆ ၂၀၁၃
M-Media
ပြင်သစ်မှာ ခြေစစ်ပွဲအောင်နိုင်သည်ဟု ဘန်ဇီမာဆို
ပလေးအော့ပွဲစဉ် ပထမအကျော့တွင် ယူကရိန်းအသင်းအား ရှုံးနိမ့်ခဲ့ပြီးနောက် ခြေစစ်ပွဲအောင်ရန် မလွယ်ကူတော့သော်လည်း အသင်းမှာ ခြေစစ်ပွဲအား အောင်မြင်နိုင်သည်ဟု ပြင်သစ်အသင်း တိုက်စစ်မှူး ဘန်ဇီမာက ပြောကြားလိုက်သည်။
ယူကရိန်းမြေတွင် ယနေ့နံနက်က ကစားခဲ့သည့် အဆိုပါပွဲတွင် ပြင်သစ်အသင်းမှာ ကစားပုံကောင်းခဲ့သော်လည်း ဒုတိယပိုင်းသွင်းဂိုးများဖြင့် အိမ်ရှင်အား အရှုံးပေးခဲ့ ရခြင်းဖြစ်သည်။
သို့သော်လည်း ဘန်ဇီမာက ခြေစစ်ပွဲအောင်မြင်ရေး မျှော်လင့်ချက်အား စွန့်လွှတ်ရန် ငြင်းပယ်ခဲ့သည်။
“ပြင်သစ်မှာကစားရမယ့် ဒုတိယအကျော့ ကျန်ပါသေးတယ်။ လွယ်မှာမဟုတ်ဘူး ဆိုတာ ကျွန်တော်တို့သိပါတယ်။ ဒါပေမယ့် (မျှော်လင့်ချက်ကို) ကျွန်တော်တို့ စွန့်လွှတ်မှာ မဟုတ်ပါဘူး။ သူတိုနဲ့ယှဉ်ပြိုင်ဖို့ ကျွန်တော်တို့ အဆင်သင့် ဖြစ်နေပါပြီ” ဟု ဘန်ဇီမာက သတင်းထောက်များအား ပြောကြားခဲ့သည်။
ပလေးအော့ဖ်ပွဲစဉ် ဒုတိယအကျော့အား လာမည့် အင်္ဂါနေ့တွင် ပြင်သစ်၌ ကစားမည်ဖြစ်သည်။
……………………………………..
အာဆင်နယ်ဂိုးသမား ဆက်ဇက်နီ အသင်းနှင့် စာချုပ် သက်တမ်းတိုး
၂၀၁၅ ခုနှစ်တွင် စာချုပ်သက်တမ်းပြည့်တော့မည့် အာဆင်နယ်အသင်း၏ ဂိုးသမား ဆက်ဇက်နီမှာ အသင်းနှင့် စာချုပ်သက်တမ်းတိုးရန် သဘောတူခဲ့သည် ဟု သိရသည်။
ယမန်နှစ်ရာသီက အသင်းတွင် နေရာပျောက်ဆုံးခဲ့သည့်သော်လည်း အာဆင်နယ်အသင်း ဘောလုံးအကယ်ဒမီမှ အသင်းကြီးသို့ ၂၀၀၆ ခုနှစ်တွင် ခေါ်ယူခြင်းခံခဲ့ရသည် ဆက်ဇက်နီမှာ အမှတ်ပေးဇယားထိပ်ဆုံးတွင် ဦးဆောင်နေနိုင်သည့် ယခုနှစ် အာဆင်နယ်အသင်း၏ ပင်တိုင် ပွဲထွက်ဂိုးသမားတစ်ဦးလာခဲ့သည်။
ဆက်ဇက်နီ အသင်းနှင့် စာချုပ်သက်တမ်းတိုးခဲ့ခြင်းကြောင့် အသင်းနည်းပြ အာဆင်ဝင်းဂါးမှာ ပျော်ရွှင်နေပြီး၊ အသင်း၏ အနာဂတ်တွင် အရေးပါသော ကစားသမားတစ်ဦးဖြစ်လာမည်ဟု ယုံကြည်နေသည်။
“ဆက်ဇက်နီက အသင်းနဲ့ စာချုပ်သက်တမ်းတိုးခဲ့တဲ့အတွက် ကျွန်တော်တို့ ပီတိ ဖြစ်မိပါတယ်။ သူဟာ တော်တော်ကို ပါရမီရှိတဲ့ ကစားသမားတစ်ယောက်လို့ ကျွန်တော် အမြဲတမ်း ယုံကြည်ခဲ့တာပါ။ ကောင်းမွန်တဲ့ အလိုအလျောက် တုံ့ပြန်မှုတွေရှိပြီး၊ သူရဲ့စိတ်ဓာတ်ကလည်း ခိုင်မာပါတယ်” ဟု အာဆင်နယ်အသင်း၏ ၀ဘ်ဆိုဒ်သို့ အာဆင်ဝင်းဂါးက ပြောကြားခဲ့သည်။
ထို့ပြင် ဆက်ဇက်နီ၏ အရည်အသွေးများမှာ ဆက်လက်တိုးတက်လာမည်ဖြစ်ပြီး အာဆင်နယ်အသင်းတွင် အရေးပါသော ကစားသမာတစ်ဦးဖြစ်လာနိုင်သည်ဟုလည်း ၀င်းဂါးက ထပ်လောင်းပြောကြားခဲ့သည်။
………………………………
ဘာစီလိုနာထက် ဘယ်အသင်းကမှ ပိုမကောင်းပါဘူး (ဇာဗီ)
ဘာစီလိုနာအသင်း၏ ကွင်းလယ်လူဇာဗီက အသင်း၏ လက်ရှိ ပုံစံအား ချီးကျူးလိုက်ပြီး ယခုအချိန်တွင် ဘာစီလိုနာအသင်းထက် မည်သည့်အသင်းကမျှ ပိုကောင်းခြင်းမရှိဟု ပြောကြားလိုက်သည်။
နည်းပြမာတီနို၏ ဘာစီလိုနာအသင်းမှာ ယခုအခါ လာလီဂါ ၁၃ ပွဲကစားထားပြီး ၃၇ မှတ်ဖြင့် ဇယားထိပ်ဆုံးတွင်ရှိနေသည်။ သို့သော်လည်း ဘာစီလိုနာအသင်းမှာ အကောင်းဆုံးပုံစံသို့ မရောက်သေးဟု ဇာဗီက ဖွင့်ဟခဲ့သည်။
“ကျွန်တော်တို့အသင်း အကောင်းဆုံးပုံစံကို မရောက်သေးတာ ဖြစ်ကောင်း ဖြစ်နိုင်ပါတယ်။ ဒါပေမယ့် ကျွန်တော်တို့ဟာ တော်တော်ဟုတ်နေပါပြီ။ ကျွန်တော်တို့ဟာ ဒီထက်ပိုကောင်းတဲ့ အခြေအနေမျိုးကို ရောက်နိုင်ပါတယ်။ အမြင့်ဆုံးအဆင့်ကို ရောက်အောင် လုပ်ဖို့လိုပေမယ့် ဘာကာထက် ဘယ်အသင်းပိုကောင်းလဲလို့မေးရင်၊ ဘယ်အသင်းမှမရှိပါဘူး” ဟု Mundo Deportivo သတင်းစာသို့ ဇာဗီက ပြောကြားခဲ့သည်။
ထို့ပြင် ဒဏ်ရာရနေသည့် အသင်းဖော်မက်ဆီမှာ အကောင်းဆုံးအနေအထားဖြင့် ပြန်လာမည်ဖြစ်ကြောင်း ဇာဗီက ထည့်သွင်းပြောကြားခဲ့သည်။
…………………………………..
အင်္ဂလန်မှာ တိုးတက်အောင်လုပ်ရမည်ဟု လမ်းပတ်ဆို
အသင်း၏ ကစားပုံ ဆိုးရွာသည်ဟု ပြောဆိုမှုများအား အင်္ဂလန် ကွင်းလယ်လူ လမ်းပတ်က ငြင်းပယ်ခဲ့သော်လည်း၊ အသင်းမှာ ဘရာဇီးသို့မရောက်မီ လုပ်ဆောင်စရာ အများကြီးရှိနေသည်ဟု ပြောကြားလိုက်သည်။
ယနေ့နံနက် ၀င်ဘလေတွင်ကစားခဲ့သည့် ခြေစမ်းပွဲတွင် ချီလီအသင်းအား ၂ ဂိုး ဂိုးမရှိဖြင့် ရှုံးနိမ့်ခဲ့ပြီးနောက် အသင်း၏ တိုးတက်မှုအတွက် လုပ်ဆောင်ရမည့် ကိစ္စများ များစွာရှိသည်ဟု လမ်းပတ်က ၀န်ခံခဲ့သည်။
“ကျွန်တော်တို့ရဲ့အလုပ်ကို ကျွန်တော်တို့ သတိပြုရပါမယ်။ ကျွန်တော်တို့ မိုးထဲရေထဲမှာ ရောက်နေတာမဟုတ်သလို၊ ကျွန်တော်တို့ကစားပုံလဲ မဆိုးရွားပါဘူး။ လာမယ့် အင်္ဂါနေ့မှာ ကမ္ဘာ့ထိပ်ဆုံးအဆင့် အသင်းတစ်သင်း(ဂျာမနီ) နဲ့ ကျွန်တော်တို့ ကစားဖို့ရှိနေပါတယ်။ ကျွန်တော်တို့ တိုးတက်ဖို့လိုပါတယ်” ဟု အင်္ဂလန်ဘောလုံးအဖွဲ့ချုပ် FA ၏ ၀ဘ်ဆိုဒ်သို့ လမ်းပတ်ကပြောကြားခဲ့သည်။
ထို့နောက် ချီလီအသင်းအား ချီးကျူးခဲ့ပြီး၊ ကစားပုံခြားနားသည့် အသင်းနှင့် ခြေစမ်းရသည့်အတွက် ၀မ်းမြောက်မိကြောင်း လမ်းပတ်က ထပ်လောင်း ပြောကြားခဲ့သည်။
———————————-
ယူကရိန်း၊ ဂရိနှင့် ပေါ်တူဂီတို့အနိုင်ရရှိခဲ့ကြသည့် ကမ္ဘာ့ဖလား ခြေစစ်ပွဲ Play-off ပွဲစဉ်များ
ကမ္ဘာ့ဖလားခြေစစ်ပွဲ ဥရောပဇုန် Play-off ပွဲစဉ်များကို ယနေ့နံနက်က ယှဉ်ပြိုင်ကစားခဲ့ရာ ယူကရိန်း၊ ပေါ်တူဂီ၊ ဂရိတို့ အသီးသီးအနိုင် ရရှိခဲ့ကြသည်။
ပေါ်တူဂီ ၁-၀ ဆွီဒင်
လစ္စဘွန်းတွင် ကစားခဲ့သည့် ယခုပွဲမှာ အကြိတ်အနယ်ရှိခဲ့ပြီး ရော်နယ်ဒို၏ နောက်ကျဂိုးကြောင့်သာ အိမ်ရှင်တို့ အသက်ရှူချောင်ခဲ့ရခြင်းဖြစ်သည်။
ယခုပွဲမှာ ကမ္ဘာ့အကောင်းဆုံးဘောလုံးသမားဆု ဇကာတင်စာရင်းတွင်ပါဝင်ကြသည့် ရော်နယ်ဒိုနှင့် အီဗရာဟီမိုဗစ်တို့၏ ထိပ်တိုက်တွေ့ဆုံမှုကြောင့် စိတ်ဝင်စားဖွယ်ဖြစ်ခဲ့သည်။
ပထပိုင်းတွင် ပေါ်တူဂီတို့က ဘောလုံးပိုင်ဆိုင်မှုအသာရခဲ့သော်လည်း ဆွီဒင်က အကောင်းဆုံး ဂိုးသွင်းခွင့်များရခဲ့သည်။ သို့သော် ဂိုးအဖြစ်ပြောင်းလဲနိုင်ခဲ့ခြင်းမရှိပေ။
ဒုတိယပိုင်းတွင် အိမ်ရှင်တို့က အခွင့်အရေးများရရှိအောင် ဖိကစားနိုင်ခဲ့ပြီး ပွဲပြီးကာနီး ၈၂ မိနစ်တွင် ပေါ်တူဂီအသင်း၏ တစ်လုံးတည်းသော အနိုင်ဂိုးကို ရရှိခဲ့သည်။ ထိုဂိုးအား မီဂွဲ ဗီလိုဆို၏ ဖြတ်တင်ဘောမှတစ်ဆင့် ရီးယဲလ်တိုက်စစ်မှူး ရော်နယ်ဒိုက ၀မ်းလျားထိုး ခေါင်းတိုက်သွင်းယူပေးခဲ့ခြင်းဖြစ်သည်။
……………………………………..
ယူကရိန်း ၂-၀ ပြင်သစ်
အုပ်စုအဆင့်တွင် ရုန်းကန်ခဲ့ရသော ပြင်သစ်မှာ ယခုပွဲတွင်လည်း အိမ်ရှင်ယူကရိန်းတို့အား အရှုံးပေးခဲ့ရသောကြောင့် ကမ္ဘာ့ဖလားခြေစစ်ပွဲအောင်ရေး မျှော်လင့်ချက်မှာ အနည်းငယ် မှေးမှိန်လာပြီဖြစ်သည်။
ပထမပိုင်း၏ အစောပိုင်းမိနစ်များတွင် နှစ်သင်းစလုံးအခွင့်အရေးများ ရရှိခဲ့သော်လည်း ဂိုးအဖြစ်မပြောင်းလဲနိုင်ခဲ့ပေ။ ဒုတိယပိုင်းတွင် ပြင်သစ်တို့က ပွဲအားပိုမိုစိုးမိုးထားနိုင်ခဲ့ပြီး အိမ်ရှင် ယူကရိန်းတို့က တန်ပြန်တိုက်စစ်မှနေ၍ ပြင်သစ်အသင်းအား ခြိမ်းခြောက်နိုင်ခဲ့သည်။
၆၁ မိနစ်တွင် ယူကရိန်းတို့ ဦးဆောင်ဂိုးရရှိခဲ့ပြီး ဇိုဇူလ်ယာက သွင်းယူပေးခဲ့သည်။ ဦးဆောင်ဂိုးပေးလိုက်ရပြီးနောက် ပြင်သစ်အသင်းက ချေပဂိုးရရှိရန် အပြင်းအထန် ကြိုးစားခဲ့သော်လည်း ၈၃ မိနစ်တွင် အိမ်ရှင်တို့က ဒုတိယအနိုင်ဂိုး ထပ်မံသွင်းယူသွားခဲ့သည်။
အာဆင်နယ်နောက်ခံလူ ကွန်စီယန်နီ၏ ဧရိယာအတွင်း ဖျက်ထုတ်ပုံကြမ်းတမ်း မှုကြောင့် ယူကရိန်းတို့ ပင်နယ်တီရရှိခဲ့ပြီး ယာမိုလန်ကိုက အမှားအယွင်းမရှိ ကန်သွင်းနိုင်ခဲ့သည်။
ယခုပွဲရှုံးနိမ့်မှုကြောင့် ပြင်သစ်အသင်းမှာ ကမ္ဘာ့ဖလားခြေစစ်ပွဲအောင်ရေး မျှော်လင့်ချက်မှာ မှေးမှိန်လာခဲ့ပြီး လာမည့်သီတင်းပတ်တွင် ပြင်သစ်၌ ကစားမည့်ပွဲ၌ အနည်းဆုံး ၃ ဂိုးပြတ်ဖြင့် အနိုင်ရအောင် ကစားရတော့မည်ဖြစ်သည်။
…………………………………
ဂရိ ၃-၁ ရိုမေးနီးယား
ဂရိတွင်ကစားခဲ့သည့် ယခုပွဲတွင် အိမ်ရှင်အသင်းမှာ အိုလံပီယာကော့စ် တိုက်စစ်မှူး၏ သွင်းဂိုးများဖြင့် အရေးပါသောနိုင်ပွဲကို ရယူခဲ့သည်။
နှစ်သင်းစလုံးမှာ အုပ်စုနောက်ဆုံးပွဲစဉ်တွင် ကစားခဲ့သည့် လူစာရင်းအား သုံးနေရာအပြောင်းအလဲလုပ်ခဲ့သည်။ ဦးဆောင်ဂိုးကို အိမ်ရှင်တို့က စတင်ရရှိခဲ့ပြီး ၁၄ မိနစ်တွင် တိုက်စစ်မှူး မီထရိုလူက ဧရိယာအတွင်းမှ ဘော်လီကန်ချက်ဖြင့် သွင်းယူခဲ့ခြင်းဖြစ်သည်။
သို့သော် ဂရိတို့၏ဦးဆောင်မှုမှာ ၅ မိနစ်သာ ကြာခဲ့ပြီး ၁၉ မိနစ်တွင် ဘော့ဂ်ဒန် စတန်ကျူက ရိုမေးနီးယားအတွက် ချေပဂိုးကို သွင်းယူပေးခဲ့ပြီး၊ တစ်မိနစ်အကြာတွင် ဂရိတို့ ဒုတိယဦးဆောင်ဂိုးထပ်ရခဲ့သည်။ ထိုဂိုအား ဆာလ်ပင်ဂီဒစ်က သွင်းယူပေးခဲ့သည်။ အိမ်ရှင်တို့အတွက် အနိုင်သေချာစေမည့် ဂိုးကို ဒုတိယပိုင်း ၆၆ မိနစ်တွင် အိုလံပီယာကော့စ် တိုက်စစ်မှူး မီထရိုလူကပင် သွင်းယူပေးခဲ့ခြင်းဖြစ်သည်။
ဒုတိယပိုင်းနာကျင်အချိန်ပိုတွင် ရိုးမေးနီးယား အသင်းကစားသားမား လာဇာမှာ နှစ်ဝါတစ်နီဖြင့် အထုတ်ခံခဲ့ရသည်။
………………………………..
အိုက်စလန် ၀-၀ ခရိုအေးရှား
အခြားပွဲစဉ်တစ်ခုဖြစ်သည့် အိုက်စလန်နှင့် ခရိုအေးရှားတို့၏ ပွဲစဉ်တွင် အိမ်ရှင်တို့မှာ အခွင့်အရေးများရရှိခဲ့သော်လည်း အသုံးမချနိုင်ခဲ့သောကြောင့် သရေဖြင့်ပင် ပွဲပြီးဆုံးခဲ့သည်။
Photo-Armando Franca / Associated Press
