နိုဝင်ဘာ- ၁၇ ၂၀၁၃
M-Media
ဘာလော့တယ်လီမှာ မမျှမတ ဆက်ဆံခံရခြင်းမရှိဟု ဘူဖွန်ဆို
ဒိုင်လူကြီးများအနေဖြင့် ဘာလော့တယ်လီအား မမျှမတ ဆက်ဆံသည်ဆိုသည့် ထင်မြင်ယူဆချက်အား အီတလီဝါရင့် ဂိုးသမား ဘူဖွန်က ယုံကြည် လက်ခံခြင်းမရှိဘဲ၊ အသင်းဖော်တိုက်စစ်မှူးမှာ ဒိုင်လူကြီး ဆုံးဖြတ်ချက်များ၏ သားကောင်မဟုတ်ဟု ပြောကြားလိုက်သည်။
ပြီးခဲ့သည့် သောကြာနေ့က ကစားခဲ့သော ဂျာမနီအသင်းနှင့် ၁ ဂိုးစီ သရေကျသည့်ပွဲတွင် မိမိအား ဒိုင်လူကြီးများက ကာကွယ်မှုမပေးခဲ့ဟု ဘာလော့တယ်လီက ခံစားနေရသော်လည်း၊ ဒိုင်လူကြီးများ၏ ပွဲအား ထိန်းသိမ်မှုကို ကြမ်းတမ်းသော ဆက်ဆံမှုအဖြစ် မမှတ်ယူရဟု ဘူဖွန်က ရှင်းလင်းခဲ့သည်။
“မာရီယို(ဘာလော့တယ်လီ)နဲ့ ပက်သက်ပြီး မမျှတတာမျိုးတွေ ကျွန်တော် မတွေ့ပါဘူး။ ပွဲကို ရှေ့ဆက်မရဖြစ်မှာကို တားဆီတဲ့အနေနဲ့ ပြုလုပ်တဲ့ ဒိုင်လူကြီးတွေရဲ့နည်းလမ်းမပါ။ ၀ီစီနည်းနည်းပဲသုံးပြီး ပွဲကိုမြိုင်စေဖို့ ဒိုင်လူကြီးတွေက ကိုင်တွယ်ကြတာပါ။ ကျွန်တော် ဒါကို သဘောတူပါတယ်” ဟု အားကစားစာစောင်တစ်ခုဖြစ်သည့် Gazzetta dello Sport သို့ ဘူဖွန်က ပြောကြားခဲ့သည်။
လာမည့် ဒီဇင်ဘာတွင် မဲခွဲမည့် ကမ္ဘာ့ဖလားပွဲစဉ်များတွင် အီတလီအသင်းမှာ နိုင်ခြေ ထိပ်ဆုံးအဆင့်ရှိသည့် အသင်းများတွင်မပါဝင်ပေ။ သို့သော်လည်း ဂျမနီနှင့်ပွဲတွင် ပြသခဲ့သည့်ခြေစွမ်းက ကြောက်ရွံ့ရမည့်အသင်းဖြစ်သည်ကို ပြသလိုက်ကြောင်း၊ ကမ္ဘာ့ဖလားပြိုင်ပွဲတွင် မည်သည့်အသင်းကိုမဆို အတလီအသင်းက ကြံ့ကြံ့ခံ ရင်ဆိုင်သွားမည်ဖြစ်ကြောင်း ဘူဖွန်က ထပ်လောင်းပြောကြားခဲ့သည်။
………………………….
မက်ဆီမှာ တစ်ကိုယ်ကောင်းဆန်ရမည်ဟု မာရှေရာနိုဆို
လက်ရှိခံစားနေရသည့် တံကောက်ကြောဒဏ်ရာမှ ပြန်လာသက်သာလာစေရန် မက်ဆီအနေနှင့် တစ်ကိုယ်ကောင်းဆန်ရမည်ဟု ဘာစီလိုနာအသင်းနှင့် အာဂျင်တီးအားအသင်းဖော် မာရှေရာနိုက ပြောကြားလိုက်သည်။
ပြီးခဲ့သည့်သီတင်းပတ်က ဘက်တစ်အသင်းနှင့် ကစားခဲ့သည့်ပွဲတွင် ရရှိခဲ့သည့် တံကောက်ကြောဒဏ်ရာကြောင့် ဘာစီလိုနာအသင်း၏ တိုက်စစ်မှူး မက်ဆီမှာ အနည်းဆုံး သီတင်းပတ်ခြောက်ပတ်မှ ရှစ်ပတ်အထိ အနားယူရမည်ဖြစ်သည်။
အီကွေဒေါအသင်းနှင့် သရေကျခဲ့သော မက်ဆီမပါသည့် အာဂျင်တီးနားအသင်းတွင် အသင်းခေါင်းအဖြစ် တာဝန်ယူခဲ့သည့် မာရှေရာနိုက မက်ဆီ၏ ဒဏ်ရာဆိုးရွားမှုကိုသိရှိပြီး၊ အသင်းဖော်များအနေဖြင့် မက်ဆီ၏ ဒဏ်ရာ ကောင်းမွန်လာရေးအပေါ် အာရုံစိုက်ရန် တိုက်တွန်းခဲ့သည်
“မက်ဆီ မြေပြင်မှာလဲနေပြီး အရန်ခုံကို လှည့်ကြည့်လိုက်ကတည်းက တစ်ခုခု ဆိုးဆိုးရွားရွားဖြစ်နေပြီဆိုတာကို ကျွန်တော်သိလိုက်ပါတယ်။ အခုတော့ သူဟာ ကမ္ဘာပေါ်မှာ တစ်ကိုယ်ကောင်းဆန်ရမယ့် လူဖြစ်နေပါပြီး။ သူ့ကိုယ်သူ ဂရုစိုက်ပြီး ဒဏ်ရာက ပြန်ကောင်းလာဖို့ လိုအပ်နေပါတယ်” ဟု မာရှေရာနိုက ဆိုသည်။
…………………………….
စပါးတွင် ပုံမှန်နေရာ ဆုံးရှုံးရခြင်းကြောင့် ကမ္ဘာ့ဖလားပွဲတွင် မပါဝင်နိုင်မည်ကို ဒီဖိုးကြောက်ရွံ့နေ
ယခုနှစ်ရာသီ စပါးအသင်း၏ ပရီးမီးယားလိဂ်တွင် ပွဲထွက်ကစားသမားအဖြစ် တစ်ပွဲသာ ပါဝင်ကစားခွင့်ရထားသည့် တိုက်စစ်မှူးဒီဖိုးက၊ စပါးအသင်းတွင် ပုံမှန်ကစားခွင့်မရခြင်းက ကမ္ဘာ့ဖလားပြိုင်ပွဲဝင် အင်္ဂလန်အသင်းတွင် ပါဝင်ကစားခွင့်အား ထိခိုက်စေလိမ့်မည်ဟု ပြောကြားသည်။
ပြီးခဲ့သည့် နွေရာသီအပြောင်းအရွှေ့က အသင်းဟောင်း ၀က်စ်ဟမ်းသို့ ပြောင်းရွှေ့ရန် ချိတ်ဆက်ခဲ့ဖူးသည့် ဒီဖိုးမှာ အင်္ဂလန်အသင်း၏ ၂၀၁၀ ကမ္ဘာ့ဖလား လူစာရင်းတွင် ပါဝင်ခဲ့သော်လည်း အသင်းနည်းပြ ရွိုင်ဟတ်ဆန်က လာမည့် ၂၀၁၄ ကမ္ဘာ့ဖလားတွင် ၎င်းအား ချန်ထားခဲ့နိုင်သည်ဟု ၀န်ခံပြောဆိုလိုက်သည်။
“ကမ္ဘာ့ဖလားပြိုင်ပွဲဝင်လူစာရင်းထဲ ပါဝင်ဖို့ဆိုတာ ကံတရားနဲ့ ကလပ်အသင်းမှာ ကစားရတဲ့အပေါ်မှာ အခြေခံပါတယ်။ တိုက်စစ်မှူးတစ်ယောက်အတွက် (ကလပ်အသင်းမှာ) ကစားခွင့်မရဘူးဆိုရင်၊ (ကမ္ဘာ့ဖလားပွဲမှာ ပါဝင်ဖို့) ခက်ပါလိမ့်မယ်” ဟု ဒီဖိုးက ဖွင့်ဟခဲ့သည်။
………………………….
ကာပယ်လို ရုရှားအသင်းနှင့် သက်တမ်းတိုးမည်
အင်္ဂလန်အသင်း၏ နည်းပြဟောင်းဖြစ်သည့် ဖေဘီယို ကာပယ်လိုမှာ ရုရှားအသင်းတွင် ၂၀၁၈ ခုနှစ်အထိရှိမည့် စာချုပ်သစ်တစ်ရပ်အား ချုပ်ဆိုတော့မည်ဟု သိရသည်။
အသက် ၆၇ နှစ်အရွယ်ရှိ ကာပယ်လိုမှာ ရုရှားအသင်းသို့ ပြီးခဲ့သည့် ဇူလိုင်လက ရောက်ရှိလာခဲ့ခြင်းဖြစ်ပြီး၊ ရုရှားတွင်ကျင်းပမည့် ၂၀၁၈ ကမ္ဘာ့ဖလားပြိုင်ပွဲအထိ ဆက်လက်ရှိနေမည်ဖြစ်သည်။
စာချုပ်သစ်အတွက် နောက်ဆုံးသဘောတူညီမှုများ ပြုလုန်ရန် ကာပယ်လိုမှာ မော်စကိုသို့ လာမည့် သီတင်းပတ်တွင် ရောက်ရှိမည်ဟု ရုရှား အားကစားဝန်ကြီး မွတ်ကိုက ပြောကြားခဲ့သည်။
“နည်းပြ (ကာပယ်လို)နဲ့ ရုရှားဘောလုံးအဖွဲ့ချုပ်တို့အကြား စာချုပ်သစ်ချုပ်ဆိုဖို့ အဓိက အချက်တွေ သဘောတူညီခဲ့တယ်လို့ ကျွန်တော် ပြောနိုင်ပါတယ်။ စာချုပ်သစ်ချုပ်ဆိုဖို့ လုပ်ရမှာတွေရှိနေပြီ ကမ္ဘာ့ဖလား ပွဲစဉ်ရေးဆွဲပြီးတဲ့အခါ အရာအားလုံးကို တရားးဝင်ဆောင်ရွက်သွားမှာပါ” ဟု မွတ်ကိုက သတင်းထောက်များအား ပြောကြားခဲ့သည်။
