Blog

နိုဝင်ဘာ- ၁၅ ၂၀၁၃
M-Media

ဆီးရီးယားအား စစ်ရေးအကူအညီပေးနေသည်ဆိုသည့် သတင်းကို မြောက်ကိုရီးယားငြင်းဆို

ဆီးရီးယားနိုင်ငံတွင် ဖြစ်ပွားနေသည့် ပြည်တွင်းစစ်တွင် အတိုက်အခံများအား နှိမ်နှင်းရန် ဆီးရီးယားအစိုးရသို့ စစ်ရေးအရ ထောက်ပံ့မှုများပြုလုပ်နေသည် ဆိုသည့်သတင်းအား မြောက်ကိုရီးယားက ငြင်းဆိုလိုက်သည်။

မီဒီယာများက မြောက်ကိုရီးယားမှာ ဆီးရီးယားသို့ စစ်ဘက်ဆိုင်ရာအကြံပေးများ ရဟတ်ယာဉ် မောင်းသူများ ပေးပို့ခဲ့သည်ဟု သတင်းများအား ဖော်ပြခဲ့ပြီးနောက် မြောက်ကိုရီးယားက ယခုကဲ့သုို့ ငြင်းဆိုလိုက်ခြင်းဖြစ်သည်။

Jerusalem Post သတင်းစာက မြောက်ကိုရီးယား လေယာဉ်မှူး ၁၅ ဦးမှာ ဆီးရီးယားစစ်တပ်အတွင်း တာဝန်ထမ်းဆောင်နေသည်ဟု မကြာသေးခင်က ဖော်ပြခဲ့ပြီး ဆီးရီးယားရှိ လူ့အခွင့်အရေး အကြံပေးအဖွဲ့ကလည်း ထိုသတင်းအား အတည်ပြုခဲ့သည်။

မြောက်ကိုရီးယားမှာ ဆီးရီးယားနှင့် ဆက်ဆံရေးကောင်းများရှိပြီး ယခင်က ပိုလိုနီယမ် ဓာတ်ပေါင်းဖိုတစ်ခုကိုလည်းဆီးရီးယားတွင် တည်ဆောက်ပေးခဲ့ဖူးသည်။ ထို့ပြင် ဆီးရီးယား၏ ဓာတုလက်နက်ထုတ်လုပ်ရေး အစီအစဉ်များတွင်လည်း မြောက်ကိုရီးယားနှင့် ဆက်သွယ်မှုများရှိသည်ဟု သိရသည်။
Ref:aljazeera

………………………………
အစိုးရက အလုပ်အကိုင်များလျှော့ချမှုကြောင့် ဂရိတွင် အစိုးရ၀န်ထမ်းများဆန္ဒပြ

နိုင်ငံတကာမှ ချေးငွေများ ဆက်လက်ရရှိရန်အတွက် လိုအပ်သော အလုပ်နေရာလျော့ချမှုများအား အစိုးရမှ ပြုလုပ်ခဲ့သောကြောင့် ဂရိနိုင်ငံရှိ အစိုးရ ၀န်ထမ်းများက ဆန္ဒပြခဲ့ကြသည်ဟုသိရသည်။

အဆိုပါဆန္ဒပြပွဲအား မြို့တော်အေသင်တွင် ယမန်နေ့က ပြုလုပ်ခဲ့ခြင်းဖြစ်ပြီး ကျောင်းဆရာများ၊ အခွန်ဌာနမှဝန်ထမ်းများနှင့် ဆေးရုံလုပ်သားများ ပါဝင်ခဲ့ကြပြီး၊ ၀န်ကြီးချုပ် အန်တိုနစ် ဆာမာရက်စ်ဦးဆောင်သည့် အစိုးရနှင့် နိုင်ငံအား ငွေကြေးကူညီထောက်ပံ့နေကြသည့် ဥရောပယူနီယံ၊ ဥရောပ ဗဟိုဘဏ်နှင့် နိုင်ငံတကာ ငွေးကြေး ရန်ပုံငွေအဖွဲ့တို့အား ဆန့်ကျင်သည့် ကြွေးကျော်သံများကို ကျွေးကြော်ခဲ့ကြသည်။

ဝန်ကြီးချုပ်ဆာမာရက်ဇ်က နိုင်ငံတကာမှချေးငွေများရရှိရန်အတွက် နိုင်ငံအတွင်းရှိ အလုပ်အကိုင်ပေါင်း ၄၀၀၀ ခန့်ကို လျှော့ချရန်သဘောတူခဲ့ပြီး၊ အစိုးရ၀န်ထမ်း ၂၅၀၀၀ ကိုလည်း ဌာနပြောင်းရွှေ့ရန်နှင့် ယခုနှစ်ကုန်ပိုင်းတွင် အလုပ်မှရပ်နားရန် စီစဉ်ခဲ့သည်။

ဘဏ္ဍာရေးပြဿနာများကို ရင်ဆိုင်နေရသည့် ဂရိနိုင်ငံမှာ ယခုအချိန်အထိ နိုင်ငံတကာမှ အကူအညီကို နှစ်ကြိမ်တိုင်တိုင် ယူခဲ့ရပြီး စုစုပေါင်း ယူရို ဘီလီယံ ၂၄၀ ရှိသည်။ ထို့ပြင် ထပ်မံ၍ ယူရို ၁ ဘီလီယံအကူအညီရနိုင်ရန်အတွက် နိုင်ငံအတွင်း အလုပ်အကိုင်လျှော့ချရေးစီမံချက်များကိုလည်း လုပ်ဆောင်လျက်ရှိသည်။

Ref:presstv

…………………………………..
နယူးအော်လင်းတွင် သားအဖနှစ်ဦးသေနစ်ဖြင့် ပစ်သတ်ခံရ

အမေရိကန်ပြည်ထောင်စု နယူးအော်လင်းပြည်နယ်တွင် ဗုဒ္ဓဟူးနေ့ညကဖြစ်ပွားခဲ့သည့် သေနတ်ပစ်ခတ်မှုတစ်ခုအတွင်း သားအဖနှစ်သေဆုံးခဲ့သည်ဟု သိရသည်။

ထိုသားအဖနှစ်ဦးမှာ Crescent မြို့သို့သွားရောက်စဉ် ည ၉ နာရီဝန်းကျင်အချိန်၌ လူတစ်ဦးမှ သေနတ်ဖြင့်ပစ်ခတ်ခဲ့ခြင်းဖြစ်သည်။ အသက် ၂၅ နှစ်အရွယ်ရှိ ဖခင်ဖြစ်သူမှာ အခင်းဖြစ်ပွားရာနေရာတွင်ပင် ပွဲချင်းပြီးသေဆုံးခဲ့ပြီး ၇ လအရွယ်ရှိသည့် သားငယ်လေးမှာ ဦးခေါင်း၏ ၀ဲဘက်တွင်သေနတ် ထိမှန်ခဲ့ပြီး ဆေးရုံးသို့ပို့ဆောင်ပြီးနောက်ပိုင်း သေဆုံးကြောင်း ကြေညာခဲ့သည်။

ပစ်ခတ်မှုနှင့်ပက်သက်၍ မည်သူ့ကိုမျှဖမ်ဆီးနိုင်ခြင်းမရှိသေးဘဲ၊ တရားခံအား အမြန်ဆုံးဖမ်မိနိုင်ရေးအတွက် လိုအပ်သည့်ကိစ္စရပ်များကို လုပ်ဆောင်လျက်ရှိ ကြောင်း နယူးအော်လင်းရဲတပ်ဖွဲ့က သတင်းထုတ်ပြန်ခဲ့သည်။

အမေရိကန်တွင်သေနတ်ဖြင့် ပစ်ခတ်မှုများမှာ မကြာခဏ ဖြစ်ပွားလေ့ရှိပြီး ပြီးခဲ့သည့် ဒီဇင်ဘာလက ကွန်နက်တီကတ်ပြည်နယ် နယူးတောင်းမြို့တွင် မူလတန်းကလေးငယ် ၂၀ ဦးသေဆုံးခဲ့သည့် ပစ်ခတ်မှုနောက်ပိုင်း၊ ယခုအချိန်အထိ သေနတ်ပစ်ခတ်မှုများကြောင့် သေဆုံးခဲ့သည့် အရေအတွက်မှာ ၃၀၀၀ ကျော်ရှိပြီဖြစ်သည်။

Ref:presstv

…………………………….
ပညာရေးကဏ္ဍ ပြုပြင်ပြောင်းလဲမှုများအား မကျေနပ်သောကြောင့် ပဲရစ်တွင် ဆန္ဒပြ

ပညာရေးကဏ္ဍတွင် အစိုးရက ပြုလုပ်ခဲ့သည့် ပြုပြင်ပြောင်းလဲမှုများကို မကျေနပ်သောကြောင့် ပြင်သစ်ရှိကျောင်းဆရာများက မြို့တော်ပဲရစ်တွင် ယမန်နေ့က ဆန္ဒပြခဲ့ကြသည်ဟု သိရသည်။

ဆန္ဒပြပွဲတွင် ပါဝင်ခဲ့ကြသည့် ကျောင်းဆရာများမှာ ပဲရစ်မြို့တော်ခန်းမမှ ပညာရေးဝန်ကြီးရုံးအထိ ချီတက်ခဲ့ကြပြီး မူလတန်းကျောင်းများအတွက် ပညာရေးဝန်ကြီး ဗင်းဆင့် ပိုင်လွန်၏ ပြုပြင်ပြောင်းလဲရေးလုပ်ငန်းစဉ်များအား ဆန့်ကျင်ကန့်ကွက်ခဲ့ကြသည်။

ပိုင်လွန်မှာ မူလတန်းကျောင်းတက်ရက်အား ၄ ရက်ခွဲသတ်မှတ်ခဲ့ပြီး ပုံမှန်ကျောင်းပိတ်သည့် ဗုဒ္ဓဟူးနေ့တွင် နေ့တစ်ဝက်တက်စေခဲ့သည်။ ထိုနေ့တစ်ဝက်တွင် သင်ရိုးတွင်မပါသည့် လှုပ်ရှားမှုများလုပ်စေခဲ့ကာ ပုံမှန်စာသင်ရက်များ၏ အချိန်အား အနည်းငယ် လျော့ချခဲ့သည်။

ထိုအစီအစဉ်အား မြို့ကြီးများရှိကျောင်းများတွင် ကျင့်သုံးခဲ့သော်လည်း နိုင်ငံတစ်ဝှမ်းရှိ ကျောင်းအများအပြားတွင် ကျင့်သုံးခြင်းမရှိသေးဘဲ ၂၀၁၄ခုနှစ် စက်တင်ဘာလအထိ ဆိုင်းငံ့ထားမည်ဟု ကြေညာခဲ့သည်။

Ref:presstv