Blog

နိုဝင်ဘာ-၈ ၂၀၁၃
M-Media

နှစ်နိုင်ငံ စစ်တပ်များ ပိုမိုပူးပေါင်းဆောင်ရွက်ရန် မြန်မာနှင့် မလေးရှား စစ်တပ်ခေါင်းဆောင်များ သဘောတူ

နှစ်နိုင်ငံစစ်တပ်များ အကြား ချစ်ကြည်ရင်းနှီးမှု ပိုမိုခိုင်မာစေရန်အတွက် ပူးပေါင်းဆောင်ရွက်မှုများပြုလုပ်ရန် မြန်မာနှင့် မလေးရှားနိုင်ငံ စစ်တပ်ခေါင်းဆောင်များက သဘောတူညီခဲ့ကြသည်ဟု မီဒီယာများက ယနေ့နံနက်တွင် သတင်း ထုတ်ပြန်ခဲ့သည်။

ထိုသဘောတူညီချက်မှာ မြန်မာနိုင်ငံသို့ အလည်အပတ်ရောက် ရှိနေသည့် မလေးရှား စစ်တပ် အကြီးအကဲ ဗိုလ်ချုပ် ဒါတွတ် ရာဂျာနှင့် မြန်မာနိုင်ငံ ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့ ကာကွယ်ရေးဌာနချုပ်တွင် တွေ့ဆုံစဉ် သဘောတူညီခဲ့ကြခြင်းဖြစ်သည်။

ထို့ပြင် စစ်ရေးဆိုင်ရာ လေ့ကျင့်ခန်းများနှင့် ဆေးဘက်ဆိုင်ရာ ပူးပေါင်းဆောင်ရွက်မှုများပြုလုပ်ရန်လည်း ဆွေးနွေးခဲ့ကြသည်ဟု New Light of Myanmar သတင်းစာတွင်ဖော်ပြခဲ့သည်။

မလေးရှား စစ်တပ် အကြီးအကဲမှာ အရှေ့တောင်အာရှနိုင်ငံ စစ်တပ်ခေါင်းဆောင်များ၏ ၁၄ ကြိမ်မြောက်အစည်းအဝေးသို့ တက်ရောက်ရန် အတွက် မြန်မာနိုင်ငံ၏ ဒုတိယ အကြီးဆုံးမြို့တော်ဖြစ်သော မန္တလေးမြို့သို့ ကြာသာပတေးနေ့က ရောက်ရှိလာခဲ့သည်။

——————————————–

အစ္စရေးပစ်သတ်မှုကြောင့် ပါလက်စတိုင်းနှစ်ဦး သေဆုံး

အစ္စရေးက မတရားသိမ်းပိုက်ထားသော ပါလက်စတိုင်းပိုင် အနောက်ဘက်ကမ်းခြေတွင် အစ္စရေးစစ်တပ်မှာ ပါလက်တိုင်းနိုင်ငံသားနှစ်ဦးအား ယမန်နေ့က ပစ်သတ်ခဲ့သည်ဟု သိရသည်။

ဘက်သလင်ဟမ်မြို့ မြောက်ဘက်တွင်ရှိသည့် စစ်ဆေးရေးဂိတ်တွင် အသက် ၂၃ နှစ်အရွယ်ရှိ ဖိုအဒ်အလ်-အထရက်ရ်ှဆိုသူအား ယမန်နေ့ညပိုင်းက ပစ်သတ်ခဲ့ခြင်းဖြစ်ပြီး၊ နာဘလုစ်မြို့တောက်ဘက်ရှိ စစ်ဆေးရေဂိတ်တစ်ခုတွင်လည်း အသက် ၂၉ နှစ်အရွယ် ဂျမားလ်အိုဒေးမှာ အစ္စရေးစစ်တပ်၏ ပစ်သတ်ခြင်းကိုခံခဲ့ရသည်။

ထို့ပြင် အထရက်ရှ်၏ အလောင်းအား ပါလက်စတိုင်းဆေးအဖွဲ့သို့ ပြန်ပေးရန် အစ္စရေးစစ်တပ်ကငြင်းဆိုခဲ့သည်ဟု ပါလက်စတိုင်းမီဒီယာက ဖော်ပြသည်။ အစ္စရေးစစ်တပ်မှာ ၎င်းတို့မတရားသိမ်းပိုက်ထားသော ဒေသရှိ ခရိုင်များအတွင်းတွင် ယမန်နေ့က အကြမ်းဖက်စီးနင်းမှုမြောက်များစွာ ပြုလုပ်ခဲ့ပြီး အနည်းဆုံး ပါလက်စတိုင်းနိုင်ငံသား ၇ ဦးကို ဖမ်းဆီးခဲ့သည်ဟု သိရသည်။

Ref:.aljazeera

——————————————–

မုန်တိုင်းကြောင့် ဖိလစ်ပိုင်တွင် အနည်းဆုံး လူ ၃ ဦးသေဆုံး

ယခုနှစ်အတွင်း ကမ္ဘာ့အဆိုးဝါးအပြင်းထန်ဆုံး တိုင်ဖုန်မုန်တိုင်းတိုက်ခတ်မှုကြောင့် ဖိလစ်ပိုင်နိုင်ငံတွင် အနည်းဆုံး လူ ၃ ဦးသေဆုံးခဲ့ပြီး အနည်းဆုံး လူတစ်ဦးပျောက်ဆုံးနေသည်ဟု သိရသည်။

ဟိုင်ယန်ဟု အမည်ရသည့် အဆိုပါမုန်တိုင်းမှာ ဖိလစ်ပိုင်နိုင်ငံသမိုင်းတွင် အဆိုးဝါးဆုံးမုန်တိုင်းဟုလည်း ခေါ်ဆိုနိုင်သည်။ သေဆုံးသွားသူများမှာ နှစ်ဦးမှာ ဓာတ်လိုက်၍ သေဆုံးခဲ့ခြင်းစြဖ်ပြီး အခြားတစ်ဦးမှာ မိုးကြိုးထိမှန်၍ သေဆုံးခဲ့ခြင်းဖြစ်ဟု အမျိုးသား သဘာဝဘေးအန္တရယ်လျှော့ချရေးနှင့် စီမံခန့်ခွဲရေးကောင်စီမှ AFP သတင်းဌာနသို့ ယနေ့နံနက်တွင် ပြောကြားခဲ့သည်။

ဒဏ်ရာရသူ ၇ ဦးရှိခဲ့ပြီး ၆ ဦးမှာ ပြုတ်ကျသော အရာဝတ္ထုများ ခိုက်မိခဲ့၍ဖြစ်ကာ၊ အခြားတစ်ဦးမှာ မိုးကြိုးရှပ်ထိခဲ့ခြင်းကြောင့်ဖြစ်သည်။ ထို့ပြင် အဓိကဆိမ်ကမ်းမြို့ဖြစ်သည့် ဆီဘူးတွင် အမျိုးသားတစ်ဦးမှာ ပျောက်ဆုံးနေသည်ဟု သိရသည်။

သေဆုံးသူများမှာ ပိုမိုများပြားနိုင်ပြီး မုန်တိုင်းဒဏ်အဆိုးဝါးဆုံးခံစားရသောဒေသ များအား အာဏာပိုင်များက ချက်ချင်းဆက်သွယ်၍မရနိုင်သေးချေ။ ထိုမုန်တိုင်းမှာ ယနေ့ညနေတွင် ဖိလစ်ပိုင်မှ ထွက်ခွာဖွယ်ရှိသည်ဟု ခန့်မှန်းထားသည်။

Ref:aljazeera

———————————–

အွန်လိုင်းတွင် ခြိမ်းခြောက်သည့် စာတိုများပေးပို့ခြင်းကြောင့် ၁၅ နှစ်အရွယ် မိန်းကလေးငယ်တစ်ဦးအား ဖလောရီဒါတွင်ဖမ်းဆီး

သက်တူရွယ်တူ အခြားမိန်းကလေးသုံးဦးအား ခြိမ်းခြောက်သည့် စာတိုများ ရာနှင့်ချီ၍ ပေးပို့သောကြောင့် အသက် ၁၅ နှစ်အရွယ်ရှိ မိန်းကလေးငယ်တစ်ဦးအား ဖမ်းဆီးခဲ့သည်ဟု အမေရိကန်ပြည်ထောင်စု ဖလောရီဒါပြည်နယ်ရှိ စိန်ပီတာစဘတ်မြို့ ရဲတပ်ဖွဲ့ကပြောကြားခဲ့သည်။

အသက်အရွယ်ကြောင့် အမည်ဖော်ပြခြင်း မရှိသည့် အဆိုပါအမျိုးသမီးငယ်အား ခြိမ်းခြောက်ပြောဆိုမှုအတွက် စွဲချက် ၃ ခုအပါအ၀င် စုစုပေါင်းစွဲချက်လေးခုဖြင့် တရားစွဲဆိုထားသည်ဟု ကြာသာပတေးနေ့က ရဲတပ်ဖွဲ့မှထုတ်ပြန်ခဲ့သော ကြေညာချက်တွင်ဖော်ပြထားသည်။

ထိုအမျိုးသမီးငယ်ပေးပို့ခဲ့သည့် စာတိုအများစုမှာ အသက်အန္တရာယ်ကို ဆိုးရွားစွာ ခြိမ်းခြောက်ထားသည့်စာများဖြစ်ပြီး၊ အမျိုးသမီးငယ်က ထိုစာတိုများမှ အချို့ကိုသာပေးပို့ခဲ့ခြင်းဖြစ်ပြီး အားလုံးကိုပေးပို့ခဲ့ခြင်းမဟုတ်ဟု ထွက်ဆိုခဲ့ကြောင်း ရဲတပ်ဖွဲ့က ထပ်လောင်းပြောကြားခဲ့သည်။

Ref: CNN

……………………………
အီတလီရှိ အမျိုးသမီးများမှာ အမျိုးသားများထက် ပိုမိုခက်ခဲစွာ အလုပ်လုပ်ရ

အီတလီနိုင်ငံရှိ အမျိုးသမီးများမှာ အမျိုးသားများထက် ပိုမိုခက်ခဲစွာနှင့် အလုပ်ချိန်ပိုမိုလုပ်ရသော်လည်း ရရှိသည့်လစာမှာ အမျိုးသားများထက် ပိုမို၍ နည်းပါသည်ဟု မကြာသေးမီက ပြုလုပ်သည့် လေ့လာမှုအရ သိရသည်။

ထိုလေ့လာမှုအား ပဲရစ်မြို့အခြေစိုက် စီးပွားရေးပူးပေါင်းဆောင်ရွက်မှုနှင့် ဖွံ့ဖြိုးရေးအဖွဲ့အစည်း(OECD) မှ ပြုလုပ်ခဲ့ခြင်းဖြစ်ပြီး၊ How’s Life? 2013 ဟု အမည်ရသည့် စာတမ်းတွင် အီတလီနိုင်ငံ၏ လုပ်ငန်းခွင်များတွင် အမျိုးသား၊ အမျိုးသမီးခွဲခြားမှုမှာ ကျယ်ကျယ်ပြန့်ပြန့်ရှိနေသည်ဟု ထိုအဖွဲ့က ဖော်ပြထားသည်။

ထို့ပြင် အီတလီရှိ အမျိုးသမီးများမှာ ပါလီမန်တွင်လည်းရွေးကောက် တင်မြှောက်ခံခွင့်နည်းပါးသည်ဟု ဖော်ပြခဲ့သည်။ ပျမ်မျှအားဖြင့် အမျိုးသမီးများမှာ တစ်ပါတ်တွင် အိမ်မှုကိစ္စများအတွက် ၃၆ နာရီအချိန်ပေးရပြီး၊ အမျိုးသားများမှာ ၁၄နာရီသာ အချိန်ပေးရကြောင်း၊ အမျိုးသမီးများမှာ ညဘက်အပြင်ထွက်သည့်အခါ တိုက်ခိုက်ခံရနိုင်ခြေပိုများကြောင်း၊ ထို့ပြင် ၎င်းတို့ အမျိုးသားများ၏ အနိုင်ကျင့်မှုများကိုလည်း ခံရကြောင်း အဆိုပါစာတမ်းတွင် ရေးသားဖော်ပြခဲ့သည်။

Ref: Press TV