အောက်တိုဘာ-၂၈၊ ၂၀၁၃
M-Media
ငြိမ်းချမ်းရေးနှင့် ပဋိပက္ခစစ်ပွဲများ မြန်မာ့စီးပွားရေးနှင့် ဆက်စပ်
မြန်မာနိုင်ငံ၏ ငြိမ်းချမ်းရေးနှင့် ပဋိပက္ခစစ်ပွဲများသည် စီးပွားရေးနှင့် ဆက်စပ်နေပြီး လူမျိုးစုများအကြားပြဿနာ၊ မြေယာပိုင်ဆိုင်မှုပြဿနာ၊ ဈေးကွက်စီးပွားရေး လက်ဝါးကြီးအုပ်ထားမှုတို့နှင့် ဆက်စပ်နေကြောင်း မြန်မာ့စီးပွားရေး အခြေအနေ အစီရင်ခံစာတွင် ဖော်ပြထားပြီး အစီရင်ခံစာ၏ ရည်ရွယ်ချက်မှာ ငြိမ်းချမ်းရေးဖြစ်စဉ် တွင် လူမှုရေးအဖွဲ့အစည်းများ၊ တိုင်းရင်းသားများ၊ မီဒီယာအခန်းကဏ္ဍများ ပါဝင်ကြောင်း၊ လက်ရှိငြိမ်းချမ်းရေးလုပ်ငန်းစဉ်များနှင့် စီးပွားရေး ရင်းနှီးမြှုပ်နံမှုအခြေအနေ ဆက်စပ်မှုအပေါ် စုစည်းတင်ပြထားပြီး နိုင်ငံရေးအရ ငြိမ်းချမ်းစွာ အသွင်ကူးပြောင်းရေး အထောက်အကူပြုရန် ထုတ်ဝေခြင်းဖြစ်ကြောင်း ဧရာဝတီသတင်းဌာနတွင် ဖော်ပြထားပါတယ်။
_______________________
အစိုးရစစ်ကြောင်း တိုးချဲ့မှုကြောင့် မန်စီ ဒေသခံ ၅၀၀ ခန့် ပြောင်းရွှေ့
ကချင်ပြည်နယ် ဗန်းမော်ခရိုင် မန်စီမြို့နယ် မုံးဒိန်ပါရွာတွင် အစိုးရစစ်ကြောင်းများ များပြားလာသည့်အတွက် ဒေသခံ လူ ၅၀၀-ခန့်ဟာ လုံခြုံရေးအတွက် စိုးရိမ်ပြီး ဗန်းမော်မြို့ဘက်သို့ပြောင်းရွှေ့နေကြပြီး အဆိုပါ ဒေသတွင် တိုက်ပွဲဖြစ်ပွားသည်ဟု အတည်ပြုချက် မရနိုင်သေးသော်လည်း ကျေးရွာအနီးတွင် စစ်ကြောင်းထိုးမှုများ ရှိနေပြီး လွန်ခဲ့သော ရက်ပိုင်းများက အစိုးရနဲ့ KIO တပ်များအကြား စစ်ရေးတင်းမာမှုများကြောင့် ဒေသခံကျေးရွာသား ထောင်နဲ့ချီ ပိတ်မိနေပြီး စားနပ်ရိက္ခာများလည်း ပြတ်လည်နေကြောင်း RFA သတင်းမှ သိရှိရပါတယ်။
______________________
နေပြည်တော် အပြည်ပြည်ဆိုင်ရာလေဆိပ်တွင် နိုင်ငံတကာလေကြောင်းလိုင်း၏ လေယာဉ်များဆင်းရန် လွှတ်တော်တွင် ဆွေးနွေး
နေပြည်တော် အပြည်ပြည်ဆိုင်ရာလေဆိပ်တွင် နိုင်ငံတကာလေကြောင်းလိုင်း၏ လေယာဉ်များဆင်းရန် လွှတ်တော်တွင် ဆွေးနွေးရာ နေပြည်တော်လေဆိပ်ကို နိုင်ငံတကာ လေကြောင်းလိုင်းများမှ စတင်ဆင်းသက် ပြေးဆွဲပျံသန်းလျက် ရှိပါကြောင်း Bangkok Airways ခရီးစဉ် ဘန်ကောက်-နေပြည်တော်၊ စင်ကာပူ Airlines၊ မလေးရှား Airlines များ ဒီဇင်ဘာလအတွင်း နေပြည်တော်သို့ ပျံသန်းဆင်းသက်လိုကြောင်း အဆိုပြုလွှာများ ရရှိပြီးဖြစ်ပါကြောင်း၊ ဆက်လက်၍ နိုင်ငံတကာ လေကြောင်းလိုင်းများမှ နေပြည်တော် လေဆိပ်သို့ တိုက်ရိုက်ပြေးဆွဲ ထပ်မံဆင်းသက်ရေး အတွက် လေကြောင်းပို့ဆောင်ရေး ညွှန်ကြားမှုဦးစီးဌာနမှ ဆက်လက် ဖိတ်ခေါ် ဆောင်ရွက်သွားမည်ဖြစ်ပါကြောင်းနှင့် နေပြည်တော်လေဆိပ်တွင် အခြေပြု၍ ပြည်တွင်းခရီးစဉ်များ ပျံသန်းပြေးဆွဲခွင့်ပြု ရန် အဆိုပြုတင်ပြထားသည့် FMI လေကြောင်းလိုင်းနှင့် APEX လေကြောင်းလိုင်းများကိုလည်း လိုအပ်သည့် စိစစ်မှုများပြုလုပ်လျက် ခွင့်ပြုဆောင်ရွက်ပေး မည်ဖြစ်ကြောင်းကို ပို့ဆောင်ရေး ဒုဝန်ကြီး ဦးဇင်ယော်ကပို့ဆောင်ရေးဌာန၊ လေကြောင်းပို့ဆောင်ရေး ညွှန်ကြားမှုဦးစီးဌာနအနေဖြင့် ပြန်လည်ဖြေကြားခဲ့ကြောင်း ပြည်သူ့လွှတ်တော်၏ အင်တာနက် စာမျက်နှာမှ တဆင့် သိရှိရပါတယ်။
______________________
မုဒိမ်းမှုကျူးလွန်သူအား မြက်ရိတ်ခိုင်းသည့် ပြစ်ဒဏ်ပေးသောကြောင့် ကင်ညာပြည်သူ တသန်း အွန်လိုင်းတွင် လက်မှတ်ထိုး ကန့်ကွက်
အမျိုးသမီးငယ်တစ်ဦးအား အုပ်စုဖွဲ့မုဒိမ်းကျင့်ခဲ့သည့် တရားခံသုံးဦးအား မြက်ရိတ်သည့်ပြစ်ဒဏ်သာပေးခဲ့သောကြောင့် ထိုကိစ္စအတွက် တရားမျှတမှုကို တောင်းဆိုသော အနေဖြင့် ရေးသားထားသော အသနားခံစာတစ်ခုအား ကင်ညာနိုင်ငံသားတစ်သန်းကျော်က အွန်လိုင်းတွင် စုပေါင်း လက်မှတ်ထိုးခဲ့ကြသည်ဟု သိရသည်။
ထိုအသနားခံစာတွင် မုဒိမ်းမှုကျူးလွန်သူများအား အပြစ်ပေးခဲ့သည့် ရဲတပ်ဖွဲ့ဝင်များကို မုဒိမ်းမှုနှင့်ပက်သက်ပြီး စုံစမ်းစစ်ဆေးမှုများ မပြုလုပ်ခဲ့သောကြောင့် အပြစ်ပေးသင့်သည်ဟု ရေးသားဖော်ပြထားသည်။
ထိုမုဒိမ်းမှုမှာ ယခုလအစောပိုင်းက Busia မြို့တွင်ဖြစ်ပွားခဲ့ခြင်းဖြစ်ပြီး အသက် ၁၆နှစ်အရွယ် အမျိုးသမီးငယ်တစ်ဦးမှာ အုပ်စုဖွဲ့မုဒိမ်းကျင့်ခံခဲ့ရပြီး အိမ်သာကျင်းတွင် စွန့်ပစ်ခြင်းခံခဲ့ရသည်။
ပြည်သူ့တရားစီရင်ရေးဒါရိုက်တာဖြစ်သူက အောက်ခြေရဲတပ်ဖွဲ့ဝင်များအနေဖြင့် မည်သည့်အကြောင်းကြောင့် ထိုအမှုအား သေသေချာချာ စစ်ဆေးမှုမပြုခဲ့ဘဲ ကျူးလွန်သူများကို မြက်ရိတ်သည့် ပြစ်ဒဏ်သာပေးခဲ့ကြောင်းကို စုံစမ်းရန် အမျိုးသားရဲဌာနချုပ်အား အမိန့်ပေးထားသည်။ တရားခံများမှာ နောက်ပိုင်းတွင် ပျောက်ဆုံးသွားခဲ့သည်ဟု သိရသည်။
Ref: BBC
——————————-
အငြင်းပွားဖွယ် ကျွန်းစုသို့ တရုတ်မှ စစ်သင်္ဘောစေလွှတ်
တရုတ်နှင့် ဂျပန်နိုင်ငံအကြားပိုင်ဆိုင်မှုဆိုင်ရာအငြင်းပွားနေသည့် အရှေ့တရုတ်ပင်လယ်ရှိ ကျွန်းစုသို့ ကမ်းခြေစောင့်စစ်သင်္ဘောလေးစင်းအား တရုတ်နိုင်ငံကစေလွှတ် လိုက်သည်ဟု သိရသည်။
တရုတ်နိုင်ငံမှ Diaoyus ဟုခေါ်ဆိုပြီး ဂျပန်နိုင်ငံက Senkakus ဟုခေါ်ဆိုသည့် အဆိုပါကျွန်းစုနားသို့ တရုတ်နိုင်ငံမှ သင်္ဘောများစေလွှတ်ခြင်းမှာ မှန်ကန်ကြောင်း ဂျပန် ကမ်းခြေစောင့် တပ်ဖွဲ့ကလည်း အတည်ပြုပြောကြားခဲ့သည်။ ထိုသင်္ဘောများမှာ အငြင်းပွားဖွယ်ကျွန်းစုတွင် ၂ ရီကြာ ရှိနေခဲ့ကြသည်။
ထို့ပြင် ဂျပန်၏ လေပိုင်နက်ထဲထို့ တရုတ်နိုင်ငံ၏ မောင်းသူမဲ့လေယာဉ်များ ၀င်ရောက်လာပါက ပစ်ချမည်ဟု ဂျပန်နိုင်ငံက ပြောဆိုထားပြီး တရုတ်နိုင်ငံကလည်း ထိုလေယာဉ်များကို ပစ်ချပါက ပြန်လည်တုံ့ပြန်သွားမည်ဟု ခြိမ်းခြောက်ထားသည်။
ထိုကျွန်းစုမှာ ၁၉၇၂ ခုနှစ်က အမေရိကန်မှ သိမ်းပိုက်ထားသော အိုကီနာဝါ ကျွန်းအား ဂျပန်သို့ပြန်လည်ပေးအပ်ထားကတည်းက ဂျပန်၏ အုပ်ချုပ်မှုလက်အောက်တွင်ရှိနေပြီး၊ သဘာဝဓာတ်ငွေ့ကြွယ်ဝသော ကျွန်းစု တစ်ခုလည်းဖြစ်သည်။
Ref: Press TV
………………….
သာမန်လူများ အက်စပရင်သောက်ရန်မလို
အချို့သောကင်ဆာရောဂါများ၊ နှလုံးရောဂါများနှင့် လေဖြတ်ရောဂါဖြစ်ပွားမှု အန္တရာယ်များကိုလျှော့ချရန်အတွင် သာမန်လူများတွင် အက်စ်ပရင်သောက်ခြင်း မပြုလုပ်ရဟု လေ့လာဖော်ထုတ်မှုအသစ်အရ သိရှိရသည်။
နေ့စဉ် အက်စ်ပရင်ဆေးဝါးများသောက်သုံးခြင်းမှာ နှလုံးရောဂါဖြစ်ပွားမှုကို လျှော့ချကောင်းလျှော့ချနိုင်သော်လည်း လေ့လာတွေ့ရှိမှုအသစ်အရ အသက် ၅၀ ၀န်းကျင်အရွယ်ရှိ ကြီးမားသောရောဂါဘယမရှိသူများမှာ အက်စ်ပရင်ဆေးဝါးများ သောက်သုံးခြင်းမပြုရပေ။
အင်္ဂလန်မှ NHS အမျိုးသားကျန်းမာရေးသုသေသနဌာနနှင့် Warwick ဆေးကျောင်းတို့မှ ပူးပေါင်းပြုလုပ်သော လေ့လာတွေ့ရှိချက်တွင် နေ့စဉ် အက်စပရင်ဆေးဝါးများသောက်သုံးခြင်းမှာ နှလုံးရောဂါများဖြစ်ပွားမှုကို ကာကွယ်ပေးနိုင်သော်လည်း ဦးနှောက်နှင့် အစာအိမ်တို့တွင် သွေးယိုစီးမှုများ ဖြစ်ပွားမှုကို မြင့်တက်စေနိုင်သည်ဟု တွေ့ရှိခဲ့သည်။
Ref: Press TV
…………………………………..
NSA မှ တစ်လအတွင်း စပိန်နိုင်ငံရှိ ဖုန်းခေါ်ဆိုမှုပေါင်း သန်း ၆၀ အား လျှို့ဝှက်ထောက်လှမ်းခဲ့
အမေရိကန် အမျိုးသား လုံခြုံရေးအေဂျင်စီမှ စပိန်နိုင်ငံရှိ ဖုန်းခေါ်ဆိုမှုပေါင်း သန်း ၆၀ကို တစ်လအတွင်းတွင် လျှို့ဝှက်ထောက်လှမ်းခဲ့သည်ဟု သတင်းများက ဖော်ပြခဲ့ကြသည်။
NSA မှ ၂၀၁၂ ခုနှစ် ဒီဇင်ဘာလတွင် ထိုကဲ့သို့ လျှို့ဝှက်ထောက်လှမ်းမှုများကို ပြုလုပ်ခဲ့ခြင်းဖြစ်သည်ဟု စပိန်နေ့စဉ် သတင်းစာတစ်စောင်ဖြစ်သည့် El Mundo က ယမန်နေ့ထုတ်သတင်းစာတွင် ဖော်ပြခဲ့သည်။ ထိုသတင်းအား ဘရာဇီးအခြေစိုက် ဂျာနယ်လစ် Glenn Greenwald က NSA ၀န်ထမ်းဟောင်း စနိုးဒင်၏ ဖွင့်ချမှုများကို ကိုးကား၍ ရေးသားခဲ့ခြင်းဖြစ်သည်။
ထိုသတင်းမှာ စောစောပိုင်းကထွက်ပေါ်ခဲ့သော လျှို့ဝှက်ထောက်လှမ်းသည့် ကိစ္စများနှင့် ပက်သက်ပြီး စပိန်ဝန်ကြီးချုပ် မာရီယာနိုင် ရာဂျွိုင်းက အမေရိကန် သံအမတ်အား သတိပေးပြီးနောက်ပိုင်း တစ်လအကြာတွင် ထွက်ပေါ်လာခြင်းလည်းဖြစ်သည်။ ထိုကဲ့သို့သတိပေးခဲ့စဉ်က ရာဂျွိုင်းမှာ ၎င်းတို့နိုင်ငံအား အမေရိကန်က လျှို့ဝှက် ထောက်လှမ်းနေကြောင်း မသိရှိခဲ့ပေ။
ကမ္ဘာ့နိုင်ငံများရှိ နိုင်ငံခေါင်းဆောင်များအား စောင့်ကြည့်ထောက်လှမ်းသည့် သတင်းများထွက်ပေါ်လာသောကြောင့် တစ်ကမ္ဘာ့လုံးက ၀ိုင်း၍ ပြစ်တင်ပြောဆိုခြင်းကို ခံနေရသည့် အမေရိကန်အတွက် ယခုသတင်းမှာ ထိုးနှက်ချက်တစ်ခု ဖြစ်လာခဲ့သည်။
Ref:Press TV
…………………………………..
အမေရိကန် Rock ဂီတသမားကြီး ကွယ်လွန်
တစ်ခေတ်တစ်ခါက အမေရိကန် Rock ဂီတလောကအား လွှမ်းမိုးနိုင်ခဲ့သည့် Rock ဂီတသမားကြီး Lou Reed မှာ ယမန်နေ့က နယူးယောက်မြို့တွင် ကွယ်လွန်သွားခဲ့သည်ဟုသိရသည်။
Reed မှာ ပြီးခဲသည့် မေလက အသည်းအစားထိုးကုသမှုကိုခံယူခဲ့ရပြီး ထိုရောဂါဖြင့်ပင်ကွယ်လွန်သွားခဲ့ခြင်းဖြစ်ကာ ကွယ်လွန်ချိန်တွင် အသက် ၇၁ နှစ်အရွယ်ရှိပြီဖြစ်သည်။
Reed ကို ၁၉၄၂ ခုနှစ်က မွေးဖွားခဲ့ပြီး ၁၉၆၀ ပြည့်နှစ်များတွင် Velvet Underground တီးဝိုင်းနှင့်အောင်မြင်ခဲ့သူဖြစ်သည်။ ထို့ပြင် Andy Warhol နှင့်ပူးပေါင်းကာ အနုပညာနှင့် ဂီတတို့ကို ပေါင်းစပ်ပေးခဲ့သူဖြစ်ပြီး ဂီတသမားများကို လွှမ်းမိုးနိုင်ခဲ့သည့် ဂီတပုံစံတစ်ခုကို ဖန်တီးပေးခဲ့သူလည်းဖြစ်သည်။
၁၉၇၀ ခုနှစ်တွင် တီးဝိုင်းအား စွန်ခွာခဲ့ပြီး တစ်ကိုယ်တော် ဂီတခရီးအား စတင်လျှောက်လမ်းခဲ့က Rock ဂီတလောကတွင် လူကြိုက်များသော Transformer အလ်ဘမ်ကို ထုတ်ဝေခဲ့သည်။ သို့သော်လည်း စီးပွားရေးအကျိုးအမြတ်များ ရရှိခဲ့ခြင်း မရှိချေ။
Ref:aljazeera
……………………………………….
ဆယ်စုနှစ်အတွင်း အပြင်းထန်ဆုံး မုန်တိုင်း ဗြိတိန်နှင့် ပြင်သစ်တို့တွင် တိုက်ခတ်
ဆယ်စုနှစ်အတွင်း အပြင်းထန်ဆုံး မုန်တိုင်းတိုက်ခတ်မှုကြောင့် ဗြိတိန်တွင် ခရီးသွားလာရေးအခက်အခဲများ ကြုံတွေ့နေရပြီး၊ ပြင်သစ်နိုင်ငံတောင်ပိုင်းတွင်လည်း အိမ်ပေါင်း ၇၅၀၀၀ ခန့် လျှပ်စစ်ဓာတ်အား ပြတ်တောက်မှုနှင့် ကြုံတွေ့နေရကာ အနည်းဆုံး လူတစ်ဦးမှာလည်း မုန်တိုင်းကြောင့် ပင်လယ်ပြင်သို့ပါသွားသည်ဟု သိရသည်။
ဗြိတိန်၏ရာသီဥတုစောင့်ကြည့်ရေး စင်တာမှ မုန်းတိုင်းကြောင့် သစ်ပင်များ ကျိုးကျမှုများ၊ အဆောက်အဦးများ ပျက်စီးမှုများနှင့် ဓာတ်အားပြတ်တောက်မှုများဖြစ်ပွားပြီး၊ အင်္ဂလန်နိုင်ငံအနောက်တောင်ဘက် ကမ်းရိုးတန်းရှိ ခရီးသွာလာမှုများတွင် ခက်ခဲမှုများ ဖြစ်ပွားမည်ဟု သတိပေးကြေညာထားသည်။ ထို့ပြင် သစ်ပင်များကျိုးကျမှုကြောင့် အသက် ၁၇ နှစ်အရွယ် မိန်းကလေးနှစ်ဦးနှင့် အသက် ၅၀ အရွယ် အမျိုးသားတစ်ဦးတို့ သေဆုံးခဲ့ကြသည်။
မုန်းတိုင်းကြောင့် အချိန် ၆နာရီမှ ၉နာရီအထိ မိုးရွာသွန်းမှုများဖြစ်ပွားခဲ့ပြီး ဗြိတိန်တစ်ဝှမ်း မိုးရေချိန် ၀.၈ လက်မမှ ၁.၆ လက်မအထိ ရှိမည်ဖြစ်ကာ လေတိုက်မှုနှုန်းမှာလည်း အင်္ဂလန်နှင့် ဝေးလ်နိုင်ငံတောင်ဘက်တို့တွင် တစ်နာရီ ၉၉ မိုင်နှုန်း ရှိသည်ဟု သိရသည်။
ထို့ပြင် ပြင်သစ်နိုင်ငံမြောက်ပိုင်းတွင် မုန်တိုင်းကြောင့် နေအိမ် ၇၅၀၀၀ မှာ ယနေ့နံနက်အထိ လျှပ်စစ်ဓာတ်အားပြတ်တောက်မှုများနှင့်ကြုံတွေ့နေရပြီး လေတိုက်နှုန်းမှာ တစ်နာရီ ၈၆ မိုင်နှုန်းရှိသည်။
——————————————-
** M-Media ၏ မူပိုင် သတင်း/ဆောင်းပါးများကို အွန်လိုင်းမီဒီယာများတွင် မည်သူမဆို လွတ်လပ်စွာကူးယူဖော်ပြနိုင်ပါသည်။ ကူးယူဖော်ပြသူများအနေဖြင့် M-Media မူရင်းလင့်ခ်ကို ထည့်ပေးဖို့ မေတ္တာရပ်ခံအပ်ပါသည်။
စီးပွားဖြစ် ထုတ်ဝေသော Print Media များတွင် ထည့်သွင်းဖော်ပြလိုသူများ M-Media ၏ ခွင့်ပြုချက်လိုအပ်မည်ဖြစ်သည်။
ဆက်သွယ်ရန် [email protected]
————————————————————–
————————————————————–
