စက်တင်ဘာ ၂၄၊ ၂၀၁၃
M-Media
ရွေးကောက်ပွဲမတိုင်မီ ဖွဲ့စည်းပုံ မပြင်ဆင်နိုင်ရင် ပြဿနာတွေ ကြီးထွားလာနိုင်ကြောင်း ဒေါ်အောင်ဆန်းစုကြည် သတိပေး
လက်ရှိကျင့်သုံးနေသည့် ဖွဲ့စည်းပုံအခြေခံဥပဒေကို လာမယ့် ၂၀၁၅-ခု ရွေးကောက်ပွဲမတိုင်မီ ပြင်ဆင်နိုင်ရန် ကြိုးပမ်းသွားမည်ဖြစ်ပြီး၊ အကယ်၍ အချိန်မီ မပြင်ဆင်နိုင် ပါက ပြဿနာများ ပိုမိုများပြား ကြီးထွားလာနိုင်တယ်လို့ အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်မှ ပြောကြားလိုက်ကြောင်း VOA အင်တာနက် သတင်းစာမျက်နှာမှာ ဖော်ပြထားပါတယ်။
________________________
လက်ရှိဖွဲ့စည်းပုံဥပဒေကိုဖျက်ပြီး အသစ်တစ်ခုပြဋ္ဌာန်းရန် မလိုအပ်ဟု ဦးဋ္ဌေးဦးပြော
၂၀၀၈-ခုနှစ် ဖွဲ့စည်းပုံ အခြေခံဥပဒေကို ပြင်ဆင်ရေးဆွဲရန် သို့မဟုတ် ဖျက်သိမ်းရန်ဆိုသည့် တောင်းဆိုချက်အား ရှစ်လေးလုံး ရွှေရတုမှ အစပြုပြီး၊ နိုင်ငံရေးပါတီများ၊ တိုင်းရင်းသားခေါင်းဆောင်များနှင့် လူမှုအဖွဲ့အစည်းများမှ ထွက်ပေါ်လာပြီးနောက် လက်ရှိပြဋ္ဌာန်းထားသည့် ဖွဲ့စည်းပုံ အခြေခံဥပဒေသည် ပါတီစုံ ဒီမိုကရေစီ လမ်းကြောင်း ကျင့်သုံးနိုင်ရန် ရည်ရွယ် ရေးဆွဲခဲ့တာ ဖြစ်တာကြောင့် အသစ်ရေးဆွဲ ပြဋ္ဌာန်းရန် မလိုအပ်ပဲ လူထုဆန္ဒအရ လိုအပ်လာတယ်ဆိုရင် ပြင်ဆင်သင့်သည့် အချက်များကို ပြင်ဆင်ပေးသွားမည်ဟု ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ ဒု-ဥက္ကဋ္ဌ ဦးဋ္ဌေးဦးမှ ပြောဆိုလိုက်ကြောင်း ဧရာဝတီသတင်းဋ္ဌာနကို ကိုးကား၍ သိရှိရပါတယ်။
_________________________
တောင်ကြီး ငြိမ်းချမ်းရေးယုံကြည်မှုတည်ဆောက်ရေးဆွေးနွေးပွဲမှ ဖက်ဒရယ်နှင့် ပင်လုံညီလာခံကျင်းပရန် တောင်းဆို
ရှမ်းပြည်နယ်တောင်ပိုင်း တောင်ကြီးမြို့တွင် ပြီးခဲ့သည့် ၂၁-ရက်နေ့မှ ၂၃-ရက်နေ့အထိ ပြုလုပ်နေသော တိုင်းရင်းသားလက်နက်ကိုင် အဖွဲ့များ၊ နိုင်ငံရေးပါတီများ၊ အရပ်ဖက်လူ့အဖွဲ့အစည်းများ ပါဝင်သည့် ငြိမ်းချမ်းမှု ယုံကြည်မှုတည်ဆောက်ရေးဆွေးနွေးပွဲမှ အချက် ၅-ချက်ပါဝင်သော ကြေညာချက်တစ်စောင် ထုတ်ပြန်လိုက်ကြောင်း၊ ယင်းတို့မှာ တနိုင်ငံလုံး အပစ် အခတ်ရပ်စဲရေး ၊ မတရား အသင်း ဥပဒေ အပါအ၀င် ဒီမိုကရေစီ စံနှုန်းနှင့် မညီသော ဥပဒေအားလုံးကို ရုပ်သိမ်းပေးရေး၊ တန်းတူ၍ ကိုယ်ပိုင် ပြဋ္ဌာန်းခွင့်ရှိပြီး ဒီမိုကရေစီစနစ်ကို ကျင့်သုံးသော ဖက်ဒရယ်ပြည်ထောင်စု တည်ဆောက်ရေး၊ ပင်လုံ စိတ်ဓာတ်ကို အခြေခံသော ညီလာခံကြီးတစ်ရပ် ကျင်းပရေး နှင့် ၂၀၀၈-ခုနှစ် ဖွဲ့စည်းပုံ အခြေခံဥပဒေ ပြင်ဆင်ရေး (သို့မဟုတ်) အသစ် ပြန်လည် ရေးဆွဲရေးတို့ ပါဝင်ကြောင်း ဧရာဝတီ သတင်းဋ္ဌာနမှာ ဖော်ပြထားပါတယ်။
_________________________
စင်္ကာပူနိုင်ငံ ခရီးစဉ်မှ ဒေါ်အောင်ဆန်းစုကြည် ပြန်လည်ရောက်ရှိ
စက်တင်ဘာ ၂၀-ရက်နေ့မှာ စင်္ကာပူကို စတင်သွားရောက်ခဲ့တဲ့ လွှတ်တော်ကိုယ်စားလှယ်၊ အမျိုးသား ဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ဟာ ယနေ့ နေ့လည်ပိုင်းက မြန်မာနိုင်ငံကို ပြန်လည်ရောက်ရှိလာခဲ့ပြီး စင်္ကာပူခရီးစဉ်အတွင်းမှာ စင်္ကာပူထိပ်သီးညစာစားပွဲနှင့် ဆွေးနွေးပွဲ၊ စင်္ကာပူရောက် မြန်မာမိသားစုနှင့်
တွေ့ဆုံ၍ အဂတိလိုက်စားမှု တိုက်ဖျက်ရေး၊ နိုင်ငံခြားရင်းနှီးမြှုပ်နှံမှုနဲ့ ပညာရေးတိုးတက်မှု ကိစ္စရပ်များကို ဆွေးနွေးခဲ့သလို စင်္ကာပူဝန်ကြီးချုပ်၊ နိုင်ငံခေါင်းဆောင်အချို့ အပါအ၀င် စီးပွားရေးလုပ်ငန်းရှင်များနှင့် တွေ့ဆုံဆွေးနွေးမှုများ ပြုလုပ်ခဲ့တယ်လို့ RFA သတင်းစာမျက်နှာမှာ ရေးသားထားပါတယ်။
_________________________
နိုင်ငံတော်သမ္မတ ဦးသိန်းစိန်ထံ သံအမတ် ခန့်အပ်လွှာများပေးအပ်
ပြည်ထောင်စုမြန်မာနိုင်ငံတော် နိုင်ငံတော်သမ္မတ ဦးသိန်းစိန်ထံ မြန်မာနိုင်ငံဆိုင်ရာ ဗြိတိန်နိုင်ငံ သံအမတ်ကြီးအဖြစ် ခန့်အပ်ခံရသူ မစ္စတာ အင်ဒရူး ပက်ထရစ်နှင့် မြန်မာနိုင်ငံဆိုင်ရာ ဥရောပ သမဂ္ဂအဖွဲ့ သံအမတ်ကြီးအဖြစ် ခန့်အပ်ခံရသူ မစ္စတာ ရိုလန် ကိုဘီယာတို့က ၎င်းတို့၏ သံအမတ်ခန့်အပ်လွှာများကို ယနေ့ နံနက်ပိုင်းက နိုင်ငံတော် သမ္မတထံ ပေးအပ်ခဲ့ကြောင်း သမ္မတရုံး၏ အင်တာနက် စာမျက်နှာမှတဆင့် သိရှိရပါတယ်။
__________________________
အီရန် နျူးကလီးယားကိစ္စနှင့် ပက်သက်သည့် ၆-နိုင်ငံဆွေးနွေးပွဲအား အီရန်ပါဝင်မည်
အီရန်က ပြုလုပ်နေသည့် နျူးကလီးယားအစီအစဉ်အား ထိန်းသိမ်းရန်အတွက် ကုလသမဂ္ဂတွင်ပြုလုပ်မည့် ၆-နိုင်ငံဆွေးနွေးပွဲတွင် အီရန်နိုင်ငံကပါဝင်မည်ဟု ဥရောပယူနီယံ နိုင်ငံခြားရေးပေါ်လစီ အကြီးအကဲ ကက်သရင်း အရ်ှတန်က ပြောကြားလိုက်သည်။
ကြာသာပတေးနေ့ နယူးယောက်တွင်ကျင်းပပြုလုပ်မည့် ကုလသမဂ္ဂအထွေထွေညီလာခံတွင် သီခြားပြုလုပ်ရန်ရှိသည့် အဆိုပါဆွေးနွေးပွဲတွင် အီရန်နိုင်ငံခြားရေးဝန်ကြီးနှင့် အမေရိကန်နိုင်ငံခြားရေးဝန်ကြီးတို့ပါဝင်လာမည်ဖြစ်ပြီး ၆-နှစ်အတွင်း ပထမဦးဆုံး ပါဝင်ခြင်းဖြစ်သည်။ ထိုအစီအစဉ်မှာ ၁၉၇၉ ခုနှစ် အီရန် အစ္စလာမ့်မစ်တော်လှန်ရေး ဖြစ်ပွားပြီးခဲ့တကည်းက ပြတ်တောက်ခဲ့သည့် သံတမန်ဆက်ဆံရေး မကြာသေးခင်က ပြန်လည်စတင်ပြီးနောက်ပိုင်းတွင် ဖြစ်ပေါ်လာခြင်းလည်း ဖြစ်သည်။ အီရန်နိုင်ငံသည် ၎င်းတို့၏ နျူးကလီးယားအစီအစဉ်အား အရပ်ဖက်တွင်အသုံးပြုရန်ဖြစ်သည်ဟု အကြိမ်ကြိမ် ပြောဆိုခဲ့သော်လည်း အမေရိကန်နှင့် အပေါင်းအပါများက လက်နက်ထုတ်လုပ်ရန် အတွက်ဟု စွပ်စွဲထားသည်။
Ref : aljazeera
__________________________
သမီးငယ်နှစ်ဦး အ၀တ်လျှော်စက် အတွင်းတွင်သေဆုံးမှု တရုတ်နိုင်ငံတွင်ဖြစ်ပွားခဲ့
တရုတ်နိုင်ငံ ဂျန်ရှိပြည်နယ်တွင် ကလေးငယ်နှစ်ဦးမှာ အ၀တ်လျှော်စက် အတွင်းတွင် သေဆုံးနေကြာင်း တွေ့ရှိခဲ့ရပြီး ထိုကိစ္စနှင့်ပက်သက်ပြီး ရဲတပ်ဖွဲ့ဝင်များက စုံစမ်း စစ်ဆေးနေသည်ဟုသိရသည်။
ဇီဂျန်ကောင်တီ၊ ကွီအိုရှိမြို့တွင် ဖြစ်ပွားခဲ့ခြင်းဖြစ်ပြီး အသက် ၃-နှစ်နှင့် ၂-နှစ် အရွယ်သမီးငယ် နှစ်ဦးမှာ အိမ်အတွင်းကစားနေစဉ် အ၀တ်လျှော်စက်ထဲသို့ ၀င်ရာက်ခဲ့ပြီး သေဆုံးခဲ့ခြင်း ဖြစ်သည်ဟု ရဲတပ်ဖွဲ့က ယမန်နေ့ကသတင်းထုတ်ပြန်ခဲ့သည်။
အခင်းဖြစ်ပွားချိန်တွင် မိခင်ဖြစ်သူမှာ ချက်ပြုက်နေပြီး ဖခင်ဖြစ်သူက သီးချင်းနောထောင်နေကာ အသက် ၁-နှစ် အရွယ် သားငယ်တစ်ဦးလည်း အိမ်တွင်ရှိနေသည်ဟုသိရသည်။ သမီးငယ်နှစ်ဦးမှာ အသက်ရှုကျပ်၍သေဆုံးခဲ့ခြင်းဟု ရဲတပ်ဖွဲ့ကတွေ့ရှိခဲ့ပြီး အ၀တ်လျှော်စက် ထုတ်လုပ်သည့်ကုမ္ပဏီက တာဝန်ရှိသူများလည်း စုံးစမ်းစစ်ဆေးမှုကိုခံယူရန် ရဲစခန်းသို့လာရောက်ခဲ့ကြသည်။
Ref : xinhua, Photo : channelnewsasia
__________________________
ဖိလစ်ပိုင် မြေပြိုမှုအတွင်း လူ ၁၉-ဦးသေ
ဖိလစ်ပိုင်နိုင်ငံမြောက်ပိုင်းတွင် သည်းထန်စွာမိုးရွာသွန်းမှုကြောင့် လူ ၁၉-ဦးသေဆုံးခဲ့ပြီး အများစုမှာ ကလေးငယ်များဖြစ်ကြသည်ဟု နိုင်ငံပိုင်မီဒီယာက ဖေါ်ပြခဲ့သည်။ ထို့ပြင် လူ ၄-ဦးပျောက်ဆုံးနေပြီး မြို့နယ်အများစုမှာလည်း ရေလွှမ်းနေသည်ဟု သိရသည်။
သေဆုံးသူအများစုမှာ Zambales ပြည်နယ်တွင်ဖြစ်ပြီး မိုးသည်းထန်စွာသွန်းမှုကြောင့် ဖြစ်ပေါ်ခဲ့သောမြေပြိုမှုများတွင် သေဆုံးခဲ့ခြင်းဖြစ်သည်ဟု အစိုးရပိုင် PNA သတင်းဌာနက သတင်းထုတ်ပြန်ခဲ့ကာ သဘာဝဘေးအန္တရာယ်စီမံခန့်ခွဲရေး ကောင်စီက အတည်ပြုခဲ့သည်။ စူဘစ်မြို့တွင်မြေပြိုမှုကြောင့် လူ ၁၆-ဦးသေဆုံးခဲ့ပြီး အနည်းဆုံး ၁၀-ဦးမှာ အသက် ၁၂-နှစ်အောက် ကလေးငယ်များဖြစ်ကြသည်။
Ref : cnn
__________________________
မွေးစားကလေးငယ်နှစ်ဦးအား အဓ္ဓမပြုကျင့်ခဲ့သည့် ဇနီးမောင်နှံနှစ်ဦး ထောင်ဒဏ်ချမှတ်ခံရ
အမေရိကန်နိုင်ငံ မက်ဆာချူးဆက်ပြည်နယ်ရှိ ဇနီးမောင်နှံနှစ်ဦးမှာ ၎င်းတို့၏ မွေးစားကလေးနှစ်ဦးအား အဓ္ဓမပြုကျင့်ခဲ့ကြောင်းတွေ့ရှိခဲ့ရသည့်အတွက် တနင်္လာနေ့က ထောင်ဒဏ်အသီးသီးချမှတ်ခြင်းခံခဲ့ရသည်ဟုသိရသည်။
ထိုဇနီးမောင်နှံမှာ အသက်၅၀-နှစ် အရွယ်ရှိ ဂျိုးဆက် မေယော့တီ နှင့် အသက် ၄၉-နှစ်အရွယ်ရှိ လင်ဒါ မေယောတီတို့ ဖြစ်ကြသည်။ ဂျိုးဆက်မှာ အသက် ၁၃-နှစ်အရွယ်မွေးစားသမီးအား အသက် ၈-နှစ်မှစပြီး အဓ္ဓမကျူးလွန်ခဲ့ခြင်းဖြစ်ပြီး ပြစ်မှု ၁၁-မှုဖြင့် စွဲချက်တင်ခံခဲ့ရကာ ထောင်ဒဏ် နှစ်-၂၀ ပြစ်ဒဏ်ချမှတ်ခြင်းခံခဲ့ရသည်။
သူ၏ဇနီးဖြစ်သူ လင်ဒါမှာ အသက် ၁၅-နှစ်အရွယ်သာ ရှိသေးသည့် မွေးစားသားအား အဓ္ဓမပြုကျင့်ခဲ့ခြင်း ဖြစ်ပြီး ကိုယ်ဝန်ရရှိသည်အထိ ဖြစ်ခဲ့သည်။ လင်ဒါမှာ စွဲချက် ၁၉-ခုဖြင့် တရားစွဲဆိုခဲ့ပြီး ထောင်ဒဏ် ၂၂-နှစ် ပြစ်ဒဏ်ချမှတ်ခြင်းခံခဲ့ရသည်။
Ref : cnn
__________________________
ကင်ညာ ရှော့ပင်းမောလ် တိုက်ခိုက်မှုအား ရုရှားမွတ်စလင် ခေါင်းဆောင်များ ပြင်းပြင်းထန်ထန်ရှုတ်ချ
ဆိုမာလီအခြေစိုက်အကြမ်းဖက်အဖွဲ့ အလ်ရှာဘတ်အဖွဲ့၏ အစ္စလာမ်သာသနာ အမည်အား အလွဲသုံးစားလုပ်ကာ ကင်ညာမြို့တော် နိုင်ရိုဘီရှိ Westgate ရှော့ပင်းမောလ်အား ၀င်ရောက် စီးနင်းတိုက်ခိုက်သည့် လုပ်ရပ်ကို ရုရှားရှိ အစ္စလာမ့် ပညာရှင်များက ပြင်းပြင်းထန်ထန် ရှုတ်ချလိုက်သည်။
ထိုတိုက်ခိုက်မှုအတွင်းလူပေါင်း ၆၀ ကျော်သေဆုံးခဲ့ပြီး ရာပေါင်းများစွာ ဒဏ်ရာရရှိခဲ့သည်။ ထိုကဲ့သို့ ဆိုးရွားသည့် တိုက်ခိုက်မှု သတင်းက ပူပင်သောကရောက်စေပြီး မကျေမနပ်ဖြစ်စရာကောင်းသည့် လုပ်ရပ်ဖြစ်သည်ဟု မွတ်စလင်ခေါင်းဆောင်များက ပြောကြားခဲ့သည်။ “မွဖ်သီ (အစ္စလာမ့်ဓမ္မသတ် ပညာရှင်များ)ကောင်စီက အစ္စလာမ်အရေခြုံပြီးလုပ်တဲ့ ရာဇ၀တ်မှုမြောက်တဲ့ ဒီလိုအကြမ်းဖက် လုပ်ရပ်မျိုးကို ပြင်းပြင်းထန်ထန် ရှုတ်ချပါတယ်။ အစ္စလာမ်က အကြမ်းဖက်ဝါဒကို ရွံရှာပါတယ်။
အပြစ်မဲ့တဲ့ လူတစ်ယောက်ကိုသတ်ဖြတ်ခြင်းဟာ လူသားအားလုံးကို သတ်ဖြတ်ခြင်းသာဖြစ်တယ်လို့ ကုရ်အာန်မှာ တိတိကျကျဆိုထားပါတယ်။ အကြမ်းဖက်သမား တစ်ယောက်၊ ဒါမှမဟုတ် ရာဇ၀တ်မှုကျူးလွန်သူ တစ်ယောက်ဟာ မွတ်စလင် မဖြစ်နိုင်တော့ပါဘူး။ အဲဒီလိုပဲ စစ်မှန်တဲ့ မွတ်စလင်တစ်ယောက်ဟာလည်း အကြမ်းဖက်သမား မဖြစ်နိုင်ပါဘူး။” ဟု မွဖ်သီကောင်စီ၏ကြေညာချက်ကို ပြောကြားခဲ့သည်။
လူသတ်သမားများသည် ငရဲဘုံသို့ သွားရမည်ဟု ကုရ်အာန် ကျမ်းတော်မြတ်တွင် ဖော်ပြထားသောကြောင့် ယခုကဲ့သို့ လုပ်ရပ်များကိုကျူးလွန်နေသောတရားခံများမှာ ၎င်းတို့၏လုပ်ရပ်များ အတွက်ပြန်လည်ပေးဆပ် ရမည်ဟု အစ္စလာမ့်ပညာရှင်များက ထပ်လောင်းပြောကြားခဲ့သည်။
အစ္စလာမ်သာသနာတွင် မိမိအားမတရားသဖြင့် အနိုင်ကျင့်ကျူးကျော်သူများကို ထိုသူတို့၏ မတရားသောလုပ်ရပ်များ ချုပ်ငြိမ်းသွားသည် အထိ ခုခံ ပိုင်ခွင့်ပေးထားသော်လည်း အပြစ်မဲ့သူများအား သတ်ဖြတ်ခြင်းကို ပြင်းပြင်းထန်ထန်တားမြစ်ထားသည်။
အလ်ရှာဘတ်အဖွဲ့မှာ ဆိုမာလီယာတွင် အခြေစိုက်ပြီး အာဖရိက တစ်ဝှမ်းတွင် အမေရိကန်နှင့် အစ္စရေးတို့၏ အကျိုး စီးပွားများအား အကြမ်းဖက် တိုက်ခိုက်နေသည့် စစ်သွေးကြွအဖွဲ့ တစ်ခုဖြစ်ပြီး သီတင်းနှစ်ပတ်ကျော်ခန့်ကပင် ဆိုမာလီယာ အစ္စလာမ့် ပညာရှင်များက အလ်ရှာဘတ်အဖွဲ့၏ လုပ်ရပ်များမှာ အစ္စလာမ်၏ သွန်သင်မှုနှင့် ဆန့်ကျင်ကြောင်း ဓမ္မသတ်ထုတ်ပြန်ခဲ့သေးသည်။
Ref: Voice Of Russia
_________________________
ဆီးရီးယားရှိ ဓါတုလက်နက်များလွှဲပြောင်းယူခဲ့သည်ဆိုသည့်သတင်းအား ဟစ်ဇ်ဘိုလာငြင်းဆို
ဆီးရီးယားအစိုးရ၏ ခိုင်မာသော မဟာမိတ်ဖြစ်သည့် လက်ဘနွန်အခြေစိုက် ဟစ်ဇ်ဘိုလာအဖွဲ့ခေါင်းဆောင် ဟာဆန်နာဆရာလာက ၎င်းတို့အဖွဲ့အနေဖြင့် ဆီးရီးယားမှ ဓာတုလက်နက်များ လွှဲပြောင်းရယူခဲ့သည့်ဆိုသည့် သတင်းအား ငြင်းဆိုလိုက်သည်။
ဆီးရီးယားအနေဖြင့် ဓာတုလက်နက်များအား နိုင်ငံတကာ ထိန်းချုပ်မှု လက်သို့အပ်ရန် သဘောတူညီပြီးနောက် ထိုသဘောတူညီချက်အား ရှောင်ရှားရန် ဓာတုလက်နက်များကို လက်ဘနွန်ရှိ ဟစ်ဇ်ဘိုလာအဖွဲ့အား လွှဲပြောင်းပေးခဲ့သည်ဟု ဆီးရီးယားအတိုက်အခံတပ်ဖွဲ့မှ ပြီးခဲ့သည့်လက စွပ်စွဲခဲ့သည်။
“ဒီစွပ်စွဲမှုဟာ သိပ်ကိုရယ်စရာကောင်းပါတယ်။ ဒီစွပ်စွဲမှုကို ဖြစ်ပေါ်လာတဲ့ နောက်ခံအကြောင်းအရင်းနဲ့ ရှုထောင့်တွေကို ကျွန်တော်တို့နားလည်ပါတယ်။ ပြီးတော့ ဒီစွပ်စွဲချက်မှာ လက်ဘနွန်နိုင်ငံအတွက် အန္တရာယ်ရှိတဲ့ အကျိုးဆက်ရှိနေပါတယ်” ဟု ယမန်နေ့က ရုပ်သံတွင်ပြောကြားခဲ့သည်။
Ref : aljazeera
_________________________
ဇနီးသည်အား ကြောက်ရွံ့မှုကြောင့် ဆေးလိပ်ဖြတ်ခဲ့သည်ဟု အိုဘားမားဆို
အမေရိကန်သမ္မတ ဘာရက်အိုဘားမားက ၎င်းအနေဖြင့် ဆေးလိပ်ဖြတ်ခဲ့ခြင်းမှာ
သူ၏ မိန်းမအားကြောက်ရွံ့သောကြောင့် ဖြစ်သည်ဟုအမှတ်တမဲ့ ပြောဆိုခဲ့ခြင်းအား မိုကရိုဖုန်းတစ်ခုမှ ဖမ်းယူနိုင်ခဲ့သည်။
ကုလသမဂ္ဂအထွေထွေ ညီလာခံအတွင်း တနင်္ဂနွေနေ့က သီးခြားပြုလုပ်ခဲ့သည့် ယဉ်ကျေးသောလူ့အဖွဲ့အစည်း၏ အရေးပါမှုနှင့်ပက်သက်ပြီး ပြုလုပ်သော ပွဲတစ်ခုအပြီး စကားပြောဆိုနေချိန်တွင် ထိုကဲ့သို့ပြောကြားလိုက်ခြင်းဖြစ်သည်။
ထိုပွဲပြီးနောက် အိုဘားမားက ရပ်နေပြီး ၎င်း၏ ဘေးနားရှိလူအား ဆေးလိပ်ဖြတ်လိုက်ပြီလားဟု မေးမြန်းခဲ့သည်။ ထိုလူမှ အိုဘာမားအား ပြန်လည်မေးမြန်းရာတွင် အိုဘာမားက ပြုံးစစဖြင့် “ကျွန်တော် ဆေးလိပ်မသောက်တော့တာ ၆-နှစ်လောက်ရှိပြီ ထင်ပါတယ်။ ဘာ့ကြောင့်လဲဆိုတော့ ကျွန်တော့မိန်းမကို ကြောက်ရလို့ပါ” ဟု
အမှတ်တမဲ့ပြောကြားခဲ့မှုအား CNN သတင်းဌာန၏ သတင်းထောက်မှ အသံဖမ်းယူမိခဲ့သည်။
အိုဘာမား၏လက်ရှိပုံစံမှာ ကျန်းမာသောသူတစ်ဦးအဖြစ် မြင်ရသော်လည်း ငယ်ငယ်ကဆေးလိပ်စွဲခဲ့ကာ၊ ကျန်းမာရေးချို့တဲ့ခဲ့သည်ဟု သူကိုယ်တိုင် ရေးသားသည့် “Dreams From My Father” စာအုပ်တွင်ရေးသားထားသည်။
Ref : afp
_________________________
____________________
____________________
