Blog

စက်တင်ဘာ ၁၇၊ ၂၀၁၃
M-Media

၂၀၁၅မှာ စနစ်ကျသော ရွေးကောက်ပွဲဖြစ်လာရန် မည်သည့်စနစ်သုံးမည်ကို  ၂၀၁၃ မကုန်မီ အကြောင်းပြန်သင့်

ရွေးကောက်ပွဲစနစ်ပြောင်းရန် ပါတီအချို့မှ ရွေးကောက်ပွဲ ကော်မရှင်အား တင်ပြလာသည့် အတွက် ဆုံးဖြတ်ပေးရန် လွှတ်တော်သို့ တင်ပြထားသော်လည်း
ယခုထိ အကြောင်း ပြန်ကြားခြင်း မရှိသေးသောကြာင့် မြန်မာနိုင်ငံတွင် လက်ရှိကျင့်သုံးနေသည့် FPTP (First Past the Post) စနစ်အား ဆက်လက် ကျင့်သုံးမည် သို့မဟုတ် PR (Proportional Representation) ကို ကျင့်သုံးမည်လားဆိုသည်ကို ၂၀၁၃-ခု မကုန်မီ အကြောင်းပြန်မှ သာလျှင် ၂၀၁၅ ရွေးကောက်ပွဲ အတွက် စနစ်ကျမည်ဖြစ်ကြောင်း ရွေးကောက်ပွဲကော်မရှင် ဥက္ကဋ္ဌ ဦးတင်အေးက မီဒီယာများနှင့် တွေ့ဆုံစဉ်ပြောကြားခဲ့ကြောင်း မြန်မာ့ခေတ်တွင် ဖော်ပြထားပါတယ်။
_______________________

အနုမြူစစ်ဆေးရေး သဘောတူစာချုပ် မြန်မာလက်မှတ်ထိုးမည်

မြန်မာနိုင်ငံအတွင်း အနုမြူစစ်ဆေးခွင့်ကို လက်ခံသဘောတူသည့် စာချူပ်တရပ်ကို မြန်မာအစိုးရနှင့် ကုလသမဂ္ဂ နိုင်ငံတကာ အနုမြူအေဂျင်စီ (IAEA) အကြား လာမည့် အင်္ဂါနေ့တွင် IAEA ရုံးစိုက်ရာ သြစတြီးယားနိုင်ငံ ဗီယင်နာမြို့မှာလက်မှတ်ရေးထိုးတော့မည်ဖြစ်ကြောင်း RFA ရဲ့ သတင်းတပုဒ်မှာ ဖော်ပြထားချက်အရ သိရှိရပါတယ်။

_______________________

လွှတ်တော်များသည် အစိုးရတစ်ရပ်ဟု ပြောကြားခဲ့သည့် သူရဦးရွှေမန်းအား နိုင်ငံပိုင်း သတင်းစာများ တုန့်ပြန်ဝေဖန်

ဦးရွှေမန်းက ယခင်က လွှတ်တော်အစည်းအဝေးများတွင် ထုတ်ဖော်ပြောဆိုလေ့ရှိသကဲ့သို့ပင် စက်တင်ဘာ ၈-ရက်နေ့က အင်းစိန်မြို့နယ် ငါးလုပ်ငန်းအဖွဲ့ချုပ်တွင် ပြုလုပ်သော စီးပွားရေးလုပ်ငန်းရှင်များနှင့် တွေ့ဆုံပွဲတွင်လည်း လွှတ်တော်များသည် အစိုးရတစ်ရပ်ဖြစ်သည်ဟု အလေးပေး ပြောဆိုခဲ့ပါတယ်။ ပြည်သူ့လွှတ်တော်ဥက္ကဋ္ဌ ဦးရွှေမန်းက အုပ်ချုပ်ရေး၊ ဥပဒေပြုရေးနှင့် တရားစီရင်ရေး အာဏာ၃-ရပ်ပေါင်းမှ အစိုးရဟု ခေါ်ဆိုနိုင်ပြီး လွှတ်တော်ကိုယ်စားလှယ်များနှင့် လွှတ်တော်သည်လည်း အစိုးရပင်ဖြစ်သည် ဆိုသည့်အပေါ် အစိုးရသတင်းစာများက တုန့်ပြန်ဝေဖန်လိုက်ကြပါတယ်။

________________________
ဆီးရီးယားရဟတ်ယာဉ်တစ်စီးအား တူရကီပစ်ချ

ယမန်နေ့က တူရကီလေပိုင်နက်ထဲသို့ဝင်ရောက်လာပြီး ထွက်ခွာသွားရန်သတိပေးမှုအား မလိုက်နာခဲ့သည့် ဆီးရီးယား စစ်ဘက်သုံး ရဟတ်ယာဉ်တစ်စီးအား တူရကီ တိုက်လေယာဉ်မှ ပစ်ချခဲ့သည်ဟု တာဝန်ရှိသူများက သတင်းထုတ်ပြန်ခဲ့သည်။ အဆိုပါရဟတ်ယာဉ်မှာ တူရကီလေပိုင်နက်ထဲသို့ ၂ ကီလိုမီတာခန့်ဝင်ရောက်ခဲ့ပြီး တူရကီ တိုက်လေယာဉ်မှ ဒုံးကျည်ဖြင့်ပစ်ခတ်ခဲ့ပြီးနောက် ဆီးရီးယားနယ်နမိတ်အတွင်း ပျက်ကျခဲ့သည်ဟု တူရကီ ဒုတိယ၀န်ကြီးချုပ် Bulent Arinc က ပြောကြားခဲ့သည်။
aljazeera
___________________

မက္ကဆီကိုတွင်မြေပြိုမှုကြောင့် ၁၂-ဦးသေဆုံး

မက္ကဆီကိုနိုင်ငံ အရှေ့ဘက်ရှိမြို့တစ်မြို့တွင် ခရီးသည်တင်ဘတ်စ်ကားတစ်စီးအပေါ် မြေပြိုမှုကြောင့် အနည်းဆုံး လူ ၁၂ -ဦး သေဆုံးခဲ့သည်ဟု တာဝန်ရှိသူများက သတင်းထုတ်ပြန်ခဲ့သည်။ နိုင်ငံအရှေ့ဘက် Veracruz ပြည်နယ်၊ Altotonga မြို့တွင် ယမန်နေ့က ဖြစ်ပွားခဲ့ခြင်းဖြစ်ပြီး သေဆုံးသူများထဲတွင် ကလေးငယ်တစ်ဦးနှင့် အမျိုးသမီးနှစ်ဦး ပါဝင်သည်ဟု ပြည်နယ်လူမှုကာကွယ်ရေးအေဂျင်ဆီကပြောကြားခဲ့သည်။ ရှာဖွေကယ်ဆယ်ရေးလုပ်ငန်းများအား လုပ်ဆောင်ရန် အတွက် စစ်သားများနှင့် အရပ်သားများမှာ အခင်းဖြစ်ပွားရာနေရာသို့သွားရောက်ခဲ့ကြပြီး ပြည်နယ် အုပ်ချုပ်ရေးမှူး Javier Duarte de
Ochoa ကလည်း သေဆုံးကွယ်လွန်သူများ၏ မိသားစုများအား ၀မ်းနည်းကြောင်းပြောကြားခဲ့သည်။
xinhuanet

___________________

ဆီးရီးယားအတိုက်အခံများအား လူကိုမသေစေနိုင်သည့် ဓာတုလက်နက်ပစ္စည်းများ အိုဘားမားထောက်ပံ့မည်

ဓာတုလက်နက်များသုံးစွဲမှုတိုးပွားလာခြင်းအား ရပ်တန့်ရန် ဆီးရီးယားအတိုက်အခံများအား လူကိုမသေစေနိုင်သည့် ဓာတုလက်နက် ပစ္စည်းများ ထောက်ပံ့ရန် တာဝန်ရှိသူများအား အုပ်ချုပ်ရေးအမိန့်တစ်ရပ် တနင်္လာနေ့ကပေးခဲ့ကြောင်း သိရသည်။ ထိုအမိန့်အရ အတိုက်အခံများအား လေ့ကျင့်ပေးရေး၊ အတိုက်အခံများ၊ U.S. aid အစီအစဉ်အားကောင်အထည်ဖော်နေသည့် အဖွဲ့အစည်းများနှင့် ဓာတုလက်နက်သုံးစွဲမှုတိုးပွားလာခြင်းအား တားဆီးရန် ကူညီနေကြသည့် နိုင်ငံတကာ အဖွဲ့အစည်းများ အားလုံးအားထောက်ပံ့ရေးတို့ ပါဝင်မည်ဖြစ်သည်။
xinhua
___________________

မုန်တိုင်းကြောင့် ဂျပန်တွင်မြေပြိုမှုဖြစ်ပေါ် ၃-ဦးသေဆုံး

အလွန်အင်အားကောင်းသော တိုင်ဖုန်းမုန်တိုင်းကြောင့် ဂျပန်နိုင်ငံတစ်ဝှမ်းတွင် မြေပြိုမှုများ၊ မိုးကြီးမှုများနှင့် လေပြင်းမုန်တိုင်းတိုက်ခတ်မှုများ ဖြစ်ပေါ်လျက်ရှိပြီး ထိုဘေးအန္တရာယ်များကြောင့် ယခုအချိန်ထိ လူသုံးဦးသေဆုံးကာ ၅-ဦးပျောက်ဆုံးနေသည်ဟု သိရသည်။ မန်ယီအမည်ရှိ အဆိုပါတိုင်ဖုန်းမုန်တိုင်းမှာ ယခုနှစ် အတွင်း ဂျပန်နိုင်ငံတွင်ဝင်ရောက်သည့် ၁၈-ခုမြောက်တိုင်ဖုန်းမုန်တိုင်းဖြစ်ပြီး ဂျပန်နိုင်ငံအလယ်ပိုင်း Aichi ပြည်နယ် Toyohashi ဒေသအနီးသို့ ယမန်နေ့နံနက် ၈-နာရီက ၀င်ရောက်ခဲ့ခြင်းဖြစ်သည်။ ဂျပန်မိုးလေ၀သအေဂျင်စီက Kyoto၊ Shiga နှင့် Fukui ပြည်နယ်များတွင်လည်း မုန်တိုင်းသတိပေးချက်များ ထုတ်ပြန်ထားသည်။
xinhua

_____________________
ပါလက်စတိုင်းတစ်ဦးအား အစ္စရေးပစ်သတ်

အစ္စရေးက မတရားသိမ်းပိုက်ထားသည့် အနောက်ဘက်ကမ်းခြေရှိ ဒုက္ခသည်စခန်းတစ်ခု၌ဖြစ်ပွားခဲ့သည့် ယနေ့နံနက်ဆန္ဒပြမှုအတွင်း ပါလက်စတိုင်း လူငယ်တစ်ဦးအား အစ္စရေးစစ်တပ်က ပစ်သတ်ခဲ့သည်ဟုသိရသည်။ သေဆုံးသွားသူမှာ အသက် ၁၉-နှစ်အရွယ်သာရှိသေးသည့် အလ် တူဘာစစ်ဖြစ်ပြီး အစ္စရေးစစ်သားများက တူဘာစစ်မိသားစုနေအိမ်အားဝင်ရောက်ခဲ့ပြီး သေနတ်ဖြင့်ပစ်ခဲ့သောကြောင့် ပြင်းထန်စွာဒဏ်ရာရသွားကာ ဆေးရုံအရောက်တွင် သေဆုံးခဲ့ကြောင်း မျက်မြင်သက်သေများက ပြောကြားခဲ့သည်။ ထိုဆန္ဒပြမှုအတွင်း အခြား ပါလက်စတိုင်းနိုင်ငံသားတစ်ဦးမှာလည်း ဒဏ်ရာရရှိခဲ့သည်ဟုသိရသည်။
presstv

_____________________
ယခုနှစ်အတွင်း ဥဇဘက်ကစ္စတန်တွင် ဗလီဝတ်ကျောင်းတော် သုံးဒါဇင်ခန့်တည်ဆောက်မည်

ယခုနှစ်အတွင်း ဗလီဝတ်ကျောင်းတော် ၃၆-လုံးအား တည်ဆောက်ရန်စီစဉ်ထားသည့် ဥဇဘက်ကစ္စတန်နိုင်ငံအတွင်း ဗလီဝတ်ကျောင်းတော် ၂၇ လုံးမှာ ဆောက်လုပ်ဆဲအနေအထားတွင်ရှိနေပြီး ဗလီကျောင်းတော်အဟောင်း ၁၂၄ လုံးအား ပြန်လည်ပြင်ဆင်နေသည်ဟုသိရသည်။ Tashkent မြို့တွင်ရှိသည့် Hajj Valius Ahrar ဗလီဝတ်ကျောင်းတော် ပြန်လည်ပြင်ဆင်ခြင်းလုပ်ငန်းမှာ ပြီးစီးသွားပြီဖြစ်သည်။ ယမန်နှစ်က ဥဇဘက်ကစ္စတန်မွတ်စလင်စီမံခန့်ခွဲရေး
အဖွဲ့အစည်း၏ အကူအညီဖြင့် ဗလီဝတ်ကျောင်းတော်အသင်း ၁၂ လုံးတည်ဆောက်ပြီးစီးခဲ့ပြီး ၂၀-ကျော်ကိုပြန်လည်ပြုပြင်နိုင်ခဲ့သည်။ ဥဇဘက်ကစ္စတန်နိုင်ငံတွင် အယူဝါဒ ၁၅ မျိုးမှ ဘာသာရေးအဆောက်အဦးပေါင်း ၂၂၃၀ ခန့်ရှိပြီး အစ္စလာမ်ဘာသာရေးအဆောက်အဦးမှာ ၂၀၃၀ခုဖြင့် ၉၂ ရာခိုင်နှုန်းရှိနေသည်။
islam

____________________

ဆီးရီးယားတွင် ဓာတုလက်နက်ဖြင့် တိုက်ခိုက်ခဲ့သည်ဟု ကုလအတည်ပြု

ပြီးခဲ့သည့်လက ဒမတ်စကတ်မြို့ဆင်ခြေဖုံးတွင်ဖြစ်ပွားခဲ့သောလူအမြောက်အများသေဆုံးခဲ့သည့် တိုက်ခိုက်မှုတွင် ဓာတုလက်နက်ပမာဏ အများအပြားသုံးခဲ့ကြောင်း ရှင်းလင်း၍ ယုံကြည်ရလောက်သော အထောက်အထားများအား ကုသမဂ္ဂ စုံစမ်းစစ်ဆေးရေးမှူးက တွေ့ရှိခဲ့သည်ဟုသိရသည်။ စုံစမ်းစစ်ဆေးရေးမှူး၏ အစီရင်ခံစာကို ယမန်နေ့က ကုလသမဂ္ဂတွင်ထုတ်ပြန်ခဲ့ပြီး ထိုတိုက်ခိုက်မှုမှာ မည်သူကပြုလုပ်သည်ကို ဖော်ပြထားခြင်းမရှိပေ။ ဆီးရီးယာနိုင်ငံ ဒမတ်စကတ်မြို့တော် ဂူတာဒေသ အနီးတွင် သြဂုတ်လ ၂၁-ရက်နေ့က ပစ်ခတ်ခဲ့သည့် မြေပြင်မှမြေပြင်ပစ်ဒုံးကျည်တွင် ဆာရင်းအဆိပ်ဓာတ်ငွေ့ အမြောက်အများအသုံးပြုခဲ့ကြောင်း စုဆောင်းရရှိသည့် ပတ်ဝန်းကျင်ဆိုင်ရာ၊ ဓာတုဗေဒဆိုင်ရာ၊ ဆေးပညာဆိုင်ရာ နမူနာများက ဖော်ပြနေသည်ဟု အဆိုပါအစီရင်ခံစာတွင်ဖော်ပြထားသည်။
aljazeera

____________________

ပါကစ္စတန်တွင် ဟိန္ဒူများနှင့် ဆစ်ခ်လူမျိုးများ တင်းမာမှုများဖြစ်ပွား

ပါကစ္စတန်နိုင်ငံတောင်ပိုင်း ဆင်းပြည်နယ်တွင် ဟိန္ဒူလူမျိုးစုများနှင့် ဆစ်ခ်လူမျိုးများစုများအကြား တင်းမာမှုများ တစတစကျယ်ပြန့်လာကာ ထိုကဲ့သို့တင်းမာမှုများအား ပါကစ္စတန် အစ္စလာမ်ဘာသာရေးခေါင်းဆောင်များက ရှုတ်ချလိုက်ပြီး အယူဝါဒအားလုံနှင့် သွေဖည်သော လုပ်ရပ်များဖြစ်သည်ဟုပြောကြားလိုက်သည်။ ဆစ်ခ်အယူဝါဒအား တည်ထောင်သူ Baba Gru Nanak ၏ သွန်သင်ချက်များကို စုစည်းထားသည့် Gru Garanth Saheb ကျမ်းစာအုပ်၏  မီးလောင်ကျွမ်း နေသော အစိတ်အပိုင်းများ၊ စုတ်ပြဲနေသည့်အစိတ်အပိုင်းများအားတွေ့ရှိရပြီးနောက် တင်းမာမှုများမှာ ကြီးထွားလာခြင်းဖြစ်သည်။ Mehhar၊ Pano Aqil၊ Sukkur၊ Mirpur Mathelo Shikarpur မြို့များရှိ ဟိန္ဒူဘုရားကျောင်းများတွင် ထိုကဲ့သို့တွေ့ရှိရခြင်းဖြစ်ပြီး ပါကစ္စတန်ဆစ်ခ်ကောင်စီမှ ထိုလုပ်ရပ်များအတွက် ဟိန္ဒူများကို အပြစ်တင်ပြောဆိုခဲ့သည်။  “ဟိန္ဒူတော်တော်များများက Baba Gru Nanak ရဲ့နောက်လိုက်တွေဖြစ်ကြပြီး ကျမ်းစာအုပ်ကို သူတို့ရဲ့ဘုရားကျောင်းတွေမှာ
သိမ်းဆည်းထားကြပါတယ်။ ကျွန်တော် ဟိန္ဒူလူ့အဖွဲ့အစည်းတစ်ခုလုံးကို အပြစ်မတင်ချင်ပေမယ့် သူတို့အထဲမှာ ကျွန်တော်တို့ လူ့အဖွဲ့အစည်းနှစ်ခုရဲ့ကောင်းမွန်တဲ့ ဆက်ဆံရေးကို ပျက်သုဉ်းစေချင်တဲ့ လူအချို့ရှိနေပါတယ်” ဟု ပါကစ္စတန်ဆစ်ခ်ကောင်စီ၏ ဥက္ကဌဖြစ်သူ Sardar Ramesh က ပြောကြားခဲ့သည်။ “ဒီလိုပြဿနာတွေ
ဘယ်နေရာမှာဖြစ်ခဲ့တယ်ဆိုတာ နိုင်ငံအဆင့်၊ ပြည်နယ်အဆင့်မှာရှိတဲ့ ဟိန္ဒူအသိုင်းအ၀ိုင်းရဲ့ လူကြီးတွေကိုလည်း ကျွန်တော်တို့အကြောင်းကြားပြီးပါပြီ။ ဒီလိုစက်ဆုပ်စရာကောင်းတဲ့လုပ်ရပ်တွေမှာ သူတို့လူတွေပါဝင်ခဲ့တယ်ဆိုတာလည်း သူတို့ဝန်ခံခဲ့ပါတယ်” ဟု Ramesh က ဒေါသတစ်ကြီးပြောဆိုခဲ့သည်။
ပါကစ္စတန်ဟိန္ဒူကောင်စီ၏ အကြီးအကဲဟောင်းဖြစ်သူ Raja Asar Manglani က “ဒီလိုရွံစရာကောင်းတဲ့လုပ်ရပ်တွေမှာ ဟိန္ဒူအချို့ပါခဲ့တယ်ဆိုတာ မှန်ပါတယ်။ ဟိန္ဒူအသိုင်းအ၀ိုင်းက ဒီလုပ်ရပ်ကိုပြင်းပြင်းထန်ထန်ရှုတ်ချတယ်။ ပြီးတော့  ပါကစ္စတန်မှာရှိတဲ့ ဆစ်ခ်နဲ့ ဟိန္ဒူလူမျိုးတွေရဲ့ကြားထဲမှာ အမုန်းမျိုးစေ့စိုက်ပျိုးချင်ကြတဲ့သူ တွေထဲမှာလည်း ပါဝင်မှာမဟုတ်ပါဘူး” ဟု ပြောကြားခဲ့သည်။
onislam