သြဂုတ်-၁၇-၂၀၁၃
အီဂျစ်သွေးချောင်းစီးမှု နဲ့ နိုင်ငံတကာအသံများ
ဗုဒ္ဓဟူးနေ့တွင် ဒဏ်ရာရထားသူ ဖြုတ်ချခံအီဂျစ်သမ္မတ မုဟမ္မဒ် မူရ်စီထောက်ခံသူတစ်ဦးအား လုံခြုံရေးတပ်ဖွဲ့ဝင်များက ကိုင်ရို ရှိ Rabaa Adawiya square နေရာသို့ သယ်ဆောင်လာစဉ် (ရိုက်တာ -ဓာတ်ပုံ) အီဂျစ်မှာ သေဆုံးသူဦးရေ ၅၀၀ (update ၇၀၀ကျော်) ကျော်သွားပြီဖြစ်လို့ ကမ္ဘာ့နိုင်ငံကြီးတွေ အသံကျယ်လောင်လာပါပြီ။ ကျန်းမာရေးဝန်ကြီးဌာနက ဒဏ်ရာရသူပေါင်း ၃၇၁၇ ဦး နဲ့ မွတ်စ်လင်မ်ညီနောင်များအဖွဲ့(Muslim Brotherhood) က သေဆုံးသူ ၂၆၀၀ ဦးရှိသွားပြီလို့ဆိုပါတယ်။ ဒိန်းမတ်နိုင်ငံက အထောက်အပံ့ရွှေ့ဆိုင်းလိုက်သလို အခြားနိုင်ငံများကလည်း အလားတူ လုပ်ဆောင်ဖို့ရှိနေတယ်။ ဖိလစ်ပိုင်ကတော့ မိမိနိုင်ငံသားတွေကို အီဂျစ်ကနေ ထွက်ခွာဖို့ တွန်းအားပေးလိုက်ပါပြီ။
ရာထူးကနေဖြုတ်ချပစ်တဲ့ အီဂျစ် သမ္မတ မုဟမ္မဒ် မူရ်စီ ကို ထောက်ခံသူတွေရဲ့ ဆန္ဒပြမှုအပေါ် သွေးချောင်းစီးနှိမ်နှင်းမှုကြောင့် အီဂျစ်စစ်ခေါင်းဆောင်တွေကို နိုင်ငံတကာက ကြာသပတေးနေ့မှာ ရှုတ်ချကန့်ကွက်ခဲ့ကြတယ်။ နောက်ဆက်တွဲပဋိပက္ခများ နဲ့ တုန့်ပြန်တိုက်ခိုက်မှုများကြောင့် သေဆုံးသူဦးရေ ၅၀၀ ကျော်လွန်သွားပြီဖြစ်လို့ပါဘဲ။
အချိန်အတန်ကြာအုပ်ချုပ်ခဲ့သူ အာဏာရှင် ဟော့စ်နီ မုဘာရက်လက်ထက် ၂၀၁၁ ခုနှစ်က အဆိုးဆုံးကာလထက် ပိုဆိုးနေပြီး သေဆုံးသူ ၅၂၅ ဦး နဲ့ ဒဏ်ရာရသူ ၃၇၁၇ ဦး ရှိပြီလို့ ကျန်းမာရေးဝန်ကြီးဌာနပြောရေးဆိုခွင့်ရှိသူ ခါလစ် အလ် ခသွီးဘ် က ပြီးခဲ့တဲ့ ကြာသပတေးနေ့မှာ ပြောကြားလိုက်တယ်။
မူရ်စီရဲ့ Muslim Brotherhood အဖွဲ့က သေဆုံးသူ ၂၆၀၀ အထိရှိပြီး ဒဏ်ရာရသူပေါင်း တစ်သောင်းဝန်းကျင်အထိ ရှိတယ်လို့ဆိုပါတယ်။ ဒါပေမယ့် ဒီအချက်အလက်တွေကို အတည်မပြုနိုင်သေးပါဘူး။
ဒီလို လွန်လွန်ကျူးကျူးအကြမ်းဖက်မှုကြီးကို အမေရိကန်က ဦးဆောင်ပြီး ကန့်ကွက်ခဲ့ကြတယ်။ ပဲရစ်၊ လန်ဒန်၊ ဘာလင်၊ ရောမတို့က အီဂျစ်သံအမတ်များကို ဆင့်ခေါ်ပြီး မိမိတို့မှ စိုးရိမ်သောကကြီးမားနေကြောင်းကို ထုတ်ဖော်ပြောဆိုကြတယ်။ မူရ်စီကို အားပေးထောက်ခံတဲ့ တူရကီဝန်ကြီးချုပ် ရီဆက် သွိုင်ယစ် အာဒိုဂန်ကလည်း ဆန္ဒပြသူများကို တအုံတကျင်းသတ်ဖြတ်နေမှုနဲ့ပတ်သက်ပြီး ကုလသမဂ္ဂလုံခြုံရေးကောင်စီမှာ အရေးပေါ်အစည်းအဝေး ကျင်းပဖို့ဆော်သြလိုက်ပါတယ်။
တရုတ်ပြည်ကတော့ ထုံးစံအတိုင်း နှုတ်ဆိတ်နေခဲ့တယ်။ ပါတီအားလုံးက ကိုယ်စီကိုယ်ငှ အတတ်နိုင်ဆုံးထိန်းချုပ်ကြဖို့ပဲ ဆိုပါတယ်။ လုံခြုံရေးကောင်စီအမြဲတမ်းအဖွဲ့ဝင် ရုရှကလည်း ကမ္ဘာလှည့်ခရီးသည်များ အီဂျစ်ကို မသွားကြဖို့ တိုက်တွန်းတာလောက်ဘဲ ရှိခဲ့တယ်လို့ Agence France Presse (AFP) သတင်းဌာနက ဆိုတယ်။
ကိုင်ရိုက စစ်ခေါင်းဆောင်တွေကို ထောက်ခံကြောင်း ယူအေအီး နဲ့ ဘာရိန်းတို့သာလျှင် အစပိုင်းကတည်းက အသံထွက်ခဲ့ကြတာပါ။
“ အီဂျစ်မှာ ပြည်တွင်းစစ်ကို ရှောင်လွှဲဖို့ ဘယ်လိုနည်းလမ်းနဲ့ဖြစ်ဖြစ် ပြုလုပ်မှဖြစ်တော့မယ်။ ဒီဝမ်းနည်းစရာဖြစ်ရပ်တွေအပေါ် မိမိတို့အစိုးရက အလွန်စိုးရိမ်ပူပန်မိပါတယ်။ ပြင်သစ်အနေနဲ့ နိုင်ငံရေးနည်းလမ်းနဲ့ အဖြေတစ်ရပ်ရှာဖွေဖို့၊ တတ်နိုင်သမျှ ရွေးကောက်ပွဲကို အမြန်ဆုံးကျင်းပနိုင်ဖို့ အီဂျစ်ကြားဖြတ်အစိုးရနဲ့ လက်တွဲဆောင်ရွက်သွားဖို့ ရှိနေပါတယ် ” လို့ ပြင်သစ်သမ္မတ ဖရန်စစ် ဟော်လန်ဒီက အီဂျစ်သံတမန်ကို ပြောကြားခဲ့တယ်။ အကြမ်းဖက်မှုနဲ့ပတ်သက်ပြီး အလွန်အမင်းစိုးရိမ်ပူပန်နေကြောင်း၊ လုံးလုံးလျားလျား ထိန်းချုပ်ဖို့လိုကြောင်း ထုတ်ဖော်ပြောကြားချက်နဲ့အတူ ရှုတ်ချခဲ့တယ်။
ဂျာမဏီနိုင်ငံခြားရေးဝန်ကြီး ဂီဒို ၀က်စ်တာဝီလီက အကြမ်းဖက်မှုကို အဆုံးသတ်ဖို့ နဲ့ ရင်ကြားစေ့ညှိနှိုင်းရေးကို စတင်ဖို့ နှိုးဆော်လိုက်ပြီး၊ မိမိတို့အနေနဲ့ မရေရာတဲ့အနေအထားမှာ မပါဝင်ဘူးလို့ အီဂျစ်သံတမန်ကို ပြောဆိုခဲ့ကြောင်း ၀န်ကြီးရဲ့ပြောခွင့်ရပုဂ္ဂိုလ်က ဆိုပါတယ်။
တူရကီဝန်ကြီးချုပ် အာဒိုဂန်က “ ငြိမ်းချမ်းစွာဆန္ဒပြတဲ့ အီဂျစ်ပြည်သူတွေကို ခုလို တအုံတကျင်းသတ်ဖြတ်တာ တော်တော့်ကို ဆိုးရွားလှပါတယ် ” လို့ဆိုခဲ့တဲ့အပြင် ဒီသွေးချောင်းစီးမှုအပေါ် ရေငုံနှုတ်ပိတ်နေနေတဲ့ ကမ္ဘာ့အသိုင်းအ၀ိုင်းတွေကိုလည်း ဝေဖန်လိုက်ပါတယ်။
အီဂျစ်နိုင်ငံရဲ့ ပထမဦးဆုံး ဒီမိုကရေစီနည်းကျ ရွေးချယ်တင်မြှောက်ခံရတဲ့အပြင် အစ္စလာမ့်ခေါင်းဆောင်လည်းဖြစ်တဲ့ မူရ်စီကို ဖြုတ်ချတဲ့ကိစ္စမှာ အမေရိကန်က ကနဦးပိုင်းကတော့ ကန့်ကွက်တာ မရှိခဲ့ဘူး။ အဲ့ဒီဖြုတ်ချနိုင်မှုကို အောင်မြင်မှု/အသာစီးရမှု ဆိုတဲ့ အသုံးအနှုန်းမျိုးကိုလည်း ရှောင်ကြဉ်ထားတာကို တွေ့ရတယ်။ ကိုင်ရိုအပေါ် နှစ်စဉ် ထောက်ပံ့ဖို့ရှိနေတဲ့ စစ်ရေးစားရိတ် ဒေါ်လာ ၁.၃ သန်းကိုလည်း အမေရိကဥပဒေအရ ဆိုင်းငံ့လိုက်ပါတယ်။ ဒါပေမယ့် ဂျွန်ကယ်ရီက စစ်တပ်ကျောထောက်နောက်ခံအီဂျစ်အစိုးရကို ကူညီထောက်ပံ့မယ်ဆိုတဲ့ ကနဦးဖွင့်ပြောချက်ကို ပြန်လည်ရုပ်သိမ်းလိုကြောင်း သူ့စကားထဲမှာ တွေ့ခဲ့ရတယ်။ ရွေးကောက်ပွဲကျင်းပဖို့ တိုက်တွန်းလိုက်လို့ပါဘဲ။
အီဂျစ်ကိုစိုးမိုးနေတဲ့ စစ်ဗိုလ်ချုပ်တွေဟာ သူတို့နိုင်ငံကို ဒီမိုကရေစီလမ်းစဉ်ပေါ် ပြန်လည်တင်ဆောင်နိုင်စွမ်း ရှိကြောင်း ပေါ်လွင်ထင်ရှားစွာ ပြသနိုင်ပြီးမှသာ အမေရိကရဲ့စစ်ရေးထောက်ပံ့မှုကို ပြန်လည်စဉ်းစားသင့်တယ်လို့ New York Times သတင်းစာက သမ္မတ ဘားရက် အိုဘားမားကို တိုက်တွန်းရေးသားထားတယ်။
ရောမမြို့အနီး ပုပ်ရဟန်းမင်းကြီးဌာနီ Castel Gandolfo မှာပြုလုပ်တဲ့ ဆုတောင်းဝတ်ပြုပွဲမှာ ပုပ်ရဟန်းမင်းကြီး ဖရန်စစ်က မိမိဟာ အကြမ်းဖက်ခံရရသူများအတွက် ဆုမွန်ကောင်းတောင်းပေးနေပါတယ်။ ငြိမ်းချမ်းရေး၊ ဆွေးနွေးမှု နဲ့ ရင်ကြားစေ့သင့်မြတ်ရေး ဖြစ်ပေါ်လာဖို့အတွက်လည်း လိုလားလျက်ရှိတယ်လို့ မိန့်ကြားခဲ့တယ်။
သွေးချောင်းစီးဖြစ်ရပ်တွေ (နဲ့) ဒီမိုကရေစီစံနစ်ထွန်းကားမှုကို စိတ်ပျက်ဝမ်းနည်းဖွယ် အလှည့်အပြောင်းဖြစ်စေခြင်းအပေါ် တုန့်ပြန်တဲ့အနေနဲ့ အီဂျစ်ထောက်ပံ့ရေး ယူရို လေးသန်း(ကန်ဒေါ်လာ ၅.၃ သန်း)ကို ဒိန်းမတ်က ရွှေ့ဆိုင်းခဲ့တယ်။
အာရှတိုက်အနေနဲ့ ပါကစ္စတန်က အပြစ်မဲ့သူများစွာ ဆုံးရှုံးရခြင်းအပေါ် များစွာစိတ်ထိခိုက်ပြီး စိုးရိမ်ပူပန်နေကြောင်း ဖော်ပြတဲ့အပြင် ဒီဖြစ်ရပ်တွေကို “ ဒီမိုကရေစီဖက်ပြန်လှည့်ရေးအတွက် အီဂျစ်ရဲ့အဓိကအတားအဆီးကြီး ” အဖြစ် သမုတ်လိုက်ပါတယ်။
ဖိလစ်ပိုင်ကလည်း အီဂျစ်မှာရှိနေတဲ့ မိမိနိုင်ငံသား ၆၀၀၀ ကို ထွက်ခွာလာကြဖို့အကြောင်း၊ ပြည်တွင်းမငြိမ်သက်မှု တစ်စစကြီးထွားလာပြီဖြစ်ကြောင်း သတိပေးနှိုးဆော်ခဲ့တယ်။
ဒီကိစ္စဟာ နိုင်ငံရဲ့အချုပ်အခြာအာဏာကို ထိန်းသိမ်းတဲ့တာဝန်ယူမှုအဖြစ် ယူအေအီး နဲ့ ဘာရိန်း နှစ်နိုင်ငံတည်းကသာ အီဂျစ်စစ်ခေါင်းဆောင်တွေကို ထောက်ခံပြောကြားခဲ့တယ်။
အာဏာသိမ်းလိုက်တဲ့အီဂျစ်အစိုးရဟာ ပြီးခဲ့တဲ့ကာလတစ်လျှောက်လုံး အဆုံးစွန်အထိစောင့်ကြည့်ပြီးမှ ဆောင်ရွက်တဲ့အပေါ် မိမိမှ နားလည်ကြောင်း ယူအေအီး နိုင်ငံခြားရေးဝန်ကြီးက ဆိုပါတယ်။
အစွန်းရောက်နိုင်ငံရေးအုပ်စုတွေက အကြမ်းဖက်မှုဖြစ်ပေါ်လာအောင် အစဉ်တစိုက် သွေးထိုးပြောဆိုလှုံ့ဆော်ခဲ့မှုဟာ (ပြီးခဲ့တဲ့ ဗုဒ္ဓဟူးနေ့ကဖြစ်ပွားသွားတဲ့) ၀မ်းနည်းဖွယ်အဖြစ်ဆီ တွန်းပို့လိုက်တာဖြစ်တယ်ဆိုတဲ့အဆိုကို ပင်လယ်ကွေ့ဒေသက ဝေဖန်ခဲ့ကြတယ်။
ဘာရိန်းရဲ့အဆိုကတော့ “ အီဂျစ်နိုင်ငံသားတွေရဲ့အခွင့်အရေးကို ကာကွယ်စောင့်ရှောက်ဖို့တာဝန်ရှိတာကြောင့် တည်ငြိမ်အေးချမ်းမှုကို ပြန်လည်ထိန်းသိမ်းတဲ့ အနေနဲ့ဆောင်ရွက်မှုဖြစ်ပါတယ် ” တဲ့။
မူရင်းအားဖတ်ရှုလိုလျှင် – http://www.arabnews.com/news/461313
နိုင်ငံအ၀ှန်း အီဂျစ်ပြည်သူတို့ရဲ့ ဒေါသလှိုင်းလုံးချီတက်ပွဲ
အီဂျစ်ကအကြမ်းဖက်မှုကို ဆယ်စုနှစ်အတွင်း အဆိုးဝါးဆုံးသွေးချောင်းစီးမှုအဖြစ် ကမ္ဘာ့ကုလသမဂ္ဂက ရှုတ်ချလိုက်ပါပြီ။
“ အီဂျစ်က အကြမ်းဖက်မှုကို အဆုံးသတ်လိုက်ဖို့၊ အုပ်စုတွေကလည်း အပြန်အလှန်အတတ်နိုင်ဆုံးထိန်းချုပ်လိုက်ကြဖို့ အရေးကြီးတယ်လို့ ကောင်စီအဖွဲ့ဝင်တွေ အမြင်ရှိကြပါတယ်။ အကြမ်းဖက်မှုကို တားဆီးကြဖို့ နဲ့ အမျိုးသားပြန်လည်သင့်မြတ်ရေးဖက်လမ်းကြောင်းဖို့ တူညီစွာ အဆိုပြုခဲ့ကြပါတယ် ” လို့ ကုလသမဂ္ဂဆိုင်ရာ အာဂျင်တီးနားသံအမတ် မာရီယာ ခရစ္စတီးနား ပါစီဗလ်က အရေးပေါ်တံခါးပိတ်အစည်းအဝေးအပြီးမှာသတင်းထောက်များကို ပြောကြားခဲ့တယ်။
အမေရိကန်သမ္မတ ဘားရက်အိုဘားမားက လက်ရှိအနေအထားအပေါ် မနှစ်မြို့မှုပြသတဲ့အနေနဲ့ အီဂျစ်နဲ့ ပူးပေါင်းစစ်ရေးလေ့ကျင့်မှုကို ဖျက်သိမ်းခဲ့ပေမယ့်လည်း စစ်ရေးအထောက်အပံ့ကိုတော့ မဖြတ်တောက်ခဲ့ပါဘူး။
“ အီဂျစ်ကြားဖြတ်အစိုးရနဲ့လုံခြုံရေးတပ်ဖွဲ့ဝင်တွေဖော်ဆောင်တဲ့ခြေလှမ်းတွေကို အမေရိကန်က ပြင်းပြင်းထန်ထန် ရှုတ်ချပါတယ် ” လို့ အိုဘားမားကဆိုခဲ့တယ်။ အီဂျစ်(ကြားဖြတ်)အစိုးရကလည်း သူ့စွပ်စွဲချက်တွေက အခြေအမြစ် မရှိဘူးလို့ ချက်ခြင်းဘဲ နှုတ်လှန်ထိုးပါတော့တယ်။
“ အချက်အလက်ပေါ်အခြေမခံတဲ့ သမ္မတရဲ့စိုးရိမ်စကားဟာ လက်နက်ကိုင်အကြမ်းဖက်အုပ်စုတွေကို အားပေးအားမြှောက်ပြုရာရောက်နေပါတယ်။ အီဂျစ်နိုင်ငံဟာ အုပ်ချုပ်မှုယန္တရားတွေကိုရည်ရွယ်တဲ့အကြမ်းဖက်မှုကို ရင်ဆိုင်ရတဲ့အတွက် အရေးပေါ်အာဏာထိန်းသိမ်းဖို့ဖြစ်လာတာပါ ”
လူထုလုံခြုံရေးနဲ့နိုင်ငံတော်ကာကွယ်ရေးလိုအပ်ချက်လို့ဆိုပြီး အီဂျစ်အာဏာပိုင်များက လုံခြုံရေးတပ်ဖွဲ့ဝင်တိုင်းကို လိုအပ်ပါက ပြင်းပြင်းထန်ထန်အင်အားသုံးနှိမ်နှင်းဖို့ အခွင့်အာဏာပေးခဲ့တယ်။
ရာနဲ့ချီတဲ့ မူရ်စီထောက်ခံသူများက ကြာသပတေးနေ့မှာ Giza က အစိုးရအဆောက်အဦတစ်ခုကို ဖြိုလဲမီးရှို့လိုက်ပြီးနောက် အစိုးရအဆောက်အဦကိုဖြစ်စေ အစိုးရအင်အားစုကိုဖြစ်စေ တိုက်ခိုက်မှုမှန်သမျှအပေါ် ပြည်ထဲရေးဝန်ကြီးက ပစ်မိန့်ပေးလိုက်ခြင်းဖြစ်တယ်။ မူရ်စီထောက်ခံသူများဟာ အီဂျစ်တစ်ခွင်က ကော့ပ်တစ် ခရစ်ယာန် ချာ့ခ်ျ နဲ့ စာသင်ကျောင်း မျာစွာကိုလည်း ဦးတည်ခဲ့ကြတယ်လို့ဆိုပါတယ်။ အဓိကရုဏ်းရက်သတ္တပတ်အတွင်းမှာ ဆန့်ကျင်ဖက်အားဖြင့် ဒေသခံမွတ်စ်လင်မ်တစ်ချို့က အဲ့ဒီချာ့ခ်ျကျောင်းများကို အကာအကွယ်ပေးခဲ့ကြတာကိုလည်း တွေ့မြင်ရပြန်တယ်။
မူရ်စီထောက်ခံသူများကို အပြင်းထန်ဆုံးရိုက်ချိုးခဲ့တဲ့အတွက် သောကြာနေ့မှာ အီဂျစ်တစ်နိုင်ငံလုံး တောရောမြို့ပါမကျန် ဒေါသလှိုင်းလုံးချီတက်ပွဲလုပ်ဖို့ မွတ်စ်လင်မ်ညီနောင်များအဖွဲ့က လှုံ့ဆော်တိုက်တွန်းလိုက်ပါတယ်။
“ ယခု ကျွန်တော်တို့ကြုံတွေ့နေတဲ့ ပွင့်အံမှု၊ ဖမ်းဆီးမှု နဲ့ သတ်ဖြတ်မှုရဲ့နောက် ဖြစ်ပေါ်လာတဲ့ ခံစားချက်တွေကို ဘယ်သူမှ မထိန်းချုပ်နိုင်အောင် ဖြစ်နေပါပြီ ” ဆိုပြီး မွတ်စ်လင်မ်ညီနောင်များအဖွဲ့ပြောဆိုခွင့်ရှိသူ Gehad El-Haddad က ပြောကြားခဲ့တယ်။
ဗုဒ္ဓဟူးနေ့၊ မူရ်စီထောက်ခံဆန္ဒပြသူတွေရဲ့စခန်းတွေကို အာဏာပိုင်တွေက ဖြိုလဲလိုက်ပြီးနောက် နောက်ဆုံးရအချက်အလက်များအရ လူပေါင်း ၆၃၈ ဦးသေဆုံးခဲ့ပြီး ဒဏ်ရာရရှိသူပေါင်း ၃၉၉၄ အထိ ရှိသွားပြီလို့ အီဂျစ်ကျန်းမာရေးဝန်ကြီးဌာနက ဆိုတယ်။ သေဆုံးသူများအနက် လုံခြုံရေးတပ်ဖွဲ့ဝင် အနည်းဆုံး ၄၃ ဦးလည်း ပါဝင်ခဲ့တယ်။
သို့ပေမယ့်လည်း အဲ့ဒီ စုပြုံသတ်ဖြတ်မှုမှာ သေဆုံးသူဦးရေဟာ ၄၅၀၀ အနည်းဆုံးရှိခဲ့တယ်လို့ အတိုက်အခံဖက်က ဆိုကြတယ်။ ဒါ့အပြင် အာဏာပိုင်တွေဟာ ဗလီဝတ်ကျောင်းတော်များကို စီးနင်းတိုက်ခိုက်ခဲ့ကြယုံမက သေဆုံးသွားသူတွေဟာ မိမိကိုယ်ကို အဆုံးစီရင်ခြင်းသာဖြစ်ကြောင်း၊ ရုပ်ကလာပ်တွေကို အစဖျောက်ဖို့ မီးရှို့ခြင်းမရှိကြောင်း ပြောဆိုကြဖို့ ကွယ်လွန်သူတွေရဲ့သားချင်းတွေအပေါ် ဖိအားပေးခဲ့ကြတယ်လို့ လူမှုလှုပ်ရှားသူများက ထုတ်ဖော်ပြောဆိုခဲ့ကြပါတယ်။
စုပြုံသတ်ဖြတ်မှုကြီးရဲ့နောက်မှာတော့ အီဂျစ်တစ်ခွင်က ဗလီဝတ်ကျောင်းတော်ထဲက ယာယီဈာပနနေရာတွေမှာ ရာနဲ့ချီတဲ့ ရုပ်အလောင်းတွေ့ကို တွေ့ကြရမှာဖြစ်တယ်။ ကျန်းမာရေးဝန်ကြီးဌာနဟာ ဒဏ်ရာရ၊ သေဆုံးသူအရေအတွက်ကို ဖုံးကွယ်ထားတယ်လို့ ၀င်ရောက်လုပ်ကိုင်နေတဲ့ သူနာပြုလုပ်သားတွေကလည်း ပြစ်တင်စွပ်စွဲခဲ့ပါတယ်။
သုတ်သင်မှုအပြီး မရှေးမနှောင်းမှာပဲ ကိုင်ရို၊ အလက်ဇန်းဒြီးယား၊ စူးအက် အပါအ၀င် အဓိကမြို့ကြီးများမှာ တစ်လတာ တိုင်းပြည်အရေးပေါ်ကာလတစ်ရပ် ကြေငြာခဲ့တယ်။ နေ၀င်ချိန်ကနေ နံနက်မိုးသောက်ချိန်ထိ ကာဖျူးအမိန့်ကိုလည်း ထုတ်ပြန်ခဲ့တယ်။ စစ်တပ်ရဲ့အနိုင်ကျင့်မှုအပေါ် ဆက်လက်အမျက်ဖွင့်ပြဦးမယ့် ဆန္ဒပြသူတွေကတော့ အဲ့ဒီကြေငြာချက်နဲ့အမိန့်တွေကို လျစ်လျူရှုထားကြဆဲပါ။
မွတ်စ်လင်မ်ညီနောင်များအဖွဲ့(ပါတီ)က ဘာကြောင့် ကျရှုံးရသလဲ ?
ဒီနေရာမှာ မွတ်စ်လင်မ်ညီနောင်များအဖွဲ့ကျဆုံးခန်းနဲ့ပတ်သက်ပြီး အရှေ့ဂျေရုဆလင်က ပါလက်စတိုင်းလူမျိုး စာရေးဆရာနဲ့ဂျာနယ်လစ်ဖြစ်သူ Maysa Abu Ghannam ရဲ့ သုံးသပ်ချက်အချို့ကို ကြားညှပ်ကောက်နှုတ်ဖော်ပြလိုပါတယ်။
လက်ရှိဖြစ်ရပ်တွေဟာ မူရ်စီကြောင့် မဟုတ်ပါဘူး။ စင်စစ်မှာတော့ တိုင်းပြည်နိုင်ငံတစ်ခုရဲ့ အပြောင်းအလဲကြားကာလအတွင်း လူ့အဖွဲ့အစည်းတွေပေါ် သက်ရောက်လေ့ရှိတဲ့ နိုင်ငံရေးအားပြိုင်ချက် တစ်ရပ်လို့သာ ဆိုရပါမယ်။ အာဏာကို မပြတ်ဆုပ်ကိုင်ထားလိုတဲ့ဘက်တော်သားတွေ နဲ့ အာဏာကိုပြန်ရယူလိုတဲ့ဘက်တော်သားတွေအကြားက ပဋိပက္ခမျှသာ ဖြစ်ပါတယ်။
အီဂျစ်မှာ မိမိအာဏာတည်မြဲနေဖို့ အခြားသူကို တွန်းထုတ်တတ်တဲ့ အစဉ်အလာတွေ ရှိနေခဲ့ပြီးသားပါ။ ကိုယ်ကျိုးစီးပွား၊ ဒေသဆိုင်ရာအကျိုးစီးပွား နဲ့ အပြည်ပြည်ဆိုင်ရာအကျိုးစီးပွားတို့ရဲ့ သုံးပွင့်ဆိုင်ထိပ်စွန်းကိုကြည့်လိုက်ယင် အုပ်ချုပ်စိုးမိုးလိုတဲ့ဆန္ဒ ဆိုတာ တွေ့ရပါလိမ့်မယ်။ အဲ့ဒီကနေ မိမိပြိုင်ဖက်ကို သစ္စာဖောက် နဲ့ အကြမ်းဖက်ဆိုပြီး စွပ်စွဲပြီးတော့ (ဒါမှမဟုတ်) လွတ်လပ်မှု၊ ဒီမိုကရေစီအမည်နဲ့ တိုင်းပြည်ကိုကာကွယ်တယ်ဆိုပြီးတော့ သတ်ဖြတ်မှုတွေ ဖြစ်ပွားစေလေ့ရှိပါတယ်။
မွတ်စ်လင်မ်ညီနောင်များအဖွဲ့ဟာ နိုင်ငံ့လူငယ်ထုအင်အားနဲ့ ဇန္န၀ါရီလ ၂၅ ရက်မှာ အောင်ပွဲခံပြီး အထွဋ်အထိပ်ကို ရောက်ခဲ့တယ်။ သူတို့က လူမှုရေးသာတူညီမျှမှု၊ ဒီမိုကရေစီ စသဖြင့်ကို ဖော်ဆောင်ဖို့ မျှော်မှန်းခဲ့ကြတယ်။ မိမိတို့ စိတ်ကူးနိုင်ငံတော်တည်ဆောက်ကြမယ်လို့ ကြွေးကြော်ခဲ့ကြတယ်။ များသောအားဖြင့် ကျွန်တော်တို့ရဲ့ အိပ်မက်တွေက အရှိတရားအပေါ် အခြေမခံတတ်ကြဘူး။ အစ္စလာမ့်နိုင်ငံရေးမှာ ရွေးကောက်ပွဲပြုလုပ်ခွင့်ရှိတယ်၊ သာသနာ့အလံကို လွှင့်ထူခွင့်ရှိပါတယ်။ ဒါပေမယ့် ဟားမားစ်၊ မွတ်စ်လင်မ်ညီနောင်များအဖွဲ့ နဲ့ သူတို့ရဲ့မဟာမိတ်အသီးသီးတို့က ယနေ့လူသားတွေဟာ အကြွင်းမဲ့လွတ်လပ်မှုအပေါ်သာ အာသာငမ်းငမ်းဖြစ်နေကြတယ်ဆိုတာကို သတိမပြုမိကြဘူး။ ခရစ်ယာန်သော်လည်းကောင်း၊ ဂျူးသော်လည်းကောင်း၊ အခြားဘာသာဝင်များကိုသော်လည်းကောင်း လမ်းမှားနေသူတွေအဖြစ် စွပ်စွဲဖို့၊ ခွဲခြားဆက်ဆံဖို့၊ အနိုင်ယူထိန်းချုပ်ဖို့အတွက် အစ္စလာမ့်ရွှေခေတ်ကြီးတုန်းကအတိုင်း နေရာမရှိတော့ပါဘူး။ (အစ္စလာမ့်ရွှေခေတ်ကြီးတုန်းက ခွဲခြားဆက်ဆံမှု မရှိခဲ့ဘူး)။
ယဉ်ကျေးမှု၊ သိပ္ပံ၊ လူ့အခွင့်အရေး အစရှိတဲ့နေရာတွေမှာ အနောက်နိုင်ငံများက ကမ္ဘာ့ဦးဆောင်သူတွေ ဖြစ်နေကြပါပြီ။ ဒါဟာ ခရစ်ယာန်ကျောင်းတော်ဝါဒသုံး အုပ်ချုပ်မှု(သာသနာ့ပဒေသရာဇ်စံနစ်)ကို စွန့်ပစ်လိုက်တာနဲ့တစ်ပြိုင်နက် အောင်မြင်လာကြခြင်းဘဲ ဖြစ်ပါတယ်။ သူတို့ဟာ လူတစ်ဦးချင်းရဲ့ တန်ဖိုး နဲ့ စွမ်းရည်ကို ဦးတည်တန်ဖိုးထားအသိအမှတ်ပြုရာက တစ်ဟုန်ထိုးတိုးတက်လာခဲ့တာပါဘဲ။ ဒါပေမယ့် တစ်ဖက်မှာတော့ ဖန်ဆင်းရှင် နဲ့ လူသားအကြားမှာရှိတဲ့ သာသနာရေးကလည်း သီးသန့်ကိစ္စတစ်ခုလို ဖြစ်သွားပြန်ရော။
မည်သို့ဆိုစေ သာသနာ့ပဒေသရာဇ်ဆန်တဲ့လုပ်ရပ်များက အစ္စလာမ့်လောကထဲမှာတော့ အမြစ်တွယ်နေဆဲ ဖြစ်တာကို တွေ့ရတယ်။ ဒါတွေဟာ ယနေ့လူ့ဘောင်နဲ့ မကိုက်ညီတော့ပါဘူး။ လွန်ခဲ့တဲ့နှစ်တစ်ထောင်ကျော်က (မဖွယ်မရာ)လုပ်ရပ်တွေနဲ့ လက်ရှိခေတ်မှာ ရှင်သန်နေထိုင်သူတွေလိုမျိုး ဖြစ်နေပါတယ်။ အကယ်၍များ ဒီကနေ့ ဒီအချိန်မှာ တမန်တော်မြတ်(SAW) သက်ရှိထင်ရှားရှိပြီး အစ္စလာမ့်နိုင်ငံတော်ထူထောင်မယ်ဆိုယင် ဓာတုနဲ့နျူကလိယ အစရှိတဲ့ လက်နက်တီထွင်မှုတွေအပေါ် အရေးယူကောင်းယူတော်မူပါလိမ့်မယ်။ ဒါပေမယ့် သေချာတာကတော့ အမျိုးသမီးတွေကို ကားမောင်းနှင်ခွင့် နဲ့ လွတ်လပ်စွာဥပဒေပြုခွင့်ကိုလည်း ပေးတော်မူမှာအမှန်ပါ။
ပကတိတရားကို မဆုပ်ကိုင်နိုင်မှု၊ အတိတ်မျှော်ပြီး အတွက်အချက်မှားယွင်းမှု၊ နိုင်ငံရေးအတွေ့အကြုံမလုံလောက်မှု၊ ပဋိပက္ခကို စီမံကိုင်တွယ်ရာမှာ အားနည်းမှု၊ အမှောင်ခေတ်ထဲပြန်လည်တွန်းပို့လိုမှုတို့ကြောင့် အီဂျစ်ရဲ့အနေအထားက အလွယ်တကူ လှုပ်ခါသွားတဲ့အတွက် မွတ်စ်လင်မ်ညီနောင်များအဖွဲ့ဟာ ကျဆုံးခန်း ဆိုက်ရောက်ရခြင်း ဖြစ်ပါတယ်။
မူရ်စီနဲ့သူ့အစိုးရအဖွဲ့ဖြုတ်ချခံရတာဟာ ဒီအကြောင်းတရားတစ်ရပ်တည်းကြောင့်လို့တော့ မဆိုလိုချင်ပါဘူး။ တခြား အချက်တွေလည်းရှိပါသေးတယ်။ ပထမဆုံးနဲ့အရေးအကြီးဆုံး အချက်ကတော့ သူတို့ရဲ့နည်းလမ်းတွေကို ဒေသတွင်းနဲ့နိုင်ငံတကာက လက်ခံလာအောင် မဆောင်ရွက်နိုင်ခဲ့တာပါဘဲ။ ဘာသာရေးတစ်ခုတည်းကိုသာ အခြေခံတဲ့ အယူအဆဟာ အစွန်းရောက်မှုကို တွန်းပို့ရာလည်း ရောက်သွားတယ်လို့ ဆိုရဦးမှာပါ။
ဒီအချက်တွေဟာ လူငယ်တော်လှန်ရေး နဲ့ တာမာရော့ဒ် လှုပ်ရှားမှုအပါအ၀င် မူရ်စီကို ပြောင်ပြောင်တင်းတင်း ဆန့်ကျင်လာဖို့ တံခါးဖွင့်လှစ်လိုက်သလို ဖြစ်သွားတယ်။ မူရ်စီကတော့ မိမိနိုင်ငံအပေါ် မိမိရဲ့ကိုင်တွယ်မှုက ပိုသင့်လျော်တယ်၊ မိမိဟာ အီဂျစ်ပြည်သူတွေရဲ့တရားဝင်ခေါင်းဆောင်ဖြစ်နေသေးတယ် ဆိုပြီး ယုံကြည်နေဆဲ ဖြစ်ပါလိမ့်မယ်။ သို့သော်လည်း လူတွေက မိမိကြမ္မာကို မိမိကိုယ်တိုင်ဖန်တီးရေးအတွက် တိုက်ပွဲဝင်လာပြီဆိုယင် ဖွဲ့စည်းပုံဥပဒေတစ်ရပ် နဲ့ ရွေးကောက်ပွဲတွေ လုပ်ပေးရတော့မှာဖြစ်ကြောင်း ကျွန်တော်တို့ကို သမိုင်းအဆက်ဆက်က သင်ခန်းစာပေးထားတယ် မဟုတ်လား။
ဘာသာရေး၊ လောကီရေးဆိုင်ရာ ဘယ်လူ့အဖွဲ့အစည်းမှာဖြစ်ဖြစ် ပါဝင်နေကြတဲ့ မွတ်စ်လင်မ်တွေ၊ ခရစ်ယာန်တွေ၊ ကွန်မြူနစ်တွေ အားလုံးဟာ လူသားတွေသာဖြစ်တယ်လို့ ကျွန်တော်တို့ အသိအမှတ်ပြုလက်ခံကြရမှာ ဖြစ်တယ်။ ဒီလိုမဟုတ်ဘဲ ခွဲခြားမှုတွေ ပြုလာပြီဆိုယင်တော့ မူရ်စီကြုံရတဲ့လမ်းကြောင်းကို ရောက်ကြဖို့ဘဲ ရှိပါတယ်။
စစ်တပ်ကိုကျောထောက်နောက်ခံပြုပြီး နိုင်ငံရေးအာဏာသိမ်းမှုတွေက အီဂျစ်ရာဇ၀င်မှာ ဒီတစ်ကြိမ်တည်း မဟုတ်ပါဘူး။ အီဂျစ်နိုင်ငံရေးအပြောင်းအလဲတွေကို လေ့လာနေတဲ့ သုတေသီများအဖို့ ဒီပုံဟန်မျိုးက မဆန်းကြယ်လှပေဘူး။ အီဂျစ်မှာ စစ်တပ်က အခရာအကျဆုံးကဏ္ဍမှာ ပါဝင်နေတယ်လေ။ ဒါကြောင့် စစ်တပ်ကို ညက်ညက်ညောညောနဲ့ကောင်းစွာ မကိုင်တွယ်နိုင်ဘူးဆိုယင် ဘယ်အရွေးချယ်ခံသမ္မတမှ နိုင်ငံကို အုပ်ချုပ်သွားနိုင်မှာ မဟုတ်ဘူးဆိုတာ ရှင်းနေပါတယ်။ ပြည်သူ့ရွေးချယ်မှုတစ်ခုတည်းကိုသာ အားပြုခဲ့တာက မူရ်စီရဲ့ ပထမဆုံးနဲ့နောက်ဆုံးအမှားအယွင်း ဖြစ်သွားပါတယ်။ ဒါကြောင့်လည်း သူဟာ အလွယ်တကူ ဖယ်ရှားခြင်း ခံလိုက်ရတာပါဘဲ။ စစ်တပ်အခြေပြု နိုင်ငံတစ်ခုဟာ တခြားဘယ်အင်အားစုကိုမှ အသာမပေးတတ်တဲ့ သဘာဝရှိနေပါတယ်လို့ဘဲ နိဂုံးအားဖြင့် တင်ပြလိုက်ရပါတယ်။
( အောက်ဖော်ပြပါသတင်းဆောင်းပါး “ မြင့်မိုရ်မောင်မောင် ” မှ ဆီလျော်အောင် ပေါင်းစပ်ပြန်ဆိုထားခြင်း ဖြစ်သည် )
ကိုးကား
