Blog

နိုင်ငံတကာ လေးစားမှုကို လိုချင်လျှင် ရိုဟင်ဂျာကိစ္စ Racist (လူမျိုးရေးခွဲခြားမှု) မဆန်ဖို့ဂျွန်ဘာကောပြောကြား

M-Media
သြဂုတ်လ ၃ ရက်၊ ၂၀၁၃

ဗြိတိသျှအောက်လွှတ်တော်ဥက္ကဌ ဂျွန်ဘာကော ပြီးခဲ့သည့် ရက်သတ္တပတ်က မြန်မာပြည်သို့ ရောက်ရှိခဲ့ပြီး ရန်ကုန်တက္ကသိုလ်တွင် မိန့်ခွန်းပြောကြားခဲ့ပါသည်။

ဂျွန်ဘာကောက ရိုဟင်ဂျာဟူသော အသုံးအနှုံးကို စကားပြောရာ၌ ထည့်သွင်းသုံးစွဲခဲ့သလို ရိုဟင်ဂျာများအား နိုင်ငံသားပြုခွင့်ပေးရေး ကိုပါ ပြောကြားခဲ့ပါသည်။ ယင်းကိစ္စကို မကျေလည်သည့် မြန်မာအမျိုးသမီး တစ်ဦးက ဘာကောအား မြန်မာနိုင်ငံတွင် ရိုဟင်ဂျာမရှိ၊ ဘင်္ဂါလီသာရှိ၍ ရိုဟင်ဂျာဟု သုံးစွဲရခြင်းအကြောင်းရင်း၊ နိုင်ငံတိုင်း တွင် နိုင်ငံသားပြုခွင့် ဥပဒေများရှိပြီး ထိုဥပဒေအားဖြင့် အရည်အချင်းမှီမှသာ နိုင်ငံသားပြုခွင့် ရှိကြောင်း၊ ယင်းကိစ္စများနှင့် စပ်လျဉ်းပြီး ဗြိတိန်နိုင်ငံနှင့်ယှဉ် ၍ ဖြေကြားပေးဖို့ရန် မေးမြန်းခဲ့ပါသည်။

ဂျွန်ဘာကောက မိမိအနေဖြင့် ယင်းမေးခွန်းကို ဖြေဆို ရမည်အား နှစ်သက်မိပါကြောင်း၊ ရိုဟင်ဂျာမြန်မာပြည်တွင်မရှိဟု ခင်ဗျားက ဆိုနေသော်လည်း (မေးခွန်းရှင်အမျိုးသမီးကို ရည်ညွှန်း) မြန်မာပြည်၌ မိမိတို့ကိုယ်ကို ရိုဟင်ဂျာဟု ပြောဆိုနေကြသူများသည် ဤနိုင်ငံအတွင်းမှာတင် ရှည်လျားကြာမြင့် စွာ နေထိုင်နေကြကြောင်း၊ ပြီးခဲ့ သည့် ရာစုနှစ်ကပင် နေထိုင်လျက်ရှိကြ သည်ဟု ပြောဆိုနေသူများ ရှိကြောင်း၊ ယင်းနှင့် စပ်လျဉ်းပြီး ထိုလူများသည် မည်သည်နေရာမှ ဖြစ် သလဲ၊ ဘယ်နေရာမှာမှာ နေရာချပေးသင့်သလဲ၊ ထိုသူတို့ကို မည်သည့်နိုင်ငံက ပိုင်သလဲ စသည်မေးခွန်းများကို အခြေတည်၍ ကြီးကျယ်သည့် အခြေအတင်ငြင်းခုံဆွေးနွေးမှုများသည် ရှုံ့ချည်ဆန့်ချည်ဖြင့် အကြိမ်ပေါင်းများစွာ ဖြစ်ပျက်နေကြောင်း၊ သို့သော် အချက်အလက်တစ်ခုမှာ ရိုဟင်ဂျာများက သူတို့ကို ဘင်္ဂါလီဟု ခေါ်ဆို သမုတ်လျှင် (နိုင်ငံခြားသား ထွက်သွားဟု ယူဆလျက်) နှိမ်ချသည်ဟု မှတ်ယူကြကြောင်း၊ ကျွန်တော်အား ယခုကဲ့သို့ ပြောရခြင်းအားခွင့်လွှတ်ပါ၊ ထိုရိုဟင်ဂျာများနှင့် စပ်လျဉ်းပြီး ခင်ဗျားတို့တိုင်းပြည်မှာသာ တာဝန်ရှိပါကြောင်း၊ အခြားမည်သည့် တိုင်းပြည်တွင်မှာမှ တာဝန်မရှိကြောင်း၊ ထိုသူများသည် ဘယ်နေရာကိုမှ ထွက်သွားလိမ့် မည်မဟုတ်ကြောင်း၊ ထိုသူများကို ဘင်္ဂါလားဒေ့ရ်ှကလည်း လက်ခံလိမ့်မည် မဟုတ်ကြောင်း၊ အချက်အလက် အများစုအရ ၄င်းတို့က ခင်ဗျားတို့တိုင်းပြည် တွင် နေထိုင်လျက်ရှိသည်မှာ အနည်းဆုံး မျိုးဆက်သုံးဆက် ရှိနေပြီဖြစ်ကြောင်း၊ အကယ်၍ ကျွန်ုပ်တို့ကသာ ထိုကိစ္စကို ကိုင်တွယ်ဖြေရှင်းရမည်ဆိုလျှင် နိုင်ငံတကာက လက်ခံသည့် လူ့အခွင့်အရေး စံနှုန်းများဖြင့်သာ ဖြေရှင်းမည်ဖြစ်ကြောင်း၊ ထိုစံနှုန်းများကလည်း နိုင်ငံ သားပြုခွင့်ဥပဒေ၏ အကဲဖြတ်မှုများနှင့် အံဝင်ခွင်ကျဖြစ်နေရမည်ဖြစ်ကြောင်း၊ (ဆိုလိုသည်မှာ နိုင်ငံသားပြုခွင့် ဥပဒေသည် နိုင်ငံတကာ လူ့အခွင့်အရေးစံကို မီရမည်)၊ ကျွန်ုပ်က ရိုဟင်ဂျာတိုင်းကို နိုင်ငံသားပေးရမည်ဟု အငြင်းအခုံပြု ပြောနေခြင်း မဟုတ်ကြောင်း၊ သို့သော် ၄င်းတို့က ခင်ဗျားတို့တိုင်းပြည်တွင် မျိုးဆက်သုံးဆက်တိုင် နေထိုင်ခဲ့ပြီဖြစ်သဖြင့် ၄င်းတို့အား နိုင်ငံသား ခံယူခွင့် (must) ပေးကို ပေးရမည်ဖြစ်ကြောင်း၊ ၄င်းတို့အား အချို့သူများက မနှစ်သက်ကြ၍ ဒုတိယ၊ တတိယတန်းစား နိုင်ငံသားများအဖြစ် ခွဲခြားဆက်ဆံပါသော် ယင်းမှာ လုံးဝ (absolutely) လက်ခံနိုင်ဖွယ် မရှိကြောင်း၊ အကယ်၍ ၄င်းတို့အား ထိုသို့ (ခွဲခြား) ဆက်ဆံပါသော်၊ (အခြားစကားလုံး မသုံးစွဲနိုင်သဖြင့် ကျွန်ုပ်ဝမ်းနည်းပါသည်။ ) ယင်းသည် (racism) လူမျိုးရေး ခွဲခြားနှိမ်ချမှုဖြစ်ကြောင်း၊ ထို လူမျိုးရေးခွဲခြားမှု ကို နိုင်ငံတကာက လက်မခံကြောင်း၊ အကယ်၍ ခင်ဗျားတို့တိုင်းပြည် ကို နိုင်ငံတကာ က လေးစားခြင်းခံရလိုသော် ၊ သမ္မတဦးသိန်းစိန် က မြန်မာပြည် ကို နိုင်ငံတကာလေးစားခြင်း ခံလိုသော် နိုင်ငံတကာက လက်ခံသည့် စံနှုန်းများအတိုင်း ကောင်းမွန် စွာ ပြုမူရမည်ဖြစ်ကြောင်း၊ ဤသည် ကျွန်ုပ်၏ လိုရင်းတိုက်ရိုက်အဖြေပင်ဖြစ်ကြောင်း၊ အချိန်ကာလကြာမြင့် စွာဖြစ်ပေါ်နေသည့် ရိုဟင်ဂျာနှင့် စပ်လျဉ်းသော မေးခွန်းများအတွက် အဖြေ ထုတ်ရာတွင် (Non-Racist Attitude) လူမျိုးရေးခွဲခြားခြင်းမရှိသော သဘော ထားကသာ အောင်နိုင်လွှမ်းမိုးမည်ဖြစ်ကြောင်း ဖြေကြားသွားပါသည်။

ဗွီဒီယို ရုပ်သံ -http://youtu.be/zUNI_ngFAqI

August 3, 2013
အမိုးခုံးအား ရွှေသားအစစ်ဖြင့် တည်ဆောက်ထားသည့် ဘရူနိုင်းက ဗလီဝတ်ကျောင်း

သြဂုတ် ၊ ၂ ရက်၊ ၂၀၁၃
M-Media
ရှာဖွေတင်ဆက်သူ- ကိုလေး

ဗလီဝတ်ကျောင်းတော်အမည် – ဆူလ်တန် အိုမာအလီဆိုက်ဖူဒီယန်
တည်နေရာ – ဘရူးနိုင်းဒါရူဆလာမ်၊ ဘန်ဒါဆရီဘဂ်ဝန်မြို့
တည်ဆောက်ပြီးစီးသည့်ခုနှစ် – ၁၉၅၈
ဗိသုကာလက်ရာ – မွန်ဂိုနှင့် အီတလီ ဗိသုကာလက်ရာ

ဆူလ်တန် အိုမာအလီဆိုက် ဖူဒီယန် ဗလီဝတ်ကျောင်းတော်သည် ဘရူးနိုင်း ဒါရူဆလာမ်နိုင်ငံ ဘန်ဒါဆရီ ဘဂ်ဝန်မြို့တော်တွင် တည်ရှိသော တော်ဝင်ဗလီဝတ်ကျောင်းတော်ဖြစ်သည်။ အာရှပစိဖိတ်ဒေသရှိ အလှပဆုံး ဗလီဝတ်ကျောင်းတော်များထဲမှ တစ်လုံးဟု သတ်မှတ်ထားပြီး ဘရူးနိုင်းနိုင်ငံ၏ အထင်ကရ အမှတ်တံဆိပ် တစ်ခုဖြစ်ကာ ကမ္ဘာလှည့်ခရီးသွားများကို ဆွဲဆောင်နိုင်သော နေရာလည်းဖြစ်သည်။

၂၈ ဆက်မြောက် ဘရူးနိုင်းဘုရင် ဆူလ်တန် အိုမာအလီဆိုက်ဖူဒီယန် ၃ ၏ အမည်အား မှည့်ခေါ်ထားခြင်းဖြစ်သည်။ ထို ဗလီဝတ်ကျောင်းတော်သည် ဘရူးနိုင်းနိုင်ငံရှိ အစ္စလာမ်အယူဝါဒ ထွန်းကားမှုကို ဖော်ပြနေပြီး ဘန်ဒါဆရီဘဂ်ဝန် မြို့၏ပုံရိပ်အား ထင်ရှားစေသည်။ ထိုဗလီဝတ်ကျောင်းတော်အား ၁၉၅၈ ခုနှစ်တွင် တည်ဆောက်ပြီးစီးခဲ့ပြီး ခေတ်သစ်အစ္စလာမ့် ဗိသုကာ လက်ရာများ၏ နမူနာတစ်ခုဖြစ်လေသည်။

ထိုဗလီဝတ်ကျောင်းတော်မှာ မွန်ဂို ဗိသုကာလက်ရာနှင့် အီတလီပုံစံများဖြင့်ပေါင်းစပ် တည်ဆောက်ထားခြင်းဖြစ်သည်။ ထိုင်းပင်လယ်ကွေ့ဒေသများတွင် ဆယ်စုနှစ်ပေါင်းများစွာ လုပ်ကိုင်ခဲ့သည့် အီတလီလူမျိုး ဗိသုကာ ပညာရှင် ကာဗာလီရီ ရူဒိုလ်ဖို နိုလ်လီ(Cavaliere Rudolfo Nolli) မှ ဒီဇိုင်းထုတ်ပေးထားပြီး Booty and Edwards Chartered Architects ဗိသုကာ ကုမ္ပဏီမှ တည်ဆောက်ခဲ့ခြင်းဖြစ်သည်။

ထိုဗလီဝတ်ကျောင်းတော်ကို ဘရူးနိုင်းမြစ်ကမ်းရှိ ဧရာရွာ(Kampong Ayer) တွင် ဖန်တီးထားသည့် လူလုပ်ရေကန်ကြီးထဲတွင် တည်ဆောက်ထားပြီး ရေပေါ်ဗလီဝတ်ကျောင်းတော် ဟူ၍လည်း အမည်တွင်သည်။ စကျင်ကျောက်ဖြင့်တည်ဆောက်ထားသည့် မင်နာရာ(၀တ်ပြုရန် ဖိတ်ခေါ်သံ ဟစ်ကြွေးသည့်မျှော်စင်) ရှိပြီး ရွှေရောင် အမိုးခုံး၊ လှပသည့် ရေပန်းများနှင့်တကွ စိမ်းလမ်းစိုပြည်သည့် ပန်းခြံတစ်ခုကိုလည်း ထည့်သွင်းတည်ဆောက်ထားသည်။ ဗလီဝတ်ကျောင်းတော်အား အစ္စလာမ်သာသနာမှ ရည်ညွှန်းဖော်ပြသည့် နိဗ္ဗာန်ဘုံကဲ့သို့ သစ်ပင်ပန်းမာလာမျိုးစုံပါဝင်သည့် ပန်းခြံကြီးများဖြင့် ၀န်ရံထားသည်။

ဗလီဝတ်ကျောင်းတော်တည်ရှိရာ ရေကန်ကြီးမှ ဧရာရွာသို့ ရောက်ရှိနိုင်သည့် တံတားတစ်ခုရှိကာ ထိုရေကန်ကြီးထဲတွင် ၁၆ ရာစု ဘရူးနိုင်းဘုရင် ဆူလ်တန် ဘိုလ်ကိုင်ယာ အသုံးပြုခဲ့သည့် ဖော်တော်နှင့်တစ်ထေရာတည်းတူသည့် ပုံတူဖောင်တော်တစ်ခုကိုလည်းတည်ဆောက်ထားသည်။ ဗလီဝတ်ကျောင်းတော်မှ ထိုဖောင်တော်သို့တိုက်ရိုက်သွားရောက်နိုင်ရန် စကျင်ကျောက်ဖြင့်ပြုလုပ်ထားသည့် တံတားတစ်ခုလည်း ပါဝင်သည်။ ထိုဖောင်တော်အား ကုရ်အာန်ကျမ်းတော်မြတ်ကျရောက်သည့် နှစ် ၁၄၀၀ပြည့် အထိမ်းအမှတ် အခမ်းအနားကျင်းပရန် ရည်ရွယ်တည်ဆောက်ခဲ့ပြီး ၁၉၆၇ ခုနှစ်တွင် တည်ဆောက်ပြီးစီးခဲ့သည်။ ထိုဖောင်တော်တွင် ကုရ်အာန်ကျမ်းတော်မြတ် ဖတ်ရွတ်သရဇ္ဈာယ်မှု ပြိုင်ပွဲများကိုလည်း ကျင်းပလေ့ရှိသည်။

ထိုဗလီဝတ်ကျောင်းတော်၏ အထင်ကရ အမှတ်အသားတစ်ခုမှာ အမိုးခုံးဖြစ်ပြီး ထိုအမိုးခုံးအား ရွှေသားအစစ်ဖြင့် တည်ဆောက်ထားသည်။ ၅၂ မီတာ (၁၇၁ ပေ) အမြင့်ရှိသည့် ထိုဗလီဝတ်ကျောင်းတော်ကို ဘန်ဒါဆရီဘဂ်ဝန်မြို့၏ မည်သည့်နေရာမှမဆို တွေ့မြင်နိုင်သည်။
မင်နာရာမျှော်စင်မှာ ဗလီဝတ်ကျောင်းတော်ထက် ပိုမိုမြင့်မားပြီး အတွင်းတွင် ဓာတ်လှေကားတစ်စင်းကို ထည့်သွင်းတည်ဆောက်ထားကာ ထိုမင်နာရာအပေါ်မှ ဘန်ဒါဆရီဘဂ်ဝန်မြို့၏ လှပသော ရှုခင်းကိုကြည့်ရှုခံစားနိုင်သည်။

ဗလီဝတ်ကျောင်းတော်၏ အတွင်းပိုင်းမှာ ၀တ်ပြုဆုတောင်းရန်အတွက်သာဖြစ်ပြီး၊ မှတ်ပြူတင်းပေါက်များ၊ အမိုးခုံးငယ်များနှင့် စကျင်တိုင်များပါဝင်သည်။ ဗလီဝတ်ကျောင်းတော် ဆောက်လုပ်ရာတွင် အသုံးပြုသည့် ကုန်ကြမ်းပစ္စည်းများကို နိုင်ငံရပ်ခြားမှ တင်သွင်းအသုံးပြုခြင်းဖြစ်သည်။ စကျင်ကျောက်ကို အီတီလီနိုင်ငံမှ၊ နှမ်းဖတ်ကျောက်ကို ရှန်ဟိုင်းမှ၊ ခရစ်စတယ် မီးဆိုင်းများကို အင်္ဂလန်နှင့် ဗလီဝတ်ကျောင်းတော်အတွင်း ခင်းကျင်းထားသည့် ကော်ဇောများကို ဆော်ဒီအာရေဗျနိုင်ငံများမှတင်သွင်းပြီး စုစုပေါင်း ကန်ဒေါ်လာ ၇ သန်းမှ ၉ သန်းခန့် ကုန်ကျခဲ့သည်။

ဘရူးနိုင်းနိုင်ငံ၏ အမှတ်တံဆိပ်ဖြစ်သော အိုမာအလီဆိုက်ဖူဒီယန်ဗလီဝတ်ကျောင်းတော်မှာ ဘရူးနိုင်းမွတ်စလင်များအတွက် ၀တ်ပြုဆုတောင်းရာ နေရာတစ်ခုလည်းဖြစ်လေသည်။

August 3, 2013
ဖရန့် ရီဘာရီ(Franck Ribéry) (ဘိုင်ယန်မြူးနစ် / ပြင်သစ်)

သြဂုတ်-၂၊ ၂၀၁၃
M-Media
စုစည်းတင်ဆက်သူ-ဝေဇင်

အမည်အပြည့်အစုံ – ဖရန့် ရီဘာရီ(Franck Ribéry)
မွေးသက္ကရာဇ်       – ၇၊ ၄၊ ၁၉၈၃
ကစာသည့်နေရာ   – အလယ်တန်း
ကလပ်               – ဘိုင်ယန်မြူးနစ်
နိုင်ငံ                  – ပြင်သစ်

ဖရန့်ရီဘာရီ(Franck Ribéry) ကို ၁၉၈၃ ခုနှစ် ဧပြီလ ၇ ရက်နေ့တွင် ပြင်သစ်နိုင်ငံမြောက်ပိုင်းရှိ Boulogne-sur-Mer မြို့တွင် မွေးဖွားခဲ့သည်။ ပြင်သစ်လက်ရွေးစင် ကစားသမားတစ်ဦးဖြစ်ပြီး ဂျာမနီကလပ် ဘိုင်ယန်မြူးနစ်အသင်းတွင် ကစားနေသူဖြစ်သည်။ သူသည် ကွင်းလယ်ဘယ်တောင်ပံတွင် ကစားသူဖြစ်ပြီး သွက်လက် လျင်မြန်မှု၊ ဘောလုံးစွမ်းရည် ကျွမ်းကျင်မှုနှင့် သူ၏ တိကျသေချာသော ဘောလုံးပေးပို့မှုများကြောင့် လူသိများသည်။ ဘိုင်ယန်မြူးနစ်အသင်းသို့ ပြောင်းရွှေ့ပြီးနောက် ရီဘာရီမှာ ကမ္ဘာ့ဘောလုံးစင်မြင့် ထက်တွင် သူ့ခေတ်သူ့အခါ၏ ဘောလုံးမျိုးဆက်မှ ပြင်သစ်နိုင်ငံ၏ အကောင်းဆုံးဘောလုံးသမားတစ်ဦးအဖြစ် သတိပြုခြင်း ခံခဲ့ရသည်။ ပြင်သစ်နိုင်ငံ၏ ဂန္တ၀င် ကစားသမားဖြစ်သည့် ဇီဒိန်းက ပြင်သစ်ဘောလုံးလောက၏ အဖိုးတန် ရတနာတစ်ပါးအဖြစ် ရီဘာရီအား တင်စားခဲ့သည်။

ပရော်ဖက်ရှင်နယ်စကားသမားဘ၀

ရီဘာရီသည် ဘောလုံးကစားသမားဘ၀ကို ၁၉၈၉ ခုနှစ်တွင် သူ၏မွေးရပ်မြေရှိ ကွန်တီ ဘိုလွန်နီ(Conti Boulogne) ကလပ်တွင်စတင်ခဲ့သည်။ ထိုကလပ်တွင် ၇ နှစ်ကြာကစားပြီးနောက် လိုင်လီအသင်းသို့ ပြောင်းရွှေ့ခဲ့ပြီး ဖရော်ဖက်ရှင်နယ်ကစားသမားဘ၀ကို စတင်ခဲ့သည်။ လိုင်လီအသင်းတွင် ၃ နှစ်ကြာကစားပြီးနောက် ၁၉၉၉ခုနှစ်တွင် ယူအက်စ် ဘိုလွန်နီ(US Boulogne) အသင်းသို့ပြောင်းရွေ့ခဲ့ပြီး ၂ နှစ်ကြာ ကစားခဲ့သည်။ နောက်ပိုင်းတွင် ပြင်သစ်အပျော်တမ်းလိဂ် အသင်းဖြစ်သည့် အဲလက်စ်(Alès) နှင့် ဘရက်စ်(Brest) အသင်းတို့တွင် ၂ နှစ်ကြာကစားခဲ့ပြီးနောက် ၂၀၀၄ ခုနှစ်တွင် ပြင်သစ်လိဂ်ဝမ်းကလပ် မတ်ဇ်(FC Metz) သို့ပြောင်းရွှေ့ခဲ့သည်။ သို့သော်လည်း မတ်ဇ်အသင်းတွင် ၆ လ သာကစားခဲ့ပြီး ၂၀၀၅ ခုနှစ်တွင် တူရကီကလပ် ဂါလာတာစရေးသို့ပြောင်းရွှေ့ခဲ့ကာ ဂါလာတာစရေးနှင့် တူရကီဖလား(Turkish Cup) ကို ဆွတ်ခူးရရှိခဲ့သည်။

ဂါလာတာစရေးတွင် ခြောက်လကြာပြီးနောက် ပြင်သစ်ကလပ်မာဆေးလ်အသင်းသို့ ပြောင်းရွှေ့ခဲ့သည်။ မာဆေးလ်အသင်းတွင် နှစ်ရာသီကစားခဲ့ပြီး မာဆေးလ်အသင်းအား ပြင်သစ်ရှုံးထွက်ဖလား နောက်ဆုံးဗိုလ်လုပွဲထိ ရောက်ရှိအောင် ကူညီပေးခဲ့သည်။ ၂၀၀၇ ခုနှစ်တွင် ဂျာမနီကလပ် ဘိုင်ယန်မြူးနှစ်မှ အသင်းစံချိန်တင်ပြောင်းရွှေ့ကြေး ယူရို ၂၅ သန်းပေး၍ ခေါ်ယူခဲ့သည်။ ဘိုင်ယန်မြူးနစ်အသင်းတွင် ခြေစွမ်းပြခဲ့သည့် ရီဘာရီမှာ အသင်းနှင့် ၂၀၁၃ ချန်ပီယံလိဂ်အပါဝင် ဆုဖလားပေါင်းများစွာကို ရရှိခဲ့သည်။

နိုင်ငံလက်ရွေးစင်

ရီဘာရီသည် ပြင်သစ် ယူ ၂၁ အသင်းတွင်ကစားခဲ့ပြီး ပြင်သစ်လက်ရွေးစင်အသင်း၏ အဓိက ကစားသမားတစ်ဦးလည်းဖြစ်လာခဲ့သည်။ ၂၀၀၆ ခုနှစ် မေလတွင် မက္ကဆီကိုနှင့်ကစားသောပွဲတွင် နိုင်ငံအသင်းအတွက် ပထမဦးဆုံး ပွဲထွက်ကစားခွင့်ရခဲ့သည့် ရီဘာရီမှာ ကမ္ဘာ့ဖလားပြိုင်ပွဲနှစ်ကြိမ်နှင့် ဥရောပဖလားဘောလုံးပြိုင်ပွဲနှစ်ကြိမ် ကစားခဲ့သူဖြစ်သည်။ ၂၀၀၆ ကမ္ဘာ့ဖလားပြိုင်ပွဲ စပိန်အသင်းနှင့်ကစားသောပွဲတွင် သူ၏ ပထမဦးဆုံး နိုင်ငံတကာဂိုးကို သွင်းယူခဲ့ပြီး ဗိုလ်လုပွဲ အီတလီအသင်းနှင့်ကစားသည့်ပွဲတွင်လည်း ပါဝင်ခဲ့သည်။
ရီဘာရီမှာ ပြင်သစ်နိုင်ငံ၏ တစ်နှစ်တာအကောင်းဆုံး ကစားသမားဆုကို နှစ်ကြိမ်တိုင်တိုင်ရရှိခဲ့သူဖြစ်ပြီး ဂျာမနီနိုင်ငံ၏ တစ်နှစ်တာအကောင်းဆုံး ဘောလုံးသမားဆုကိုလည်း ဆွတ်ခူးရရှိခဲ့သူဖြစ်သည်။ ယူအီးအက်ဖ်အေမှရွေးချယ်သည့် တစ်နှစ်တာ အကောင်းဆုံးဘောလုံးအသင်းတွင်လည်း ပါဝင်ခွင့်ရရှိခဲ့သူဖြစ်ပြီး ပြင်သစ်နိုင်ငံ၏ အကောင်းဆုံး လူငယ်ကစားသမားအဖြစ်သတ်မှတ်ခံခဲ့ရသူဖြစ်သည်။

ရီဘာရီနှင့် အစ္စလာမ်သာသနာ

ရီဘာရီမှာ ၂၀၀၆ ခုနှစ်တွင်အစ္စလာမ်သာသာဝင်တစ်ယောက်ဖြစ်လာခဲ့ပြီး အစ္စလာမ်က သူ့အား ငြိမ်းချမ်းလုံခြုံစေသည်ဟုသူကဆိုသည်။

၂၀၀၉ ခုနှစ်တွင် ရီဘာရီသည် အွမ္မရာ ဘုရားဖူးခရီးစဉ်အဖြစ် မက္ကမြို့တော်သို့ မွတ်စလင်အသင်းဖော်များနှင့်အတူ သွားရောက်ခဲ့သည်။ ရီဘာရီမှာ ၎င်း၏ မွေးရပ် Boulogne-sur-Mer တွင် O’Shahiz ဟု အမည်ရသည် အရက်မပါဘဲ သစ်သီးဖျော်ရည်များကို သာရောင်းသော ဘားတစ်ခုကို ၂၀၁၂ ခုနှစ် နှစ်ဆန်းပိုင်းက ဖွင့်လှစ်ခဲ့သည်။ ပြင်သစ်များအား အရက်ကင်းစင်သည့် ရပ်ဝန်းတစ်ခု ဖန်းတီပေးလိုသည့် ရည်ရွှယ်ချက်ဖြင့် ဖွင့်လှစ်ခဲ့ခြင်းဖြစ်သည်ဟု သူကဆိုသည်။

အောင်မြင်မှုများ

ကလပ်

ဂါလာတာစရေး၊ တူရကီဖလား (၂၀၀၅)

မာဆေးလ်၊ ယူအီးအက်ဖ်အေ အင်တာတိုတိုဖလား (၂၀၀၅)

ဘိုင်ယန်မြူးနစ်

ဘွန်ဒစ်လီဂါ (၂၀၀၇-၂၀၀၈၊ ၂၀၀၉-၂၀၁၀၊ ၂၀၁၂-၂၀၁၃)
ဂျာမနီရှုံးထွက်ဖလား (၂၀၀၈၊ ၂၀၁၀)
ဂျာမနီလိဂ်ဖလား(၂၀၀၇)
ဂျာမနီစူပါဖလား(၂၀၁၀၊ ၂၀၁၂)
ချန်ပီယံလိဂ်ဖလား(၂၀၁၃)

နိုင်ငံ
၂၀၀၆ ကမ္ဘာ့ဖလား ဒုတိယ

တစ်ဦးချင်း
UNFP ၏ တစ်နှစ်တာ အကောင်းဆုံး လူငယ်ဘောလုံးသမားဆု (၂၀၀၅၊ ၂၀၀၆)
လိဂ်ဝမ်း အကောင်းဆုံးဂိုးသွင်းရှင်ဆု (၂၀၀၅-၂၀၀၆)
UNFP ၏ တစ်လတာ အကောင်းဆုံး ဘောလုံးသမား (သြဂုတ် ၂၀၀၄၊ အောက်တိုဘာ ၂၀၀၅၊ ဧပြီ ၂၀၀၆)
ပြင်သစ်နိုင်ငံ တစ်နှစ်တာအကောင်းဆုံး ဘောလုံးသမားဆု(၂၀၀၇၊ ၂၀၀၈)
ဂျမနီနိုင်ငံ တစ်နှစ်တာအကောင်းဆုံး ဘောလုံးသမားဆု(၂၀၀၈)
ယူအီးအက်ဖ်အေ တစ်နှစ်တာအကောင်းဆုံးအသင်း (၂၀၀၈)

August 3, 2013
ခွဲခြားမှုကင်းသော အနာဂတ် မျိုးဆက်ဆီသို့ ဓာတ်ပုံပြိုင်ပွဲ

သြဂုတ်-၃၊ ၂၀၁၃
M-Media

၂၀၁၃ ခုနှစ် သြဂုတ်လ (၁၂)ရက်နေ့တွင်ကျရောက်သော လူငယ်များနေ့ကို ကြိုဆိုသောအားဖြင့် မန္တလေးလူငယ်များမှ ၂၀၁၃ ခုနှစ်၊ အတွက် ရွေးချယ်ခဲ့သော ဆောင်ပုဒ်ဖြစ်သည့် “ခွဲခြားမှုကင်းသော အနာဂတ် မျိုးဆက် ဆီသို့” ခေါင်းစဉ်ဖြင့် ဓာတ်ပုံပြိုင်ပွဲကို ပါဝင် ဆင်နွှဲရန် အတွက် လူငယ် ၀ါသနာရှင်များကို ဖိတ်ခေါ်ထားကြောင်းသိရပါသည်။

ပြိုင်ပွဲဝင် ဓာတ်ပုံများကို ဖေ့စ်ဘုခ် စာမျက်နှာ (https://www.facebook.com/pages/Equality-Myanmar/229213553883498 ) တွင် ပြသထားကာ ပရိတ်သတ် အကြိုက်ဆုံး “Like” အများဆုံးရရှိသည့် ဓာတ်ပုံ ၂၀ကို စကာတင် အဖြစ် ရွေးချယ်ပြီး သြဂုတ်လ (၁၂)ရက်နေ့ မန္တလေး မြို့တော်ခန်းမတွင် ပြုလုပ်မည့် နိုင်ငံတကာလူငယ်များနေ့ အထိမ်းအမှတ် ပွဲတွင် ပြသသွားမည် ဟုလည်း သိရသည်။

ပြိုင်ပွဲဝင်များအနေနှင့် ပြိုင်ပွဲဝင် လျှောက်လွှာများကို သြဂုတ်လ (၅)ရက်နေ့ နောက်ဆုံးထားပြီး လျှောက်လွှာပါ ရုံးလိပ်စာများသို့ လျှောက်ထားရန် လိုအပ်ပါသည်။ အသေးစိတ်သိလိုက ၀၉-၄၀၂၇၆၉၀၁၇ သို့ ဆက်သွယ် မေးမြန်းနိုင်ပါသည်။

ဓာတ်ပုံပညာရပ်ကို စိတ်ဝင်စားသော M-Media စာဖတ်ပရိတ်သတ်များ အချိန်မီ လျှောက်လွှာတင်ကာပြိုင်ပွဲ ၀င်နိုင်စေဖို့အတွက် တင်ပြလိုက်ပါသည်။

ကိုးကား- YSCM.Myanmar FB Group

August 2, 2013
၂-၈-၂၀၁၃ အားကစားသတင်းများ

သြဂုတ်လ-၂-၂၀၁၃
M-Media

ဒီယေဂိုကော့စတာအား ပေါင်သန်း ၂၀ ဖြင့် လီဗာပူးလ် ကမ်းလှမ်း

လီဗာပူးလ်အသင်းသည် အက်သလက်တီကိုတိုက်စစ်မှား ဒီယေဂိုကော့စတာအား ပေါင်းသန်း ၂၀ ဖြင့်ကမ်းလှမ်းလိုက်ကြောင်း သိရသည်။ ယမန်နှစ်က လာလီဂိုး ၁၀ ဂိုးအပါအ၀င် စုစုပေါင်း ဂိုး ၂၀ သွင်းယူပေးခဲ့သည့် ဒီယေဂိုအား အက်သလက်တီကိုမက်ဒရစ်အသင်းကလည်း ရောင်းချရန်ရှိနေသည်။
______________________________
ရော်နယ်ဒိုအပြောင်းအရွှေ့အတွက် ရီးရဲလ်နှင့် မန်ယူ ဆွေးနွေးမည်

တိုက်စစ်မှူးရော်နယ်ဒိုအား အိုးထရက်ဖို့ဒ်သို့ ပြန်လည်ခေါ်ယူရန်အတွက် မန်ယူအသင်းသည် ရီးရဲလ်မက်ဒရစ်အသင်းနှင့် ဆွေးနွေးတော့မည်ဟု သိရသည်။ မန်ယူအသင်းအနေဖြင့် ရော်နယ်ဒိုအား ပြောင်းရွှေ့ကြေး ယူရို ၉၂ သန်းခန့်ဖြင့် ခေါ်ယူနိုင်လိမ့်မည်ဟု ယုံကြည်နေသည်။
______________________________
ဘေးလ်အား ယူရိုသန်း ၁၂၀ ဖြင့် ရီးရဲလ်ခေါ်ယူတော့မည်

ရီးရဲလ်မက်ဒရစ်အသင်းသည် တော့တင်ဟမ်တိုက်စစ်မှူးဂါရက်ဘေးလ်အား ယူရို သန်း ၁၂၀ ဖြင့်ခေါ်ယူတော့မည်ဖြစ်ကြောင်း သိရသည်။
______________________________
ပုံမှန်ကစားခွင့်နေရာရရန်အတွက် ယှဉ်ပြိုင်ရန်အဆင်သင့်ဖြစ်နေသည်ဟု ဖာဒီနန်ပြောကြား

ပုံမှန်ပွဲထွက်ခွင့်အား စွန့်လွှတ်ရန်အဆင်သင့်မဖြစ်သေးဟု မန်ယူနောက်ခံလူ ဖာဒီနန်က အသင်းရှိ လူငယ်နောက်ခံလူများအား သတိပေးပြောကြားလိုက်သည်။ အသက် ၃၄ နှစ် အရွယ်ရှိပြီး မန်ယူ အသင်းတွင် ၁၁ နှစ်ကြာကစားပေးခဲ့သည့် ဖာဒီနန်က မန်ယူအတွက် ဆက်လက် ကစားပေးချင်ကြောင်း ၎င်း မန်ယူသို့ရောက်ရှိခဲ့စဉ်က ကြိုးစားခဲ့ရသကဲ့သို့ပင် လူငယ်နောက်ခံလူများအနေဖြင့် အသင်းတွင်နေရာရရှိရန် ကြိုးစားရမည်ဖြစ်ကြောင်း ဖာဒီနန်ကထည့်သွင်းပြောဆိုခဲ့သည်။
______________________________
တော့တင်ဟမ်မှာ မိမိအတွက် အသင်းမှန်ဖြစ်ကြောင်း ချဒ်လီဆို

ပရီးမီးယားလိဂ်ကလပ် တော့တင်ဟမ်သို့ မကြာသေးမီကမှ ပြောင်းရွှေ့လာခဲ့သည့် ဘယ်လ်ဂျီယမ် အလယ်တန်းလူ နေဆာချဒ်လီက တော့တင်ဟမ်အသင်းသို့ပြောင်းရွှေ့ရန် ဆုံးဖြတ်ခဲ့ခြင်းမှာ မှန်ကန်သည်ဟု ပြောဆိုလိုက်သည်။ အသက် ၂၃ နှစ်အရွယ်ရှိ ချဒ်လီက ပရီးမီးယားလိဂ်တွင် ကစားရန်မှာ၎င်း၏ အိပ်မက်ဖြစ်ကြောင်း၊ တော့တင်ဟမ်အသင်း သို့ရောက်ရှိလာခြင်းကို ပျော်ရွှင်မိပြီး အသင်းနှင့် ပရိတ်သတ်များ ကျေနပ်စေရန်အတွက် အကောင်းဆုံး စွမ်းဆောင်သွားမည်ဖြစ်ကြောင်း ပြောကြားခဲ့သည်။
______________________________
ဘေးလ်အားရောင်းရငွေဖြင့် ကစားသမားသစ် လေးဦးခေါ်ယူမည်

တော့တင်ဟမ်အသင်း၏ နည်းပြဖြစ်သူ အန်ဒရီဗီလာဘိုအာစ် က အသင်း၏တိုက်စစ်မှူး ဂါရက်ဘေးလ်အား ရောင်းရငွေဖြင့် ကစားသမား အသစ် လေးဦးခေါ်ယူမည်ဟုပြောဆို လိုက်သည်။ တော့တင်ဟမ်အသင်းမှာ နောက်တန်းကစားသမားနှစ်ဦး၊ အလယ်တန်းကစားသမားတစ်ဦးနှင့် တိုက်စစ်မှူးတစ်ဦး စုစုပေါင်းလေးဦး ခေါ်ယူရန်ရှိနေသည်။
______________________________
မိုဒရစ်ထွက်ခွာမည်ဆိုသည်ကို အန်ဆယ်လော့တီငြင်းဆို

ပရီးမီးယားလိဂ်ကလပ်အသင်းများဖြစ်ကြသည့် မန်ချက်စတာယူနိုက်တက်အသင်းနှင့် တော့တင်ဟမ်အသင်းတို့က ခေါ်ယူရန် စိတ်ဝင်စားနေသည့် နောက်ခံလူ လူကာမိုဒရစ် အသင်းမှ ထွက်ခွာမည်ဆိုသည်မှာ မဟုတ်မှန်ကြောင်း ရီးရဲလ်မက်ဒရစ်နည်းပြ အန်ဆယ်လော့တီက ပြောဆိုလိုက်သည်။ အသင်းရှိကစားသမားများအားလုံးမှာ ပျော်ရွှင်နေကြပြီး စွမ်းဆောင်ရည်ကောင်းမွန်ကြကြောင်း၊ မိုဒရစ်ထွက်ခွာမည့်သတင်းမှာလည်း မဟုတ်မှန်ကြောင်း ၎င်းကပြောကြားခဲ့သည်။
______________________________
ဂျီရော့ဒ်အား နာပိုလီစိတ်ဝင်စား

စီးရီးအေကလပ် နာပိုလီအသင်းသည် အာဆင်နယ်တိုက်စစ်မှူး အိုလီဗီယာ ဂျီရော့ဒ်အား စိတ်ဝင်စားနေသည်ဟု သိရသည်။ ပေါ်တိုတိုက်စစ်မှူး ဂျက်ဆန် မာတီနက်ဇ်အားခေါ်ယူရန်ကြိုးပမ်းမှူ မအောင်မမြင်ဖြစ်ခဲ့ရပြီးနောက် ဂျီရော့ဒ်အား စိတ်ဝင်စားလာခြင်းဖြစ်သည်။
______________________________
ဆန်းချက်ဇ်မှာ ရောင်းရန်မဟုတ်ဟု ဘာကာဆို

တိုက်စစ်မှူး အဲလီဇစ် ဆန်းချက်ဇ်မှာ ရောင်းရန်မဟုတ်ဟု ဘာစီလိုနာအသင်း၏ ဒုဥက္ကဌ ဂျိုးဆက် မရီယာ ဘာတိုမျူက ပြောကြားလိုက်သည်။ ပြီးခဲ့သည့် ၂ နှစ်က အူးဒီးနီးစ်အသင်းမှ ဘာစီလိုနာအသင်းသို့ပြောင်းရွှေ့လာသည့် အသက် ၂၄ နှစ်အရွယ် ဆန်းချက်ဇ်အား နာပိုလီအသင်းက ခေါ်ယူရန် စိတ်ဝင်စားနေသည်။ ၎င်းတို့အနေဖြင့် ဆန်းချက်ဇ်၏ စွမ်းဆောင်မှုအား ကျေနပ်ကြောင်း၊ သူ့အား ရောင်းချမည်မဟုတ်ကြောင်း ဂျိုးဆက်က ပြောကြားခဲ့သည်။
______________________________
တစ်ရက်အတွင်း ၂ ပွဲယှဉ်ပြိုင်ကစားခဲ့သည့် ဒလ် ပေါ့ထရို ကွာတားဖိုင်နယ်သို့တက်ရောက်

အာဂျင်တိုင်းတင်းနစ်သမား ဂျူအန် မာတင် ဒလ်ပေါ့ထရိုမှာ ကျင်းပလျက်ရှိသည့် ၀ါရှင်တန် အိုးပင်းတင်းနစ်ပြိုင်ပွဲတွင် တစ်ရက်အတွင်း နှစ်ပွဲကစားခဲ့ပြီး အနိုင်ရရှိခဲ့ကာ ကွာတားဖိုင်နယ်သို့ တက်ရောက်သွားပြီဟုသိရသည်။ ရာသီဥတုဆိုးဝါးမှုကြောင့် တစ်ရက်အတွင်း နှစ်ပွဲကစားခဲ့ရသည့် ပေါ့ထရိုမှာ အမေရိကန်တင်းနစ်သမား ရိုင်ယန် ဟာရစ်ဆန်အား ၆-၁၊ ၇-၅ ဖြင့်လည်းကောင်း ငါးနာရီအကြာတွင် ထပ်မံကစားရသည့် သြစတေးလျ တင်းနစ်သမား ဘားနဒ်တိုမစ်အား ၆-၃၊ ၆-၃ ဖြင့်လည်းကောင်း အနိုင်ရရှိခဲ့ခြင်းဖြစ်သည်။

August 2, 2013