သြဂုတ်-၆ ရက်။ ၂၀၁၃
M-Media
New York Times ၏ တနင်္ဂနွေနေ့တင်ပြချက်အရ ထိုင်း(ယိုးဒယား)နိုင်ငံသည် လက်ရှိဈေးကွက်ရှာဖွေရေး ဖော်ဆောင်မှုများ၌ နိုင်ငံခြား ဧည့်သည် အမျိုးအစား အားလုံးအပေါ် ဆွဲဆောင်နိုင်ရန် ရည်ရွယ်လျက်ရှိသည်ဟု ဆိုသည်။
“ အပြုံးဌာနီ ” ဟု အမည်တွင်သော ထိုင်းနိုင်ငံက အိမ်နီးချင်း တိုင်းပြည်များမှ ၀င်ရောက်ခွင့်ငြင်းပယ်ခံရသည့် တိုးရစ္စများကို လမ်းဖွင့်ပေးရေးနှင့်ဆွဲဆောင်ရေး၌ ကျယ်ကျယ်ပြန့်ပြန့်ဆောင်ရွက်လျက်ရှိသည်။
ထိုင်းနိုင်ငံသည် ဗုဒ္ဓဘာသာဝင်အများစုရှိသည့် တိုင်းပြည်ဖြစ်သော်လည်း မွတ်စ်လင်မ်ခရီးသွားများအားဖြင့် ငွေချောင်းစီးဈေးကွက်ရရှိရန် ကြိုးပမ်းချိတ်ဆက်လျက်ရှိကြောင်း သိရသည်။ မွတ်စ်လင်မ်ဆန့်ကျင်ရေးသမားတို့၏ ခံစားချက်မှသည် အကြမ်းဖက်မှုထိ လမ်းခင်းနေခဲ့သော အိမ်နီးချင်း မြန်မာနိုင်ငံနှင့်ဆန့်ကျင်စွာ ထိုင်းနိုင်ငံက မိမိတို့တိုင်းပြည်အား မွတ်စ်လင်မ်တို့၏ ချစ်ခင်နှစ်သက်ဖွယ်နယ်မြေအဖြစ် ဖော်ဆောင်လိုက်သည်။
မွတ်စ်လင်မ်များအတွက် အွန်လိုင်းခရီးသွားအကျိုးဆောင်တစ်ခုဖြစ်သော Crescentrating ၏ အဆိုအရ ပင်လယ်ကွေ့အာရဗ်များအပါအ၀င် မွတ်စ်လင်မ် ခရီးသွားဧည့်သည်တို့ဖြင့် ပြည့်နှက်နေသော အထင်ရှားဆုံးနိုင်ငံများမှာ ၈ နိုင်ငံ ရှိနေကြောင်း သိရသည်။
မွတ်စ်လင်မ်ဧည့်သည်ပမာဏ တိုးတက်ရရှိရေးအတွက် ဈေးကွက်တိုးချဲ့ဖို့ ထိုင်းနိုင်ငံ၏ ရည်ရွယ်ဦးတည်နေမှုများ၌ အစ္စလာမ်ဘာသာဝင်များ လွယ်လင့်တကူစားသောက်နိုင်သည့် ဟလာလ် အစားအစာများ၊ မွတ်စ်လင်မ်အမျိုးသား အမျိုးသမီးများအတွက် သီးခြားဝန်ဆောင်မှုများဖြင့် ဟလာလ်အပန်းဖြေစခန်းများလည်း ပါဝင်သည်။
နိုင်ငံတွင်းရှိ ထိပ်တန်းဈေးဝယ်ကုန်တိုက်များ၌သာမက ပထ္ထယား ကမ်းခြေအပန်းဖြေစခန်းမှာပင်လျှင် မွတ်စ်လင်မ်တို့အတွက် ၀တ်ပြုခန်းများ ရှိနေကြ၏။ မွတ်စ်လင်မ်နိုင်ငံမဟုတ်ဘဲ မွတ်စ်လင်မ်တို့၏နှစ်သက်မှုအရရှိဆုံးမှာ ဘန်ကောက်မြို့၊ သုဝဏ္ဏဘုမ္မိလေဆိပ် ဖြစ်ကြောင်း Crescentrating ၏လေ့လာမှုစစ်တမ်းက ဖော်ပြထားသည်။
ဤနှစ်အစောပိုင်းတွင် ချမ်းသာကြွယ်ဝသော ပင်လယ်ကွေ့နိုင်ငံဧည့်သည်များကို ဆွဲဆောင်နိုင်ရန် ထိုင်းနိုင်ငံခရီးသွားလုပ်ငန်း၏ ဒူဘိုင်းရုံးခွဲသည် တစ်လကြာထိုင်းရိုးရာပွဲ လမ်းသဘင် တစ်ရပ်ကို ကျင်းပခဲ့သည်။
အရှေ့တောင်အာရှရှိ အခြား အိမ်နီးချင်းနိုင်ငံများမှ လက်မခံလိုသော နိုင်ငံခြားခရီးသွားဧည့်သည် အမျိုးအစားအသီးသီးတို့အတွက်လည်း ထိုင်းနိုင်ငံမှ ကြိုးပမ်းဖိတ်ခေါ်နေပေသည်။
ခရီးသွားလုပ်ငန်းသုတေသီများ၏ အဆိုအရ ထိုင်းနိုင်ငံသည် လိင်တူစုံမက်သူ ခရီးသွားများအတွက်ပါရည်ရွယ်ပြီး “Go Thai. Be Free” ဆောင်ပုဒ်ဖြင့် အစိုးရကိုယ်တိုင် ကူညီအားပေးနေသည့် တစ်ခုတည်းသော အာရှနိုင်ငံ ဖြစ်သည်။
ဘရူနိုင်း၊ မလေးရှား၊ မြန်မာ နှင့် စင်္ကာပူ စသော အရှေ့တောင်အာရှနိုင်ငံများတွင်မူ အမျိုးသားဖြစ်စေ အမျိုးသမီးဖြစ်စေ လိင်တူစုံမက်ခြင်းကို တရားမ၀င်ကြောင်း သတ်မှတ်ကြသည်။ ထိုင်းနိုင်ငံတွင်မူ ယင်းသို့စုံတွဲများကို လူ့မြင်ကွင်း နေရာအနှံ့တွင် တွေ့မြင်နေကြရသဖြင့် မထူးဆန်းတော့ချေ။
အိမ်နီးချင်းနိုင်ငံများက မကြိုဆိုကြသော နိုင်ငံရေးဧည့်သည်များကိုလည်း ထိုင်းက ဖိတ်ခေါ်မပျက်ပါ။ ဥပမာ – မွတ်စ်လင်မ် လူများစုနိုင်ငံများဖြစ်သည့် မလေးရှားနှင့် အင်ဒိုနီးရှားတို့တွင် အစ္စရေးတို့ကို စိစစ် ကန့်သတ်သော်လည်း ဆန့်ကျင်ဖက်အားဖြင့် ထိုင်းနိုင်ငံကမူ အစ္စရေးခရီးသည်များအဖို့ ရေပန်းအစားဆုံးနေရာဖြစ်လျက် ၂၀၁၂ ခုနှစ်အတွင်း အစ္စရေးဧည့်သည်ပေါင်း တစ်သိန်းနှစ်သောင်းကျော် ၀င်ရောက်လည်ပတ်ခဲ့ကြသည်။
ထိုင်းနိုင်ငံမြောက်ပိုင်း ချင်းမိုင်(ဇင်းမယ်)မြို့ရှိ ခရီးသွားလာရေးဌာနရုံး၏ ဒါရိုက်တာ ၀ီစူးသ် ဘူဝါချူးမ်(Wisoot Buachoom) က New York Times ထံ ဤသို့ပြောကြားလိုက်သည်။
“ ကျွန်တော်တို့နေထိုင်တဲ့တိုင်းပြည်ဟာ ပွင့်လင်းတယ်၊ အတော်လေး လွတ်လပ်တယ်ဗျ။ ကျွန်တော်တို့ဖော်ဆောင်တဲ့ဈေးကွက်ကို မကြိုက်သူ မရှိဘူးလို့ ကျွန်တော်ထင်ပါတယ် ”။
Ref: english.alarabiya.net
