Blog

သမ္မတဦးသိန်းစိန် ဗြိတိန်အောက်လွှတ်တော်ဥက္ကဌအား လက်ခံတွေ့ဆုံ

M-Media

နေပြည်တော် ဇူလိုင် ၃ဝ၊၂၀၁၃

နိုင်ငံတော်သမ္မတ ဦးသိန်းစိန်သည် ဗြိတိန်နိုင်ငံ အောက်လွှတ်တော် ဥက္ကဋ္ဌ H.E. Mr. John Bercow ဦးဆောင်သော ကိုယ်စားလှယ်အဖွဲ့အား ယမန်နေ့ ညနေ ၃ နာရီက နေပြည်တော်ရှိ နိုင်ငံတော်သမ္မတ အိမ်၊ သံတမန်ဆောင် ဧည့်ခန်းမ၌ လက်ခံတွေ့ဆုံကြောင်း သမ္မတရုံး အင်တာနက်စာမျက်နှာက ဖော်ပြထားသည်။

ထိုသို့တွေ့ဆုံရာ၌ နိုင်ငံရေးအကျဉ်းသားများ လွှတ်ပေးရေးဆိုင်ရာ ကိစ္စရပ်များ၊ ရခိုင်ပြည်နယ်နှင့် ဒေသ အချို့တွင် ဖြစ်ပွားခဲ့သော နှစ်ဖက် လူ့အဖွဲ့အစည်း နှစ်ရပ် အကြား ပဋိပက္ခ ဖြစ်စဉ်များတွင် ပြစ်မှုကျူးလွန်သူများအား ထိရောက်သော ပြစ်ဒဏ် ချမှတ်ရေး ဆိုင်ရာ ကိစ္စရပ်များ၊ လူ့အခွင့်အရေးဆိုင်ရာ ကိစ္စရပ်များ၊ ပဋိပက္ခဖြစ်ပွားခဲ့သော ဒေသများရှိ ဒုက္ခသည်များအား လူသားချင်း စာနာထောက်ထားသော အကူအညီများ အဆင်ပြေ ချောမွေ့အောင် ပေးအပ်ရေး ဆိုင်ရာ ကိစ္စရပ်များ၊ ဖွဲ့စည်းပုံအခြေခံ ဥပဒေပြင်ဆင်ရေး ဆိုင်ရာ ကိစ္စရပ်များ၊ နိုင်ငံအတွင်း လက်နက်ကိုင် ပဋိပက္ခများ ချုပ်ငြိမ်းအောင် ဆောင်ရွက်နေသည့် ကိစ္စရပ်များ၊ ကချင်ပြည်နယ်ရှိ ဒုက္ခသည်များအား ကူညီထောက်ပံ့ရေးဆိုင်ရာ ကိစ္စရပ်များ၊ ကုလသမဂ္ဂ လူ့အခွင့်အရေးရုံးခွဲ မြန်မာနိုင်ငံတွင် ဖွင့်လှစ်မည့် ကိစ္စရပ်များနှင့် စပ်လျဉ်း၍ ဆွေးနွေးခဲ့ကြကြောင်း သိရှိရသည်။

သမ္မတဦးသိန်းစိန်က မြန်မာပြည်တွင် အခြေခံဥပဒေနှင့်အညီ လွတ်လပ်စွာကိုးကွယ်ခွင့်ရှိကြောင်းနှင့် ရခိုင်အပါအ၀င် အခြားဒေသများ၌ ဖြစ်ပျက်ခဲ့သည့် ပဋိပက္ခများမှာ ရာဇ၀တ်မှု တစ်ခုအပေါ် အခြေခံဖြစ်ပွားခဲ့ခြင်းဖြစ်ပြီး ပြည်တွင်းပြည်ပ မှ သွေးထိုးလှုံဆော်မှု များကြောင့် ပြဿနာကြီး ထွားခဲ့ကြောင်း၊ ယခုအခါ တည်ငြိမ် အေးချမ်းအောင် ထိန်းသိမ်းထားနိုင်ပြီ ဖြစ်ကြောင်း၊ ပြစ်မှုကျူးလွန်သူများအား လူမျိုး/ဘာသာမခွဲခြားဘဲ ဥပဒေနှင့်အညီ ထိရောက်စွာ အရေးယူ ဆောင်ရွက်လျက် ရှိကြောင်း ပြောကြားခဲ့သည်။

နိုင်ငံတော်သမ္မတရုံးက ထိုပဋိပက္ခများ စဖြစ်ကတည်းက ပြည်တွင်းပြည်ပသွေးထိုး လှုံဆော်မှုများကြောင့် ပြဿနာ ကြီးထွားလာသည်ဟု တွင်တွင်ပြောနေသော်လည်း ယခုအချိန်ထိ ပြဿနာ ကြီးထွားအောင် ပြုလုပ်ခဲ့ကြသည့် သွေးထိုး လှုံဆော်သူများကို အများပြည်သူရှေ့မှောက် တရားဝင် ချပြခြင်းမျိုး မရှိသေးပေ။

သတင်းဓာတ်ပုံ – နိုင်ငံတော်သမ္မတရုံး

July 31, 2013
ဗုဒ္ဓဂါယာ ပေါက်ကွဲမှု့ နှင့် ပတ်သက်၍ ကျောင်းဆောင် ထိန်းသိမ်းရေး အတွင်းရေးမှူးဟောင်းများကို စစ်ဆေးမည်

ဇူလိုင်-၃၁-၂၀၁၃
M-Media
Ref: India Times

ဘုရား ကျောင်းဆောင် ထိန်းသိမ်းရေး ဌာနမှ အတွင်းရေးမှုးဟောင်းများအား ဗုဒ္ဓဂါယာအတွင်း ပေါက်ကွဲမှုဖြင့် ပတ်သက်၍ NIA မှ စုံစမ်းမည်

GAYA: ဗုဒ္ဓဂါယာတွင် ဆက်တိုက်ဖြစ်ပေါ်ခဲ့သည့် ပေါက်ကွဲမှု၏ အဓိက သံသယရှိသူမှာ IM (အိန္ဒိယ မူဂျာဟစ်ဒ်) များဖြစ်သော် လည်း NIA (အိန္ဒိယအမျိုးသားကာကွယ်ရေး အေဂျင်စီ) ၏ စုံစမ်းစစ်ဆေးခြင်းမှ ရရှိခဲ့သော အချက်အလက်များအရ ဗုဒ္ဓဂါယာ ဘုရားကျောင်း ဆောင် ထိန်းသိန်းရေး ကော်မတီ (Bodh Gaya Temple Management Committee (BTMC)) ၏ အတွင်းရေးမှုးဟောင်း ၂ ဦးအား စုံစမ်းမည်ဖြစ်ကြောင်း သိရသည်။ ထို အတွင်းရေးမှုးဟောင်းများ သည် ယခင်က အလုပ်လုပ်ဆောင်ခဲ့ချိန်တွင် ရန်ငြိုးထားစရာ အကြောင်းများရှိခဲ့ကြောင်း နှင့် သူတို့၏ အကျင့်ပျက် လုပ်ဆောင် ချက်များကြောင့် သူတို့အား တရားဝင်ကြေငြာခြင်း မရှိဘဲ အလုပ်ထုတ်ပယ် ခဲ့သည့်အတွက်ကြောင့်ဖြစ်သည်။

၎င်း အတွင်းရေးမှုး ၂ ဦးအနက် တစ်ဦးသည် ဗုဒ္ဓတရားကျင့်ကြံခဲ့သော မြင့်မြတ်သည့် ဗောဓိညောင်ပင် ရှိ သစ်ကိုင်းများအား သဘာဝအတိုင်း မဟုတ်ဘဲ ကြွေကျအောင် လုပ်ဆောင်ခဲ့ပြီး ထို သစ်ကိုင်းများအား တန်ဖိုးတစ်ခုသတ်မှတ်ကာ ရောင်းချခဲ့သည် ဟု သိရသည်။ နောက်တစ်ဦးမှာ ဘုရားဗိမာန်တော်အား တားမြစ်ထားချိန်များတွင် နိုင်ငံခြားသား အုပ်စုများအတွက် ဖွင့်လှစ် ၀င်ခွင့်ပေးခဲ့သည် ဟု ဆိုသည်။ ရာဂျစ်ဗ်ဂူဘာ (Rajiv Gauba) ခရိုင်ရုံးတော်မှ ညွှန်ကြားချက်ဖြင့် ထိုအဖြစ်အပျက်များအား စစ်ဆေးရာ စွပ်စွဲချက်များသည် အမှန်ပင်ဖြစ်ကြောင်း ရှာဖွေတွေ့ရှိခဲ့သည်။ ထို့ကြောင့် ပြစ်မှုကျူးလွန်ခဲ့သော အတွင်းရေးမှုးများအား တာဝန်မှ ထုတ်ပယ် ခဲ့ခြင်းဖြစ်သည်။

ပြည်ထဲရေး ၀န်ကြီးဌာန၏ ၀န်ကြီး ဆူရှလ်ကူမားရှန်ှဒ် (Sushil Kumar Shinde) က တင်ပြခဲ့သော ပေါက်ကွဲမှု အား ဖြစ်စေသည့် အကြောင်းအရာတွင် “ပြည်တွင်းလူမှုရေးဆိုင်ရာ အချက်အလက် ပါဝင်သည်” ဆိုသောခေါင်းစဉ်အပေါ်၌ စုံစမ်းရရှိခဲ့သော အချက်အလက်များက ထောက်ခံလျက်ရှိသည်။ အကြောင်းမှာ အစိုးရဌာနများသည် အဆိုပါ လူမှုရေးဆိုင်ရာ NGO ၏ အဆောက်အဦး၌ လျို့ဝှက်စခန်း ရှိနေပုံအား သိရှိခဲ့ရကြောင်း။ ထို NGO ဌာနအား စီမံခန့်ခွဲသူများ ယခင်က အတွင်းရေးမှုးဖြစ်ခဲ့ဖူးသူ ပင်ဖြစ်သည်။ ဗုဒ္ဓဘုရားဗိမာန်တော်နှင့် အနည်းငယ်သာ ကွာဝေးသော နေရာတွင် NGO အဖွဲ့သည် ရှိနေခဲ့ပြီး လျှို့ဝှက်စခန်းနှင့် ပတ်သက်၍ အချက်အလက်များအား အတည်ပြုနေဆဲဖြစ်သည်။

မတူညီသော ဌာနများက အားလုံးနီးပါး သဘောတူထားသော အချက်မှာ ထိုအဖျက်လုပ်ငန်းကို လုပ်ဆောင် သူမှာ အိန္ဒိယမူဂျာဟစ် (IM) နှင့် ယင်းကဲ့သို့ အခြားသော အကြမ်းဖက်သူများ ဖြစ်နိုင်ကြောင်းဆိုသည်။ သို့သော်ငြား အကြံဉာဏ်၊ သတင်းအချက်အလက်များ ကို ပေးအပ်သူသည် ပြည်တွင်းမှ လူများပင်ဖြစ်လိမ့်မည်ဖြစ်ဖြစ်နိုင်ပြီး သူတို့သည် ငွေရေးကြေးရေးကြောင့် ပေးအပ် ရသည် သို့မဟုတ် လက်စားချေရန်လည်း ဖြစ်နိုင်ပေသည်။

ထိုသို့ ပြည်တွင်း အဆက်အသွယ် ရှိမှသာလျှင် ဖောက်ခွဲရေး ပစ္စည်းများကို ဘုရားဗိမာန်တော် သို့ လွယ်လွယ်ကူကူ တင်သွင်း လာနိုင်မှာဖြစ်ပြီး၊ ဗိမာန်အတွင်းမှ ဖောက်ခွဲရေးပစ္စည်းတပ်ဆင်သူများ လည်း လွယ်လွယ်ကူကူ တိမ်းရှောင်နိုင်မှာဖြစ်သည်။

ထို့အတူ အဖျက်သမားများသည် အရေးပါသည့် နေရာအားလုံး၊ ဗိမာန်အ၀င်ဝ နှင့် မြင့်မြတ်သည့် ဗောဓိညောင်ပင် အနီးတွင် တပ်ဆင်ထားသော အလုပ်လုပ်နေသည့် CCTV ကင်မရာ ၁၅ လုံးအားလည်း အောင်မြင်စွာ ကျော်ကွင်းသွားနိုင်ခဲ့သည်။ ဘုရားကျောင်းဆောင် ကော်မတီမှ အန်ဒေါဂျီ (N Dorje) က ပေါက်ကွဲမှုပြီးပြီးခြင်းပင် TOI သို့ ပြောကြားခဲ့သည်မှာ အဖျက်သမားများသည် ကင်မရာမှ မမြင်နိုင်သည့် အကွာအဝေးကို မှန်းဆချိန်ရွယ်ကာ အလုပ် လုပ်ဆောင်သွားခဲ့ခြင်း ဖြစ်ကြောင်းဖြစ်သည်။ ထို့ကြောင့် ထိုကင်မရာများ၏ နေရာများနှင့် သူတို့က ဘယ် အတိုင်းအတာထိ မြင်နိုင်ကြောင်း ပြောပြခဲ့သည်မှာ မည်သူဖြစ်မှာလဲဆိုသည်မှာ စဉ်းစားစရာပင် မလိုသော အရာပင်ဖြစ်နေသည်။

July 31, 2013
၃၀-၇-၂၀၁၃ နိုင်ငံတကာ သတင်းအကျဉ်း စုစည်းမှု

ဇူလိုင်-၃၀၊၂၀၁၃
M-Media

အမေရိကန်၏ အကြီးမားဆုံး ကလေးလိင်ကုန်ကူးမှုတိုက်ဖျက်ရေး

ဤသုံးရက်ကြာ စစ်ဆင်ရေးကို မြို့ပေါင်း ၇၆မြို့တွင် တစ်ပြိုင်တည်း ပြုလုပ်ခဲ့ရာ ကလေးငယ် ၁၀၅ဦးကို ကယ်တင်နိုင်ခဲ့ပြီး တရားခံ ၁၅၀ဦး ဖမ်းမိ၍ $165,000. တန်ဖိုးရှိ ပစ္စည်းများ သိမ်းဆီးရမိသည်။
___________________________________________
ဟက်ကာများက ကားကို ကွန်ပြူတာဖြင့် ထိန်းချုပ်လိုက်နိုင်

ကွန်ပျူတာ သုတေသန ပညာရှင် Charlie Miller နှင့် Chris Valasek က ယခုခေတ်ပေါ်ကားများကို ကွန်ပျူတာ နှင့် ထိန်းချုပ်မှု ရယူနိုင်ကြောင်းကို လာမည့် ရက်ပိုင်းအတွင်း ကျင်းပမည့် Defcon ဟက်ကာ ကွန်ဖရန့်တွင် ပြသမည်ဖြစ်သည်။ ၎င်းနည်းကို Ford Escape နှင့် Toyota Prius.တို့တွင် စမ်းသပ်ထားပြီး အခြား ခေတ်ပေါ်ကားများတွင်လည်း အတူတူပင် ဖြစ်ကြောင်း on-board diagnostics port မှတစ်ဆင့် ဆက်သွယ်၍ electronic control units ကို ထိန်ချုပ်ကာ ကား စတီယာရင်၊ အရှိန်၊ ဘရိတ် နှင့် အခြား ထိန်းချုပ်မှုများကို ကားမောင်းသမား မောင်းနှင်နေစဉ်မှာပင် ကွန်ပျူတာ သမားက ထိန်းချုပ်ရယူသွားနိုင်ကြောင်း။ ထိုမှ တစ်ဆင့်တက်၍ ကြိုးမဲ့ နည်းပညာကိုသုံး၍ အဝေးမှလည်း ထိန်းချုပ်လာနိုင်ကြောင်း ရှင်းပြသွားသည်။
___________________________________________
ဆွစ်ဇာလန်တွင် ရထားခေါင်းချင်းဆိုင်တိုက်

နိုင်ငံ အနောက်ပိုင်း Granges-pres-Marnand ဒေသတွင် ရထား နှစ်စင်းတိုက်မိရာမှ ၃၅ ဦးဒါဏ်ရာရပြီး ရထားမောင်းသူတစ်ဦး သေဆုံးသည်။ တိုက်မိရသည့် အကြောင်းအရင်းကို စုံစမ်းဆဲဖြစ်သည်။
___________________________________________
အမေရိကန်နိုင်ငံ ဖလော်ရီဒါ ဂစ်ပေါက်ကွဲမှု

ဖလော်ရီဒါ အလယ်ပိုင်း ပရိုပိန်းဂစ် ထုတ်လုပ်စက်ရုံတွင် ပြင်းထန်သောပေါက်ကွဲမှု ဖြစ်ပွားခဲ့ပြီး ၇ ဦး ဒါဏ်ရာရရှိသည်။
___________________________________________
ပါကစ္စတန် ထောင်ဖေါက်မှု

ပါကစ္စတန် Dera Ismail Khan မြို့အနီးရှိ ထောင်ကို သူပုန် တစ်ရာခန့်က လက်နက် အင်အားဖြင့် အပြင်းအထန်တိုက်ခိုက် ၍ သူပုန် ၃၀ ဦး အပါအဝင် ထောင်သား ၂၄၃ဦး လွတ်မြောက်သွားသည်။
___________________________________________
ပင်မဆဲလ်ကို ဆီးအရည်မှ ပြုလုပ်နိုင်ခဲ့

Guangzhou တက္ကသိုလ်မှ Duanqing Pei နှင့်အခြား တရုတ်သုတေသန ပညာရှင်များ က ခန္ဓာကိုယ် အစိတ်အပိုင်းများ တည်ဆောက်ရန် အသုံးပြုနိုင်သော ပင်မဆဲလ် ကို ဆီးအရည်မှ ပြုလုပ်နိုင်ခဲ့ကြောင်း Cell Regeneration ဂျာနယ်တွင် ဖေါ်ပြခဲ့သည်။
___________________________________________
အီရန်သမ္မတဟောင်း အာမတ်ဒီနီဂျက် ရာထူးမှ အနားယူပြီး နောက်ပိုင်း နည်းပညာတက္ကသိုလ် ဖွင့်လှစ်မည်

အီရန်အာဏာပိုင်တွေက သမ္မတဟောင်းကို နည်းပညာ တက္ကသိုလ်ဖွင့်လှစ်ဖို့ လိုအပ်တဲ့ ခွင့်ပြုချက်တွေကို ထုတ်ပေးပြီးဖြစ်ကြောင်းနဲ့ ဒီတက္ကသိုလ်မှာ သတင်းအချက်အလက် နည်းပညာ၊ နာနိုနည်းပညာ၊ အာကာသပညာရပ်တွေနဲ့ နူကလီးယား သိပ္ပံဘာသာရပ်တွေကို အထူးပြု သင်ကြားပို့ချဖွယ်ရှိတယ်လို့ အီရန်အခြေစိုက် tasnimnews.com က ဖော်ပြထားပါတယ်။

http://myanmarmuslimsvoice.com/archives/8315

July 30, 2013
ရိုးရိုးကြီးမတွေးဘဲ ဖောက်ထွက်တွေးရင် ဒါကို ဘယ်လိုမြင်သလဲ (သူ့အတွေး သူ့အမြင် )

ဇူလိုင် ၃၁၊ ၂၀၁၃
ရေးသူ- ရောဘတ်အယ်လ်ဟို့စ်

ဦးဝီရသူ နှင့် ဦးအောင်သောင်းတို့ တွေ့ဆုံခဲ့သည့် ဗီဒီယိုကလစ် http://youtu.be/llxLP9v-ZVo

ဒီဗီဒီယို ကလစ်ပ် က ဦးဝီရသူ ဖေ့စ်ဘွတ်ခ် စာမျက်နှာမှာ မနေ့က အသစ်တင်ထားလိုက်တဲ့ ဟာပါ။ သာမန် တွေးရင်တော့ ဒါက ဦးအောင်သောင်းနဲ့ သူ့…ကြားမှာ ဘာအဆက်အစပ် မှ မရှိဘူးဆိုတာကို တစ်ဖက်လှည့် နဲ့ထုတ်ပြတာပဲလို့ယူဆတယ်။ ဟိုတစ်လောက ဦးသန်းရွှေကို လူသိရှင်ကြား ဝေဖန် တဲ့ ဟာလိုပေါ့။သူတို့တွေဟာ ဘာမှ မဆက်စပ်ပါဘူး ဆိုတဲ့သဘောကို လူအများက ဒီလိုထင်သွားစေချင်တာ။

စဉ်းစားကြည့်နော်။ ဦးဝီရသူ ကို ထောင်က လွှတ်တာ ၂၀၁၂ ခုနှစ် ၊ ဇန်န၀ါရီလ ၁၃ ရက်နေ့။ အခု ဒီနေ့နဲ့ ကြားမှာ တစ်နှစ်ခွဲလောက် ဟ သွားပြီ။ ဒီကြားထဲမှာလည်း ဆိုးဆိုးဝါးဝါး ကိစ္စတွေ အများကြီးပေါ်လာပြီး ၊ ဖြေရှင်းလို့မရသေးတဲ့ ကိစ္စတွေလည်း အများကြီးကို ကျန်နေသေးတယ်။ ဒါဆို ဘာလို့ ဒီ တစ်နှစ်ခွဲအတွင်း ဒီ ဗီဒီယိုကလစ်ပ် က မထွက်လာခဲ့ဘဲ၊ ခုကျမှာ ဘာလို့ ရည်ရွယ်ချက် ရှိရှိ လိုလိုလားလား လူအများသိအောင် ချပြရတာလဲ။ ပေးထားတဲ့နာမည် ကိုက သူနဲ့ ဦးအောင်သောင်း ကြားမှာ ခပ်စိမ်းစိမ်းပါ ဆိုတာကို ဖော်ညွှန်းချင်မှန်း သိပ်ထင်ရှားပါတယ်။

ကမ္ဘာ့အမြင် မှာ ဘာသာတရား ရဲ့ သိက္ခာကိုပါ ထိခိုက်လာ၊ နိုင်ငံတကာ သံတမန်ရေးရာ တွေမှာ အသံတွေထွက်လာ၊ လာရောက် ရင်းနှီး မြှပ်နှံ ချင်သူတွေ လောကမှာ နှာခေါင်းရှုံ့ ခံလာရတဲ့ အခြေတွေ လည်း မြင်လာရော ကစားကွက် တွေက တစ်မျိူးပြောင်း ကစားလာပြီနော်။ သတိထားကြည့်ဖို့လိုမယ်။

ဦးရွှေမန်းက အမေရိကန်မှာ ၉၆၉ ကို ပြန်ရောက်ရင် နှိမ်နင်း ပါမယ်လို့ ကတိပေးခဲ့တယ်။ ပြန်ရောက်တော့ မယ်မယ်ရရ ဘာမှလည်း မဟုတ်ဘူး။ ၉၆၉ ကို နည်းနည်း မှိန်လိုက်ပြီး အမျိူးဘာသာသာသနာစောင့်ရှောက်ရေးအသင်း ဆိုတာကို အသစ်ဖွဲ့တယ်။ ရည်ရွယ်ချက်ခြင်းကတော့အတူတူပဲ။ လားရာခြင်းကလည်း အတူတူပဲ။ နောက်ပိုင်း သံတွဲတို့ ဘာတို့မှာတောင် ထပ်ဖြစ်လိုက်သေးတယ်။

အဲ .. ဒီရက်ပိုင်းအတွင်း မှာပဲ ကစားကွက်ဆန်းဆန်း တစ်ခုထပ်ပေါ်လာပြန်တယ်။ ဒါက ၀ီရသူ ရဲ့ နောက်ဆုံးဗားရှင်း တရားပွဲ တစ်ခုမှာ မျက်နှာမည်းကြီး ဗိုလ်သန်းရွှေတို့၊ ကြံ့ဖွတ်ပါတီတို့၊ နာဂစ်ကွန်စတီကျူးရှင်း တို့၊ ၂၀၀၇ ရွှေဝါရောင် တော်လှန်ရေး တို့ အကြောင်း ထည့်ပြောလာပြီး သူ့ကိုသူ ဒီမိုကရက် တစ်ယောက်ပေါ့။

အာဏာရှင်တွေ ထောက်လှမ်းရေး တွေနဲ့ ဘာမှမဆိုင်တဲ့ သီးခြား ပုဂ္ဂိုလ်တစ်ဦးပေါ့၊ အမျိူးသားရေး အာဇာနည် တစ်ဦးပေါ့ ။ ဒါမျိူး ပုံဖော်လာတာတွေ့ရတယ်။

ဦးအောင်သောင်းကလည်း လက်ရှိအစိုးရ နဲ့ ကြံ့ခိုင်ဖွံ့ဖြိုးရေးပါတီ တို့ အပေါ် သြဇာ ရှိနေသူတစ်ဦး၊ နောက်ပြီး အခုတစ်နှစ်လောက်အတွင်း မြန်မာနိုင်ငံ မှာ ဖြစ်ပွားခဲ့တဲ့ ဘာသာရေး ပေါ် ဦးတည်တိုက်ခိုက်ပြီး နိုင်ငံရေး ကစားကွက် ဖော်သူ လို့ နာမည်ပျက်စာရင်း ကျယ်ကျယ်ပြန့်ပြန့်ပေါက်နေသူတစ်ဦးလည်းဖြစ်နေတယ်။

သူတို့ သူတို့ တွေ ဆက်စပ်နေတယ် ဆိုရင် လက်ရှိအစိုးရ အာဏာ ရှိနေစဉ် မှာဖြစ်စေ တစ်ချိန် အာဏာ လက်မဲ့ ဖြစ်သွားချိန် မှာ ဖြစ်စေ၊ ဒီနေ့ဖြစ်ပျက်ခဲ့တဲ့ ကမ္ဘာတုန် ရာဇ၀တ် မှု တွေအတွက် ဒီပုဂ္ဂိုလ် တွေမှာ အန္တရာယ် ရှိနေတယ်။

ဘက်ပေါင်းစုံကနေ ဖိအားတွေ ပေါ်လာနေတယ်။ သံတမန်ရေးအရရော၊ နိုင်ငံတကာဆက်ဆံရေးတွေအရရော၊ ၀ီရသူ ဟာ လက်ရှိအစိုးရ ဖြစ်ချင်တာတွေကို တစ်ဖက်တစ်လမ်း ၀ိုင်းလုပ်ပေးနေသူ လို့ ကမ္ဘာ မှာ ဒီလိုပဲသိထားကြ တယ်။

ဒါ့ကြောင့် လက်ရှိမှာ မြန်မာအစိုးရ က မွတ်စလင်မ် ထဲက အလိုတော်ရိ တစ်ချိူ့ကို မွေးပြီး မြန်မာပြည်တွင်း တန်းတူညီမျှ ဘာသာရေး လွတ်လပ်ခွင့် ရှိပါတယ်ဘာညာ လိမ်ညာ ခိုင်းဖို့ ကြိုးစားနေတဲ့ ကိစ္စ မျိူးတွေ အထိကြံဆောင်လာတယ်။

နောက်ပြီး နာမည်ပေါက်နေပြီးသားဖြစ်တဲ့ ၀ီရသူ ဟာ ဦးသိန်းစိန် အစိုးရ ၊ ဒါမှမဟုတ် စစ်တပ်ကျောထောက်နောက်ခံပြု ကြံ့ခိုင် ဖွံ့ဖြိုးရေး ပါတီ နဲ့ ဘာမှ မပတ်သက် ပါဘူး ဆိုတာ ချပြဖို့ အတင်းရောကာရော လုပ်ပြနေတာတွေဟာ အရမ်းကို ဆက်စပ်မှု ရှိနေတယ်။

သူတို့တတွေ အားလုံးအပေါ် ကျရောက်နေတဲ့ ဖိအား က အများထင်ထားတာထက် ပိုကြီးနေတယ်။ဆက်ကစားမယ့် ကစားကွက်တွေက ပိုကောက်ကျစ် လိမ့်မယ်လို့ ထင်တယ်။ အားလုံး သတိတရားနဲ့ မျက်လုံးကျယ်ကျယ်ဖွင့်ပြီး ပိုစောင့်ကြည့်ရတော့မယ်။

July 30, 2013
၃၀-၇-၂၀၁၃ အားကစားသတင်းများ

ဇူလိုင်-၃၀၊၂၀၁၃
M-Media

လက်ရှိလူအင်အားနှင့် ဆုဖလားများကို ဆွတ်ခူးနိုင်သည်ဟု ဖာဒီနန်ဆို

ယခုအချိန်အထိ ကစားသမားနှစ်ဦးသာ ခေါ်ယူထားသေးသော်လည်း အသင်းအတွက်လုံလောက်နေပြီး နည်းပြသစ် ဒေးဗစ်မိုယက်စ်လက်အောက် လက်ရှိလူစာရင်းနှင့်ပင် မန်ယူအသင်းအနေဖြင့် ဆုဖလားများကို ဆွတ်ခူးရယူနိုင်သည်ဟု အသင်း၏ နောက်ခံလူ ရီယိုဖာဒီနန်က ပြောဆိုလိုက်သည်။ ရာသီသစ်တွင် လက်ရှိလူစာရင်းနှင့်ပင် ယှဉ်ပြိုင်ရသော်လည်း ၎င်းတို့အနေဖြင့် ကောင်းမွန်စွာစွမ်းဆောင်နိုင်ပြီး ဆုဖလားများကို ဆွတ်ခူးနိုင်မည်ဟု ယုံကြည်ကြောင်း ထည့်သွင်းပြောကြားခဲ့သည်။
________________________________________________
ဘရာဇီးကြယ်ပွင့်နေးမာ ဘာကာနှင့် ပထမဆုံး ပွဲထွက်ခွင့်ရတော့မည်

အင်္ဂါနေ့တွင် ပိုလန်ကလပ်အသင်းနှင့်ခြေစမ်းပွဲကစားရန် ထုတ်ပြန်လိုက်သည့် ဘာစီလိုနာအသင်း၏ ကစားသမားအမည်စာရင်းတွင် ဘရာဇီးဘောလုံးကြယ်ပွင့် နေးမာ ပါဝင်လာသည်ဟု သိရသည်။ ကွန်ဖက်ဒရေးရှင်းဖလားပြိုင်ပွဲတွင် ၀င်ရောက်ကစားခဲ့ပြီးနောက် အနားယူနေခဲ့ပြီး တနင်္လာနေ့က ဘာစီလိုနာအသင်း၏ လေ့ကျင့်ခန်း အစီအစဉ်တွင် ပြန်လည်ပါဝင်လာခဲ့သည့် နေးမာမှာ ဘာစီလိုနာအသင်းအတွက် ပထမဦးဆုံး ပွဲထွက်ကစားခွင့်ရမည်ဖြစ်သည်။
________________________________________________
ဆာမိ ခေဒီရာ အားခေါ်ယူရန် ချယ်ဆီး စိတ်ဝင်စား

ချယ်ဆီးနည်းပြ မော်ရင်ဟိုအနေဖြင့် ရီးရဲလ်မက်ဒရစ်ကစားသမား ဆာမိ ခေဒီရာအား ခေါ်ယူရန် စိတ်ဝင်စားနေသည်ဟုသိရသည်။ အသင်းဟောင်း ရီးရဲလ်မက်ဒရစ်အသင်းတွင် လက်တွဲခဲ့ဖူးသူ အဆိုပါကစားသမားအား တစ်နှစ်လုပ်ခ ယူရို ၄.၆ သန်းနှင့် ပြောင်းရွှေ့ကြေး ယူရို ၂၃ သန်းပေးချေရဖွယ်ရှိနေသည်။
________________________________________________
ဂျူဗင်တပ်စ်အသင်းသာ စီးရီးအေ ချန်ပီယံဖြစ်မည်ဟု ဖီအိုရင်တီးနား ကွင်းလယ်လူ ဆို

ဖီအိုရင်တီးနားကွင်းလယ်လူ ဘော်ဂျာ ဗာလီရိုက ဂျူဗင်တပ်စ်အသင်း၏ ကောင်းမွန်သော ကစားသမားအသစ် ၀ယ်ယူမှုများက စီးရီးအေအပါအ၀င် ဆုဖလားများစွာကို ရရှိစေနိုင်မည်ဟု ပြောဆိုလိုက်သည်။ ဖာနန်ဒိုလော်ရန်တေး၊ ကားလို့စ်တီဗက်ဇ် စသည့်ကစားသမားကောင်းများ ၀ယ်ယူနိုင်မှုကို ရည်ညွှန်းပြောဆိုလိုက်ခြင်းဖြစ်ပြီး ထိုကစားသမားသစ်များက ဂျူဗင်တပ်စ်အသင်းအား ဆုဖလားများစွာ ရရှိစေရန်ကူညီလိမ့်မည်ဟု ၎င်းက ထည့်သွင်းပြောကြားခဲ့သည်။
________________________________________________
goal.com မှ ရွေးချယ်သည့် ကမ္ဘာ့အကောင်းဆုံး ဘောလုံးသမားဆုအား မက်ဆီ တတိယအကြိမ် ဆွတ်ခူး

ကမ္ဘာကျော် ဘောလုံး ၀ဘ်ဆိုဒ်တစ်ခုဖြစ်သည့် goal.com က ပေးအပ်ချီးမြှင့်သော ကမ္ဘာ့အကောင်းဆုံး ဘောလုံးသမားဆုကို ဘာစီလိုနာတိုက်စစ်မှူး လိုင်ယွန်နယ် မက်ဆီက ဆွတ်ခူးရရှိသွားသည်ဟု သိရသည်။ ဘောလုံးအားကစားနှင့်ပက်သက်သည့် အကြီးဆုံး ၀က်ဆိုဒ်တစ်ခုဖြစ်သော goal.com တွင် တာဝန်ထမ်းဆောင်နေသည့် ကမ္ဘာတစ်ဝှမ်းမှ ဂျာနယ်လစ် ၅၀၀ ကျော်က ကမ္ဘာ့အကောင်းဆုံး ဘောလုံးသမား ၅၀ ကို မဲပေးရွေးချယ်ခဲ့ခြင်းဖြစ်ပြီး မက်ဆီက နံပါတ်တစ်နေရာရရှိခဲ့ကာ ဘိုင်ယန်အလယ်တန်းလူ ဖရန့် ရီဘာရီနှင့် ရီးရဲလ်တိုက်စစ်မှူး ခရစ္စတီယာနိုရော်နယ်ဒိုတို့က ဒုတိယနှင့် တတိယနေရာ အသီးသီးရရှိခဲ့ကြသည်။ မက်ဆီမှာ ၂၀၀၉ ခုနှင့် ၂၀၁၁ ခုနှစ်များတွင်လည်း goal.com၏ အကောင်းဆုံး ကစားသမားအဖြစ် ရွေးချယ်ခံခဲ့ရပြီး ယခုအကြိမ်မှာ တတိယအကြိမ်ဖြစ်သည်။
________________________________________________
မန်ယူနှင့် အပြောင်းအရွှေ့ကိစ္စ ဆွေးနွေးနေသည်မှာ မဟုတ်မှန်ကြောင်း ဖာဘရီဂတ်စ် အေးဂျင့်ဖြစ်သူ ငြင်းဆို

ဖာဘရီဂတ်စ်၏ အပြောင်းအရွှေ့ကိစ္စအတွက် မန်ယူအသင်းနှင့် ဆွေးနွေးနေသည်မှာ မဟုတ်မှန်ကြောင်း အေးဂျင့်ဖြစ်သူ ဒါရန့် ဒီအင်က ဘာစီလိုနာအသင်းသို့ ပြောကြားလိုက်သည်။ ဖာဘရီဂတ်စ်မှာ မန်ယူသို့ပြောင်းရွှေ့မည်မဟုတ်ဘဲ ဘာစီလိုနာအသင်းတွင်သာ ဆက်လက်ရှိနေမည်ဖြစ်ကြောင်း ၎င်း၏အနာဂတ်နှင့်ပက်သက်၍ မကြာမီ ထုတ်ပြန်လိမ့်မည်ဖြစ်ကြောင်း ဒါရန့် ဒီအင်က ပြောကြားခဲ့သည်။
________________________________________________
ဒေးဗစ်လူးဝစ် အသင်း၌သာ ဆက်လက်ရှိနေမည်ဟု မော်ရင်ဟိုဆို

ဘိုင်ယန်မြူးနစ်အသင်းမှ ပေါင် ၃၄.၅ သန်းဖြင့် ခေါ်ယူရန်ကြိုးပမ်းနေသော်လည်း ချယ်ဆီးခံစစ်မှူး ဒေးဗစ်လူးဝစ်မှာ အသင်း၌သာ ဆက်လက်ရှိနေမည်ဟု နည်းပြဖြစ်သူ ဟိုဆေး မော်ရင်ဟိုက ပြောဆိုလိုက်သည်။
________________________________________________
အင်တာနောက်ခံလူအား ခေါ်ယူရန် ကြိုးပမ်းမှုကို လက်လျှော့လိုက်ပြီဟု မီလန်ဆို

အေစီမီလန်အသင်း၏ ဒုတိယ ဥက္ကဌဖြစ်သူ အက်ဒရီယာနို ဂါလီယာနီက အသင်းအနေဖြင့် အင်တာနောက်ခံလူ မာတီယက်စ် ဆီလ်ဗက်စရီအား ခေါ်ယူရန်ကြိုးပမ်းမှုကို စွန့်လွှတ်လိုက်ပြီဟု ပြောဆိုလိုက်သည်။ အပြောင်းအရွှေ့အတွက်ဆွေးနွေးမှုမှာ နီးကပ်မှုမရှိဘဲ ပို၍ဝေးကွာလာကြောင်း ထို့ကြောင့် ၎င်းတို့အနေဖြင့် အဆိုပါ ကစားသမားအားခေါ်ယူရန်ကိစ္စကို စွန့်လွှတ်လိုက်ပြီဖြစ်ကြောင်း အက်ဒရီယာနိုက ထပ်လောင်းပြောကြားခဲ့သည်။
________________________________________________
ဖယ်လိုင်နီအားခေါ်ယူရန် မန်ယူ စိတ်ဝင်စားလာ

ဖာဖရီဂတ်စ်အားခေါ်ယူရန် မသေချာဖြစ်လာပြီးနောက် မန်ချက်စတာယူနိုက်တက်အသင်းသည် အဲဗာတန်အသင်း၏ ကွင်းလယ်လူ မရူအိန် ဖယ်လိုင်နီအား ခေါ်ယူရန် စဉ်းစားနေသည်ဟုသိရသည်။ မန်ယူအနေဖြင့် ဖယ်လိုင်နီအား ယူရို ၂၅.၅ သန်းဖြင့် ကမ်းလှမ်းရန် စီစဉ်နေပြီး ပြီးခဲ့သည့်နွေရာသီကတည်းက ခေါ်ယူရန် ပစ်မှတ်ထားခဲ့သည့် ဖယ်လိုင်နီ၏ အသင်းဖော် လေတန်ဘိန်းအား တစ်ပါတည်းခေါ်ယူရန် နီးစပ်နေသည်။
________________________________________________
ဘာမင်ဂမ်တိုက်စစ်မှူးဟောင်း ခရစ်ရှန် ဘင်နီတက်ဇ် ကွယ်လွန်

အင်္ဂလိပ်ကလပ် ဘာမင်ဂမ်အသင်း၏ တိုက်စစ်မှူးဟောင်းဖြစ်သူ ခရစ်ရှန် ဘင်နီတက်ဇ်မှာ ကာတာနိုင်ငံတွင် ယမန်နေ့က ကွယ်လွန်သွားပြီဟုသိရသည်။ အသက် ၂၇ နှစ်အရွယ်ရှိ အီကွေဒေါတိုက်စစ်မှူး ခရစ်ရှန်မှာ ယခုလ အစောပိုင်းတွင်မှ ကာတာကလပ် အလ်ဂျာအစ်ရှ် အသင်းနှင့် သုံးနှစ်စာချုပ် ချုပ်ဆိုခဲ့ခြင်းဖြစ်သည်။ ဆိုးရွားသော အစာအိမ်ရောဂါ ခံစားခဲ့ရသောကြောင့် ဆေးရုံသို့ တင်ပို့ခဲ့သော်လည်း နာရီအနည်းငယ်အကြာတွင် ကွယ်လွန်သွားခဲ့ခြင်းဖြစ်သည်။
________________________________________________
အလှူငွေရှာဖွေရေး အပြေးပြိုင်ပွဲတစ်ခုပြုလုပ်ရန် အူစိန်ဘော့အား ဖာရာ ဖိတ်ခေါ်

လန်ဒန်အိုလံပစ် မီတာ ၅၀၀၀ နှင့် မီတာ ၁၀၀၀၀ ချန်ပီယံ အင်္ဂလန်နိုင်ငံသား မိုဟာမက်ဖာရာက အိုလံပစ် မီတာ ၁၀၀နှင့် မီတာ ၂၀၀ ချန်ပီယံ အူစိန်ဘော့အား အလှူငွေရှာဖွေရေး အပြေးပြိုင်ပွဲတစ်ခုပြုလုပ်ရန် ဖိတ်ခေါ်လိုက်သည်။ ၎င်းတို့ နှစ်ဦးစလုံးမှာ လန်ဒန်မြို့တွင် ကျင်းပသည့် Anniversary Games အပြေးပြိုင်ပွဲတွင် ဆုတံဆိပ် အသီးအသီး ရရှိထားကြသူများဖြစ်သည်။ ထိုကဲ့ အလှူငွေရှာဖွေရေး ပြိုင်ပွဲတစ်ခုပြုလုပ်ရန် မိမိအနေဖြင့် စဉ်းစားနေကြောင်း၊ အူစိန်ဘော့နှင့် မိမိတို့မှာ လိုအပ်သူများကို ကူညီရန်အတွက် ကိုယ်ပိုင်ဖောင်ဒေးရှင်းများရှိကြပြီး ယခုအပြေးပြိုင်ပွဲအတွက် သတ်မှတ်ရမည့်အကွာအဝေးကို ပရိတ်သတ်များအနေဖြင့် သတ်မှတ်ပေးစေလိုကြောင်း၊ မီတာ ၆၀၀ နှင့် မီတာ ၈၀၀ အကြား အကွာအဝေးသည်သာလျှင် ၎င်းတို့နှစ်ဦးစလုံးအတွက် သင့်တော်မည်ဟုထင်ကြောင်း စသဖြင့် မိုဟာမက် ဖာရာက ပြောဆိုခဲ့သည်။

July 30, 2013