ဇူလိုင်-၁၄၊ ၂၀၁၃
via Thu Ya FB
၉၆၉ ဂိုဏ်း အကြောင်း အထောက်အထားနဲ့ တကွ ပြောကြားတော်မူသော အရှင်ဇဝန(ရွှေပြည်သာ ပရိယတ္တိ စာသင်တိုက် တည်ထောင်သူ) နှင့် ကိုမောင်မောင်ဝမ်း ၈၈ ကျောင်းသား ခေါင်းဆောင် (ရေနံချောင်း)
Connection မကောင်းသော M-Media ပရိတ်သတ်များ Download လုပ်ပြီး ကြည့်လိုလျှင်
Size 26MB
From Drop Box => http://goo.gl/3rDhQR
ဇူလိုင်၂၉၊ ၂၀၁၃
M-Media Knowledge ကဏ္ဍ
ရှာဖွေတင်ဆက်သူ – မိုးတိမ်
မျက်တောင် တစ်ချက်အခတ်မှာ မြင်ကွင်းကို တဆ ချဲ့နိုင်မယ့် မျက်ကပ်မှန်ကို ကယ်လီဖိုးနီးယား ဆန်ဒီအေးဂိုး တက္ကသိုလ် (UCSD) မှ သုတေသနပညာရှင်တွေက ကြိုးစားလုပ်ဆောင်နေကြပါတယ်။
သူတို့ဟာ zoom ဆွဲကြည့်နိုင်မယ့် မျက်ကပ်မှန်ပုံစံတစ်ခုကို ပြုလုပ်ခဲ့ကြပါတယ်။ ဒီသိပ္ပံပညာ စမ်းသပ်လေ့လာမှု အောင်မြင်တာဟာ သက်ကြီးရွယ်အိုတွေနဲ့ အမြင်အာရုံချို့ယွင်းသူ တချို့အတွက် တော်တော် အကျိုးရှိစေမှာဖြစ်ပါတယ်။
“ကျွန်တော်တို့ဟာ သေးငယ်ပြီး အနည်းငယ်ချဲ့ကြည့်နိုင်တဲ့ တယ်လီစကုပ်တစ်ခုကို ပြုလုပ်ခဲ့ပါတယ်။ မှန်ဘီလူးကနေ ကြည့်တဲ့ပုံစံအတိုင်းပါ။” လို့ ပါမောက္ခ Joseph Ford ကဆိုပါတယ်။
Ford နဲ့ သူ့အဖွဲ့ဟာ ဒီနည်းပညာကို စမ်းသပ်တီထွင်နေတာ ၈ နှစ်နီးပါး ရှိပြီ ဖြစ်ပါတယ်။
ဒီသုတေသနကို အမေရိကန် ကာကွယ်ရေး အဆင့်မြင့် သုတေသန အစီအစဉ်များ အေဂျင်စီ (USDARPA) က ငွေကြေးထောက်ပံ့ထားတာဖြစ်ပြီး ရှေ့တန်းမှာ ဘယ်လိုစွမ်းဆောင်ပေးနိုင် မလဲဆိုတာ ရှည်ရှည်ဝေးဝေးတွေးစရာတောင် လိုမယ်မထင်ပါဘူး။
UCSD နဲ့ လုပ်ဖော်ကိုင်ဖက်တွေဟာ သူတို့ရဲ့ ပထမအကြိမ်စမ်းသပ်မှုကို လုပ်ဆောင် ပြီးသွားပါပြီ။မြင်ကွင်းကို ၂.၈ ဆချဲ့ကြည့်နိုင်မှာပါ။ မျက်ကပ် မှန်ဘီလူးဟာ ကောင်းကောင်းမွန်မွန် အလုပ်လုပ်တယ်ဆိုတာကို သိပေမယ့် မျက်တောင်ခတ် အာရုံခံ ကိရိယာအတွက် လုပ်ဆောင်ဖို့ကျန်ပါသေးတယ်။
“နောက်တဆင့် ကျွန်တော်တို့လုပ်ရမှာက လူတယောက်တပ်နိုင်ပြီး ပတ်ဝန်းကျင်နဲ့ လိုက်လျောညီထွေစွာ လွပ်လွပ်လပ်လပ်နဲ့ တပ်ဆင်သွားလာနိုင်ဖို့ဖြစ်ပါတယ်” လို့ Ford က ဆိုပါတယ်။
ကိုးကား – FOX5 San Diego
ဇူလိုင်-၂၉-၂၀၁၃
M-Media
ဘေးလ်အားခေါ်ယူရန် ရီးရဲလ်မက်ဒရစ် လက်မလျှော့သေး
တော့တင်ဟမ်အသင်း၏ တိုက်စစ်မှူး ဂါရက်ဘေးလ်အားခေါ်ယူရန် အကြိမ်ကြိမ်ကြိုးစားနေသော ရီးရဲလ်မက်ဒရစ်အသင်းနေဖြင့် ယခုအခါတွင်လည်း ယူရိုသန်း ၆၀ အပါအ၀င် အသင်း၏ ကစားသမားများဖြစ်ကြသည့် ဒီမာရီယာနှင့် ဖေဘီယို ကိုအန်ထရာအိုတို့ကိုပါ အလိုက်ပေး၍ ကမ်းလှမ်းလိုက်သည်ဟု သိရသည်။
______________________________________________
ရီးရဲလ်သို့ ပြောင်းရွှေ့ရန် အန်ဆယ်လော့တီနှင့် ဆွေးနွေးခဲ့သည်ဟု အီဗာရာဟီမိုဗစ်ဆို
ပီအက်စ်ဂျီအသင်း၏တိုက်စစ်မှူး ဇလာတန် အီဗရာဟီမိုဗစ်သည် အန်ဆလော့တီ ရီးရဲလ်မက်ဒရစ်သို့ပြောင်းရွှေ့စဉ်ကတည်းက သူ၏အပြောင်းအရွှေ့ ကိစ္စအတွက် ဆွေးနွေးခဲ့သည်ဟုသိရသည်။ အန်ဆယ်လော့တီမှာ ယမန်နှစ်က ပီအက်စ်ဂျီအသင်းအား ကိုင်တွယ်ခဲ့ သူဖြစ်သည်။ ၎င်းအနေဖြင့် အန်ဆယ်လော့တီနှင့်ဆွေးနွေးခဲ့သည်မှာ မှန်ကန်ကြောင်း သို့ရာတွင် အချက်အလက်အနည်းငယ်သာဖြစ်ကြောင်း အီဗရာဟီမိုဗစ်က ဆိုသည်။
______________________________________________
ပီလီဂရီနီမှာ အသင်းအတွက် အကောင်းဆုံများကို ဆောင်ကျဉ်းပေးလိမ့်မည်ဟု ကစားသမားသစ် နာဗတ်စ် ဆို
မန်စီးတီးအသင်းသို့မကြာသေးမီက ရောက်ရှိလာသည့် ဂျီးစပ်စ် နာဗတ်စ်က အသင်း၏ နည်းပြသစ် ပီလီဂရီနီအနေဖြင့် လာမည့်ရာသီသစ်တွင် အသင်းနှင့်၊ ကစားသမားများအတွက် အကောင်းဆုံးရလဒ်များကို ယူဆောင်ပေးနိုင်မည်ဟု ပြောကြေားလိုက်သည်။ ပီလီဂရီနီမှာ နည်းပြကောင်း တစ်ဦးဖြစ်ကြောင်း၊ မန်စီးတီးအသင်းသို့ပြောင်းရွှေ့ခွင့်ရသည့်အတွက် ပျော်ရွှင်မိကြောင်း၊ အသင်းနှင့် အံဝင်ရန်မှာအရေးကြီးကြောင်း၊ လာမည့် ရာသီတွင် ၎င်းတို့အနေဖြင့် ကြီးမားသော အရာများကို လုပ်ဆောင်လိမ့်မည်ဖြစ်ကြောင်း ၎င်းက ထည့်သွင်းပြောကြားခဲ့သည်။
______________________________________________
ဘိုင်ယန်ကွင်းလယ်ယူ ဂျာမနီ၏ တစ်နှစ်တာအကောင်းဆုံးဘောလုံးသမားအဖြစ် ရွေးချယ်ခံရ
ယမန်နှစ်က ရရှိခဲ့သည့် ဘိုင်ယန်မြူးနစ်အသင်းအောင်မြင်မှုများအတွက် အဓိကနေရာမှ စွမ်းဆောင်ပေးခဲ့သော ကစားသမားများထဲမှ တစ်ဦးဖြစ်သည့် ရှဝိုင်းစတိုင်ဂါသည် ဂျာမနီအားကစားမဂ္ဂဇင်း ကစ်ကာမှ ရွေးချယ်သော တစ်နှစ်တာ အကောင်းဆုံးဘောလုံး သမားအဖြစ် ရွေးချယ် ခံခဲ့ရသည်ဟု သိရသည်။ ၎င်းအား အကြိမ်များစွာဝေဖန်ခဲ့သည့် ကစ်ကာမှာ ယင်းကဲ့သို့ရွေးချယ်ခဲ့ခြင်းအတွက် ၎င်းအနေဖြင့် အနည်းငယ်သာအံ့သြမိကြောင်း၊ သို့ရာတွင် ထိုဆုမှာ ဘိုင်ယန်အသင်းအတွက်သာဖြစ်ကြောင်း သူက ဆိုသည်။
______________________________________________
ရာသီအကြိုတွင်ဂိုးသွင်းယူနိုင်ခဲ့ခြင်းက ရာသီသစ်အတွက် အင်အားဖြစ်လာမည်ဟု ဒီဖိုးဆို
ဘာကလေအာရှဖလားပြိုင်ပွဲ ပွဲစဉ်တစ်ခုဖြစ်သည် တော့တင်ဟမ်အသင်းက တောင်တရုတ်အသင်းအား ၆ ဂိုး ဂိုးမရှိဖြင့်အနိုင်ရရှိခဲ့သောပွဲတွင် ဟက်ထရစ် သွင်းယူနိုင်ခဲ့ပြီး ထိုကဲ့သို့ ဟက်ထရစ်သွင်းယူနိုင်ခဲ့ခြင်းက လာမည့်ရာသီသစ်အတွက် အင်အားဖြစ်စေသည်ဟု တော့တင်ဟမ် အသင်း၏ တိုက်စစ်မှူး ဂျာမိန်းဒီဖိုးက ဆိုသည်။ ရာသီသစ်ကို အကောင်းဆုံးပုံစံဖြင့် စတင်ချင်ကြောင်း ရာသီအစပွဲစဉ်များသည် အသင်းသား အားလုံးအတွက် အရေးကြီးကြောင်း ၎င်းက ထပ်လောင်းပြောကြားခဲ့သည်။
______________________________________________
ဘင်ဖီကာနောက်ခံလူအား အငှားဖြင့်ခေါ်ယူရန် လီဗာပူးလ် စိတ်ဝင်စားနေ
လီဗာပူးလ်အသင်းသည် အသင်း၏ ဘယ်နောက်ခံနေရာအတွက် ဘင်ဖီကာနောက်ခံလူ မယ်လ်ဂရေဟိုအား အငှားဖြင့် ခေါ်ယူရန် စိတ်ဝင်စားနေသည်ဟု သိရသည်။
______________________________________________
ချယ်ဆီးနောက်ခံလူ လူးဝစ်အား ယူရိုသန်း ၄၀ ဖြင့် ဘိုင်ယန်ကမ်းလှမ်းမည်
ချန်ပီယံလိဂ် လက်ရှိချန်ပီယံ ဘိုင်ယန်မြူးနစ်အနေဖြင့် ချယ်ဆီးနောက်ခံလူ ဒေးဗစ် လူးဝစ်အား ယူရို သန်း ၄၀ ဖြင့် ကမ်းလှမ်းရန် စီစဉ်နေသည်ဟု သိရသည်။ သီယာဂို ဆေးလ်ဗား အားခေါ်ယူရန်ကြိုးပမ်းမှု အချီးအနှီးဖြစ်ခဲ့ရပြီးနောက် ဘိုင်ယန်နည်းပြ ပက်ပ် ဂွာဒီယိုလာက လူးဝစ်အားခေါ်ယူရန် စိတ်ဝင်စားလာခြင်းဖြစ်သည်။
______________________________________________
ဘာစီလိုနာ၏ ကမ်းလှမ်းမှုအား ၎င်း၏ ဇနီးသည်ကိုပင်မပြောပြခဲ့ဟု ဘာကာနည်းပြသစ်ဆို
၎င်းအနေဖြင့် ဘာစီလိုနာအသင်း၏ ကမ်းလှမ်းမှုအား ပါရာဂွေးသမ္မတမှတစ်ဆင့် သိရှိရပြီး ဘာစီလိုနာဥက္ကဌ ဆန်ဒရို ရော့ဆဲလ်နှင့် အပြောင်းအရွှေ့ ကိစ္စ ဆွေးနွေးချိန်အထိ ၎င်း၏ ဇနီးအား အသိမပေးခဲ့ဟု ဘာကာနည်းပြသစ် မာတီနိုက ဆိုသည်။
______________________________________________
ဟန်ဂေရီ ဂရင်းပရီ ကားမောင်းပြိုင်ပွဲတွင် ဟာမီလ်တန် အနိုင်ရရှိ
တနင်္ဂနွေနေ့က ကျင်းပပြုလုပ်ခဲ့သည့် ဖော်မြူလာဝမ်း ဟန်ဂေရီဂရင်းပရီကားမောင်‘ပြိုင်ပွဲတွင် မာစီဒီးအသင်း၏ ပြိုင်ကားမောင်သမား လူးဝစ်ဟာမီလ်တန်က ဗိုလ်စွဲခဲ့သည်ဟု သိရသည်။ ၎င်း၏ ကားမောင်းသက်တမ်းတစ်လျှောက်တွင် အရေးကြီးသောနိုင်ပွဲတစ်ခုဖြစ်ကြောင်း၊ မာစီးဒီးအသင်းသို့ပြောင်းရွှေ့လာပြီးနောက် အသင်းအတွက် အနိုင်ရယူပေးနိုင်ခြင်းမှာ ထူးခြားမှုတစ်ခုဖြစ်ကြောင်း ဟာမီလ်တန်က ပြောဆိုခဲ့သည်။
______________________________________________
ခရိုအေးရှားအိုးပင်း တင်းနစ်ပြိုင်ပွဲတွင် တောမီ ရိုဘရီဒိုဗိုလ်စွဲ
တနင်္ဂနွေနေ့က ကျင်းပခဲ့သည့် ခရိုအေးရှားတင်းနစ်ပြိုင်ပွဲ နောက်ဆုံးဗိုလ်လုပွဲတွင် စပိန်တင်းနစ်သမား တောမီ ရိုဘရီဒိုက အီတလီ တင်းနစ်သမား ဖေဘီယို ဖောဂ့်နီနီအား ၆-၀၊ ၆-၃ ဖြင့် အနိုင်ရဗိုလ်စွဲခဲ့သည်။ ထိုဗိုလ်လုပွဲမှာ ကောင်းမွန်သော ပွဲတစ်ပွဲဖြစ်ခဲ့ပြီး ၎င်းအနေဖြင့် အကောင်းဆုံးယှဉ်ပြိုင်နိုင်ခဲ့ကြောင်း၊ ချန်ပီယံဖြစ်သည့် ခံစားမှုမျိုးကို ငွေဖြင့်ဝယ်၍ မရနိုင်ကြောင်း ရိုဘရီဒိုက ပြောကြားခဲ့သည်။
______________________________________________
ဆွဇ်အိုးပင်းတင်းနစ်ပြိုင်ပွဲတွင် ရုရှားနိုင်ငံသား မစ်က်ဟေးလ် ယူဇနီဗိုလ်စွဲ
ဆွဇ်အိုးပင်းတင်းနစ်ပြိုင်ပွဲ နောက်ဆုံးဗိုလ်လုပွဲစဉ်ကို တနင်္ဂနွေနေ့က ကစားခဲ့ပြီး ရုရှားတင်းနစ်သမား မစ်က်ဟေးလ် ယူဇနီက အနိုင်ရ ဗိုလ်စွဲခဲ့သည်ဟု သိရသည်။ ဗိုလုပွဲတွင် ယူဇနီနှင့် ဟော်လန်တင်းနစ်သမား ရော်ဘင် ဟာစီတို့ကစားခဲ့ကြပြီး ကစားချိန် ၆၈ မိနစ်ကြာမြင့်ခဲ့ကာ ယူဇနီက ၆-၃၊ ၆-၄ ဖြင့် အနိုင်ရရှိခဲ့ခြင်းဖြစ်သည်။ ကမ္ဘာ့အဆင့် ၃၃ ရှိသည့် ယူဇနီသည် ၂၀၁၂ ဖေဖော်ဝါရီနောက်ပိုင်း အေတီပီ တင်းနစ်ပြိုင်ပွဲများတွင် ပမဦးဆုံးအကြိမ် ဗိုလ်စွဲခြင်းဖြစ်သည်။
______________________________________________
တင်ပါးဒဏ်ရာကြောင့် ရော်ဂျာဖလား တင်းနစ်ပြိုင်ပွဲမှ ရှာရာပိုဗာနှုတ်ထွက်
ကမ္ဘာ့အဆင့် ၂ ရုရှားတင်းနစ်မယ် မာရီယာ ရှာရာပိုဗာမှာ လာမည့်လတွင် ကနေဒါနိုင်ငံ တိုရွန်တိုတွင် ကျင်းပမည့် ရော်ဂျာဖလား တင်းနစ်ပြိုင်ပွဲမှ နှုတ်ထွက်လိုက်ပြီဟု သိရသည်။ တင်ပါးဒဏ်ရာကြောင့် နှုတ်ထွက်ရန် ဆုံးဖြတ်လိုက်သည့် ရှာရာပိုဗာက ကနေဒါရှိ သူမ၏ ပရိတ်သတ်အတွက် ကျန်းမာရေးအခြေအနေ တိုးတက်ကောင်းမွန်အောင် ကြိုးစားခဲ့သော်လည် သူမ၏ ဒဏ်ရာမှာ သက်သာမှုမရှိသေးကြောင်း ပြောဆိုခဲ့သည်။
______________________________________________
ဘာကူးဖလားအား စဗီတိုလီနာ ဆွတ်ခူး
အာဇာဘိုင်ဂျန်တွင် ကျင်းပပြုလုပ်နေသည့် ဘာကူးဖလား တင်းနစ်ပြိုင်ပွဲ ဗိုလ်လုပွဲကို တနင်္ဂနွေနေ့က ကစားခဲ့ပြီး ယူကရိန်းလူငယ် တင်းနစ်မယ် အယ်လီနာ စဗီတိုလီနာက အစ္စရေးတင်းနစ်မယ် ရှာဟာပီးယားအား ၆-၄၊ ၆-၄ ဖြင့်အနိုင်ရရှိခဲ့ကာ ဘာကူးဖလားအား ဆွတ်ခူးရရှိခဲ့သည်။ အသက် ၁၈ နှစ်အရွယ်သာရှိသေးသည့် စဗီတိုလီနာက အဆိုပါပွဲမှာ ခက်ခဲသည့် ပွဲစဉ်တစ်ခုဖြစ်ပြီး သူမအနေဖြင့် အပြင်းအထန်ကြိုးစား ခဲ့သောကြောင့် ယခုကဲ့သို့ ရလဒ်ကောင်းကိုရရှိခဲ့ခြင်းဖြစ်ကြောင်း ပြိုင်ပွဲအပြီးတွင် ပြောကြားခဲ့သည်။
______________________________________________
RBC ကနေဒီယန်အိုးပင်း ဂေါက်သီးရိုက်ပြိုင်ပွဲတွင် ဆနက်ဒီကာ ဗိုလ်စွဲ
အမေရိကန် ဂေါက်သီးသမား ဘရန့် ဆနက်ဒီကာသည် တနင်္ဂနွေနေ့က ကျင်းပပြီးစီးခဲ့သည့် ကနေဒီယန် ဂေါက်သီးရိုက်ပြိုင်ပွဲတွင် သတ်မှတ် ရိုက်ချက်ထက် ၃ ချက်လျှော့ရိုက်ကာ ဗိုလ်စွဲသွားကြောင်း သိရသည်။ ဘူဂီ ၂ ချက်မိခဲ့ပြီး ဘာဒီ ၄ ချက်ရခဲ့ပြီးသည့် ဆနက်ဒီကာမှာ ပီဂျီအေတိုး ဂေါက်သီးရိုက်ပြိုင်ပွဲများတွင် ယခုနှစ်အတွင်း ဒုတိယအကြိမ်မြောက် ဗိုလ်စွဲခဲ့ခြင်းဖြစ်သည်။
ဇူလိုင်-၂၈၊၂၀၁၃
M-Media
ဆောင်းပါးရှင်- ရန်လင်းဖြိုး
၂၀၁၂ ရောက်မှ ဗြုန်းစားဆိုသလို မွတ်စလင်မ် ဆန့် ကျင်ရေးထပေါ်လာပါတယ်။ ဘယ်လောက်ထိအောင် ရက် စက်သလဲဆိုရင် လူအရှင်လတ်လတ်ကို ခုတ်ပိုင်းပြီး မီးပုံထဲပစ်ထည့်တဲ့အထိ ရက်စက်ပြခဲ့ပါတယ်။ ရက်စက်တဲ့ လူတွေက တခြားလူတွေ မဟုတ်ပါဘူး။ တကမ္ဘာလုံးက ငြိမ်းချမ်းပါရဲ့  ချစ်ခင်စရာကောင်းပါရဲ့ လို့  သတ်မှတ် ထားတဲ့ မြန်မာပြည်သူ အချို့ပါပဲ။
ဒီလောက်ဆိုးရွားလှတဲ့ စစ်အစို လက်ထက် နှစ်ပေါင်း ၅၀-၆၀ မှာ ဒီလောက်ရက်စက်တဲ့ အဖြစ်မျိုးမဖြစ်ဘဲ ဘာ ကြောင့် ဒီမိုကရေစီဖြစ်ပြီးပါပြီဆိုတဲ့ အချိန်မှဖြစ်ရတာလဲ။
အတွေးအခေါ်ပညာရှင် သောမတ်ဟော့ပ် အရဆိုရရင် ဒါဟာ အစိုးရလက်ချက်ပါပဲ။ လူအတော်များများ ပြောနေကြတဲ့အတိုင်းတော့ မဟုတ်ပါဘူး။ တိုင်းပြည်မတည် မငြိမ်မသက်ဖြစ်အောင် လုပ်ပြီး နာမည်ကောင်း ယူသလိုနဲ့  စစ်တပ်ပြန်ဝင်ရအောင်ဆိုပြီး ပြောဆိုနေကြပါတယ်။ တချို့ ကလည်း အရင် စစ်အစိုးရလက်ထက် သဘောထားတင်းမာသူတွေ၊ အပြောင်းအလဲကြောင့် အာဏာစွန့် လွတ်လိုက်ရတဲ့လူတွေက အပြောင်းအလဲကို ပြန်ပြီး နောက်ကြောင်းလှည့်ဖို့ လုပ်ကြံကြတာဆိုပြီး ပြောဆိုကြပါတယ်။ မှန်သင့်သလောက်တော့ မှန်ပါလိမ့်မယ်။ အဲ့ဒါအပြင် တခြားအရေးကြီးတဲ့ အချက်တချက်ရှိပါသေးတယ်။
ဒါဟာဘာလဲဆိုရင် လက်ရှိအစိုးရအပါအ၀င် အုပ်ချုပ်သူလူတန်းစားတွေက သူတို့ အာဏာပါဝါတည်မြဲရေးအ တွက် ပြည်သူတွေကို လိမ်ဖို့ လိုလို့  ဖန်တီးလိုက်တဲ့ အစိုးရရဲ့ လှည့်ကွက်ပါပဲ။
သောမတ်စ်ဟော့ပ်က အစိုးရတွေဟာ ပြည်သူအပေါ်အုပ်ချုပ်ဖို့ အခွင့်အရေးရှိဖို့ အတွက် ပြည်သူတွေက ငါတို့ ကို အုပ်ချုပ်ပါဆိုပြီး သဘောတူမှုရှိရပါတယ်။ အင်္ဂလိပ်လို social contract လို့ ပြောဆိုကြပါတယ်။ ပြည်သူနဲ့  အစိုး ရကြား သဘောတူညီမှုပါပဲ။ ပြည်သူတွေက အုပ်ချုပ်ခွင့် ပေးထားတာဟာလဲ အကြောင်းမဲ့ မဟုတ်ပါဘူး။ ပြည်သူတွေကို ကာကွယ်ဖို့ အတွက် ပြည်သူတွေက သူတို့ ပိုင်ဆိုင်တဲ့ အလုံးစုံ လွတ်လပ်ခွင့် (absolute freedom) ကို စွန့် လွတ်ပြီး (သို့ ) အကန့် အသတ်ခံပြီး အစိုးရကို အုပ်ချုပ်ခွင့် အာဏာပေးထားတာပါ။ သူတို့ ကို ကာကွယ်ဖို့ ဆိုတဲ့ လုံခြုံရေးကိစ္စကြောင့်ပါ။ ဆိုလိုတာက ပြည်သူတွေကို လုံခြုံရေးပေးဖို့ ဆိုတဲ့ အကြောင်း ပြချက်နဲ့  အစိုးရတွေက ပြည်သူတွေအပေါ် အုပ်ချုပ်ခွင့် အခွင့်အာဏာရှိနေတာပါ။ ဒီလိုပါပဲ ပြည်သူ တွေကလည်း အစိုးရဘယ်လောက်ပဲ ဆိုးဆိုး အစိုးရဟာ ပြည်သူတွေကို ကာကွယ်ရမယ်လို့ သတ်မှတ်ပါတယ်။ အစိုးရဟာ ပြည်သူတွေကို အတွင်းရန် အပြင်ရန်တွေကနေ အကာအကွယ်ပေးရမယ့် အဖွဲ့ အစည်းလို့ ပဲ မှတ်ယူကြပါတယ်။
အစိုးရတွေ အာဏာဆက်ရှိနေဖို့ ၊ အစိုးရဆိုတဲ့ အဖွဲ့ အစည်းတခု ဆက်လက်တည်ရှိနေဖို့ ဆိုတာ ပြည်သူတွေကို ကာကွယ်ပေးဖို့လိုလို့ ပဲဖြစ်ပါတယ်။ ကာကွယ်ပေးရမယ်ဆိုတာတော့ ဟုတ်ပါပြီ။ ဘာရန်ကိုကာကွယ် ပေးရမှာလဲဆိုတာက မေးစရာပါ။ ရန်သူဆိုတာရှိနေမှ ရန်ဆိုတာလည်းရှိမှာမလို့ အစိုးရတွေက ပြည်သူတွေရဲ့  social contract ကို ရဖို့  ရန်သူဆိုတာ လိုပါတယ်။ မင်းသားလုပ်ဖို့ အတွက် လူဆိုးဆိုတာရှိမှရတဲ့ အတွက် အစိုးရတွေ မင်းသားလုပ်ဖို့  လူဆိုး ဆိုတာ ရှိကို ရှိရပါတယ်။ ကမ္ဘာ့နိုင်ငံတွေမှာလည်း အစိုးရအတွက် ရန်သူဆိုတာ မရှိတော့ရင် တနည်းမဟုတ်တနည်း အစိုးရတွေ ကိုယ်တိုင်ကပဲ ဖန်တီးကြပါတယ်။ ဒီလိုနဲ့  ပြည်သူတွေကို လှည့်စားကြပါတယ်။
မြန်မာနိုင်ငံမှာ စစ်အစိုးရလက်ထက် တလျှောက်က တိုင်းရင်းသားလက်နက်ကိုင်အဖွဲ့ တွေနဲ့  ကွန်မြူနစ်တွေက အစိုးရရဲ့ ရန်သူတွေအဖြစ်ရှိခဲ့တယ်။ အဲ့ဒီရန်သူ (အစိုးရအခေါ် အဖျက်သမား၊ သောင်းကျန်းသူ) တွေရဲ့  ရန်ကနေ ကာကွယ်ရမယ် ဆိုပြီး သူတို့  အုပ်ချုပ်မင်းလုပ်ခဲ့တယ်။ သူတို့ မရှိရင် တိုင်းပြည်ပြိုကွဲမယ်ဆိုပြီး အာဏာကို ကိုင် ထားခဲ့တယ်။ လက်နက်ကိုင်တွေရဲ့ ရန်က ကာကွယ်ဖို့ ဆိုပြီး ထိုင်ခုံပေါ်က မဆင်းပဲနေနေတဲ့ စစ်အစိုးရအတွက် လက်နက်ကိုင်တွေသာ မရှိတော့ရင် (သူ့ အကြောင်းပြချက် မရှိတော့ရင်) ထိုင်ခုံပေါ်ဆက်နေရခက်သွားမယ်။ ဒါကြောင့် အကြောင်းပြချက်ဆိုတာ လိုလာတယ်။ ဒါမှမဟုတ် အဲ့ဒီ အကြောင်းပြချက်ဆိုတာ ဆက်ပြီး မှန်နေဖို့  (ဆိုလိုတာက ရန်သူဆက်ရှိနေဖို့ ) လိုလာတယ်။ ဒီအချက်ကို ချက်နိုင်ငံသားပညာရှင် (Education Initiative) ဒါရိုက်တာ Igor Blazevic ကလည်း ထောက်ပြပါတယ်။
အခု ၂၀၁၁ နောက်ပိုင်း ပြုပြင်ပြောင်းလဲရေးနောက်ပိုင်း လက်နက်ကိုင်အဖွဲ့ တွေနဲ့  တနိုင်ငံလုံးအတိုင်းအတာ ငြိမ်းချမ်းရေးယူပြီဆိုရင် အစိုးရအတွက် ရန်သူအဟောင်းက မေးမှိန် သွားမယ်။ ဒါဆိုရင် သူ့ အကြောင်းပြချက်က ပြဿနာရှိလာတဲ့အတွက် ပြဿနာတခုကို မီးထွန်းရှာပြီး ရန်သူအသစ်ကို ဖန်တီးလိုက်တာပါပဲ။ အခုရန်သူအ သစ်တွေက နိုင်ငံတကာက အစ္စလာမ်မစ် အစွန်းရောက်တွေဖြစ်လာပါတယ်။ ပြီးခဲ့တဲ့အပတ်က အာဖက်အေမှာ တန်းစီးပြီး ရွတ်ပြသွားပါတယ်။ ဘယ်နိုင်ငံ ဘယ်အဖွဲ့ ဟာဖြင့် မြန်မာပြည်ကို ခြိမ်းခြောက်နေပြီဆိုပြီး။ အဲ့ဒီ အင်တာဗျူးမှာ ဒုဝန်ကြီး ဦးရဲထွဋ်က တိုင်းပြည်အတွက် အဆုံးစွန်ထိ ပြင်ဆင်ရမယ်ဆိုပြီးပြောတယ်။
ရှင်းနေပါတယ်။ ရန်သူသစ်ကို ဖန်တီးလိုက်တယ်။ ပြည်သူတွေကို အဲ့ဒီရန်သူတွေရဲ့  ရန်ကနေ ကာကွယ်ဖို့ လိုတယ်ဆိုပြီး အစိုးရက ထိုင်ခုံမှာ ဆက်ထိုင်နေအုံးမယ်။
ပြည်သူတွေကို ကာကွယ်ရမယ်ဆိုတဲ့ အဲ့ဒီ (ခုလူဝတ်လဲ) စစ်ဗိုလ်ဟောင်းတွေကပဲ ပြည်သူတွေကို နှစ်ပေါင်း ၆၀ ဒုက္ခပေးခဲ့တာ မဟုတ်ဘူးလား။ အဲ့ဒီ စစ်ဗိုလ်ဟောင်းတွေကပဲ ပြည်သူတွေကို ထောင်ထဲပိတ်လှောင်၊ ရိုက်နှက်၊ သတ်ဖြတ်၊ ညင်းပမ်းနှိပ်စက်ခဲ့တာပဲ မဟုတ်ဘူးလား။ တိုင်းပြည်ကို နှစ်ပေါင်း ၆၀ ဖျက်ဆီးလာတဲ့ စစ်ဗိုလ်ဟောင်း တွေက မြန်မာပြည်သူတွေကို ကာကွယ်မယ်ဆိုတာ ယုံစရာလား။
၂၀၁၂ မှာ ဖြစ်သွားတဲ့ မွတ်စလင်မ်ဆန့် ကျင်ရေးဆိုတာ တကယ်တော့ အစိုးရရဲ့  လှည့်ကွက်ပါပဲ။ သူတို့ ဖြစ် တည်မှု (ထိုင်ခုံပေါ်ဆက်ထိုင်နိုင်ဖို့ ) အတွက်၊ သူတို့ ကယ်တင်ရှင်လုပ်ဖို့ အတွက် ရန်သူသစ်ကို ဖန်တီး လိုက်ခြင်းပါပဲ။ ပြည်သူတွေရဲ့  အသက်၊ သွေးချွေးနဲ့ အိုးအိမ်စည်းစိမ်တွေကို ချကျွေးပြီး အစ္စလာမ်မစ်ရန် ဆိုတဲ့ ရန်သူသစ်ကို ပြည်သူတွေအတွက် ဖန်တီးပေးလိုက်တာပါ။
မြန်မာအစိုးရက စစ်အစိုးရဖြစ်ပါတယ်။ ဘယ်အရာမဆို စစ်တပ်စဉ်းစားသလို စဉ်းစားတယ်၊ စစ်တပ် လုပ်သလိုလုပ်တယ်။ ဘယ်အရာကိုမှ ဗျူဟာမချဘဲ၊ Plan A, Plan B, Plan C ဆိုတာ မရှိပဲ ဘယ်တော့မှ မလုပ်ဘူးဆိုတာ မြန်မာပြည်သူတွေ ကောင်းကောင်းနားလည် သဘောပေါက်ဖို့ လိုပါတယ်။ ခုဖြစ်နေတဲ့ မွတ်စလင်မ် ဆန့် ကျင်ရေးဆိုတာလည်း သူတို့ ဗျူဟာကျကျ တွေးခေါ်၊ စီစဉ်၊ ပြင်ဆင်ပြီးမှ တခုချင်းစီကို အချိန်နဲ့  ကိုက်ညီပြီး ထောင့်စေ့အောင် ပြင်ဆင်ပြီးမှ အကောင်အထည်ဖော်နေတယ်ဆိုတာ သိဖို့ လိုပါတယ်။
** ဆောင်းပါးရှင်၏ အမြင်နှင့် အာဘော်သာဖြစ်ပါသည်။
ဇူလိုင်-၂၈၊ ၂၀၁၃
M-Media
အမေရိကန်နိုင်ငံ ဖလော်ရီဒါတွင် သေနတ်သမားတစ်ဦးသည် စုပေါင်းအိမ်ရာတိုက်ခန်းတစ်ခုအတွင်း၌ လူများစွာကို ဓားစာခံလုပ်ကာ လူ ၆ ဦးအား ပစ်သတ်ခဲ့ပြီးနောက် ၄င်းအား ပစ်ခတ်ဖမ်းဆီးရာ၌ သေဆုံးသွားခဲ့သည်။
ဖလော်ရီဒါပြည်နယ်၊ မိုင်ယာမီအနီး ဟီယာလေး(Hialeah) တွင် သောကြာနေ့က ရဲများသည် ၉၁၁ ခေါ်ဆိုမှုကို ရရှိခဲ့ပြီး ညနေ ၆း၃၀ နာရီမှစတင်ကာ နာရီပေါင်းများစွာ သေနတ် သမားနှင့် ညှိနှိုင်းခဲ့ကြသည်။
ရဲအရာရှိများသည် အိမ်ရာရှိလူများအား ဘေးကင်းရာသို့ပို့ဆောင်ပေးခဲ့ပြီး၊ အိမ်ရာပတ်ဝန်းကျင်ရှိ လမ်းများကိုပိတ်ဆို့ခဲ့ကြသည်။ ထို့နောက် ပစ်ခတ်မှုများ မဖြစ်မှီအထိ သေနတ်သမားနှင့် ညှိနှိုင်းခဲ့သည် ဟု ဆိုသည်။
“ ကျွန်တော်တို့ကြုံခဲ့ရသမျှ ဒီပစ်ခတ်မှုက ဟီယာလေးမှာ အဆိုးဝါးဆုံး အဖြစ်ပျက်တွေထဲက တစ်ခုပဲ ” ဟု ရဲဌာနမှ ပြောရေးဆိုခွင့်ရှိသူ ကားလ် ဇော့ခ်ဘီ (Carl Zogby) မှ NBC News သို့ပြောကြားခဲ့သည်။
SWAT အထူးတပ်ဖွဲ့သည် သေနတ်သမားအား ၅ ထပ်တိုက်ရှိ ၄ လွှာတွင် လူနှစ်ဦးအား ဓားစာခံအဖြစ် ပြုလုပ်ထားဆဲအခြေအနေတွင် တွေ့ရှိသဖြင့် ပစ်ခတ်ခဲ့သည်။
“ ဒီဖြစ်ရပ် အဆုံးသတ်တဲ့အခါ အပြစ်မဲ့ လူ ၆ ဦးနဲ့သေနတ်သမား ၁ ဦး စုစုပေါင်း လူ ၇ ဦး အသက်ဆုံးရှုံးသွားတယ် ” ဟု ဇော့ခ်ဘီ က ဆိုသည်။
ဓားစာခံများအနက် အမျိုးးသား ၃ ဦး နှင့် အမျိုးသမီး ၃ ဦးသေဆုံးခဲ့ရပြီး၊ အိမ်ရာမန်နေဂျာ နှင့် သူမ ယောက်ျား၏ အလောင်းများအား ခန်းမဆောင်ထဲတွင် တွေ့ရှိခဲ့ကြသည်။ အခြား ဓားစာခံ ၃ ဦးဖြစ်သော အမျိုးသမီး ၂ ဦး နှင့် အမျိုးသား ၁ ဦး၏အလောင်းများကိုတော့ တိုက်ခန်းတစ်ခုအတွင်း တွေ့ရှိခဲ့သည် ဟု သိရသည်။
နောက်ထပ် အမျိုးသားအလောင်းတစ်ခုအား လမ်းမ၏တစ်ဖက်ခြမ်းရှိ အဆောက်အဦ၏ ဧည့်ခန်းမဆောင်တွင် တွေ့ရှိခဲ့သည်။ သေနတ်သမားသည် ထိုသူ ထွက်လာသည်ကို တွေ့ရှိ၍ ပစ်ခတ်ခဲ့ခြင်း ဖြစ်သည်။
အိမ်ရာမန်နေဂျာ၏သမီးဖြစ်သူ ရှမီရာ ပစ်စီယိုတီ (Shamira Pisciotti) က ဆိုသည်မှာ အိမ်ရာအတွင်း သေနတ်သမား နှင့်ပတ်သက်သော တိုင်ကြားချက်ရှိကြောင်း၊ ထိုတိုင်ကြားချက်နှင့် ပတ်သက်၍ အငြင်းပွားပြီးနောက် သူမ၏မိဘများကို ၄င်းမှ သေနတ်ဖြင့် ပစ်သတ်ခဲ့ခြင်းဖြစ်ကြောင်း ပြောပြခဲ့သည်။
ISH/HJ