ဇူလိုင်-၂၂ ၊ ၂၀၁၃
M-Media
နယူးဒေလီ။ ။ မကြာသေးမီက ဖြစ်ပွားခဲ့သည့် ဗုဒ္ဓဂါယာ ဗုံးပေါက်ကွဲမှုသည့် အိန္ဒိယ မူဂျာဟစ်ဒင်(IM)အဖွဲ့ နှင့် ဘီဟာပြည်နယ်ရှိ ၎င်းတို့၏ အဖွဲ့ခွဲနှင့် ပတ်သက်မှုရှိမရှိ စုံစမ်းစစ်ဆေးနေသော်လည်း လုံခြုံရေးကင်မရာတွင်တွေ့ရသော ဗုံးဖောက်ခွဲသူဟု သံသယရှိသူမှာ အိန္ဒိယအရှေ့မြောက်ပိုင်း အာသံ(Assam) ပြည်နယ်မှဖြစ်သည်ဟု စုံစမ်းစစ်ဆေးမှုများအရ သိရသည်။
ဇူလိုင်လ ၇ ရက်နေ့တွင်ဖြစ်ပွားခဲ့သည့် အဆိုပါ ဗုံးပေါက်ကွဲမှုကို စုံစမ်းစစ်ဆေးနေသည့် အမျိုးသား စုံစမ်း စစ်ဆေးရေး အေဂျင်စီ(NIA) က ၎င်းတို့ ရရှိထားသည့် သဲလွန်စများမှာ အိန္ဒိယအရှေ့မြောက်ဘက် ပိုင်းရှိ ပြည်နယ် တစ်ခုကို ဖော်ပြနေသည်ဟု ဆိုသည်။
“ဘီဟာပြည်နယ်က အကြမ်းဖက်အဖွဲ့ခွဲကို သံသယရှိနေပေမယ့် ဗုံးဖောက်ခွဲသူဟာ အာသံ ပြည်နယ်က ဖြစ်နိုင်တဲ့ အချက် အလက်တွေ ရှိနေပါတယ်။ အဲဒီ့ သံသယရှိသူကို တွေ့လိုက်တဲ့ မျက်မြင်သက်သေကလည်း ကျနော်တို့ကို ဒီလိုပဲ ပြောပါတယ်။ ဒါပေမယ့် စုံစမ်း စစ်ဆေးမှုတွေကိုတော့ ဆက်လက် လုပ်ဆောင်နေပါတယ်။ ဗုံးခွဲသူဟာ ဘီဟာပြည်နယ်အပါအ၀င် ဘယ်နေရာမှ ပြေးမလွတ်နိုင်ပါဘူး။”ဟု အေဂျင်စီ၏ တာဝန်ရှိသူ တစ်ဦးက ဆိုသည်။
လုံခြုံရေးကင်မရာတွင် တွေ့ရသည့် ပုံရိပ်များနှင့် မျက်မြင် သက်သေများ၏ ထွက်ဆိုချက်များကိုအခြေခံ ရေးဆွဲထားသည့် ဗုံးဖောက်ခွဲသူဟု သံသယရှိသူနှစ်ဦး၏ ပုံကြမ်းများကိုလည်း ပြီးခဲ့သည့် သီတင်းပတ်က ထုတ်ပြန်ခဲ့သည်။
မဟာဗောဓိဘုရားကျောင်း ပရ၀ုဏ်အတွင်း ဗုံး ၁၃ လုံးတပ်ဆင်ထားခဲ့သော်လည်း လူအများအပြား ထိခိုက်ဒဏ်ရာရအောင် ရည်ရွယ်ခြင်း မရှိဘဲ ဘုရားကျောင်းအတွင်း ပျက်ဆီးစေရန်သာဖြစ်သည်ဟု စုံစမ်းစစ်ဆေးမှုများက ဖော်ပြသည်။ “ဗုံးခွဲတိုက်ခိုက်သူဟာ ဘုရားကျောင်းအတွင်းမှာရှိတဲ့ ဗုဒ္ဓဆင်းတုတော်တွေကိုသာ ဖျက်ဆီးချင်တာဖြစ်ပေမယ့် ဘုရားရှိခိုး ဆုတောင်းမှုတွေ ပြုလုပ်နေတဲ့အတွက် ဘုရားကျောင်းအတွင်းထဲထိ ၀င်လို့ မရခဲ့ပါဘူး။ မျက်မြင် သက်သေတွေကလည်း ဒီလိုပဲထွက်ဆိုပါတယ်။” ဟု ၎င်းက ထပ်လောင်းပြောကြားခဲ့သည်။
အိန္ဒိယနိုင်ငံ အရှေ့ မြောက်ပိုင်းပြည်နယ်ဖြစ်သော အာသံပြည်နယ်မှာ၂၀၀၁ ခုနှစ် သန်ခေါင်စာရင်းအရ လူဦးရေ ၁၇ သန်းကျော်ရှိပြီး ၆၅ % မှာ ဟိန္ဒူဘာသာဝင်များဖြစ်ကြသည်။
Ref: The Times Of India
