ဇူလိုင်-၂၁၊၂၀၁၃
M-Media
တိုရွန်တို။ ။ ကနေဒါ၏ အမွေအနှစ်များကို ထိန်းသိမ်းရန် ထင်ရှားသော မွတ်စ်လင်မ် ပြည်သူ့ အခွင့် အရေးအဖွဲ့သည် နိုင်ငံ၏ မွတ်စ်လင်မ်လူမျိုးစုအသီးသီးအတွက် အရေးပါသောအသံအား ကိုယ်စားပြုရန် ၄င်း၏ အမည်နာမကို ပြောင်းလဲလိုက်ကြောင်း သိရသည်။
“ CAIR.CAN သည် ကနေဒီးယန်း မွတ်စ်လင်မ်များ နှင့် အခြားသောပြည်သူများကြား အပြန်အလှန်နားလည်မှုရရှိရေးအတွက် ပြည်သူ့အခွင့်အရေး နှင့် လူထုပူးပေါင်းမှုရန် အောက်ခြေ အဆင့် အထိ ဆင်း၍ အောင်မြင်စွာ လုပ်ဆောင်ခဲ့သော မှတ်တမ်းများရှိထားသည် ” ဟု National Council of Canadian Muslims (NCCM) မှ ပြည်သူ့အခွင့်အရေး ဦးဆောင်သူ အမီရာ အလ်ဂ၀ါဗီ (Amira Elghawaby) သည် OnIslam.net သို့ပြောကြားခဲ့သည်။
အမေရိကန် နှင့် အစ္စလာမ်ကြား ဆက်ဆံရေးကို တိုးမြှင့်ပေးနေသော ကနေဒါကောင်စီ (Canadian Council on American-Islamic Relations – CAIR.CAN) သည် ၄င်း၏ အမည်အား ဇူလိုင်လ ၆ ရက်နေ့တွင် NNCM သို့မဟုတ် Conseil National des Musulmans Canadiens (CNMC) အဖြစ် ပြောင်းလဲခဲ့သည်။
“ ကနေဒါနိုင်ငံတစ်ခွင်လုံးမှာရှိတဲ့ ကနေဒါ မွတ်စ်လင်မ်လူ့အဖွဲ့အစည်းတွေရဲ့ လိုအပ်ချက်တွေ၊ ဆန္ဒတွေကို သိမြင်နားလည်နိုင်တဲ့အတိုင်းအတာအထိ အနာဂတ်ကို ရှေ့ရှုဖို့လိုအပ်လာပြီလို့ CAIR.CAN မှ သိရှိလာခဲ့တယ် ” ဟု ဆို၏။
CAIR.CAN သည် ၂၀၀၀ ခုနှစ်တွင် စတင်တည်ထောင်ခဲ့သည်။ ယင်းအဖွဲ့သည် အမေရိကန်နိုင်ငံရှိ အမေရိကန် မွတ်စ်လင်မ်များအတွက် လူ့အခွင့် အရေးအား ထောက်ခံပေးနေသော Council on American-Islamic Relations မှ ဆင်းသက်ပေါ်ပေါက်လာခဲ့ခြင်းဖြစ်သည်။
သို့သော်လည်း ယခုအချိန်သည် CAIR.CAN မှ ကိုယ့်နိုင်ငံအတွင်းရှိ မွတ်စ်လင်မ်များ၏အသံအား ကိုယ်စားပြုသော အဖွဲ့အစည်းတစ်ရပ်အနေနှင့် မိမိ၏ရင်းမြစ် ကနေဒါနိုင်ငံနှင့် တံဆိပ်ကို ထင်ဟပ်စေရန် အချိန်တန်ပြီဖြစ်ကြောင်း ခံယူခဲ့သည်။
“ ဒီပြောင်းလဲမှုဟာ အဖွဲ့အစည်းရဲ့ ပင်ကိုယ်သဘောထားကို ကိုယ်စားပြုနေပါတယ်။ ကျွန်တော်တိုရဲ့နာမည်သစ်က ကနေဒါနိုင်ငံအမွေအနှစ်ကို ထင်ရှားစေတဲ့အပြင်၊ အသင်းရဲ့ အဓိကဦးတည်ချက် နဲ့ ဆက်လက်လုပ်ဆောင်နေဆဲအချက်တွေဖြစ်တဲ့ မွတ်စ်လင်မ်တို့ရဲ့လူထုရေးရာပူးပေါင်းဆောင်ရွက်မှုနဲ့လူ့အခွင့်အရေး ထောက်ခံချက်များကို ဦးတည်ထားခြင်းဖြစ်ပါတယ် ” ဟု NNCM မှ ဘုတ်အဖွဲ့ဝင် ကာရှိဖ် အဟ်မဒ် (Kashif Ahmed) က ဆိုသည်။
လွန်ခဲ့သော ၁၃ နှစ်မှ စတင်ခဲ့သော CAIR.CAN သည် ကနေဒါ မွတ်စ်လင်မ်များအတွက် လူ့အခွင့်အရေး လွတ်လပ်မှု အတွက် ဦးဆောင်လှုပ်ရှားခဲ့ပြီး၊ လူထုရေးရာ ပူးပေါင်းဆောင်ရွက်မှု ၊ နိုင်ငံတွင်းရှိ မွတ်စ်လင်မ်များနှင့် အခြားသော နိုင်ငံသားများကြား အပြန်အလှန် နားလည်မှု ရရှိရေးအတွက် ဖော်ဆောင် လမ်းခင်းသည့် အုပ်စုဖြစ်ကြောင်း ကျော်ကြား၏။
မပြောင်းလဲသော အမြင်
အဖွဲ့အစည်းအနေနှင့် ၄င်း၏အမည်သစ်အောက်မှ အမှတ်တံဆိပ်အသစ်တစ်ခု ပြောင်းလဲခဲ့သော်လည်း၊ ၄င်း၏ ရည်မှန်းချက်အမြင်၊ တာဝန် နှင့် လုပ်ဆောင်မှုများသည် ယခင်ကဲ့သို့ပင် တည်ရှိနေမည်ဖြစ်သည်။
“ကျွန်တော်တို့အဖွဲ့အစည်းဟာ အရင်အတိုင်းပါပဲ။ ကျွန်တော်တို့ရဲ့အဖွဲ့ဝင်များနဲ့လက်တွဲဖော်များဟာ ကနေဒါမွတ်စ်လင်မ်လူ့အဖွဲ့အစည်းအသီးသီးကို ကျယ်ပြန့်စွာ ကိုယ်စားပြုသူများ အဖြစ် ရပ်တည်နေဦးမှာ ဖြစ်ပါတယ်။ ကျွန်တော်တို့ရဲ့ နာမည်အသစ်အောက်မှာ ကျွန်တော်တို့ဟာ – ပြည်သူ့အခွင့်အရေး ဖော်ဆောင်မှုတွေ၊ ကနေဒါအတွင်း မတူညီကွဲပြားတဲ့ လူမျိုးများစွာ အတူယှဉ်တွဲနေထိုင်ကြရေးအပေါ် အဓိကထားဦးဆာင်ပေးနေမှုတွေ – နှစ်မျိုးလုံးကို ဆက်လက်ကြိုးပမ်းအားထုတ်သွားမှာဖြစ်ပါတယ် ” ဟု NCCM အလုပ်အမှုဆောင်ဒါရိုက်တာ အိဟ်ဆန် ဂါဒီး (Ihsaan Gardee) က ပြောကြားခဲ့သည်။
လာမည့် လအနည်းငယ်တွင် NNCM သည် နိုင်ငံတစ်ဝှန်းရှိ မွတ်စ်လင်မ်များနှင့် တွေ့ဆုံပူးပေါင်းရန် နှစ်ဆတိုးကြိုးပမ်းသွားနိုင်မည်ဟု မျှော်လင့်ထားသည်။
“ NNCM အနေနဲ့ လာလတ္တံ့သော နေ့ရက်များ၊ ရက်သတ္တပတ်များ နဲ့ လများထဲမှာ ဇွဲလုံလရှိစွာ ကနေဒါနိုင်ငံတစ်ဝှန်းက မွတ်စ်လင်မ်အဖွဲ့အစည်းတွေနဲ့အတူ လူ့အခွင့်အရေး၊ လွတ်လပ်ခွင့်၊ နိုင်ငံသားအဖြစ် လက်ခံရေး၊ လူမျိုးခွဲခြားဆက်ဆံမှု ပပျောက်ရေး နဲ့ အစ္စလာမ်အပေါ်ကြောက်ရွံ့မှုပပျောက်ရေးများကို ပူးပေါင်းလုပ်ဆောင်သွားမှာဖြစ်တယ်။ ကျွန်တော်တို့ရည်ရွယ်ထားတဲ့ တိုးချဲ့ဝန်ဆောင်မှုတွေကတော့ – ကနေဒါမွတ်စ်လင်မ်များနဲ့ သက်ဆိုင်တဲ့အကြောင်းခြင်းရာများကို တစ်နိုင်ငံလုံး မျှမျှတတ ကြားနာခွင့်ရဖို့ ဗလီကျောင်းတော်များ၊ အစ္စလာမ့်စင်တာများ၊ လူမှုရေးအသင်းအဖွဲ့များရဲ့အသံကို နားထောင်ပြီး အတူယှဉ်တွဲ စူးစိုက်လုပ်ဆောင်သွားမှာဖြစ်တယ် ” ဟု အလ်ဂ၀ါဗီ ကဆိုသည်။
ကနေဒါနိုင်ငံ၏ အမြန်ဆန်ဆုံးကြီးထွားလာနေသော ဘာသာရေးဆိုင်ရာလူ့အဖွဲ့အစည်းသည် မွတ်စ်လင်မ်များ ဖြစ်ကြောင်း ကနေဒါနိုင်ငံစာရင်းအင်း ဌာန၏ နိုင်ငံတော် ကိန်းဂဏန်း အချက်အလက် မှတ်တမ်း၌ ဖော်ပြထားသည်။
ကနေဒါ၏ မွတ်စ်လင်မ်လူဦးရေသည် လွန်ခဲ့သော ၁၀ နှစ်ထက် ၈၂ ရာခိုင်နှုန်း တိုးပွားလာပြီး၊ ၂၀၀၁ ခုနှစ်တွင် ၅၇၉,၀၀၀ ရှိရာမှ ၂၀၁၁ ခုနှစ်တွင် ၁ သန်းကျော်သို့ ရောက် ရှိလာခဲ့သည်။ ကနေဒါနိုင်ငံ လူဦးရေတွင် မွတ်စ်လင်မ်သည် ၃.၂ ရာခိုင်နှုန်း ရှိသည်။
