ဇူလိုင် ၅၊ ၂၀၁၃
M-Media
ဆူးထက်
ဇီးကုန်း ။ ။ ပဲခူးတိုင်းဒေသကြီး၊ ဇီးကုန်းမြို့နယ်တွင် အကြမ်းဖက်သမားများလက်မှ မြန်မာပြည်ဖွား အစ္စလာမ် ဘာသာဝင်များ၏ အသက်ဘေးကာကွယ် စောင့်ရှောက်ခဲ့သူ ဇီးကုန်းမြို့ မယင်းကျေးရွာ သူကြီး ဦးတင်အေးအား M-Media မှ ဆက်သွယ်မေးမြန်းခဲ့ပါသည်။
“ဇီးကုန်းမြို့ပေါ်မှာ ပြဿနာဖြစ်တော့ အစ္စလာမ်ဘာသာဝင်တွေက ရွာတွေဘက်ကို ပြေးလာကြတယ်၊ တချို့ မိသားစုတွေ၊ ရွာတွေက ခဏတော့ လက်ခံကယ်တင်ထားပေးကြတယ်။ သူတို့ကိုပါ ရန်မူမှာကြောက်ပြီး နောက်တော့ လက်မခံရဲကြတော့ မွတ်စလင်တွေမ်ဟာ လယ်ကွင်းတွေ၊ ကန်သင်းတွေမှာ နေနေကြရတယ်။
အဘက ပြည်သူတွေကို အားလုံးပဲ အတူတူလို့ ခံယူတယ်၊ အဘတို့ နိုင်ငံမှာ ဘာသာကြီးလေးရပ်ရှိတယ်လေ ဗုဒ္ဓဘာသာ၊ ခရစ်ယာန်၊ ဟိန္ဒူ၊ အစ္စလာမ် ဆိုပြီးတော့။ သူတို့တွေက သူတို့ဘာသာကိုပဲ ကိုးကွယ်ကြတယ်။ တို့တတွေကို အနှောက်အယှက် မလုပ်ဘူး၊ ဗုဒ္ဓဘုရားရှင်က ဟောခဲ့တယ် လူသားတွေ ဒုက္ခတွေ့ရင် ကူညီရမယ်လို့ ဟောခဲ့တယ်၊ ဘုရားရှင်ဟောခဲ့တဲ့ အတွက် ဘဘက ဒုက္ခရောက်တဲ့ သူတွေကို ကယ်တာပါ။ မိမိအိုးအိမ်မှာ မနေရဘဲ အစားမစားရတဲ့ ဒုက္ခရောက်တဲ့ သူတွေကို အစာ ရေဆာ ကျွေးမွေးတယ်၊ အဘတို့ရွာက အစဉ်အလာကို ရှိခဲ့ဖူးတယ်၊ သာယာဝတီခရိုင် ဇီးကုန်းမြို့နယ် မယင်းကျေးရွာ အကြောင်းကို ကမ္ဘာသမိုင်းမှာ သင်နေတယ်လို့ သိရတယ်။ ပြည်သူတွေကို ပြောချင်တယ် ငြိမ်းငြိမ်းချမ်းချမ်းနဲ့ အတူတကွ တူညီစွာ အတူယှဉ်တွဲနေထိုင်သွားကြပါစို့လို့ အဘအနေနဲ့ ပြည်သူတွေကိ aတာင်းဆိုချင်ပါတယ်၊
အဘက နိုင်ငံရေး သမားမဟုတ်ပါဘူး၊ ဒါပေမယ့် အဘက ပြည်သူတွေကို ချစ်တယ်၊ အလုပ်သမား ၊ လယ်သမားတွေကို ချစ်တဲ့ သူပါ၊ သူတို့တွေ ရောက်လာတာက ၂၇-ရက်နေ့၊ ၂၈ရက်နေ့မှာ အဘက အသက်(၈၈)နှစ်ပြည့် မွေးနေ့ ရှိပါတယ်၊ အစတည်းက
မွေးနေ့မှာ အလှူလုပ်မယ်လို့ စိတ်ကူးထားခဲ့တာ။ သူတို့တွေရောက်လာတော့ မွေးနေ့ အလှူလေးလည်း မြောက်သွားပါတယ်၊ သူတို့ကို (၇)ရက် ကျွေးမွေးစောင့်ရှောက်ခွင့် ရခဲ့ပါတယ်၊ သူများရဲ့ အကူအညီ ဘာမှမယူဘဲ ကျွေးမွေး စောင့်ရှောက်ခဲ့တာပါ၊
နောက် သူတို့တွေက လာပြီး ဂုဏ်ပြုပွဲ လုပ်ပေးကြပါတယ်။ အဲဒီဂုဏ်ပြုပွဲမှာ သူတို့တွေက အဘတို့ရဲ့ ဘာသာတရားအရ အဘကို ကုသိုလ်ကောင်းမူ လုပ်ပါဆိုပြီးတော့ လိုက်လုပ်ပေးကြတယ်၊ အဘက ဘုန်းကြီးကို ဆွမ်းကပ်တယ်၊ အချိုပွဲ ကပ်တယ်၊ ၀တ္ထုပစ္စည်း ဆပ်ကပ် လှူဒါန်းတယ် အဘလုပ်ချင်တဲ့ ကုသိုလ်ကောင်းမှုကို သူတို့တွေ လုပ်ပေးကြတယ်၊ တစ်ရွာလုံးကို အဘကို ဂုဏ်ပြုတဲ့နေ့မှာပဲ ပလောင်ထမင်းကျွေးတယ်၊ အလှူရှင်က ဟာဂျီကိုကိုလွင် (ကမ္ဘာရှား မုန့်တိုက်) ကလှူတာလို့ သိရတယ်၊ ဇီးကုန်းမြို့ အစ္စလာမ်ဘာသာဝင် အားလုံး ကိုယ်စား (၁၄)ယောက်က လုပ်ပေးကြတာ ဖြစ်တယ်၊ အဘတို့ မိသားစုနဲ့ ရွာသားတွေက ပိုက်ဆံ အကုန်အကျ များမှာစိုးလို့ သူတို့တွေလည်း အိမ်တွေ၊ ဆိုင်တွေ အဖျက်အဆီးခံထားရတာ ဆိုတော့လေ ထမင်းမကျွေးဖို့ ပြောတယ်၊ သူတို့ကလည်း မဟုတ်ဘူးပေါ့၊ ဒီလိုမျိုး အဘကယ်ခဲ့တဲ့ အတွက် ကျေးဇူးဆပ်တဲ့ အနေနဲ့ ဒါလေးလောက်တော့ လုပ်ပါရစေလို့ ပြန်ပြောကြတယ်။
အဘတို့ မိသားစု သူတို့ကို ကယ်တင်ပြီးတဲ့နောက် ရွာကို ၀ိုင်းလာပြီလို့ အဲလိုမျိုး အသံတွေတော့ ကြားရတော့ ရပ်ရွာ လုံခြုံရေး အတွက် လူအယောက် ၁၅၀-လောက် ကင်းစောင့်ကြတယ်၊ ကားလမ်းဘေးကနေ ရွာကို ပတ်ပတ်လည် နှစ်ထပ် သုံးထပ် ကင်းချထားတယ်၊ တစ်ရွာလုံး စည်းစည်းလုံးလုံး ညီညီညွှတ်ညွှတ်နဲ့ လုပ်ကြတာ ဖြစ်တယ်။ အဘတို့ အနား ပတ်ဝန်းကျင် ရွာတွေကလည်း အဘတို့ရွာကို လာပြီး အန္တရာယ် ပြုလို့ မရအောင် ၀ိုင်းပြီး စောင့်ရှောက်ပေးကြတယ်၊ အဘတို့ရွာက အိမ်ခြေ တစ်ထောင်ခန့် ရှိပါတယ်၊ နောက်ကြတော့ မ.ယ.က တွေရော၊ ရဲတွေရော လာပြီး စောင့်ရှောက်ပေးကြတယ်။ အဘတို့က ဆိုင်ကယ်တွေနဲ့ ရွာကလယ်ကွင်းတွေ၊ ချုံတွေ၊ ကန်စင်းတွေမှာ ပုန်းနေကြရတဲ့ သူတို့တွေကို လိုက်ခေါ်ပြီး အဘရဲ့ အိမ်ကို ခေါ်လာခဲ့ပါတယ်” ဟု M-Media သို့ပြောပြသည်။
