ဇွန်-၁၊၂၀၁၃
M-Media
မက်ဒရစ်: အီမီရိတ်စ်လေကြောင်းလိုင်း (Emirates airline) ၏ စပွန်ဆာ အားကစားဝတ်စုံအား ဘောလုံးရာသီ ၅ ရာသီခန့် ၀တ်ဆင်ရန် ရီးရဲလ်မဒရစ်အသင်းမှ သဘောတူညီခဲ့သည်။
“ ကမ္ဘာကျော် အမှတ်တံဆိပ်နှစ်ခုအဖို့ ကာလ အသစ်တစ်ရပ်ဖြစ်ပြီး၊ ကျွန်တော်တို့ကိုလည်း အောင်မြင်မှုအသစ်တွေကို သယ်ဆောင်ပေးပါလိမ့်မယ် ” ဟု ရီးရဲလ်မဒရစ်ကလပ် အသင်းဥက္ကဌ ဖလိုရန်တီနို ပါရဇ် (Florentino Perez) မှ ကြာသပတေးနေ့၊ ဗာနဗြူး (Bernabeu) အားကစားရုံတွင်ပြုလုပ်သော သတင်းစာရှင်းလင်းပွဲတွင် ပြောကြားခဲ့သည်။
ပြိုင်ဖက်မရှိ ရွေးချယ်မဲအပြတ်အသတ်ဖြင့် အနိုင်ရရှိပြီး နောက်အပတ်အတွင်း၌ ဥက္ကဌနေရာကို ဆက်လက်တာဝန်ယူသွားမည့် ဆောက်လုပ်ရေးလုပ်ငန်းရှင် ပါရဇ်က “ ကလပ်၏ သမိုင်းကြောင်းတွင် ချုပ်ဆိုခဲ့သောစာချုပ်များအနက် ယခုစာချုပ်သည် အရေးအကြီးဆုံးဖြစ်သည် ” ဟုပြောကြားခဲ့သည်။
စပွန်ဆာပေးမှု၏ ပမာဏကို အတိကျထုတ်ပြန်ခဲ့ခြင်း မရှိသော်လည်း မီဒီယာသတင်းအရ တစ်နှစ်လျှင် ယူရိုသန်း ၃၀ ($38.90 million) အထိ ရှိမည်ဖြစ်ကြောင်း သိရသည်။
၎င်းရှပ်အင်္ကျီများရှိ အဖြူရောင် အစင်းကြောင်းတွင် ‘ Fly Emirates ’ – အီမီရိတ်စ်နှင့် အတူပျံသန်းပါ ဟူသော အီမီရိတ်စ်၏ ကြော်ငြာဆောင်ပုဒ်ကို ရိုက်နှိပ်ထားမည်ဖြစ်သည်။
လွန်ခဲ့သော ၆ နှစ်အထိ ရီးရဲလ်မဒရစ်၏ အားကစား အကျီင်္များအား Bwin အမည်ရှိ အွန်လိုင်းလောင်းကစား ကုမ္ပဏီ မှ စပွန်ဆာပေးခဲ့ပြီး ၊ ယခုအခါ ၄င်းကုမ္ပဏီအား ဒူဘိုင်းအခြေစိုက် သွင်းကုန်ထုတ်ကုန် ကုမ္ပဏီအဖြစ် အစားထိုးလိုက်ကြောင်း ဘီဝင်း၏ အတိုင်ပင်ခံကုမ္ပဏီဖြစ်သော Sport+Markt က ပြောကြားခဲ့သည်။ ၄င်း စပွန်ဆာသဘောတူညီမှုသည် တစ်နှစ်လျှင် ယူရို ၂၃ သန်း ၀န်းကျင်ရှိကြောင်းကိုပါ ထည့်သွင်းပြောကြားခဲ့သည်။
Bwin ကုမ္ပဏီသည် ဆိုရှယ်လ်မီဒီယာ၊ ဂိမ်း နှင့် မိုးဘိုင်းဖုန်းဆိုင်ရာအွန်လိုင်းနည်း ပညာဖက်သို့ ပြောင်းလဲလုပ်ဆောင်ပြီးလျှင် ၄င်းသည် ကလပ်၏ နောက်နှစ်ပေါင်းမြောက်များစွာအတွက် ဒီဂျစ်တယ် လက်တွဲဖက် ဖြစ်လာမည်ဟု မဒရစ်ကလပ်မှ အင်္ဂါနေ့တွင် ပြောကြားလိုက်သည်။
လေကြောင်းလိုင်းနှင့် စာချုပ်ချုပ်ဆိုမှုသည် ရီးရဲလ်မဒရစ်အား သူ၏ ပြိုင်ဘက်များနှင့် ပို၍ပခုံးယှဉ်လာစေခဲ့ပြီး၊ အထူးသဖြင့် လာလီဂါဖလားချန်ပီယံဖြစ်သော ဘာဆီလိုနာအသင်းနှင့် ထိပ်တိုက်တွေ့ဖွယ်ရှိနေသည်။ ဘာဆီလိုနာအသင်းသည်လည်း ကာတာဖောင်ဒေးရှင်းမှ ၂၀၁၆ ခုနှစ် တိုင် ယူရိုသန်း ၃၀ နီးပါး အားကစားအင်္ကျီအား စပွန်ဆာပေးထားသည်။
ယမန်နှစ် ဘောလုံးရာသီတွင် ရီးရဲလ်သည် ယူရိုသန်း ၅၀၀ ကျော် ၀င်ငွေရရှိသော ပထမဆုံး ကလပ်အသင်းအဖြစ် စာရင်းဝင်ခဲ့သည်ဟု Deloitte’s Football Money League က ဇန်န၀ါရီလ၌ စာရင်းထုတ်ပြန်ခဲ့သည်။
ယူရိုသန်း ၅၁၃ သန်းရရှိခဲ့သဖြင့် ရီးရဲလ်အသင်းသည် ပထမနေရာတွင်လည်းကောင်း၊ ဘာကာကလပ်သည် ယူရို ၄၈၃ သန်းဖြင့် ဒုတိယနေရာတွင်လည်းကောင်း၊ မန်ချက်စတာယူနိုက်တက်သည် ၃၉၆ သန်းဖြင့် တတိယနေရာတွင်လည်းကောင်း ရောက်ရှိခဲ့သည်။
လွန်ခဲ့သောနှစ်က ဘောလုံးကလပ်များအတွက် ဈေးအမြင့်ဆုံးစပွန်ဆာကို ယူနိုက်တက်မှ ရရှိခဲ့ကာ၊ ၄င်းတို့၏ General Motors’s Chevrolet အမှတ်တံဆိပ်ပါ အနီရောင် အားကစားအင်္ကျီကို ၂၀၁၄ ခုနှစ်မှစတင်၍ ၇ နှစ်နှစ်တိုင် ၀တ်ဆင်ရန် စာချုပ်ချုပ်ဆိုခဲ့ပြီး ၄င်းစာချုပ်၏တန်ကြေးမှာ $ 599 သန်းဖြစ်သောကြောင့် ဘောလုံးလောက၌ ကြေးအကြီးဆုံးဖြစ်ခဲ့သည်။
ရီးရဲလ်၏ ၂၀၁၂-၁၃ ရာသီပွဲစဉ်သည် စနေနေ့တွင်ပြီးဆုံးမည် ဖြစ်သည်။ ယခုနှစ်အတွက် သူတို့သည် အဓိကဖလားအား မရယူနိုင်ခဲ့သလို၊ လာလီဂါပွဲတွင် ဒုတိယနေရာသာရရှိ၍၊ ချန်ပီယံလိဂ်တွင်လည်း စီမီးဖိုင်နယ်၌ ရှုံးနိမ့်ခဲ့သည်။ ထို့အပြင် လွန်ခဲ့သော နှစ်ပတ်က မြို့ခံပြိုင်ဖက်ဖြစ်သော အတ်လက်တီကိုမဒရစ်အသင်းအား King’s Cup ဗိုလ်လုပွဲတွင် ရှုံးနိမ့်ခဲ့ကြောင်း သိရသည်။
Ref:REUTERS
