မေ-၂၅၊၂၀၁၃
M-Media
ကိုင်ရို။ ။ လန်ဒန်တောင်ပိုင်း ၀ူးလ်ဝစ်ခ်ျမြို့တွင် ဗြိတိသျှ စစ်သားတစ်ဦးအား အကြမ်းဖက် သတ်ဖြတ်မှု ဖြစ်ပွားခဲ့ပြီးနောက် ဗြိတိန်မွတ်စလင်များသည် ၎င်းတို့၏ ထိုလုပ်ရပ်အပေါ် ရှုတ်ချမှုကြောင်၊ သေဆုံးသွားသူ အတွက် ၀မ်းနည်းကြောင်းကို အွန်လိုင်း လူမှုကွန်ယက် စာမျက်နှာများတွင် ရေးသားဖော်ပြခဲ့ကြသည်။
“၀ူးလ်ဝစ်ခ်ျမှာ ဖြစ်ခဲ့တဲ့ ကြောက်မက်ဖွယ်တိုက်ခိုက်သတ်ဖြတ်မှုဟာ အစ္စလာမ်နဲ့ ဘာမှ မဆိုင်ပါဘူး။ အစ္စလာမ်ရဲ့အမည်ကို အသုံးချပြီး လုပ်သွားတဲ့ အဲဒီ လူ့ဗာလတွေနဲ့ပဲ ဆိုင်ပါတယ်။” ဟု အင်မရန်းခန်း အမည်ဖြင့် ဖေ့စ်ဘုတ် အသုံးပြုသူတစ်ဦးက The Independent သတင်းစာ၏ အင်တာနက်စာမျက်နှာတွင် မှတ်ချက်ပေးခဲ့သည်။
တမီနာဟူစိန်(Tameena Hussain) အမည်ရှိသူက “ဘာသာပေါင်းစုံ ချစ်ကြည်ရေးလုပ်ငန်းတွေကို ကြိုးစားပမ်းစား လုပ်နေကြတဲ့ ငါတို့လို မွတ်စလင်တွေကို မင်းတို့လိုလူစုက နာမည်ဆိုးတပ်ပေးလိုက်တယ်။ မင်းတို့ဟာ အစ္စလာမ်ကို သိက္ခာချတဲ့သူတွေပဲ” ဟု ရေးသားထားသည်။
လန်ဒန်မြို့တောင်ဘက် ၀ူးလ်ဝစ်ခ်ျ(Woolwich) ဒေသရှိ စစ်တန်းလျားအနီးတွင် ဗိုလ်လောင်းတစ်ဦးအား တောခုတ်ဓား ကိုင်ဆောင်ထားသည့် လူနှစ်ဦးမှ တိုက်ခိုက် သတ်ဖြတ်မှုတစ်ခု ဗုဒ္ဓဟူးနေ့က ဖြစ်ပွားခဲ့သည်။
ထိုသူနှစ်ဦးစလုံးမှာ နိုက်ဂျီးရီးယားနိုင်ငံမှ ရွှေ့ပြောင်း အခြေချသူများဖြစ်ပြီး ခရစ်ယာန်ဘာသာမှ အစ္စလာမ်ဘာသာသို့ ပြောင်းထားကြသူများဖြစ်သည်ဟု မီဒီယာများကဆိုသည်။
ဒေသတွင်း မီဒီယာကလည်း ၎င်းတို့နှစ်ဦးအနက် တစ်ဦးမှာ အသက် ၂၈ နှစ်အရွယ်ရှိ မိုက်ကယ် အဒီဘိုလာဂျို(Michael Adebolajo)ဆိုသူဖြစ်ပြီး လန်ဒန်အရှေ့ပိုင်း လင်ကွန်းမြို့ရှိ ၎င်း၏ မိသားစုနေထိုင်သည့်အိမ်ကို ရဲတပ်ဖွဲ့ဝင်များက ၀င်ရောက် စီးနင်းခဲ့သည်ဟု ဆိုသည်။
“၀ူးလ်ဝစ်ခ်ျ စစ်သား ကောင်းရာမွန်ရာရောက်ပါစေ။ မွတ်စလင်တွေလည်း သင့်အတွက် ၀မ်းနည်းကြေကွဲရပါတယ။်” ဟု အမည်ရသည့် အင်တာနက်စာမျက်နှာတစ်ခုတွင် အစ္စလာမ် ဘာသာဝင်မြောက်များစွာက အဆိုပါတိုက်ခိုက်မှုကို ရှုတ်ချပြီး သေဆုံးသွားသူအား ကောင်းရာမွန်ရာရောက်ပါစေကြာင်း ဆုတောင်းပေးခဲ့ကြသည်။
လူတစ်စုမှပြုလုပ်သော အကြမ်းဖက်လုပ်ရပ်များဖြစ်ပေါ်လာပြီးနောက် မွတ်စလင်လူ့အဖွဲ့အစည်းပေါ် ဦးတည်ပြောဆိုမှုများအတွက် မကျေနပ်သည့် မှတ်ချက်များကိုလည်း တွေ့ရသည်။
“ကျနော်မကျူးလွန်တဲ့ ကိစ္စအတွက် ကျနော်တောင်းပန်ပြီးသွားပါပြီး။ မွတ်စလင်လို့ အမည်ခံထားတဲ့ သွေးအေးလူသတ်သမား တစ်ယောက်ကျူးလွန်တဲ့ ပြစ်မှုတစ်ခုဟာ အစ္စလာမ်နဲ့ မပတ်သက်ပါဘူးဗျာ။” ဟု နဒါ(Nader) အမည်ရှိသူက ရေးသားထားသည်။
ထိုအကြမ်းဖက်လုပ်ရပ်အပေါ် မွတ်စလင်အဖွဲ့အစည်းများကလည်း ဆန့်ကျင်ရှုတ်ချခဲ့သည်။ ယူကေရှိ အဓိက မွတ်စလင်အဖွဲ့တစ်ခုဖြစ်သည့် ဗြိတိသျှ မွတ်စလင်ကောင်စီ (BMC)ကလည်း အစ္စလာမ်၏ သင်ကြားမှုများနှင့် ဆန့်ကျင်သည်ဟုပြောကြားခဲ့ပြီး ထိုတိုက်ခိုက်မှုအား ဆန့်ကျင် ရှုတ်ချခဲ့သည်။
“ဒါဟာ အစ္စလာမ်ကမသွန်သင်တဲ့ တကယ့်ကို ရိုင်းစိုင်းတဲ့လုပ်ရပ်ပါ။ ဒီလုပ်ရပ်ကို ကျနော်တို့ လုံးလုံးလျားလျား ဆန့်ကျင်ရှုတ်ချပါတယ်။ ကွယ်လွန်သွားသူ၊ သူရဲ့မိသားစုနဲ့ အတူတကွ ကျနော်တို့ ရှိနေပါတယ်။” ဟု BMC ၏ ထုန်ပြန်မှုတွင် ဖော်ပြထားသည်။
ဗြိတိန်အစ္စလာမ်ဘာသာရေးအဖွဲ့ကလည်း “ဒီသတ်ဖြတ်မှုကို ဘာသာတရားတစ်ခု ဒါမှမဟုတ် အယူဝါဒတစ်ခုရဲ့ နာမည်တပ်ပြီးပြောဆိုတာတွေဟာ မှားယွင်းပါတယ်။ ဗြိတိန် အစ္စလာမ်ဘာသာရေးအဖွဲ့၊ ကုန်အာန်ကျမ်းစာ၊ ယဉ်ကျေးတဲ့လူ့အဖွဲ့အစည်းနဲ့ အမှန်တရား ဒါတွေအားလုံးက ဒီလုပ်ရပ်မျိုးကိုဆန့်ကျင်ပယ်ချပါတယ်။” ဟု ထုတ်ပြန်ခဲ့သည်။
ဗြိတိန်ရှိ အခြားသော မွတ်စလင်လူမှုရေးအသင်းအဖွဲ့များကလည်း အဆိုပါတိုက်ခိုက်မှုကို ဆန့်ကျင်သည့် မှတ်ချက်များပေးခဲ့သည်။
“လန်ဒန်နဲ့ ကျတော်တို့တစ်နိုင်ငံလုံးဟာ စုစည်းလာမှာဖြစ်ပြီး ဘယ်တော့မှ ကွဲသွားမှာမဟုတ်ပါဘူး။ အကြမ်းဖက်သမားတွေ ဘယ်တော့မှ မနိုင်စေရဘူး။” ဟု ရမ္မသွာန်ဖောင်ဒေးရှင်း၏ အဖွဲ့ဝင်တစ်ဦးဖြစ်သူ မိုဟာမက် ရှဖီက်(Mohammed Shafiq) က ဆိုသည်။
Faith Matters ဟုအမည်ရသည့် အကူအညီလိုအပ်သူများအား လှူဒါန်းသည့်အဖွဲ့တစ်ခု၏ ဒါရိုက်တာဖြစ်သူ ဖီယက်ဇ် မဂ်ဟလ်(Fiyaz Mughal) က “သွေးအေးလူသတ်သမားတစ်ယောက်ရဲ့ ဗြိတိသျှ စစ်သားတစ်ဦးကို သတ်ဖြတ်မှုဟာ ယူကေ က လူ့အဖွဲ့အစည်းတိုင်းမှာရှိတဲ့ လူတစ်ယောက်ချင်းစီကို နာကျင်စေတဲ့ ရာဇ၀တ်မှုတစ်ခုပါ။ ဒီအစွန်းရောက် ၀ါဒနဲ့ အကြမ်းဖက်မှုတွေကို လက်ခံရမယ်လို့ ယုံကြနေတဲ့လူတွေကနေ ခွဲထွက်ပြီး ကျနော်တို့ စည်းလုံးရမယ်။ ပြီးတော့ သူတို့တွေကို ဥပဒေရဲ့ဖိအားအပြည့်အ၀ထိတွေ့အောင် ကျနော်တို့ သေသေချချာ လုပ်ရမယ်။ နေ့စဉ်လုပ်စရာရှိတာကိုလုပ်နေတဲ့ စစ်သားတစ်ယောက်ကို တိုက်ခိုက် သတ်ဖြတ်တာမျိုးဟာ ပြတ်ပြတ်သားသား ဆန့်ကျင်ရှုတ်ချရမယ့် ကိစ္စတစ်ခုဖြစ်တယ်ဆိုတာ မည်သူ့ကိုမဆို ကျနော်တို့ ရှင်းရှင်းလင်းလင်း ပြောဆိုအသိပေးရမယ်။ ” ဟု ပြောဆိုခဲ့သည်။
ဗြိတိန်မွတ်စလင်အစည်းအရုံးမှ ပေါလ် ရှလာဟွတ်ဒီန် အမ်းစတရောင်း(Paul Salahuddin Armstrong) က အစ္စလာမ်သာသနာတွင် အကြမ်းဖက်ဝါဒကို အားပေးမှုမရှိသောကြောင့် အကြမ်းဖက်တိုက်ခိုက်မှုကို လုပ်ဆောင်ခဲ့သည့် သူနှစ်ယောက်မှာ အစ္စလာမ်သာသနာ၏ ပြင်ပသို့ရောက်ရှိသွားပြီ ဟု ပြောကြားခဲ့ပြီး တံတားဆောက်လုပ်ရေး လုပ်သားတစ်ဦးဖြစ်သည့် အာကဗာ ခန်း(Akbar Khan) ကလည်း အပြစ်မဲ့သူတစ်ဦးအားသတ်ဖြတ်ခြင်းနှင့် နေရာအနှံ့အပြားတွင်ဖြစ်ပေါ်နေသည့် အကြမ်းဖက်မှုပုံစံအားလုံးကို ရှုတ်ချပြောဆိုခဲ့သည်။
