ဒီဇင်ဘာ ၂၈ ၊ ၂၀၁၂
M-Media
မှတ်ချက် ။ ။ ပေးပို့သူရဲ့ ကင်မရာမှ Date Setting ကြောင့် နေ့စွဲလွဲနေသည် ဖြစ်ကြောင်း အကြောင်းကြားပါသည်။
ကျွန်တော်တို့ (၆)ဦးတို့သည် ၁၇.၁၂.၂၀၁၂ နေ့က စစ်တွေအကျဉ်းထောင်မှ လွတ်မြောက်လာခဲ့ကြပါ သည်။ ဇွန်လက ဖြစ်ပွားခဲ့သော ရခိုင်အကြမ်းဖက်တို့၏ တစ်ဘက်သတ်ဆူပူအုံကြွကြီးသည် ကျွန်တော်တို့၏ ရသေ့တောင်မြို့နယ် ၊အနောက်ပြင်ကျေးသို့ ရောက်ရှိလာခဲ့ပါသည်။ ကျွန်တော်တို့ ရိုဟင်ဂျာလူမျိုးများနေထိုင်သော အနောက်ပြင်ကျေးရွာ၏ အရှေ့ဘက်တွင် မေယုမြစ်ရှိ ကျန်(၃) ဘက်တို့တွင် ရခိုင်ကျေးရွာ(၂၂)ရွာဖြင့် ဝန်းရံလျက်ရှိပါသည်။
ယခုနှစ် ဇွန်လ(၁၉) ရက်နေ့က ကျွန်တော်တို့ ပတ်ဝန်းကျင်ရှိ ရခိုင်ကျေးရွာသားများနှင့် အနယ်နယ် အရပ်ရပ်မှ ရခိုင်အကြမ်းဖက်များ ကြိုတင်စီမံချက် များကို စနစ်တကျ ပြုလုပ်ပြီး နံနက်(၈း၀၀) နာရီခန့်တွင် အင်အား အလုံးအရင်းနှင့် ကျွန်တော်တို့ ကျေးရွာအား ဝင်ရောက် မီးရှို့ ၊ သတ်ဖြတ်မှုများကို ပြုလုပ်ခဲ့ပါသည်။
ထိုသို့ ရခိုင်အကြမ်းဖက်တွေရဲ့ ရန်အား ခုခံကာကွယ်ရာမှ ကျွန်တော်တို့ကျေးရွာသား အများအပြားကျဆုံးခဲ့ပြီး ရခိုင် အကြမ်းဖက်သမားများမှာလည်း သေဆုံးမှုများ ရှိကောင်း ရှိနိူင်ပါသည်။ ဤနေရာတွင် ဥပဒေဘက်သားများကို မီးမှောင်ထိုးပြစရာ (၁)ခု အဖြစ်တင်ပြလိုသည်မှာ မိမိကျေးရွာ သားများမှ ရခိုင်ကျေးရွာများသို့ သွားရောက် တိုက်ခိုက်ခြင်းမျိုး မဟုတ်ဘဲ သူတို့လာတိုက် မိမိတို့ဘက် မှ ကိုယ်ကိုကာကွယ် ခုခံရာမှ အကြမ်းဖက်သမားများမှ သေဆုံးခြင်းဖြစ်သည်ကို မြင်စေလိုပါသည်။ ကျွန်တော်တို့ ကျေးရွာနှင့် အနီးစပ်ဆုံး ရခိုင်ရွာဆိုလျှင် မိနစ်(၂၀)ခန့် လျောက်လာရမည်ဖြစ်ပြီး အများသောကျေးရွာများမှာ တစ်မိုင်နှစ်မိုင်ခန့် ပင်ဝေးနေပါသည်။
မှတ်ချက် ။ ။ ပေးပို့သူရဲ့ ကင်မရာမှ Date Setting ကြောင့် နေ့စွဲလွဲနေသည် ဖြစ်ကြောင်း အကြောင်းကြားပါသည်။
အကြမ်းဖက်မှုများ ဖြစ်ပွားပြီးနောက် (၁၁)နာရီခန့်တွင် တပ်ရင်း(၅၃၈) မှ လုံခြုံရေး အင်အား (၃၀)ကျော်ရောက်ရှိလာခဲ့သည်။ နောက်တစ်နေ့ ၂၀.၆.၁၂ နေ့တွင် ရဲလုံခြုံရေးများရောက်ရှိလာခဲ့ပါ သည်။ သူတို့ရောက်ရှိလာပြီး ကျွန်တော်တို့ အပြစ်မဲ့ ကျေးရွာသူသားများကို ဖမ်းဆီးခဲ့ရာ လူမမယ် နှင့် ကျွန်တော်တို့ လို ကျောင်းသားအပါအဝင် သက်ကြီးရွယ်အို (၂၀၀)ခန့် အားဖမ်းဆီးခေါ်ဆောင်သွားပြီး ရဲ လုံခြုံရေးသည် ၄င်းတို့ ကိုယ်တိုင် ညုင်းပန်းသည့်အပြင် အရပ်သားရခိုင် အကြမ်းဖက်သမားများအား လည်း ရိုက်နှက်သတ် ပုတ်ခြင်းများကို ပြုလုပ်စေပါသည်။
ထိုနောက် ကျွန်တော်တို့ကို စစ်တွေအကျဉ်းထောင်သို့ ပို့ခဲ့ပါသည်။ လမ်းခုလမ်းတွင်လည်း နည်းမျိုးစုံဖြင့် ရက်စက်သောကြောင်း သွားကျိုးသူကျိုး ၊ အတွင်း ဒဏ်ရာရသူရ နှင့် စစ်တွေအကျဉ်း ထောင်သို့ ကျွန်တော်တို့ကျေးရွာသား (၁၇၅)ဦး ရောက်ရှိလာခဲ့ပါသည်။
ကျွန်တော်တို့ အကျဉ်းသားများအား မတရားချုပ်နှောင်းထား၍ လူမဆန်စွာ သတ်ပုတ် ရိုက်နှက်မှုများ ကိုပြုလုပ်ကြပါသည်။ ထိုအထဲတွင် ညုင်းပန်းမှု ဒဏ်ကြောင့်(၂)ဦးဆုံးသွားပါသည်။ ထောင်ထဲတွင် နည်းမျိုးစုံဖြင့် ရက်စက်၍ မပြီး ၊ တရားရုံး တင်သောအခါတွင် တရားခွင်ရှိ တရားသူကြီး၏ ရှေ့မှောက် ၊နောက်ကွယ်တွင် ပင် အရပ်သားများမှ ဝင်ရောက် ရိုက်နှက်မှုများကို ပြုလုပ်ကြပါသည်။အခုလို ညုင်းပန်းမှုမျိုး အဘယ်မှာ ရှိအံနည်း ကျွန်တော်တို့ အဖွဲ့ အကျဉ်းသား (၁၇၅) ဦးမှာ ခိုးကိုးရာမဲ့ အကျဉ်းသား ဘဝနှင့်နေခဲ့ရပါသည်။ ပြင်ပမှ ထောင်ဝင်စာ လည်းမရှိပါ။
ဘယ်ဘဝမှ ဝဋ်ကြွှေးပါနည်း ဤမျှနှင့် တန်ပါစေ ငရဲမှသာ ကင်းလွတ်ခွင့်ရမည်ဆိုသော်လည်း ဝဋ် ဆိုသည်မှာ လည်စမြဲပါ..
တစ်လှည့်ခံရမည်မှာ သေချာပါသည်။
ကျွန်တော်တို့လွတ်မြောက်လာသလို့ ကျန်ရှိနေသော ကျွန်တော်တို့၏ ကျေးရွာသားများ အပြစ်မဲ့သားကောင်းများလည်း ကျွန်တော်တို့နည်းတူ လွတ်မြောက်စေချင်ပါသည်။
ထောင်မှလွတ်မြောက်လာသူ(၆)ဦး၏ အမည်များမှာ-
(၁) မုဟမ္မဒ် အာယွဘ် (ဘ) ဦးအဒူဟာရှိမ်း အသက် (၁၈)နှစ်
(၂) မုဟမ္မဒ် အာမင်း (ဘ) ဦးဂျာလာလ် အသက် (၁၇)နှစ်
(၃) အဒူရော်ရှိတ် (ဘ) ဦးဂုလ္လာလ်ဟူးဆောင်း အသက် (၅၈)နှစ်
(၄) အဒူဆလာမ် (ဘ) ဦးအာလီအာမာတ် အသက် (၃၀)နှစ်
(၅) မုဟမ္မဒ် အီနူစ် (ဘ) ဦးဖေါ်ဇော်လောက် အသက် (၃၅)နှစ်
(၆) အဒူဆလာမ် (ဘ) ဦးဇော်လာလ်ဒိန် အသက် (၅၈)နှစ်
** တရားဥပဒေမဲ့ ဖမ်းဆီးခံရပြီးလွတ်မြောက်လာသူ တဦးရဲ့ M-Media ကို ပေးပို့လာတဲ့ ပေးစာဖြစ်ပါတယ်။
မှတ်ချက် ။ ။ ပေးပို့သူရဲ့ ကင်မရာမှ Date Setting ကြောင့် နေ့စွဲလွဲနေသည် ဖြစ်ကြောင်း အကြောင်းကြားပါသည်။
