ဒီဇင်ဘာ ၁၂ ၊ ၂၀၁၂
M-Media
ဗြိတိန် အိမ်ရှေ့မင်းသား ချာလ်းစ် အဖြစ်ဟန်ဆောင်ဖုန်းခေါ်သည့် သတင်းထောက် နှစ်ဦးအား ဆေးရုံတက်နေသည့် မင်းသားဝီလျံ၏ ဇနီးသည် အကြောင်း ဖြေကြားခဲ့သည့် သူနာပြုဆရာမတဦး ဒီဇင်ဘာ ၁၂ ရက်တွင် ဆွဲကြိုးချကာ မိမိကိုယ်ကို အဆုံးစီရင်သွားခဲ့သည်။
လန်ဒန်မြို့လယ်ရှိ ကင်းအက်ဒ်ဝပ်(၇) ဆေးရုံနှင့် ကပ်လျှက်ရှိသော သူနာပြုဆရာမများ အိမ်ရာရှိ ဂျစင်သာ စလ်ဒါနား အခန်းမှာ ဤ အဖြစ်အပျက်အား သောကြာနေ့ နံနက်က ရှာဖွေ တွေ့ရှိခဲ့ခြင်း ဖြစ်ပါသည်။
ကလေး၂ယောက်မိခင်၊ အသက် ၄၆ နှစ်အရွယ်ရှိ မစ္စစ် စလ်ဒါနားသည် ပြီးခဲ့သည့် အင်္ဂါနေ့က သြစတြေးလျနိုင်ငံ ဒီဂျေအက်စ် ရေဒီယို အသံလွှင့်ဌာနမှ သတင်းထောက်များက ဘုရင်မကြီးနှင့် အိမ်ရှေ့စံ ချာလ်းစ်မင်းသားအဖြစ် ဟန်ဆောင်ကာ ဖုန်းခေါ်ခဲ့တာ ဖြစ်ပြီး သေဆုံးသွားတဲ့ သူနာပြုဆရာမဟာ မင်းသားဝီလျံ၏ ဇနီးသည် ဒတ်ချက် အော့ ကမ်းဘရစ်ခ်ျ (မင်းသမီး ကိတ်) ကုသမှုခံယူနေသည့် အဆောင်သို့ ဖုန်းကို လွှဲပြောင်းပေးခဲ့ပါသည်။ မင်းသမီးကိတ်ဟာ ကိုယ်ဝန်ရှိခါစ ဖြစ်ပေါ်တတ်တဲ့ ဝေဒနာကြောင့် ဆေးရုံတတ် ကုသမှုခံနေခြင်းဖြစ်သည်။
ဒုတိယ သူနာပြုမှာ မင်းသမီး၏ လက်ရှိ အခြေအနေ အားလုံးကို အဆိုပါ ပါပါရာဇီ သတင်းသမားများကို သို့ ပြောပြခဲ့သည်။
ပါပါရာဇီများ လိမ်လည် ဖုန်းခေါ် သတင်းယူချိန် နံနက် ၅း၃၀ နာရီမှာ မစ္စစ် စလ်ဒါနားမှာ မေရီဘုန်း ဆေးရုံတွင် တာဝန်ကျနေတဲ့ အကြီးတမ်းသူနာပြုဖြစ်သည်။
ထိုအကြောင်းအရာမှာ ယမန်နေ့က သေဆုံးသွားသော မစ္စစ် စလ်ဒါနား၏ ခန္ဓာကိုယ်မှ ရှာဖွေတွေ့ရှိခဲ့တဲ့ သေကြောင်းကြံရသည့် စာထဲတွင် တွေ့ရှိခဲ့တာဖြစ်ပါသည်။
ထိုပြသနာကို သေကြောင်း ကြံစည်မှုစာတွင် တခုတည်းသော သဲလွန်စအဖြစ် ဖေါ်ပြထားသည်မှ လွဲ၍ ထို ပါပါရာဇီ သတင်းသမားများ လှည့်ဖျား ခေါ်ဆိုခံရသည့် ဖုန်းပြသနာတွင် သူမ ပါဝင်ပတ်သက်နေကြောင်း မစ္စစ် စလ်ဒါနားက သူမ၏ မိသားစုများကိုပင် ပြောဆိုခဲ့ခြင်းမရှိပေ။
မစ္စစ် စလ်ဒါနား၏ မိသားစုများက သူမသေဆုံးမှု အတွက် စိုးရိမ်မကင်း ဖြစ်မိကြောင်း ထုတ်ဖေါ်ပြောဆိုခဲ့ပါသည်။
အိန္ဒိယနိုင်ငံ မန်ဂလိုမှာ နေတဲ့ သူမ၏အကို နဗီးန်က “ အဲဒီမှာ ဘာတွေဖြစ်နေလဲဆိုတာ ကျွန်တော်တို့ အရမ်းကို စိုးရိမ်နေပါတယ်။ ဒါနဲ့ပတ်သက်ပြီး စိုးရိမ်မှုကြောင့် စိတ်ဖိစီးမှုတွေရှိနေတယ်။” ဟုပြောသည်။
ဆက်လက်၍ သူ့အနေဖြင့် ကွယ်လွန်သူရဲ့ ခန္ဓာကိုယ်ကို မိသားစုအား ယခုအပတ်အတွင်း ထုတ်ပေးလိမ့်မည်ဟု မျှော်လင့်ကြောင်း၊ သို့မှသာ အိန္ဒိယနိုင်ငံတွင် သဂြိုဟ်ရန် စီစဉ်နိုင်မည်ဖြစ်ကြောင်း ထပ်လောင်းပြောဆိုသည်။
မိသားစုများက မစ္စစ် စလ်ဒါနား သေဆုံးမှုအပေါ် ပြည့်စုံသော စုံစမ်းစစ်ဆေးမှုများ ပြုလုပ်ရန် အတန်တန် တောင်းဆိုထားကြပါသည်။
တာဝန်ရှိ အထက်လူကြီးများက ဌာနတွင်းစုံစမ်းမှုများ ပြုလုပ်လိမ့်မည်ဟု ပြောသော်လည်း သူမ၏ခင်ပွန်း ဘင်န် ၄၉ နှစ် နှင့် သားသမီး ၂ ဦးမှ ဖြစ်တဲ့ ဂျူနယ်လ် ၁ရ နှစ်နှင့် လီရှာ ၁၄ နှစ် တို့က “အဖြစ်အပျက် အစအဆုံးကိုသာ” သိလိုကြောင်း ပြောသည်။
မိသားစုကိုယ်စား လေဘာပါတီဝင် ကိတ်ဗတ်ဇ် ကလည်း ဆေးရုံ ဥက္ကဌ လောဒ့် ဂလင်နာသာနှင့် တွေ့ဆုံပြီး မစ္စစ် စလ်ဒါနား သေဆုံးမှုအတွက် ပြည့်စုံသော စုံစမ်းစစ်ဆေးမှုများ ပြုလုပ်ရန် တောင်းဆိုလိုက်ပါသည်။ သူက “မိသားစုများကို ခုချိန်မှာ သူတို့လိုအပ်တဲ့ အချက်အလက် အပြည့်အစုံ ပေးသင့်တယ်” ဟု ပြောသေးသည်။
ဗြိတိန်ဝန်ကြီးချုပ် ဒေးဗစ် ကင်မရွန်းကလည်း ကွယ်လွန်သူရဲ့ မိသားစုများကို ယခုအချိန်တွင် သူတို့လိုအပ်သမျှ အချက်အလက် အပြည့်အစုံပေးသင့်ကြောင်း ယမန်နေ့က ကျင်းပသည့် အောက်လွှတ်တော် ဆက်သွယ် ဆောင်ရွက်ရေး ကော်မတီတွင် တင်သွင်းသည့် မစ္စတာ ဗတ်ဇ်၏ အဆိုကို သဘောတူခဲ့သည်။
သြစတေးလျ ရေဒီယို အစီအစဉ် အကြီးအကဲများက လိမ်လည် ဖုန်းခေါ်ခဲ့သည့် တူဒေးအက်ဖ်အမ်ကို ထိုသို့ ဆောင်ရွက်မှုအတွက် ပြစ်တင်လျက်ရှိသည်။
သူတို့အနေဖြင့် အနည်းဆုံး ပေါင်စတာလင် ၃၂၆၆၄၃ ကို ကင်းအက်ဒ်ဝပ် (၇) ဆေးရုံတွင် အောက်မေ့ဖွယ် ရန်ပုံငွေအဖြစ် မစ္စစ်စလ်ဒါနား အမည်ဖြင့် လှူဒါန်းမည့်အပြင် ခရစ္စမတ်ပွဲတော်ကိုလည်း ဖျက်သိမ်းမည်ဖြစ်ကြောင်း ပြောဆိုသည်။
သေဆုံးရခြင်းအကြောင်း အတည်ပြုစစ်ဆေးမှု၏ အဖြေကို နက်ဖြန်တွင် မစ္စစ် စလ်ဒါနား သေဆုံးခြင်းအပေါ် သေမှုသေခင်း အမှု့ဖွင့်သည့် အချိန်၌ ထုတ်ပြန်လိမ့်ဖြစ်ကြောင်း သိရသည်။
ကိုးကား ၊ http://www.independent.co.uk/
![သမိုင်းဟူသည် ဤသို့တည်-၅ [အိန္ဒိယ နှင့် ထေရဝါဒ- တန္တရ မန္တရ အယူဝါဒ]](https://m-mediagroup.com/wp-content/uploads/2012/11/Thamine-Hu-the-150x120.jpg)
