News @ M-Media

Blog

  • ကျွန်မဖေဖေ

    ကျွန်မဖေဖေ

    ထိုစဉ်က ဝါတွင်းအချိန်ဖြစ်သောကြောင့် ကျွန်မတို့ မြို့မကျောင်းသည် ဝါပအချိန် စနေ၊ တနင်္ဂနွေနှင့် ဥပုသ်နေ့တွင် နေ့ပြောင်း၍ ကျောင်းပိတ်ပါသည်။ ထို့ကြောင့် စနေနေ့က ကျွန်မတို့ ကျောင်းတက်ကြရပါသည်။ အခါတိုင်း ကျောင်းအားသော စနေနေ့များ၌ အစ်ကိုသည် ဖေဖေနှင့်အတူ အတွင်းဝန်များရုံးသို့ လိုက်ပါနေကျဖြစ်သော်လည်း ယခုတော့ ကျောင်းတက်နေသည်ဖြစ်သောကြောင့် မလိုက်ပါနိုင်တော့။ အစ်ကို့အတွက် ကံကောင်း၍ပေလောဟု မှတ်ထင်ရ၏။

    ထိုနေ့က မိုးမှာ တစိမ့်စိမ့်သွန်းဖြိုးလျက်ရှိရာတွင် ခါတိုင်းလို ကျောင်းစာများ၌ပင် စိတ်ဝင်စား၍မရနိုင်အောင် ငြီးငွေ့နေမိသည်ဟု ထင်မိပါသည်။ အဘယ့်ကြောင့်ဟု မဆိုနိုင်သော်လည်း ထိုနေ့သည် နေရထိုင်ရသည်မှာ အခါတိုင်းလိုမဟုတ်၊ ပျော်ပျော်ရွှင်ရွှင်မရှိ၊ တစ်မျိုးပင်ဖြစ်လို့နေသည်။

    သို့သော် နေ့လည်တစ်နာရီတွင် ကျောင်းအုပ်ကြီးဦးဘလွင်က ကျွန်မတို့ မောင်နှမနှစ်ယောက်ကို ကျောင်းကားဖြင့်  အိမ်သို့ပြန်ပို့လိုက်၏။ ဘာကြောင့်ရယ်မသိရသော်လည်း စာသင်ရခြင်းကို ငြီးငွေ့နေစဉ် အိမ်ပြန်ပို့ခြင်းအတွက်တော့ ကလေးတို့သဘာဝ ကျေနပ်ခဲ့မိပါသည်။ ထို့ကြောင့်ပင် ကျွန်မတို့မောင်နှမနှစ်ယောက်ကိုသာ ထူးထူးခြားခြား ဘာကြောင့်ပြန်ပို့ပါလိမ့် ဟူသောအချက်ကိုပင် လေးလေးနက်နက် မတွေးမိတော့ပါ။

    အိမ်သို့ရောက်သောအခါမှာတော့ စိတ်တွင်း၌ထူးခြား၍သွားသည်။ မေမေသည် မျက်ရည်စက်လက်နှင့် ရှိနေရာမှ ကျွန်မတို့မောင်နှမနှစ်ယောက်ကို မြင်လိုက်သောအခါ ချုံးပွဲချ၍ ငိုပါသည်။ အနားတွင်ရှိနေသော မြန်မာမွတ်စလင် အမျိုးသမီးကြီးများက ဝိုင်းဝန်း၍ နှစ်သိမ့်အားပေးစကား ပြောနေကြသည်ကို တွေ့ရပါသည်။ ကျွန်မတို့ ကလေးနှစ်ယောက်မှာတော့ ဘာမျှနားမလည်၊ ငေး၍သာနေကြ၏။ ထိုအခါ ဒေါ်ဒေါ်က ကျွန်မတို့နှစ်ယောက်အား အပေါ်ထပ်သို့ ခေါ်၍သွားပါသည်။ နေ့လယ်ချိန်တစ်ချိန်လုံးမှာပင် ကျွန်မတို့ အပေါ်ထပ်၌ အချိန်ကုန်ရ၍ ညနေစောင်းတွင် ကျွန်မသည် နေ့စဉ်ပြုနေကျ ဝတ္တရားတစ်ခုကို ဆောင်ရွက်ရန် မျှော်လင့်နေမိပါသည်။

    ညနေပိုင်း ဖေဖေရုံးမှ ပြန်လာပြီဆိုလျှင် အမြဲပင် ကျွန်မက ဆီး၍ ဖိနပ်ချွတ်ပေးရသည်။ နောက် ဖေဖေက မောင်လေးကို ချီထားလျက် သားသမီးသုံးယောက်ဖြင့် ပျော်ပါးစွာ ညနေချိန်ကို ကုန်လွန်စေသည်သာဖြစ်ပါ၏။

    ကျွန်မမှာ လည်ပင်းရှည်လှပါပြီ၊ အခါတိုင်းရောက်နေကျ အချိန်မှ အများကြီး လွန်လာသည့်တိုင်အောင် ဖေဖေက ပြန်မရောက်သေး။ ကျွန်မက ဖိနပ်ချွတ်ပေးရန် စိတ်စောနေသည်။

    “ဒေါ်ဒေါ် ပါပါခုထက်ထိမရောက်သေးဘူး၊ ဘာဖြစ်လို့လဲဟင်”
    ကျွန်မ၏အမေးကို ဒေါ်ဒေါ်က ရုတ်တရက် ပြန်မဖြေနိုင်ပါ၊ အတော်ကြာငိုင်နေပြီးမှ “ပါပါ ရုံးလှေခါးက ချော်ကျလို့ ဆေးရုံတင်နေရတယ် ကလေးရဲ့” ဟု အဖြေပေးပါသည်။ သို့ဖြင့် ကျွန်မမှာ ဖေဖေအား ဖိနပ်ချွတ်၍ပေးနိုင်ခွင့် မရတော့ပါပြီ။ ညသို့ရောက်ပြီဆိုလျှင်လည်း ဖေဖေကို အမှတ်မရ၍ မဖြစ်နိုင်ပါ။ ရေဒီယိုမှ သီချင်းလာပြီဆိုလျှင် ဖေဖေက ကျွန်မကို အကခိုင်းသည်။ ကျွန်မကလည်း တစ်ခါကရလျှင် ပုံတစ်ပုံပြောခိုင်းသည်။ ပျော်ရွှင်ကြည်နူးစွာ နေခဲ့ရသော အချိန်များမှာ လွမ်းဆွတ်စရာ ကောင်းလှပါတော့သည်။

    ဖေဖေမှာ အသက် ၄ဝ ခန့်ရှိမှ အိမ်ထောင်ကျ သားသမီးရသည်ဖြစ်သောကြောင့် ကျွန်မတို့ မောင်နှမသုံးယောက်ကို အလွန်ချစ်သည်။ အမြဲတမ်း လက်ပွန်းတတီးနေသည်။ အငယ်ဆုံး နို့စို့အရွယ်မောင်ငယ်ကလေးက မသိတတ်လှသေးသော်လည်း ကျွန်မနှင့် အစ်ကိုကတော့ အချိန်ရသမျှ ဖေဖေနှင့် တပူးတွဲတွဲနေကြပါသည်။

    နေ့စဉ် နံနက်မျက်နှာသစ်ချိန်တိုင်း ဖေဖေက ကိုကိုိ့ကို လက်ဝှေ့ထိုးသင်ကြားပေးလေ့ရှိပါသည်။ ထိုသို့ ရင်းရင်းနှီးနှီးနေခဲ့ကြသည်နှင့်အညီ အဖေကိုချစ်သောကလေးများဖြစ်၍ ကျွန်မတို့မောင်နှမက ဖေဖေ့အကြောင်းကို တစ်မေးတည်းမေး၍လာကြရာ သြဂုတ်လအတွင်းရောက်မှပင် ဖေဖေနှင့် ဗိုလ်ချုပ်အောင်ဆန်း အစရှိသော ခေါင်းဆောင်ကြီးများသည် ဇူလိုင်လ ၁၉ ရက်နေ့ မသမာသူ လူတစ်စု၏ လက်ချက်ဖြင့် ကျဆုံးခဲ့ကြပြီဆိုသော အကြောင်းကို သိရပါတော့သည်။

    ထိုအခါ အခြားကျဆုံးခဲ့သော ခေါင်းဆောင်များ၏ ရုပ်ကလာပ်တို့ကို ဂျူဗလီဟော၌ မြင်နိုင်သေးသော်လည်း ဖေဖေမှာမူ ကျွန်မတို့ ဘာသာတရားအရ ကွယ်လွန်ပြီးလျှင်ပြီးချင်းပင် သင်္ဂြိုဟ်ခဲ့ရသည်ဖြစ်၍ မြင်ရနိုင်စွမ်းမရှိတော့ပါပြီ။

    ညတိုင်းဖိနပ်ချွတ်ပေးရန်မျှော်ခဲ့ရသော ဖေဖေ၊ ကျွန်မတို့ချစ်သော ရေဒီယိုသီချင်းဖြင့် အကခိုင်းပြီး ပုံပြောတတ်သော ဖေဖေ၊ ကျွန်မတို့ချစ်သော ဖေဖေနှင့် လူမသမာတို့လက်ချက်ကြောင့် တစ်သက်တာ ကွဲကွာခဲ့ရပါပြီ။

    “တို့ဆရာကြီးရာဇတ် မရှိတာ နာတာပဲ” ဟူသော စကားစုကို ယခုအခါ ဖေဖေ၏ တပည့်များက စကားစပ်မိတိုင်း ပြောကြပါသည်။ သစ်ပင်တစ်ပင်မှာ သဘာဝအလျောက် ရှင်လျက်ရှိစဉ်ထက် သေ၍ပြိုလဲကာရှိနေမှ ထိုသစ်ပင်၏ အရှည်အတိုင်းအတာကို ပို၍တိကျသေချာစွာ သိမြင်သလိုပင် ကျွန်မတို့ ပတ်ဝန်းကျင်မှာလည်း ဖေဖေကွယ်လွန်ပြီးမှပင် ဖေဖေ၏ ဂုဏ်ကျေးဇူးတို့ကို ပို၍သိကြရပါတော့သည်။

    ဖေဖေကွယ်လွန်စဉ်က အသက် (၅၁) နှစ်မျှသာရှိသေး၍ မည်သည့်အနာရောဂါမျှလည်း မရှိသောကြောင့် သက်တမ်းစေ့ နေရမည်ဆိုလျှင် တိုင်းပြည်တာဝန်ကို ဆက်လက်၍ ထမ်းဆောင်နိုင်ဦးမည်ဖြစ်၏။ ဖေဖေသည် ငယ်စဉ်ကပင် ဘောလုံးနဲ့ လက်ဝှေ့တို့ကို လေ့လာကစားခဲ့သည်။ ကောင်းမွန်ကျွမ်းကျင်စွာ တတ်မြောက်သည်။ အထူးသဖြင့် ဂေါ့ဖ်ရိုက်ခြင်းကို အထူးနှစ်သက်ခဲ့ပါ၏။ ကစားခုန်စားဖက်၍ ဝါသနာပါသော်လည်း စာပေဖက်တွင်လည်း မညံ့ဖျင်းပါ။ အသက် ၂ဝ အရွယ်မှာပင် ဘီအေအောင်မြင်၍ ဇာတိ မန္တလေးရှိ အမျိုးသားကျောင်းတွင် ကျောင်းအုပ်ကြီးအဖြစ် ဆောင်ရွက်ခဲ့ပါသည်။ လူငယ်ပေါင်းများစွာတို့၏ စိတ်ဓာတ်ကို ပြုပြင်ပေးခဲ့ပါသည်။

    ဖေဖေ၏ အရည်အချင်းနှင့် မျိုးချစ်စိတ်ကို သိရှိသော ဗိုလ်ချုပ်အောင်ဆန်းက ဂျပန်ခေတ်မှ အစပြုကာပင် ဖေဖေ့အား နိုင်ငံရေးနယ်ပယ်တွင် ပါဝင်ဆောင်ရွက်ရန် တိုက်တွန်းခေါ်ဆောင်လာသဖြင့် ဖေဖေသည် နိုင်ငံရေးနယ်တွင်းသို့ ရောက်ခဲ့ရခြင်းဖြစ်ပါသည်။

    ဒုတိယကမ္ဘာစစ်အပြီးတွင် ဖဆပလအလံတော်အောက်မှ လွတ်လပ်ရေးကို ရယူနိုင်ရန် ဗိုလ်ချုပ်အောင်ဆန်းနှင့်ပင် လက်တွဲဆောင်ရွက်ရင်းဖြင့် နောက်ဆုံး ဗိုလ်ချုပ်အစိုးရအဖွဲ့တွင် ပညာရေး၊ အမျိုးသားစီမံကိန်းနှင့် လမ်းပန်းဆက်သွယ်ရေးဝန်ကြီးအဖြစ် တာဝန်ယူကြိုးပမ်းနေခိုက် ၁၉၄၇ ခုနှစ်၊ ဇူလိုင်လ (၁၉) ရက်နေ့တွင် ကျဆုံးခဲ့ရခြင်းဖြစ်ပါတော့သည်။

    ကစားခုန်စားနယ်မှ ဘောလုံးဝိဇ္ဇာ ဘကြူးသည်လည်းကောင်း၊ နယ်မည်ကျော် လက်ဝှေ့ ကျားဘငြိမ်းနှင့် ချစ်အုန်းတို့သည်လည်းကောင်း၊ အနုပညာနယ်ဆိုလျှင်လည်း ယိုးဒယားက အလွန်တော်သော ယခု ကမ္ဘာလှည့်နေသူ အမ်အေဒေါ်အုန်း၊ အမ်အေ ဒေါ်တင်လှ တို့အပြင် အဆိုတော် ကိုအံ့ကြီး၊ ကိုဗစိန်၊ ကိုလှထင်နှင့် ရွှေဂုံမြို့မ အဖွဲ့ဝင်အချို့တို့အပြင် နိုင်ငံရေး နယ်ပယ်နှင့် မြန်မာ့သားကောင်း စစ်မှုထမ်းများ၌လည်း ဝန်ကြီး ဦးခင်မောင်ကလေး၊ သခင်ဗဟိန်း (ကွယ်လွန်သူ) နှင့် မြေပြင်ပစ် အမြောက်တပ်မှ ကာနယ်ဘရွှေ၊ ဗိုလ်ကြီးခင်ညို၊ ဗိုလ်ခင်မောင်ကြည်၊ ဗိုလ်မှူးတင်အောင်၊ ဗိုလ်တင်ရွှေတို့သည်လည်းကောင်း၊ ဖေဖေ၏ တပည့်သားမြေးများ ဖြစ်ကြပါသည်။

    ဖေဖေအသက်ရှိစဉ်က ကိုယ့်တိုင်းပြည်အကျိုးကို သယ်ပိုးခဲ့ရုံမျှမက ခုထက်တိုင်အောင်လည်း ဖေဖေ့အစွယ်အပွားများက တိုင်းပြည်တာဝန် ထမ်းဆောင်လျက်ရှိကြပါသည်။ ဖေဖေ၏ အကျင့်စာရိတ္တကောင်းသော အပြုအမူတို့ကြောင့်လည်းကောင်း၊ အများပြည်သူတို့၏ မေတ္တာ၊ စေတနာတို့ကြောင့်လည်းကောင်း ဖေဖေသည် ယခုအခါတွင် ကောင်းရာသုဂတိသို့ ရောက်ရှိနေပေတော့မည်ဟု ယုံကြည်ပါသော်လည်း ကျွန်မတို့အတွက်မှာမူ “ရွှေတောင်ကြီး” ပြိုလဲကွယ်ပျောက်သွားသည်နှင့်ပင် တူပါတော့သတည်း။

    ခင်ခင်စိန်
    သွေးသောက်မဂ္ဂဇင်း၊ ၁၉၅၄၊ ဇူလိုင်။
    (ကျွန်မတို့အဖေ ကျွန်မတို့အမေ၊ ၂၀၁၂၊ ပင်လယ်ပြာပြာစာအုပ်တိုက် – မှ ပြန်လည် ဖော်ပြပါသည်။)

    (စာရေးသူ ဒေါ်ခင်ခင်စိန်သည် ဆရာကြီး ဦးရာဇတ်၏ သမီးဖြစ်ပြီး ဆရာကြီး ကွယ်လွန်စဉ်က အသက် ၇နှစ်မျှသာ ရှိသေးကာ  အသက် ၁၃နှစ် အရွယ်တွင် ဤဆောင်းပါး ရေးခဲ့ခြင်း ဖြစ်ပါသည်။ လက်ရှိ သြစလေးလျနိုင်ငံတွင် နေထိုင်လျက်ရှိပြီး အေးတည်ငြိမ် အမည်ဖြင့် စာနယ်ဇင်းများတွင် စာရေးသားလျက် ရှိပါသည်။)

     

    ကိုကျော်မိုးအောင် FB စာမျက်နှာမှ ပြန်လည်မျှဝေပါသည်။

  • ‘ကာတာလေကြောင်း’ ကမ္ဘာ့အကောင်းဆုံး ဒုတိယအကြိမ်ဆွတ်ခူး

    ‘ကာတာလေကြောင်း’ ကမ္ဘာ့အကောင်းဆုံး ဒုတိယအကြိမ်ဆွတ်ခူး

    ဇူလိုင် ၁၃ရက်၊ ၂၀၁၂၊

    Skytrax 2012 ကမ္ဘာ့လေကြောင်းလိုင်းများပြိုင်ပွဲမှာ ‘ကာတာလေကြောင်း’က ကမ္ဘာ့ အကောင်းဆုံးဆု (Best Airline of the World) ဒုတိယအကြိမ်ဆွတ်ခူးရရှိသွားပါတယ်။ လန်ဒန်မြို့ Farnborough နိုင်ငံတကာလေကြောင်းပြပွဲမှာ ကြေညာသွားတာဖြစ်ပါတယ်။

    ‘ကာတာလေကြောင်း’က ၂၀၁၁-ခုနှစ်ကလည်း ပြင်သစ် နိုင်ငံတကာလေကြောင်းပြပွဲမှာ ကမ္ဘာ့ အကောင်းဆုံးဆု ရရှိခဲ့ပါတယ်။ အရှေ့အလယ်ပိုင်းဒေသရဲ့ အကောင်းဆုံး လေကြောင်းလိုင်း အပြင် World’s Best First Class Airline Lounges, World’s Best Business Class Onboard Catering နဲ့ World’s Best Business Class Airline Seat ဆုတို့ကိုပါရရှိသွားတာပါ။

    နိုင်ငံပေါင်း ၁၀၀ မှ လေကြောင်းခရီးသည် ၁၈-သန်းကို တယ်လီဖုန်းနဲ့ အင်တာဗျူးပြီး လေကြောင်းလိုင်း ၂၀၀ ကို စစ်တမ်းကောက်ခဲ့တာဖြစ်ပါတယ်။

    ၂၀၁၂-ခုနှစ် ကမ္ဘာ့ အကောင်းဆုံး လေကြောင်းလိုင်းများ

    ၁။ ကာတာ (Qatar Airways)

    ၂။ အေရှာနာ (Asiana Airlines)

    ၃။ စင်္ကာပူ (Singapore Airlines)

    ၄။ ကဲသေးပစိဖိတ် (Cathay Pacific Airways)

    ၅။ အေအန်အေ အောနီပွန် (ANA All Nippon Airways)

    ၆။ အိတီဟဒ် (Etihad Airways)

    ၇။ တူရကီ (Turkish Airlines)

    ၈။ အဲမီရိတ် (Emirates)

    ၉။ ထိုင်း (Thai Airways)

    ၁၀။ မလေးရှား (Malaysia Airlines)

     

    မောင်လှငွေ

    ကိုးကား

    http://sg.news.yahoo.com/qatar-airways-chosen-worlds-best-airline-second-time-144616859.html

  • အမည်မခံလိုသူ စာရေးဆရာကြီး သို့မဟုတ် အာဇာနည်ခေါင်းဆောင်ကြီး ဦးရာဇတ်

    တင်နိုင်တိုး(weekly Eleven)

    အာဇာနည် အမျိုးသားခေါင်းဆောင်ကြီး ဆရာကြီးဦးရာဇတ်

    ဆရာကြီးဦးရာဇတ်သည် မြန်မာနိုင်ငံ လွတ်လပ်ရေးအတွက် ကြိုးပမ်းဆောင်ရွက် နေစဉ် ၁၉ ဇူလိုင် ၁၉၄၇ တွင် ဗိုလ်ချုပ် အောင်ဆန်းနှင့်အတူကျဆုံးခဲ့ရသော အာဇာ နည်ခေါင်းဆောင်ကြီး တစ်ဦးဖြစ်ပါသည်။ဆရာကြီးသည် အစ္စလာမ်ဘာသာဝင် တစ်ဦးဖြစ်သော်လည်း မြန်မာမှု ဓလေ့ထုံးစံ၊ မြန် မာစာပေတို့အပေါ်၌ လေးစားမြတ်နိုးသူဖြစ် ပါသည်။ မန္တလေးဗဟိုအမျိုးသားအထက် တန်းကျောင်းတွင် နှစ်ပေါင်းများစွာ ကျောင်း အုပ်ဆရာကြီးအဖြစ်အမှုထမ်းခဲ့သည့်နည်း တူအထက် မြန်မာနိုင်ငံလုံးဆိုင်ရာ ဖဆပလ အဖွဲ့ဥက္ကဋ္ဌတာဝန်ကိုလည်း ယူခဲ့ဖူးပါသည်။ဗိုလ်ချုပ်နှင့်အတူလုပ်ကြံခံခဲ့ရစဉ်က ပညာ ရေးနှင့်အမျိုးသားစီမံကိန်းဌာန၀န်ကြီးအဖြစ် တာဝန်ယူနေဆဲ ဖြစ်ပါသည်။

    ဆရာကြီးကို အာဇာနည်ခေါင်းဆောင် ကြီးတစ်ဦးအဖြစ်သိရှိကြသော်လည်း အမည်မဖေါ်လိုသူ စာရေးဆရာကြီးတစ်ဦးအဖြစ်မူ လူသိနည်းပါးလှပါသည်။

    စာပေ၀ါသနာ
    ဆရာကြီးဦးရာဇတ်ကို ၂၀ ဇန် န၀ါရီ ၁၈၉၈ တွင် မိတ္ထီလာမြို့၌ ဖွားမြင်ခဲ့သည်။ မိဘများမှာ အငြိမ်းစားအင်စပက်တော် မစ္စတာအေရာမန်နှင့်ဒေါ်ငြိမ်းလှတို့ဖြစ်ကြ ပါသည်။မန္တလေးဝက်စလီယောက်ျား ကလေးကျောင်းမှ ဆယ်တန်းကိုပါဠိ၊ အင်္ဂ လိပ် ဘာသာဂုဏ်ထူးတို့ဖြင့် အောင်မြင်ခဲ့ပြီး နောက်ရန်ကုန်ကောလိပ်သို့ရောက် ခဲ့သည်။ ရန်ကုန်ကောလိပ်၌အင်္ဂလိပ် စာစီစာကုံးပြိုင် ပွဲတွင်ပထမရ၍ဘိုင်မြား ရွှေတံဆိပ်ဆုရရှိခဲ့ ပါသည်။ဆရာကြီးမှာ အင်္ဂလိပ်စာအရေး အသားကောင်းလွန်းလှသဖြင့် အင်္ဂလိပ် စာတိုစာများရေးသားရန် လိုအပ်တိုင်းသူ့ ထံသို့်အပူကပ်လေ့ရှိခဲ့ကြသည်။

    ဆရာကြီးသည် ကောလိပ်ကျောင်း သားဘ၀၌ပင် အိန္ဒိယနယူးတိုင်းမဂ္ဂဇင်းသို့ ရှမ်းပြည်နယ် ၃၆ ကောင်ထီအကြောင်း အင်္ဂလိပ်ဘာသာဆောင်းပါးရှည်ကြီးကို ရေး သားပေးပို့ခဲ့သည်။ ဆောင်းပါးတွင် ကြေး စန္ဒီနတ်ရုပ်နှင့်တကွအတိတ်ပေးပုံ၊ ပေါက် ကောင်၊ ကိုယ်စားလှယ်ကောင် စသည်တို့အကြောင်းကိုစိတ်ဝင်စားဖွယ် အသေးစိတ်ဖော် ပြရေးသားထားရာ မဂ္ဂဇင်းတိုက်၏ ဆုချီးမြှင့် ခြင်းကိုပင်ခံခဲ့ရပါသည်။

    အမျိုးသားကျောင်းအုပ်ကြီးဘ၀
    ဆရာကြီးဦးရာဇတ်သည် ၁၉၂၀ ပြည့် နှစ်တက္ကသိုလ်ကျောင်းသားသပိတ်တွင်ပါဝင် ခဲ့ပြီး ၁၉၂၁ ခုနှစ်၌ မန္တလေးဗဟိုအမျိုးသား အထက်တန်းကျောင်းကြီးကို ဦးစီးဖွင့်လှစ်ခဲ့ သည်။ ကိုယ်တိုင်လည်းထိုကျောင်း၌အထက် တန်းပြဆရာဝင်လုပ်ခဲ့၏။ ၁၉၂၂ ခုနှစ်တွင် ဘီအေဘွဲ့ရရှိသောအခါ ကျောင်းအုပ်အဖြစ် တာဝန်ယူခဲ့ပြီးအမျိုးသားကျောင်း၌ ကျောင်း အုပ်အဖြစ်တာဝန်ထမ်းဆောင်ခဲ့သည်မှာ ၁၉၄၁ ခုနှစ်အထိဖြစ်ပါသည်။

    ဆရာကြီးသည်အမျိုးသားကျောင်းအုပ်အ ဖြစ်အမှုထမ်းစဉ်အတွင်းကျောင်းပိတ်ရက်များ ၌မန္တလေးနန်းရှေ့တိုက်တော်ကျောင်းတိုက်၊ ခင်မကန်တိုက်၊ အတုမရှိတိုက်စသည့် ဘုန်း တော်ကြီးကျောင်းတိုက်များသို့ သွားရောက် ကာတိုက်အုပ်၊ တိုက်ကြပ်ဆရာတော်တို့ထံ ပါဠိစာပေများဆည်းပူးလေ့လာလေ့ရှိခဲ့၏။ မောရစ်ကောလစ်၏ စာအုပ်
    မောရစ်ကောလစ် (Maurice Collis) ရေး သားသည့် Trails in Burma(Myanmar) စာအုပ်ကို ဦးစွာဘာသာပြန်ဆိုခဲ့သူမှာ ဆရာ ကြီးဦးရာဇတ်ဖြစ်သည်။ဆရာကြီးက အခန်း တစ်ခန်းဘာသာပြန်ဆိုပြီးသောအခါမှသာ တပည့်ရင်းဖြစ်သူမအမာ(နောင်စာရေးဆရာမ ကြီးလူထုဒေါ်အမာ) အားတစ်အုပ်လုံးဆက် လက်ဘာသာပြန်ဆိုစေခဲ့ခြင်း ဖြစ်ပါသည်။

    ဆရာကြီးသည် တစ်နေ့ညနေတွင် စာအုပ်တစ်အုပ်ကိုဘယ်လက် ညှိုးခံပိတ်၍ ကိုင်ထားပြီး ညာလက်ကြား၌ ဆေးပေါ့လိပ် ကြားညှပ်ကာတပည့်မအမာ၏ အိမ်သို့ ရောက်လာ ခဲ့သည်။ ဆရာကြီးကစာအုပ်ကို ပေးလျက် မန္တလေးသူရိယသတင်းစာတွင် အမည်မခံ ဘဲ အခန်းတစ်ခန်းဘာသာပြန်ပြီး ဖြစ်ကြောင်း၊ အကယ်၍ မအမာနှစ်သက် လျှင်နာမည်ခံပြီး ဆက်လက် ဘာသာပြန် ရေးစေလိုကြောင်း ပြောကြားခဲ့သည်။ သို့ ဖြင့် မအမာ (နောင်စာရေးဆရာမကြီးလူထု ဒေါ်အမာ)က ဆက်လက် ဘာသာ ပြန်ကာ စာအုပ်အဖြစ်ရေးသားထုတ်ဝေခဲ့ပါသည်။

    ရွှေနန်းတွင်းအရေးတော်ပုံ
    ရွှေနန်းတွင်းအရေးတော်ပုံအမည်ရှိ စာအုပ်ကို မန္တလေးသူရိယသတင်းစာတိုက် က   ” ရွှေနန်းတွင်းအတ္ထုပ္ပတ္တိခေါ်လက်ထက် တော်တွင်းအဖြစ် အပျက်စာတမ်း” အမည် ဖြင့် ပထမဆုံးအကြိမ်ပုံနှိပ်ထုတ်ဝေခဲ့သည်။ ထိုစဉ်ကစာရေးသူ၏ အမည်ကို လုံးဝဖော်ပြ ခဲ့ခြင်းမရှိပေ။ ယင်းစာအုပ်ကိုပင် ၁၉၅၉ ခု နှစ် မန္တလေးနှစ်တစ်ရာပြည့်အထိမ်းအမှတ် အဖြစ်ထပ်မံထုတ်ဝေပါသည်။ ယခုအခါ တတိယအကြိမ် ပုံနှိပ်ထုတ်ဝေပြီးဖြစ် သည်။

    မင်္ဂလာရတုပိုဒ်စုံ
    ဆရာကြီးဦးရာဇတ်သည် မင်္ဂလာရ တုပိုဒ်စုံတစ်ပုဒ်ကိုလည်းရေးဖွဲ့ခဲ့ဖူးပါသည်။ ယင်းရတုလင်္ကာမှာအောက်ပါအတိုင်းဖြစ်သည်။

    ငယ်ပေါင်းချစ်ဆွေ၊ မန်းရိပ်မြေက၊ စေ့ရေတွေးဆ၊ ချီအချဖြင့်၊ ညီမျှစေမှု၊ စုံရတုဖြင့်၊ ယခုရေးစီ၊ စာပလီကို၊ နာရီ ဖင့်လျား၊ ခွင့်မအားလည်း၊ ရင်ခြားတွေ့မူ၊ စာပေးသူ အား၊ ရေးယူကြောင်းတိတ်၊ ချစ် ကြည်စိတ်ဖြင့်၊ တဆိတ်လောက်ပင်၊ ရှုစေ ချင်သည်၊ ထိုစဉ်ငယ်သော်၊ သက်ဆယ် ကျော်က၊ နှစ်ဖော်တူကွ၊ မေတ္တာမျှ၍၊ ဒေ သကွာဝေး၊ ရှိလေသေးလည်း၊ အေးလျှင်အ တူ၊ ပူလျှင်မကွဲ၊ ရှိစမြဲဟု၊ ၀မ်းထဲပိုက်ခါ၊ ထင်မိပါ၏၊ ခုမှာတစ်ကြောင်း၊ တစ်ဇာတ် ပြောင်း၍၊ ငယ်ပေါင်းမျိုးမြတ်၊ ခင်မောင် လတ်၏၊ စုတ်သပ်ချင်ဖွယ်၊ ချစ်ကြိုးနွယ် သည်၊ ပျက်ပြယ်ထင်ရပြန်တော့သည်။

    သွယ်ပြောင်းလှစ်ချွေ၊ မှာလိုက်ပေ၏၊ ဂုဏ်ရေမကွာ၊ ထိုစဉ်ခါက၊ စာလာစာပြန်၊ စေတမန်သည်၊ ဖန်ဖန်သွယ်ဆက်၊ ရှိပါ လျက်နှင့်၊ ဖြစ်ပျက်ရပုံ၊ ကြောင်း ဥဿုံကို၊ စေ့ငုံသေချာ၊ မသိပါငဲ့၊ ထင်ရာထင်ရှား၊ ကြံ စဉ်းစားသော်၊ ရပ်ခြားနယ်ဝေး၊ မြို့မကွေး က၊ စာပေးလေတိုင်း၊ ရေလှိုင်းမြစ်ကြော၊ ၀ဲသြဃစုတ်၊ နစ်ခါမြုပ်၍၊ ငုတ်လေသလော၊ ကြံစိတ်စောလျက်၊ တွေးတောစဉ်တွင်၊ယခင် မိတ်ဦး၊ သူတထူး၏၊ အိမ်မှူးထံမှောက်၊ ဖို့ရောက်အလာ၊ လတ်၏ စာကို၊ သေချာ သိမှ၊ သတိရ၍၊ ဖြစ်ရလေကွယ်၊ ငြိုးစိတ် ငယ်သည်၊ ရှက်ဖွယ်မြင်ရပြန်တော့သည်။

    ဘယ်ကြောင်းဖြစ်ထွေ၊ မြင်ရ ချေ၏၊ ရွှေငွေစုပေါင်း၊ ရေနံချောင်းဟု၊ မြစ်ကြောင်း မို့မို့၊ မှိုင်းရည်မို့တဲ့၊ မြို့နဂရာတွင်၊ သပြာ စန်းငွေ၊ သန်းကုဋေဖြိုး၊ မှန်းခြေတိုး၍၊ အကျိုးခွင့်ပေး၊ တွင်းသူဌေး၏၊ ရင်သွေး ပိုက်ဖျား၊ပျိုနုထွားနှင့်၊စုလျားပတ်ရစ်၊ လွန် ပေါင်းကျစ်၍၊ အချစ်ဓာတ်ငွေ့၊ သူ့ရင်ငွေ့ ကြောင့်၊မေ့လေသလား၊စဉ်းစားတတ်ပေါင်၊ သို့ မောင်မောင်သည်၊ ယခေါင်ပြဇတေ့၊ စိတ်မှရွေ့လျက်၊ လိပ်မေ့ဖွတ်မေ့၊ ပတတ်မေ့ နှင့်၊မေ့အမျိုးမျိုး၊မေ့ပင်ပျိုးလည်း၊ မညှိုး မေတ္တာ၊ ရှိလျက်ပါဟု၊ ထက်ညာမန်းပျော်၊ အဆွေတော်က၊ထုတ်ဖော်ရှုဖွယ်၊ စီကုံးချယ် သည်၊ ဆက်သွယ်ခင်ရပြန်တော့သည်။

    အင်္ဂလိပ်ဆောင်းပါး
    ဆရာကြီးဦးရာဇတ်သည် မြန်မာဘာ သာ ပျို့၊ ကဗျာ၊ လင်္ကာစာပေများသာမက အင်္ဂလိပ်ဘာသာတွင်လည်း ကျွမ်းကျင်လှ သဖြင့် မျက်နှာဖြူမင်းကြီး မစ္စတာရှားမင်းက ပုလိပ်အဖွဲ့(ယခုခေတ်အခေါ်ရဲတပ်ဖွဲ့) တွင် ၀င်ရောက်အမှုထမ်းရန် ဖိတ် ခေါ်ခဲ့သည်။ အင်စပက်တော်ရာထူးတိုက်ရိုက်ခန့်အပ်မည် ဆိုခြင်းကိုပင် ငြင်းပယ်ခဲ့ပါသည်။ ဆရာကြီး ဦးရာဇတ်သည် ၁၉၄၆ခုနှစ်တွင် (နေပြည် တော်)ပျဉ်းမနားမြို့၌ ကျင်းပခဲ့သော မြန်မာနိုင်ငံလုံးဆိုင်ရာဗမာမွတ်စလင်အမျိုး သားများကွန်ဂရက်အပြီးတွင်The Cry ဂျာ နယ်၌ The Burman (Myanmar)Muslim Organization ( on account of the Formation of all Burma(Myanmar) , Burmese (Myanmar ) Muslim Congress at Pyinmana) By A. Gßazak,B.A) ဟူ၍ အင်္ဂလိပ်ဘာသာဆောင်းပါးရှည်ကြီးကို ရေး သားခဲ့သည်။

    ကျမ်းကိုး
    ၁။ ကိုလိုနီခေတ်မြန်မာ့သမိုင်းအဘိဓာန် (မြဟန်)
    ၂။ စာရေးဆရာအမည်မခံသောစာဆိုရှင် ဦးရာဇတ် (ကျော်ဝင်းမောင်)ရတနာသစ်၊ အမှတ် (၂၂) ၁၉၉၆
    ၃။ မြန်မာ့စွယ်စုံကျမ်း အတွဲ-၁၁

  • တတိယအကြိမ် မွတ်စ်လင်မ်နှင့် ဂျူး နှစ်ပတ်လည် ညီလာခံကျင်းပ

    တတိယအကြိမ် မွတ်စ်လင်မ်နှင့် ဂျူး နှစ်ပတ်လည် ညီလာခံကျင်းပ

    MCJ Third Annual 2012

    တတိယ အကြိမ်မြောက် ဂျူး၊ မွတ်စ်လင်မ် နှစ်ပတ်လည်ညီလာခံ ကို လူပေါင်း ၁၀၀ကျော်ပါဝင်သော မွတ်စ်လင်မ်နှင့် ဂျူး လူငယ်ခေါင်းဆောင်များက ဆလိုဗက်ကီးယားနိုင်ငံ(Slovakia )၏ မြို့တော် ဘရက်တစ်လာဗာ(Bratislava) တွင် ၂၀၁၂ခုနှစ် ဇူလိုင်လ ၈ရက်နေ့မှ ၁၅ရက်နေ့အထိ ကျင်းပပြုလုပ်မည်ဖြစ်သည်။

    ဆော်ဒီအာရေဗျ၊ ပါကစ္စတန်၊ အစ္စရေးလ်၊ ပါလက်စ်တိုင်း၊ လီဗျားနှင့် အမေရိကန်စသော နိုင်ငံပေါင်း ၃၅နိုင်ငံအား ပါဝင်နိုင်ရန်အတွက် ဖိတ်ခေါ်ထားပြီးဖြစ်သည်။

    ယင်းညီလာခံ တက်ရောက်သူများအနေဖြင့် အဓိကထားဖြေရှင်းရမည့် အရေးကိစ္စများဖြစ်သော အစ္စလာမ်ဘာသာဝင်များအား အကြောင်းမဲ့ ကြောက်ရွံ မုန်းတီးခြင်း၊ ဂျူးဘာသာရေးဆိုင်ရာဆန့်ကျင်မှု (anti-Semitism)၊ ဂျူးဘာသာနှင့် အစ္စလာမ်ဘာသာတရားတို့၏ အမျိုးသမီးများ၏ အခန်းကဏ္ဍနှင့်ပတ်သက်ပြီး အထင်အမြင်မှားမှုများ စသည်တို့အပေါ် လူအများ နားလည်မှု ဖွံဖြိုးစေရေးအတွက် ပါဝင်ဆွေးနွေးအဖြေရှာ ဆောင်ရွက်သွားမည်ဖြစ်သည်။

    ညီလာခံ၏ အဓိကအချက်ကြီး ခြောက်ရပ်မှာ အောက်ပါ အတိုင်းဖြစ်သည်။

    1. အမျိုးသမီးများနှင့် ဘာသာရေးဆိုင်ရာ အချက်အလက်များ
    2. နိုင်ငံသားဖြစ်မှုအပေါ် သစ္စာစောင့်သိခြင်း ဆိုင်ရာအခြေအနေများ
    3. လူမျိုးစုအတွက် အကျိုးပြုသော အပြန်အလှန်ဆွေးနွေးဆောင်ရွက်ရန်များ
    4. မွတ်စ်လင်မ် ဂျုး သမိုင်းကြောင်းဆိုင်ရာ အပြုသဘောဆောင်သောအချက်အလက်များ
    5. အစ္စလာမ်ဘာသာဝင်များအား အကြောင်းမဲ့ ကြောက်ရွံ မုန်းတီးရေးနှင့် ဂျူးဘာသာဝင်များအား ဆန့်ကျင်ရေးဆိုင်ရာ အကြောင်းတရားများ
    6. မွတ်စ်လင်မ် ဂျုးဘာသာဝင်များအကြား လူမှုရေးနှင့် စီးပွားရေးဆိုင်ရာ ပူးပေါင်းဆောင်ရွက်ရန်

    MJC တွင် တက်ရောက်သူများမှာ အသက်မွေးဝမ်းကျောင်းပညာ၊ လူမှုရေးနှင့် နိုင်ငံရေးစသည့် နယ်ပယ် အသီးသီးမှ ကျောင်းသားများနှင့် လူငယ်ပညာရှင်များဖြစ်ကြသည်။ တက်ရောက်သူများအနက်မှ လူငယ် စီးပွားရေးသမား တစ်စုမှာမူ မတူညီသော ဘာသာဝင်များ၏ ဓလေ့များဆိုင်ရာ အနုပညာ ပြပွဲတစ်ခု ကျင်းပနိုင်ရေးအလို့ငှာ စီးပွားရေးနှင့် အနုပညာသဘင်သည်များနှင့် အကျိုးတူ ပူပေါင်း ဆောင်ရွက်သွားမည်ဖြစ်သည်။

    MJC ညီလာခံသို့ အမေရိကန်ပြည်ထောင်စု၏ သမ္မတဟောင်း Bill Clinton က “လူမျိုးစုနှင့် ဘာသာရေးအကြား သဘောထားကွဲလွဲမှုအား ခိုင်မာသော ငြိမ်းချမ်းမှုရရှိရေးကို သမ္မတတာဝန် ထမ်းဆောင်ခဲ့ရသည့် သက်တမ်းတစ်လျှောက်တွင် အဓိကထား ဆောင်ရွက်ခဲ့ရကြောင်း။ ၄င်းဆောင်ရွက်မှုက အနာဂတ်မျိုးဆက်သစ်များအတွက် လူမျိုးစုနှင့် ဘာသာရေးအကြား မကြာခဏ ကြုံတွေ့ရသည့် အတားအဆီးများကို ကျိုးပျက်စေခဲ့ကြောင်း” သဝန်လွှာရေးသားပေးပို့သည်ကို လူငယ်ခေါင်းဆောင်များအနေဖြင့် ရရှိခဲ့ကြသည်။

    လွန်ခဲ့သည့် ၃နှစ်က စတင်တည်ထောင်ခဲ့သော ဩစတြီးယားအခြေစိုက် non-Profit အဖွဲ့အစည်း Muslim Jewish Conference ကို အီလီယာ့ ဆီကော့်ဗ်စကီ (Ilya Sichrovsky)ကဦးဆောင်တည်ထောင်ခဲ့ခြင်းဖြစ်ပြီး ၎င်း၏ အားပေးဆောင်ရွက်မှုများကြောင့် အဆိုပါညီလာခံအားဖြင့် လူငယ်ခေါင်းဆောင်များအကြား လူမှုအဖွဲ့အစည်းများ အတူလက်တွဲတည်ထောင်ရေးနှင့် တိုက်ရိုက်ဆက်ဆံပြောဆိုနိုင်သည့် တွေ့ဆုံမှုများ ဖော်ဆောင်နိုင်ခဲ့သည်။

    ဆီကော့်ဗ်စကီသည် ဂျုး-အမေရိကန် ပရဟိတဒါနရှင် Lynn Schusterman ထူထောင်ခဲ့သော ဂျူးလူမျိူး ဆန်းသစ် ပြောင်းလဲသူများ၏ ကမ္ဘာလုံးဆိုင်ရာ ကွန်ယက်ဖြစ်သော ROI Community၏ ညီလာခံတွင် တက်ရောက်ပြီးသည့်နောက် မွတ်စလင်မ်-ဂျုး ညီလာခံအား စတင်ခဲ့ခြင်းဖြစ်သည်။

    ပြင်သစ် မွတ်စလင်မ် ကျောင်းဆရာ အန္နာ မဒ်နန်း (Anna Madnand) ဆိုသူက ကျွန်ုပ်၏ မွတ်စလင်မ် တပည့်တစ်ဦးသည် ဂျူးအားလုံးကို မုန်းတီးကြောင်း ပြောသည်ကို ကြားမိရာ စိတ်မကျေမနပ်ဖြစ်ခဲ့ရပြီးနောက် ဤညီလာခံသို့ တက်ရောက်လာခြင်း ဖြစ်ကြောင်း။ ယင်းကဲ့သို့ဂျူးဘာသာဝင်များအား ဆန့်ကျင်ရေးသည် အစ္စလာမ်ဘာသာဝင်များအားအကြောင်းမဲ့ ကြောက်ရွံ မုန်းတီးရေးကြောင့်ပင် မရှောင်နိုင်မလွှဲနိုင် သိသိသာသာကြီးထွားလာနေပြီး ၎င်းမုန်းတီးမှု၂ခုသည် အချင်းချင်း အပြန်အလှန် ဆက်သွယ်နေသည်ဟု ပြောကြားခဲ့သည်။

    ကုလသမ္မဂ္ဂ ယဉ်ကျေးမှုများ ပူးပေါင်းဆောင်ရွက်ခြင်းအဖွဲ့မှ ညီလာခံကို ကျောထောက်နောက်ခံလုပ်ပေးခဲ့သလို ဘော့စနီးယား-ဟာဇီဂိုးဗီးနား(Bosnia-Herzegovina)၏ နိုင်ငံလုံးဆိုင်ရာ မွတ်ဖ်သီ ဒေါက်တာ မူစတာဖာ ဆီရစ်(Dr. Mustafa Ceric)ကလည်း ပါဝင် ကုညီခဲ့သည်။ ယခုနှစ် ညီလာခံအတွက် သြစတေးလျနိုင်ငံနှင့် စလိုဗက်ကီးယားနိုင်ငံ နိုင်ငံခြားရေးရာ ၀န်ကြီးဌာနများမှ အစိုးရဆိုင်ရာ အထောင်အပံ့ဖြင့်ကူညီပေးသလို မြို့တော် ဘရာတီဆီလဗာမှ လိုအပ်သောပံ့ပိုး ကူညီမှုများ ဆောင်ရွက်ပေးခဲ့သည်။

    ပထမဆုံးအကြိမ် MJC ညီလာခံမှာ ၂၀၁၀၊ သြဂုတ်လ ၁ရက်နေ့မှ ၆ရက်နေ့များတွင် ဩစတြီးယားနိုင်ငံ ဗီယန်နာတက္ကသိုလ်၌ ကျင်းပခဲ့ရာ ကမ္ဘာ့နိုင်ငံ အသီးသီး ဂျူးနှင့် မွတ်စ်လင်မ်ကျောင်းသားပေါင်း ၆၀ကျော်တက်ရောက်ခဲ့ပြီး၊ ဘာသာနှစ်ခုအကြား တူညီသော ပန်းတိုင်များအတွက် ခိုင်မာသော ဆက်နွယ်များနှင့် ပတ်သက်ပြီး နှီးနှောတိုင်ပင်ခဲ့ကြသည်။

    ဒုတိယအကြိမ်မြောက် နှစ်ပတ်လည် MJC ညီလာခံကို ယူကရိန်းနိုင်ငံ ကိဗ်မြိ်ု့တွင် လွန်ခဲ့သည့် ၂၀၁၁ခုနှစ် ဇူလိုင် ၃ရက်နေ့မှ ၈ရက်နေ့များတွင် ပြုလုပ်ခဲ့သည်။

    MJC Website >> http://www.mjconference.de/
    Translated by မောင်ကိုကို
    Translated from http://en.islamtoday.net/artshow-235-4489.htm

  • ဂျာမနီတွင် ဘာသာထုံးတမ်း ဓလေ့များအား ဥပဒေဖြင့် ကာကွယ်ပေးရန်ရှိ

    ဂျာမနီတွင် ဘာသာထုံးတမ်း ဓလေ့များအား ဥပဒေဖြင့် ကာကွယ်ပေးရန်ရှိ

    ဂျာမန်နီအစိုးရမှ မွတ်စလင်နှင့် ဂျူးများ ဘာသာထုံးတမ်းအရပြုလုပ်သော “အရေပြားလှီး မင်္ဂလာပြုခြင်း”အား လွတ်လပ်စွာ ကျင့်သုံးနိုင်ရန် ဥပဒေဖြင့် ကာကွယ်ပေးသွားမည်ဟု အတည်ပြုပြောကြားလိုက်သည်။

    ဂျာမနီအကြီးအကဲ အိန်ဂျလာမာကယ်၏ ပြောရေးဆိုခွင့်ရှိသူ စတီဖင်စီးဘက်က “အစိုးရအဖွဲ့အတွင်း အားလုံး၏ လုံးဝရှင်းလင်းသော အမြင်မှာ ဂျာမနီ၌ မွတ်စလင်နှင့် ဂျူးလူမှုဘဝ (ယဉ်ကျေးမှု)ကို အလိုရှိသည်”ဟု ပြောကြားသည်။ “တာဝန်ရှိစွာ (စည်းစနစ်တကျ)ပြုလုပ်သော အရေပြားလှီး မင်္ဂလာအား အရေးယူခြင်းတစ်စုံတစ်ရာမရှိ ခွင့်ပြုသွားမည်ဆို၏။

    သူက ဆက်လက်ပြောကြားရာတွင် “ဥပဒေဖြင့်ကာကွယ်ပေးရန် အစိုးရမှ ချက်ချင်းလက်ငင်း လေ့လာနေကြောင်း” သိရသည်။ ဘာသာထုံးတမ်းဓလေ့များအား လွတ်လပ်စွာကျင့်သုံးနိုင်ဥပဒေမှာ မြတ်နိုးတန်ဖိုးထားဖွယ် (cherished legal principle)ဟု ထပ်လောင်းပြောကြားသွားသည်။

     

    မောင်လှငွေ

    ကိုးကား

    http://online.wsj.com/article/SB10001424052702303644004577525183797087496.html

    http://www.bbc.co.uk/news/world-europe-18833145