ဘန်ကောက်ပို့စ်
အယ်ဒီတိုရီရယ်
ဇူလိုင်လ ၂၀ ရက်၊ ၂၀၁၂
Source: http://www.bangkokpost.com/opinion/opinion/303354/only-solution-unacceptable
နောက်ဆုံးမှာတော့ မြန်မာသမ္မတသိန်းစိန်က သူ့ရဲ့ပထမဆုံး ထိုင်းနိုင်ငံခရီးစဉ်အတွက် ရက်စွဲသတ်မှတ်လိုက်ပါပြီ။ တနင်္ဂနွေနေ့မှာဆိုက်ရောက်လာပြီး သုံးရက်ကြာနေထိုင်မယ့် ထိုင်းနိုင်ငံအနောက်ဘက်က အိမ်နီးချင်းနိုင်ငံရဲ့ခေါင်းဆောင်ကို ထိုင်းနိုင်ငံက ကြိုဆိုပါလိမ့်မယ်။
ဒါပေမယ့် (ဦး)သိန်းစိန်ရဲ့ ဒီအလည်အပတ်ခရီးစဉ် အကြိုကိစ္စတွေကတော့ ရှုပ်ထွေးပွေလီနေခဲ့တယ်လို့ အနည်းဆုံး ပြောနိုင်တာပါပဲ။ သူ့အနေနဲ့ ဒီကိုလာဖို့ နှစ်ကြိမ်ပြင်ဆင်ခဲ့ပေမယ့် အဲဒီနှစ်ကြိမ်လုံး ဒီကို ရောက်မလာခဲ့ပါ။
ခရီးစဉ်နှောင့်နှေးနေရခြင်းကတော့ စိတ်ဝင်စားစရာပါ။ ပိုပြီး စိတ်ဝင်စားဖို့ကောင်းလာစေတာက နှစ်နိုင်ငံလုံးက ဒီနှောင့်နှေးကြန့်ကြာနေမှုမှာ ကိစ္စတစ်စုံတစ်ရာ မှားယွင်းနေလို့ မဟုတ်ဘူးဆိုတာမျိုး ဖြစ်ပေါ်လာဖို့ ဖုန်းဖုန်းဖိဖိကြိုးပမ်း အားထုတ်နေကြလို့ပါ။ (ဦး)သိန်းစိန်ရဲ့ခရီးစဉ်နှောင့်နှေးနေရခြင်းမှာ ရှင်းလင်းတဲ့ အကြောင်းပြချက်တစ်ရှိပါတယ်။ (မြန်မာ) အရာရှိ အရာခံများအကြား လျှို့ဝှက်ချက်ကတော့ ကျော်ကြားတဲ့အတိုက်အခံခေါင်းဆောင် အောင်ဆန်းစုကြည်ကို (ထိုင်းနိုင်ငံက) နွေးထွေးစွာ ကြိုဆိုခဲ့ကြတော့ တင်းမာတဲ့ အကြောင်းပြချက်တွေ (သူတို့အကြားမှာတင်) ဖြစ်နေခဲ့ခြင်းပါပဲ။
အတိတ်က ဘယ်လိုရှိခဲ့ပါစေ၊ လွန်ခဲ့တဲ့ ရှစ်လအတွင်း အထင်ကြီးစရာတိုးတက်ပြောင်းလဲဆောင်ရွက်ချက် များကို ပြုလုပ်ခဲ့တဲ့ အစိုးရခေါင်းဆောင် (ဦး)သိန်းစိန်ကတော့ ထိုင်းနိုင်ငံကို လာရောက်ပါတော့မယ်။ ကမ္ဘာ့အကြီးဆုံးကုမ္ပဏီကြီးတွေက ရင်းနှီးမြှုပ်နှံဖို့ရာ တန်းစီနေကြပါပြီ။ ပြီးခဲ့တဲ့တပတ်က ဂျင်နရယ် အီလက်ထရစ်ကုမ္ပဏီက မြန်မာပြည်ကို အိတ်စ်ရေး(X ray) စက်ကြီးတွေရောင်းချလိုက်ခြင်းဖြင့် အမေရိကန်-မြန်မာ စီးပွားရေးပူးပေါင်းဆောင်ရွက်မှုကို ပြန်လည်ဖွင့်လှစ်လိုက်ပါပြီ။
ဒါပေမယ့်လည်း ၄၈ နှစ်တာပတ်လုံး ရက်စက်ကြမ်းကြုတ်တဲ့ စစ်အာဏာရှင်အစိုးရကြောင့် နောက်ကျကျန်နေရတဲ့အဖြစ်ကို အမီလိုက်နိုင်ဖို့ကတော့ နိုင်ငံခေါင်းဆောင်တွေအနေနဲ့ ခရီးလမ်းရှည်ကြီးကို လျောက်လှမ်းရပါဦးမယ်။ မကြာသေးမီက မြန်မာပြည်အနောက်ပိုင်းမှာဖြစ်ပျက်ခဲ့တဲ့ လူမျိုးစုပဋိပက္ခကတော့ ပြည်ထောင်စုကြီးရဲ့ အခြေခံကျတဲ့ မျက်နှာစာကို လွှင့်ပစ်လိုက်သလို ဖြစ်သွားခဲ့ပါတယ်။ သမ္မတသိန်းစိန်ကတော့ ပြုပြင်ပြောင်းလဲရေးလုပ်ဆောင်နေတဲ့ အစိုးရအဖွဲ့တွင်းမှာ စိတ်ပျက်ဖွယ်အကောင်းဆုံးသော မှတ်ချက်များကို မကြာသေးမီက ရေရွတ်ခဲ့ပါတော့တယ်။
သူက ပြီးခဲ့တဲ့တပတ်လောက်ကပဲ ရခိုင်ပြည်နယ် (ယခင်အာရကန်)မှာ မီလီယံချီရှိနေတဲ့ ရိုဟင်ဂျာများကို ရိုးရှင်းစွာပဲ လက်သင့်မခံနိုင်ပါဘူးလို့ ကုလသမဂ္ဂကို ပြောခဲ့ပါတယ်။ သူတို့ကို (ဒုက္ခသည်)စခန်းတွေမှာထားမယ်၊ ဒါမှမဟုတ် နှစ်ခြိုက်သဘောကျတာကတော့ သူတို့ကို တခြားတနေရာ ပို့ပြစ်လိုက်ဖို့ပါ။ သူတို့က ဗမာလူများစုနဲ့ အမျိုးနွယ်အားဖြင့် ခြားနားပါတယ်။ သူတို့ဘာသာတရားကလည်း မွတ်စလင်မ်ပါ လို့ သူ(ဦးသိန်းစိန်) က ပြောခဲ့ပါတယ်။ ဖြေရှင်းနိုင်တဲ့ တစ်ခုတည်းသောနည်းလမ်းကတော့ ကုလသမဂ္ဂရဲ့ ဒုက္ခသည်များဆိုင်ရာမဟာမင်းကြီးထံ သူတို့ကို လွှဲပြောင်းပေးမယ်၊ ဒါမှမဟုတ် သူတို့ကို ခေါ်ယူလိုတဲ့ တတိယနိုင်ငံတစ်ခုမှာ နေရာချပေးမယ်။ (လို့ ဦးသိန်းစိန်က ပြောခဲ့တာပါ။)
“မြန်မာပြည်က သူ့ရဲ့တိုင်းရင်းသားတွေအတွက်ပဲ တာဝန်ယူပါလိမ့်မယ်။ တိုင်းရင်းသားမဟုတ်ဘဲ ခိုးဝင်လာတဲ့ ရိုဟင်ဂျာများကို လက်ခံရန် မည်သို့မျှ မဖြစ်နိုင်ကြောင်း၊” ဟု ဦးသိန်းစိန်က ပြောခဲ့တယ်လို့ သူ့ကိုယ်ပိုင် ၀က်ဘ်ဆိုဒ်မှာဖော်ပြထားပါတယ်။
ဒါတွေကတော့ ခက်ထန်တဲ့စကားလုံးတွေမဟုတ်ပါ၊ လက်ခံနိုင်လောက်ဖွယ်ပါပဲ။ ရိုဟင်ဂျာဆိုတာ စစ်အုပ်စုကပဲ တီထွင်ဖန်တီး မိတ်ဆက်ပေးလိုက်တဲ့ စကားလုံးပါ။ သူတို့ (ရိုဟင်ဂျာ)တွေမှာလည်း အခွင့်အရေးရှိပါတယ်။ သူတို့ထဲမှာ တကြိမ်တခါကတော့ မြန်မာပြည်ထဲ ပြောင်းဝင်လာကြသူတွေ ရှိနိုင်ပါတယ်။ ဒါပေမယ့် အများစုကတော့ တိုင်းပြည် အနောက်ဘက်ပိုင်းမှာ မွေးဖွားခဲ့ကြသူတွေပါ။ ဦးသိန်းစိန်က သူတို့ကို အနှောက်အယှက်ပေးသူတွေလို့ စဉ်းစားနိုင်ပါတယ်။ ဒါပေမယ့် မြန်မာအတွက် အဖြေကတော့ သူတို့ရဲ့ အခြေအနေကို သူတို့ကိုယ်တိုင် လိုက်လျောညီထွေအောင် (လုပ်ယူသွားဖို့ပါ။)
ဦးသိန်းစိန်ရဲ့ အလည်အပတ်ခရီးစဉ်မှာ ဒီရိုဟင်ဂျာပြဿနာကို တင်ပြပြောဆိုသင့်ပါတယ်။ ထိုင်းနဲ့ အခြားအိမ်နီးချင်းနိုင်ငံများအားလုံးကတော့ ဒီလူမျိုးစုရဲ့ ၀မ်းနည်း ပက်လက်ဖြစ်နေရပုံကို သတိထားမိပါတယ်။ ရိုဟင်ဂျာအများစုက မြန်မာပြည်က သူတို့နေအိမ်ဌာနကို စွန့်လွှတ်ထွက်ပြေးခဲ့ကြပြီး ထိုင်းနိုင်ငံကိုတော့ အခြားတစ်နိုင်ငံကို မကူးနိုင်မီ ကြားခံအဖြစ်အသုံးချကြပါတယ်။ သူတို့ကို ထိုင်းကလည်း ကြိုဆိုမနေပါ။ ကျွန်တော်တို့ (ထိုင်း) တာဝန်ခံတွေအတွက်တော့ ရံဖန်ရံခါ အရှက်ရစရာမျိုးပါပဲ။ ဒါပေမယ့် ဒီပြဿနာအရင်း အမြစ်ကတော့ မြန်မာပြည်မှာ မှီတွယ်နေတာပါ။
မြန်မာသမ္မတရဲ့ ထိတ်လန့်တုန်လှုပ်စရာဖွယ် မှတ်ချက်ကတော့ မြန်မာနိုင်ငံက စစ်တပ်ရဲ့ သေနတ်ပြောင်းဝ မှာ ကမ္ဘာလောကနဲ့ နှစ်ပေါင်းများစွာ အဆက်ပြတ် အထီးကျန်နေခဲ့ရတာကြောင့် အခုလို ပြောမိတာဖြစ်မယ်လို့ ဆင်ခြေပေးနိုင်ပါတယ်။ ဒါပေမယ့် ဦးသိန်းစိန်ကိုတော့ ကိုယ်ချင်းစာတရား ထားရှိလိမ့်မယ်ဆိုတဲ့ အထင်အမြင်မျိုး နဲ့ မှားမှားယွင်းယွင်း ယိုးစွပ်မှုတွေ မပြုလုပ်ရပါဘူး။ သူကလည်း သူကိုယ်ပိုင်ပြဿနာကို မြန်မာပြည်သူတွေနဲ့အတူ အဖြေရှာနေတာကြောင့် (သူ့ကို ယိုးစွပ်မှုတွေမလုပ်ပဲ သူ့ဟာသူဖြေရှင်းပါစေလေ။) သူရဲ့စကားလုံးတွေက သဘောတူနိုင်ဖွယ်မရှိဘူးဆိုရင်တော့ အဲဒီစကားတွေ အင်အားထွားလာဖို့ ထပ်ပြီးထောက်ပံ့မယ်ဆိုရင် လက်ခံနိုင်စရာမဟုတ်တော့ပါ။
မြန်မာပြည်ကတော့ ရှည်လျားပြီး မိုက်မှောက်နေတဲ့ ဆူပူသောင်းကျန်းမှုတွေကနေ လွတ်ထွက်လာနေတာပါ။ သူတို့က ကမ္ဘာသစ်ထဲကို (ယခုပုံစံတွေနဲ့) တော်တော်ကလေး ကွဲပြားခြားနားနေတဲ့ လွန်ခဲ့တဲ့အနှစ် ၅၀ လောက်က စံပုံစံနည်းနာတွေသုံးပြီး ၀င်ရောက်လာနေတာပါ။ ဦးသိန်းစိန်ရဲ့ ရိုဟင်ဂျာနဲ့ပတ်သတ်တဲ့ မှတ်ချက်တွေကတော့ လူမျိုးရေးခွဲခြားမှုပါ။ ရည်ရွယ်ချက်ရှိရှိ ထိခိုက်စေမှုပါ။ ခြိမ်းခြောက်မှုပါ။ သူတို့ (အဲဒီမှတ်ချက်စကားတွေ) ကတော့ စိန်ခေါ်မှုမရှိပဲ ရပ်တန့်ရမှာမဟုတ်ပါ။
