ကိုင်ရို။ ။ကြွယ်ဝသော အစ္စလာမ့်အနုပညာသမိုင်းကို ဂုဏ်ပြုသောအနေဖြင့် အမေရိကန်မွတ်စလင်အနုပညာရှင်များ၏ ဆန်းသစ်သော ခေတ်ပေါ် အနုပညာလက်ရာများကို ပြသသည့် ပြပွဲတစ်ခုကို ကယ်လီဖိုးနီးယားပြည်နယ်၊ စန်တာကလာရာ (Santa Clara) မြို့တွင် ကျင်းပလျက်ရှိသည်။
“ရှေးဟောင်းလက်ရာမျိုးမဟုတ်ဘဲ တမူထူးခြားတဲ့ပုံစံနဲ့ ပြောင်းလဲလာတဲ့ အစ္စလာမ့်အနုပညာပြပွဲတစ်ခုကို ပြသဖို့လိုအပ်တယ်ဆိုတာ ကျွန်မတို့ သိခဲ့ပါတယ်။”ဟု အကျိုးအမြတ်မယူသည့် Islamic Art Exhibit (IAE) ကို တည်ထောင်သူ နဗီလာ ရာဇာ ဆတ်ဂျတ်ဒ် (Nabeela Raza Sajjad) က The Santa Clara Weekly သတင်းစာသို့ ပြောကြားသည်။
မတူညီသော ယဉ်ကျေးမှုများအား ပေါင်းကူးပေးထားသည့် “ကုရ်အာန်၏ ဆန်းကျယ်မှုများ” အမည်ရှိ အနုပညာလက်ရာပြပွဲတစ်ခုကို ဆန်တာကလာရာ စင်တရယ် ပါ့ခ် စာကြည့်တိုက် (Santa Clara Central Park Library) တွင် ဖွင့်လှစ်ခဲ့ပြီး မေလကုန်ပိုင်းအထိ ပြသသွားမည်ဖြစ်သည်။
အဆိုပါပြပွဲတွင် မွတ်စလင်အသိုင်းအ၀ိုင်းမှ အနုပညာရှင်များ ဖန်တီးထားသော အနုပညာလက်ရာ ၅၀-ခန့်ကို စုစည်းပြသထားပြီး ကုရ်အာန်ဆိုင်ရာ အနုပညာကွန်မြူးမှုကို အခြေခံထားခြင်းဖြစ်သည်။
ရာစုနှစ်ပေါင်းများစွာက ထွန်းတောက်ခဲ့သော အစ္စလာမ် အနုပညာဖန်တီးမှုများကို လေးစားအားကျခြင်းမှ ဖြစ်တည်လာသော အဆိုပါပြပွဲသည် ရှေးဟောင်းလက်ရာများမှ ယခုခေတ်သစ်လက်ရာများသို့ ပြောင်းလဲတိုးတက်လာမှုများအား လူအများ သိရှိလာစေရန် ကြိုးစားခြင်းဖြစ်သည်။
အဆိုပါပြပွဲတွင် ပြသထားသော အနုပညာပစ္စည်းများကို ဓာတ်ပုံနည်းပညာ၊ ဒစ်ဂျစ်တယ်နည်းပညာဖြင့် ဆန်းသစ်ထားသည့် collage နည်းပညာ (ဓာတ်ပုံ၊ စက္ကူအပိုင်းအစများ၊ သတင်းစာမှ ညှပ်ယူထားသော စာလုံး၊ ပုံများ စသည်တို့ကို ကော်ဖြင့်ကပ်၍ ဖန်တီးသော အနုပညာလက်ရာ)၊ အခရစ်လစ် စသည့် နည်းပညာအသစ်များကို အသုံးပြု၍ ဖန်တီးထားခြင်းဖြစ်သည်။
“တကယ့်ကို ဂန္တ၀င်နဲ့လက်ရာနဲ့၊ ခေတ်ပေါ်လက်ရာ ရောစပ်ထားတဲ့ဖန်တီးမှုတွေပါ။” ဟု အဆိုပါစာကြည့်တိုက်၏ နည်းပညာဆိုင်ရာလက်ထောက် အီဗန် အက်စ (Evan S) က ပြောသည်။
အစ္စလာမ့်ခေတ်ဦး အနုပညာလက်ရာပြပွဲများကို အမေရိကန်နိုင်ငံတ၀ှမ်းတွင် လွန်ခဲ့သော ၂ နှစ်ခန့်က ကျင်းပခဲ့ပြီးဖြစ်သည်။
“တီထွင်မှု ၁၀၀၁” ပြပွဲဟု အမည်တွင်ခဲ့ပြီး နယူးယောက်၊ ကယ်လီဖိုးနီးယားအပါဝင် အမေရိကန်ရှိ ပြည်နယ်များတွင် လှည့်လည်ကျင်းပခဲ့ကာ သိပ္ပံပညာ မတိုးတက်သေးမီကာလက နက္ခတ္တဗေဒ၊ ဂဏန်းသင်္ချာ၊ ဗိသုကာပညာ၊ ဆေးပညာနှင့် အင်ဂျင်နီယာပညာရပ် အစရှိသောနယ်ပယ်များ၌် မွတ်စလင်ပညာရှင်များ၏ စွန့်ဦး တီထွင်ဆန်းသစ်မှုများကို ဖော်ထုတ် ပြသခြင်းဖြစ်သည်။
တရားဝင်ကောက်ယူထားသော မှတ်တမ်းများမရှိသော်လည်း အမေရိကန်နိုင်ငံတ၀ှမ်းတွင် မွတ်စလင်ဦးရေ ၇-သန်းမှ ၈-သန်းအထိရှိမည်ဟု ခန့်မှန်းရသည်။
ဆက်သွယ်ခြင်း။
အဆိုပါပြပွဲတွင် ခင်းကျင်းပြသထားသော အနုပညာလက်ရာများက လာရောက်ကြည့်ရှုသူများကို နှစ်ထောင်းအားရဖြစ်စေခဲ့ပြီး ခေတ်ပေါ်နည်းပညာအသုံးပြု၍ ရေးသားထားသော အာရဗီလက်ရေးအလှများကိုလည်း ချီးကျူးခဲ့ကြသည်။
“အရမ်းကို လှပပြီး ယဉ်ကျေးမှု၊ အနုပညာနဲ့ ဘာသာတရား စတာတွေကို အတူတကွ ပေါင်းစပ်ထားတဲ့လက်ရာတွေပါ။”ဟု Santa Calra တွင်နေထိုင်သူ စအစ်ဒ် ရာဟီမီ (Said Rahimi) ဆိုသည်။
“ငြိမ်းချမ်းမှုကိုပေးတယ်။ စိတ်ကို ကြည်နူးစေတယ်။ ပြီးတော့ ဆွဲဆောင်မှုလည်းရှိတယ်လေ။ သိပ်ကိုလှတဲ့ လက်ရေးလက်သားတွေပါပဲ။” ဟု ရာဟီမီ၏ သမီးဖြစ်သူ ဆိုဖီ က အလားတူပြောဆိုသည်။
အမေရိကန်မွတ်စလင်များနှင့် ၎င်းတို့၏ အနုပညာကြွယ်ဝမှုကို ဆက်စပ်ပေးသော အဆိုပါပြပွဲသည် မွတ်စလင်အနုပညာရှင်များ၏ အနုပညာအရည်အသွေးကို ပတ်ဝန်းကျင်လူ့အဖွဲ့အစည်းသို့ မျှဝေရန် တွန်းအားပေးမှုတစ်ခုအဖြစ် တွေ့မြင်ရမည်ဖြစ်သည်။
“ကျွန်မတို့ ဒီ(ကယ်လီဖိုးနီးယား)မှာ မွတ်စလင်ဦးရေ အများကြီးရှိပြီး ဆန်တာကလာရာ မြို့မှာလည်း ဗလီဝတ်ကျောင်းတော်တွေ ရှိပါတယ်။ ဒီလို အစ္စလာမ့် အနုပညာပြပွဲတွေဟာ မွတ်စလင်ပညာရှင်တွေရဲ့ အနုပညာပါရမီကို အခြားသူတွေကို မျှဝေအသိပေးတဲ့ နေရာတစ်ခုပါပဲ။”ဟု စတ်ဂျတ်ဒ် က ပြောကြားခဲ့သည်။
Source:http://www.onislam.net/english/news/americas/457158-california-showcases-islamic-art-evolution.html
