ပြည်ထောင်စုသမ္မတ မြန်မာနိုင်ငံတော် မြန်မာနိုင်ငံလုံးဆိုင်ရာ မြန်မာမွတ်စလင်မ်လူငယ်များ(ဘာသာရေး)အဖွဲ့ မ.မ.လဌာနချုပ်မှ ကျင်းပသော န၀မအကြိမ်မြောက်စုပေါင်းသွေးလှူဒါန်းပွဲကို ရန်ကုန်ဆေးရုံကြီး သွေးဌာနတွင် ၁၃.၅.၂၀၁၂ တနင်္ဂနွေနေ့  မနက် ၈း၃၀ တွင်ကျင်းပပြုလုပ်ပါသည်။
အဆိုပါသွေးလှူဒါန်းပွဲတွင် မ.မ.လ အဖွဲ့ဝင်များ တပ်မတော်သားများ ၊ သံဃာတော်များနှင့် မွတ်စလင်မ်လူငယ်များ စုစုပေါင်း(၃၀၀)ရာကျော် လာရောက် လှူဒါန်းကြပါသည်။
ဓါတ်ပုံ/သတင်း -အောင်ကျော်ထွေး
နေမျိုး
မွတ်စလင်
မ် မုန်းတီးရေးသမားတွေ လူသိရှင်ကြား နှိမ်ချရေးသားနေတာတွေကို သေချာ လိုက်ဖတ် ကြည့်တော့ နားလည်မှုလွဲနေတာတွေ အများကြီးတွေ့ ရတယ်။ တချို့ က နားမလည်လို့  ကြားဖူးနားဝ နဲ့ အမြင်မှားနေပေမဲ့ တချို့ ကျတော့ လူမျိုးရေး ဘာသာရေးမုန်းတီးအောင် သက်သက်မဲ့ သတင်းမှား တွေနဲ့  မှိုင်းတိုက်နေကြတယ်။ ဒါကြောင့် မမေးလည်းဖြေ ဆိုတဲ့ ခေါင်းစဉ်နဲ့  တခုချင်းစီ ဖြေသွားပါ မယ်။
ပထမဦးဆုံးအနေနဲ့  ခုနကတင် ဖေ့စ်ဘွတ်ခ်မှာ ဖတ်မိတဲ့ ကော်မန့် နဲ့  စချင်ပါတယ်။
ညီမငယ်လေးတစ်ယောက် က “ဟ ချစ်တီးကုလားတွေသွား ကြည့်ပါလား။ ငွေနဲ့ ပေါက်ပြီးသိမ်း သွား မယ်” လို့ ပြောပါတယ်။ မမေးပေမဲ့ဖြေပါမယ်။ ချစ်တီးနဲ့  မွတ်စလင်မ်ရောချတာ လုံးဝ လုံးဝ အဓိပ္ဗါယ် မရှိပါ။ မွတ်စလင်မ်နဲ့  ငွေချေးချစ်တီးဆိုတာ ပြဒါးတစ်လမ်း သံတစ်လမ်းပါပဲ။ ဘာဖြစ်လို့ လဲ?
(၁) မြန်မာတွေကို ကိုလိုနီခေတ်တုန်းက ငွေတိုးချပေးတဲ့ ချစ်တီးတွေက မွတ်စလင်မ်မဟုတ်ပါ။ အိန္ဒိယ တောင်ပိုင်း တမီနာဒူးကလာတဲ့ ဟိန္ဒူ ဇတ်အနွယ်ဝင်တခုကဖြစ်ပါတယ်။ Sean Turnell ရဲ့ Fiery Dragons: Banks, Moneylenders and Microfinance in Burma စာအုပ် အခန်း ၂ မှာဖတ်ပါ။
(၂) အစ္စလာမ်ဘာသာဝင် မွတ်စလင်မ်တွေကို ငွေတိုးမစားဖို့  ကျမ်းစာမှာ အတိအလင်း ပိတ်ပင်ထား တယ်။ ကုရ်အာန်ကျမ်းစာ အပိုဒ် ၂း ၂၇၅ မှာ
“အတိုးအညွန့်စားသူတို့သည် (ရှင်ပြန်ထမည့်နေ့တွင် သင်းချိုင်းတွင်းမှ ထကြသောအ ခါ) ကောင်းမွန် စွာမရပ်နိုင်ကြ ဘဲ ရှိုင်တွာန် [မိစ္ဆာ] ဖမ်းစား၍ အသိဥာဏ်မှောက်မှား ရူးသွပ်တွေဝေေ နသူများကဲ့သို့ သာလျှင် ရပ်ကြကုန်အံ့။ [… ] အမှန်စင်စစ်သော်ကား အလ္လာဟ်အရှင်မြတ်သည် ကုန်စည်ကူး သန်း ရောင်းဝယ်ခြင်းကို ခွင့်ပြုထားတော်မူ၍ အတိုး အညွန့်စားခြင်းကိုမူကား တားမြစ်တော်မူခဲ့လေသည်။ […] သို့ရာတွင် အကြင် သူတို့သည် […] (အတိုးအညွန့် စား ခြင်းကို) ပြုကြပါမူ ထိုသူတို့သည် ငရဲသားများ ပင် ဖြစ်ကြကုန်၏။ ထိုသူတို့ သည် ငရဲမီးတွင် ထာဝစဉ် (ဒုက္ခကြီးစွာ) ခံစား နေထိုင် ကြရမည့်သူများ ဖြစ်ကြကုန်သတည်း။”
ဒီတပိုဒ်နဲ့ တင် မွတ်စလင်မ်နဲ့  ချစ်တီးတွေနဲ့  ဘာမှမဆိုဘူးဆိုတာ ထင်ရှားလောက် ပါပြီ။ ဒါကြောင့် ချစ်တီးအ ကြောင်းတွေးပြီး လက်ရှိ မြန်မာမွတ်စလင်မ်တွေကို မုန်းတီးနေခြင်းက အခြေအမြစ်မရှိ၊ ယုတ္တိမဲ့နေပါတယ်။ (အတိုးနဲ့  ပတ်သက်ပြီး ကုရ်အာန်ကျမ်းစာက ဘာတွေထပ်ပြောထားလဲဆိုတာ သိချင်သမားများအတွက် အဆုံးမှာ ဆက်ဖတ်ပါ)။
ဘာသာတရားတိုင်းမှာ လူဆိုးနဲ့လူကောင်းတွဲပြီး ရှိပါတယ်။ ပြီးတော့ ဘာသာတရားတိုင်းကလည်း ကောင်းတာကို ပဲ သင်ပါတယ်။ လူကောင်းတွေက ကောင်းတာပြော၊ အကောင်းမြင်လို့ ကောင်းတာပဲ လုပ်ကြသလို လူဆိုးတွေက လဲ အဆိုးမြင်စိတ်နဲ့ အခြားဘာသာဝင်တွေကို အဆိုးမြင်လို့ အဆိုးပြော ရင်း အချိန်ကုန်နေလေ့ရှိကြပါတယ်။ တ ကယ်တော့ ကိုယ့်ဘာသာတရားက ယဉ်ကျေး သိမ်မွေ့ အောင်သင်ထားတဲ့ အတိုင်း ဘာသာတရားတိုင်း၊ လူမျိုး တိုင်း၊ တစ်ဦးချင်းစီတိုင်းက ကျင့်ကြံရင် ကမ္ဘာကြီး တကယ်ကို အေးချမ်းနေမှာပါ။
တစ်ခါ…အတိုး ကို ခါးခါးသီးသီး တားမြစ်ပိတ်ပင်ထားတဲ့ သာသနာက အစ္စလာမ်သာသနာပါ။ ကုရ်အာန်ကျမ်းစာ က မနေ့ တနေ့ ကမှ ပေါ်လာတာမဟုတ်ပါဘူး။ လွန်ခဲ့တဲ့ နှစ်ပေါင်း၁၄၀၀ကျော်က တည်းကပါ။ အဲ့ဒီအချိန်တည်း က အတိုးစားခြင်းကို တားမြစ် ပိတ်ပင်ထားပါတယ်။ အတိုး စားတယ် ဆိုပြီး ပြောလို့ ထပ်ပြောရ ရင် အစ္စလာမ်မှာ အတိုးကိုတင် ပြင်းပြင်းထန်ထန် ပိတ်ပင်ထားတာ မဟုတ် ပါဘူး။ ကိုယ့်ဝေစုထဲက အချို့ကိုတောင် မပေးမနေရ ကြည်ကြည်ဖြူဖြူ ပေးလှူဖို့ သင်ထားတဲ့ တစ်ခု တည်းသော သာသနာပါ။ ကိုယ့်ဝေစုထဲကနေ မရှိဆင်းရဲသားတွေ၊ မုဆိုးမတွေ၊ မိဘမဲ့ကလေး သူ ငယ်တွေ၊ သက်ကြီးရွယ်အိုတွေကို မျှဝေ လှူဒါန်းရမတဲ့ဗျာ။ လှူချင်တဲ့ခါလှူ မလှူချင်တဲ့ခါ မလှူပဲနေ လို့ မရပဲ ဇကာတ်လို့ ခေါ်တဲ့ ဒါနကြေးကို ကိုယ့်ပိုင်ဆိုင်မှုရဲ့ အချိုးအစားအတိ အကျ အလိုက် မပေး မနေရ ပေးဖို့ သတ်မှတ်ထားပါတယ်။
ကုရ်အာာန် အပိုဒ် ၉း ၆၀ မှာ ဒီလို မိန့် ထားပါတယ်
“မုချဧကန် ဇကာတ် [တရားဝင်ဒါနကြေး] သည် ဆင်းရဲနွမ်းပါးသူတို့အဖို့ လည်း ကောင်း၊ ပစ္စည်းမဲ့ များအဖို့လည်း ကောင်း၊ ဇကာတ်နှင့်စပ်လျဉ်းသော ကိစ္စအ၀၀ ကို ဆောင်ရွက်သည့် အမှုထမ်းများအ ဖို့လည်းကောင်း၊ အစ္စလာမ် သာသနာတော်၏ တ ရား များကိုနှစ်သက်၍ သာသနာဘောင်တွင် ၀င်လို သူများ၏ စိတ်ကို နှစ်သိမ့်စေ ရန် အလို့ငှာ လည်းကောင်း၊ ကျေးကျွန်များကို ကျွန်ဘ၀မှ လွတ် မြောက်စေရန် လည်း ကောင်း၊ မြီစားများအဖို့ လည်းကောင်း အလ္လာဟ်အရှင်မြတ်၏လမ်းတော်၌ လည်းကောင်း၊(ဒုက္ခရောက်နေသော)ခရီးသည်များအဖို့လည်းကောင်းဖြစ်သည်။ ဤသည် ကား အလ္လာဟ်အရှင်မြတ်အထံတော်မှ ပြဋ္ဌာန်းထားတော်မူသော ပညတ်တော်ဖြစ် သည်။”
အတိုးပေးငွေချေးတဲ့ စနစ်ကြောင့် လူဆင်းရဲတွေ ဒုက္ခရောက်ကြလို့  နိုင်ငံတကာ အသီးသီး ဥပ ဒေတွေထုတ်၊ စည်းကမ်းတွေချ၊ ဒီလိုပဲ ၀င်ငွေပြန်ဖြန့် ဝေဖို့  နိုင်ငံတော်အခွန်ငွေဥပဒေတွေပြဌာန်၊ အခွန်တွေ ကောက်ကြပါ တယ်။ အတိုးမစားဖို့ လိုအပ်တဲ့လူကို ဒါနကြေးမပေးမနေပေးဖို့  လွန်ခဲ့တဲ့ နှစ်ပေါင်း ၁၄၀၀ ကျော်ကတည်းက အစ္စလာမ်က ပြဌာန်းထားပြီးသားပါ။ ဘယ်လောက် လူသားဆန် တဲ့၊ မေတ္တာတရားနဲ့ ဖေးမကူတတ်ဖို့ သင်ထားတဲ့ သာသနာလဲဆိုတာ တွေးဆဆင်ခြင် ကြည့်နိုင်ကြ ပါစေ။
—————————————————————————————————
ကုရ်အာန်ပါ အတိုးကိစ္စ
အလ္လာဟ်အရှင်မြတ်သည် အတိုးအညွန့်ကို ဆုတ်ယုတ်ပျက်စီးစေတော်မူ၍ (ပေး ကမ်း စွန့်ကြဲသုံးစွဲ ကြကုန်သော) အလှူ ဝတ္တုများကိုမူ (ဆထက် ထမ်းပိုး) တိုးပွား စေတော်မူ၏။ မှန်သော်ကား အလ္လာဟအရှင်မြတ်သည် ယုံကြည်ခြင်း သဒ္ဓါတရား ကင်းမဲ့သော ပြစ်မှုဒုစရိုက်များ ကျူးလွန်သော မည်သူတစ်ဦးတစ်ယောက်ကိုမျှ နှစ်သက်တော်မူ သည် မဟုတ်ချေ။ (၂း၂၇၆)
အို-ယုံကြည်သူ အပေါင်းတို့၊ အကယ်၍ အသင်တို့သည် ယုံကြည်သူများဖြစ်ကြပါမူ၊ အလ္လာဟ်အ ရှင်မြတ်ကိုကြောက်ရွံ့လေးစား ရိုသေ ခန့်ညားကြကုန်၊ ၄င်းပြင် ကြွင်း ကျန်လျက်ရှိသော အတိုး အညွန့်များကိုလည်း စွန့်လွှတ်ကြကုန်။ (၂း ၁၇၈)
တဖန် အကယ်၍သာ အသင်တို့သည် [အတိုးအညွန့် မစားရန်အမိန့် ကို မလိုက်နာ] ခဲ့ ကြပါမူ အလ္လာဟ်ရှင်မြတ်နှင့်လည်း ကောင်း၊ ထို အရှင်မြတ်၏ [တမန်တော် မိုဟာ မတ် – Peace Be Upon Him] နှင့်လည်းကောင်း၊ စစ်မက် ပြိုင်ဆိုင်တိုက်ခိုက် ကြ ရန် အဆင်သင့်ရှိကြကုန်။ သို့ရာတွင် အကယ်၍သာ၊ အသင်တို့သည် နောင်တ တရား ရရှိကာ(အတိုးအညွန့် စားသုံးခြင်းကို စွန့်လွှတ်၍ အလ္လာဟ်အရှင်မြတ်ဘက်သို့) ပြန် လှည့်ကြပါလျှင် အသင်တို့ သည် မိမိတို့(ချေးငှားထားသော) ငွေရင်းများကို ပိုင်ဆိုင် ခွင့်ရှိကြကုန်၏။(မတည်ငွေရင်းများထက် ပိုမို၍ အတိုးအညွန့် မယူခြင်း အားဖြင့်) အ သင်တို့သည် (သူတစ်ပါးကို) မတရား ဆုံးရှုံးနစ်နာစေကြမည်လည်းမဟုတ်၊ (မိမိတို့ ၏ မတည်ငွေရင်းများကို ပြန်လည်ရရှိခြင်း အားဖြင့် သူတစ်ပါးတို့၏) မတရားဆုံးရှုံး နစ်နာစေခြင်းကို လည်း ခံကြရမည်မဟုတ်ပေ။ (၂း ၂၇၉)
အို- […] ယုံကြည်ခြင်းသဒ္ဓါတရား ထားရှိသူအပေါင်းတို့။ အသင်တို့သည် ဆထက် တိုးပြီးဖြစ်သော၊ ဆပေါင်းများစွာသော အတိုးအညွန့်ကို မစားကြကုန်လင့်။ (၃း ၁၃၀)
ထို့ပြင်တ၀ ထိုသူတို့၏ အတိုးအညွန့်ကိုယူငင်(စားသုံး)မှုကြောင့်၎င်း၊ အမှန်မှာ ထိုသူ တို့သည် ထို(သို့ အတိုးအညွန့်စား သုံးခြင်း)မှ မြစ်တားခြင်းခံခဲ့ကြရပေပြီ။ သူတစ်ပါး တို့၏ဥစ္စာပစ္စည်းများကို မတ ရားသောနည်းဖြင့် စားသုံးမှုကြောင့်၎င်း၊ (ငါအရှင်မြတ် သည်ထိုသူတို့အဘို့ ကောင်းမွန်သော အရာ များကို မြစ်တားတော်မူ ခဲ့လေသည်၊) ထိုမှတစ်ပါးတုံ ငါအရှင်မြတ်သည် ထိုသူတို့အနက်မှသွေဖည် ငြင်း ပယ်သော သူတို့ အဖို့ အလွန်ပြင်းပြ နာကျင်ဖွယ်ဖြစ်သော ပြစ်ဒဏ်ကိုလည်း အဆင်သင့်ပြုလုပ် ထား ရှိတော်မူပြီး ဖြစ်ပေသတည်း။ (၄း ၁၆၁)
ရည်ညွန်း – ကျမ်းမြတ်ကုရ်အာန် မြန်မာဘာသာပြန်။ [http://www.quraninburmese.com/Books/Holy%20Quran.pdf]
မှတ်ချက် –
(1) အတိုးချုံးဖို့ အတွက် အချို့ စာကြောင်းများကို […] ခံ၍ ချန်ထားသည်။ စာသားအပြောင်းအလဲ ကို [ ] ခံ၍ မြန်မာ စာဖတ်များအတွက် ပြောင်းလဲ (သို့ ) ထပ်ဖြည့်ထားသည်။ ဘာသာပြန်မူရင်းကို အထက်ပါ ရည်ညွန်းတွင်ဖတ်ရန်။
(2) ကုရ်အာန်စာပိုဒ်များရှာပေးသော နိုဗယ်ကို ကျေးဇူးတင်သည်။
(3) ဤဆောင်းပါးသည် စာရေးသူ၏ အမြင်နှင့် အာဘော်သာဖြစ်သည်။
ပြီးခဲ့သော စနေ့နေ့ည က ယှဉ်ပြိုင်ကစားခဲ့သော ပရီးမီးယားလိဂ် နယူးကာဆယ်နှင့် မန်ချက်စတာ စီးတီး ပွဲစဉ်တွေင် မန်ချက်စတာစီးတီး ကွင်းလယ်ကစားသမားသည် ပွဲစဉ်တစ်လျှောက် အကောင်းဆုံးအဖြစ် ရွေးချယ်ခြင်းခံရသည်။
ပရီးမီးယားလိဂ် မွတ်စလင်မ် ဘောလုံးစူပါစတား ယာယာတိုရေးသည် ပွဲစဉ်တစ်လျှောက် အကောင်းဆုံးအဖြစ် ရရှိသော အရက်ပုလင်းဆုကို ငြင်းပယ်ခဲ့သည်။
“မွတ်စလင်တစ်ဦးဖြစ်တဲ့အတွက် ကျွန်တော် အရက်ကို ရှောင်ပါတယ်။”ဟု တိုရေးက ရှင်းပြခဲ့ပါသည်။
အိုင်ဗရီကို့စ်နိုင်ငံသား မွတ်စလင်မ် တစ်ဦးဖြစ်သူ တိုရေးသည် မန်စီးတီးက ၂ဂိုးပြတ်ဖြင့် နယူးကာစတယ်လ်ကို နိုင်သောပွဲတွင် အခြားကစားသမားများထက် အမှတ်နှစ်ဆပြတ်ခဲ့သည်။
သို့သော် တိုရေးသည် ဆုကို မိမိ၏ အသင်းဖော် ဂျိုလိယွန် လိစ်ကော့တ်ကို “မင်းပဲ ယူလိုက်ပါ” ဟုပြောလျက် လွှဲပြောင်းပေးခဲ့သည်။
မန်စီးတီး၏ ထိုနေ့အောင်ပွဲသည် ၄၄နှစ်အတွင်း ပထမဆုံးအကြိမ် ပရီးမီးယားလိဂ်ချန်ပီယံဖြစ်ရန် အိပ်မက်ကို ပိုမို နီးစပ်သွားစေခဲ့သည်။
“အသင်းအနေနဲ့ ဒီနှစ်ရာသီမှာ အနိုင်ရဖို့ အကူအညီ ပေးနိုင်လို့ ကျွန်တော် အရမ်းပျော်ပါတယ်” လို့ အသက်၂၈ နှစ် ရှိ တိုရေးက သူ့ခံစားချက်ကို ရင်ဖွင့်ခဲ့ပါသည်။
“ကျွန်တော့်အနေနဲ့ကတော့ အရေးအကြီးဆုံးက အပြင်းအထန် အားထုတ်ကြိုးစားရင်း ရှေ့ဆက်ဖို့ပါပဲ။ နောက်တစ်ပတ်မှာ အနိုင်ကစားဖို့ ကြိုးစားရပါမယ်။”
အစ္စလာမ်သာသနာသည် မူးယစ်ဆေးဝါးမှန်သမျှကို လေးနက်ပြင်းထန်စွာ တားမြစ်ထားပါသည်။ ထို့ကြောင့် မွတ်စလင်မ်တစ်ဦးသည် အရက်သေစာသောက်စားခြင်း၊ အရက်ယာမကာ ရောင်းချခြင်း လုံးဝမပြုရပေ။
အစ္စလာမ့်တရားတော်အရ မူးယစ်စေသော အဖျော်ယာမကာမှန်သမျှကို ပမာဏနည်းသည်ဖြစ်စေ၊ များသည်ဖြစ်စေ၊ အရက်ဖြစ်စေ၊ ဆေးဝါးများဖြစ်စေ၊ အချည်ကစော်ဖောက်ထားသော စပျစ်ဝိုင်ဖြစ်စေ စသည်တို့အားလုံးကို တားမြစ်ထားပါသည်။
ကမ္ဘာပေါ်တွင် အလားအလာအရှိဆုံး လူငယ်ကစားသမားများအနက် တစ်ဦးအဖြစ် ၂၀၀၅ခုနှစ်တွင် ယူရိုစပို့တ်က ကြေငြာခဲ့သော တိုရေးသည် ယခုအခါ ပရီးမီးယားလိဂ် စူပါစတားများအနက် တစ်ဦးဖြစ်နေပြီ ဖြစ်သည်။
ဘောလုံးအထိန်းအသိမ်းတွင် ပါရမီပါသော တိုရေးသည် အနီးပေး၊ အဝေးပေး နှင့် တိုက်ရိုက် လူပေးကစားခြင်း များတွင်လည်း အလွန်ကောင်းမွန်သည်။
အကျပ်အတည်းအခြေနေများတွင် ဘောလုံးရှေ့ထွက်အောင်လုပ်နိုင်သော သူ၏ တမူမတူ ထူးခြားမှုများကြောင့် ၀မ်းတူးသမားဆိုသည့် နာမည်ပြောင် တွင်ခဲ့ရသည်။
သူသည် ပရီးမယားလိဂ်သို့ မလာခင် စပိန်နာမည်ကျော် ဘာစီလိုနာအသင်းတွင် ကစားခဲ့သည်။
ဘာကာမှာ ရှိစဉ်ကတည်းက သူကိုးကွယ်ရာ ဘာသာတရားနှင့်ပတ်သက်ပြီး လျှို့ဝှက်ဖုန်းကွယ်ခြင်း လုံးဝမရှိခဲ့ပေ။ စစ်မှန်ယုံကြည်သူ မွတ်စလင်မ်တစ်ဦးဖြစ်ခြင်းနှင့် အောင်မြင်ကျော်ကြားသော ဘောလုံးသမားတစ်ဦးဖြစ်ခြင်းတွင် မည့်သည့်ဆန့်ကျင်မှုမျှမရှိဟု သူခံယူထားပေသည်။
Ref: http://www.onislam.net/
ဝါးမပျောင်း၍
ကျွန်တော် တင်ပြတဲ့ စကားကြောင်း (ဆောင်းပါး) အရ- ၀ါး ဆိုတာ ပြည်သူကို ဆိုလိုခြင်း ဖြစ်ပါတယ်။ နှီးကောင်း တစ်မျှင် ဖြစ်စေမယ့် တိုင်းပြည်အတွက် ပြည်သူများရဲ့ ဘ၀ဟာ ၀ါး နဲ့တူပါတယ်။ အကယ်၍ ဓါး (အုပ်ချုပ်သူ) က မကောင်းခဲ့ရင်တောင်- ၀ါးက ပျော့ပျောင်းနေခဲ့ရင် အဲ့ဒီဝါးကို ကြံဖန်ကိုက်ခွာပြီး နှီးချောင်း ပါးပါးလေးများ စိတ်ဖြာလို့ ရနိုင်ကောင်းပါတယ်။- အခုတော့ ၀ါးကလည်း ပျော့ပြောင်းမှု မရှိ- လိမ္မာပါးနပ်မှု အားနည်းလွန်းလှတယ် လို့ ကျွန်တော်မြင်မိပါတယ်။-
ဒီနေရာမှာ လိမ္မာပါးနပ်မှု အားနည်းတဲ့ ပြည်သူဆိုတာ ဘယ်လို အတန်းအစားလည်းလို့ ရှင်းပြဘို့ လိုမယ် ထင်ပါ တယ်။
(၁) ခေတ်နဲ့အညီ မိမိရဲ့ ခေါင်းဆောင်ကို အလိုက်သင့် မပြုပြင်တတ်တဲ့ ပြည်သူများဟာ လိမ္မာပါးနပ်မှု အားနည်း တဲ့ ပြည်သူများ ဖြစ်တယ်လို့ ဆိုရပါမယ်။ ဒီနေရာမှာ ဥပမာ တစ်ခု ပေးလိုတယ်–။ အင်္ဂလန် နိုင်ငံ ဆိုပါတော့ ဘုရင်စနစ်ကြီးနဲ့ အခုအချိန်ထိ တည်ရှိနေတယ် ၊ ဘုရင်စနစ်ဆိုတာ နိုင်ငံတော် အာဏာကို မျိုးစဉ်မျိုးဆက် စံစားအုပ်ချုပ်နေတဲ့ စနစ် ၊ တနည်းအားဖြင့် အလွန်ကြီးမားတဲ့ အာဏာရှင်စနစ်၊ အာဏာကို စွဲမက်သူများ ဖက်တွယ်ထားတဲ့ စနစ်လို့ ဆိုနိုင်တယ်။– အာဏာမက်လွန်းသူက အာဏာရထားတယ်- ဆိုတဲ့ အချိန်မှာ ပြည်သူက အာဏာရှင်ကို ဖြုတ်ချဘို့ မလွယ်ကူဘူး-၊ ဒီအချိန်မှာ အင်္ဂလန်ပြည်သူတွေက လိမ္မာပါးနပ်စွာနဲ့– အရှင်မင်းများပဲ တိုင်းပြည်ကို ဆက်လက်အုပ်ချုပ်ပါ– သို့သော် တိုင်းပြည်ကို ဒီနည်းဒီဟန်လေးနဲ့ အုပ်ချုပ်ပေး ရင် ပိုမိုကောင်းမွန်ပါမယ်- ဆိုတဲ့ တိုင်းပြည်အုပ်ချုပ်မယ့် စည်းမျဉ်းကို ရေးသားတင်ပြလိုက်ကြတယ်။ ဒီတော့ ဘုရင်ဘက်က သူအနေနဲ့ အာဏာက တည်ရှိနေမယ် (ဆင်းပေးစရာ မလိုဘူး)၊ တိုင်းပြည်လည်း တိုးတက် လာနိုင်တယ် ဆိုတဲ့ အချက်ပေါ် မူတည်ပြီး အတည်ပြုပေးလိုက်တယ်– (ဒီ ကြားထဲမှာ အပေးအယူ ဆွေးနွေး မှုတွေ ဖြစ်စဉ် အများကြီး ရှိခဲ့ပါတယ်)၊- ဒါကြောင့် ကမ္ဘာ့ထိပ်သီး နိုင်ငံ တစ်ခုဖြစ်တဲ့ အင်္ဂလန်နိုင်ငံဟာ အခု အချိန်ထိ ဖွဲ့စည်းပုံ ဥပဒေ မရှိဘဲ-၊ အဲ့ဒီ တင်ပြစာတမ်းစည်းကမ်းနဲ့ပဲ ရပ်တည်နေဆဲပါ။ (နှစ်ဦးနှစ်ဘက် အဆင် ပြေတဲ့ နည်းနဲ့ တိုင်းပြည်ကို တိုးတက်အောင် ကြံဆောင်နည်းလို့ ပြောရပါမယ်။)- ဒါကြောင့် မလွန်ဆန်နိုင်တဲ့ အာဏာရှင်အား ဖြေးဖြေးချင်း ကျုံးသွင်းသွားတဲ့နည်းကို မကျင့်သုံးတတ်တဲ့ ပြည်သူများဟာ လိမ္မာပါးနပ်မှု အား နည်းတဲ့ ပြည်သူများလို့ ဆိုသင့်ပါတယ်။
(၂) မြှောက်ပင့်ပေးမှု ၀ါဒ ကို အကျင့်ပါနေတဲ့ ပြည်သူများဟာ လိမ္မာပါးနပ်မှု အားနည်းတဲ့ ပြည်သူများလို့ သုံး သပ်ရပါမယ်။ ဒီဝါဒကို အချို့က သူရဲကောင်း ကိုးကွယ်မှု ၀ါဒလို့ ပြောဆိုပြီး အချို့က သာယာဖင်းဝါဒလို့ ပြောဆို ပါတယ်။ ဒီဝါဒမျိုးက တော်လှန်ရေး ခရီးစဉ်မှာ ဖြစ်ပေါ်လေ့ရှိပါတယ်။ ခေါင်းဆောင်တစ်ဦးကို ချည်းကပ်ရင် ချည်းကပ်သူက ငါဘာများ ရမလဲ ဆိုတဲ့ မျှော်လင့်ချက်မျိုးနဲ့ ရောပြွန်းတဲ့ ၀ါဒ ဖြစ်ပါတယ်။ တစ်ကယ်တမ်း အနစ်နာခံရတော့မယ့် အချိန်မှာ ခေါင်းဆောင်ကို ထားပြေးတဲ့ ၀ါဒသာ ဖြစ်ပါတယ်။ ဥပမာ- ယေရှုခရစ်တော် ကို သူ့အနီးအနား လူတွေက (တပည့်တွေ) အရှင်က “ဘုရားသားတော်ပဲ–၊ ဘာ ညာ”- သူတို့ကိုယ်တိုင် နှလုံးလှိုက်လှဲ ယုံကြည်သယောင် သိဒ္ဓိတင်ပြောဆိုပြီး တစ်ကယ်တမ်း ယေရှုကိုလည်း ဖမ်းရော– “ထိုအခါ တပည့်တော်အပေါင်းတို့သည် ကိုယ်တော့ကို ထား၍ ထွက်ပြေးကြကုန်သတည်း၊” (ရှင်မာကုကျမ်း ၁၄း၅၀) လို မျိုး ဖြစ်ပါတယ်။ မြန်မာနိုင်ငံမှာလည်း ဒီဖြစ်စဉ်က ၁၉၉၀ မှာ ဖြစ်ခဲ့ပါတယ်။ ခေါင်းဆောင် ဒေါ်အောင်ဆန်းစု ကြည်ရဲ့ ပါတီအောက်က ၀င်ရောက် အရွေးခံတဲ့ ကိုယ်စားလှယ်များပါ။- သူတို့များ အုပ်ချုပ်ရလေမလားလို့ အမတ် အဖြစ်တန်းစီနေလိုက်တာ–၊ ၁၉၉၅ လောက်မှာ စစ်အစိုးရကို ကြောက်ပြီး- အမတ်အဖြစ်က နှုတ်ထွက် ကြောင်း- အမတ်ပေါင်း သုံးရာကျော်လုံးရဲ့ နာမည်တွေနဲ့ လက်မှတ်တွေ သတင်းစာ စာမျက်နှာ အပြည့်ပါပဲ။ ဒီလို စိတ်မမှန်တဲ့ အုပ်စုခေါင်းဆောင်များကို ခေါင်းဆောင်အဖြစ် အားပေးတင်မြှောက်တဲ့ ပြည်သူတွေဟာ လည်း လိမ္မာပါးနပ်မှု အားနည်းတဲ့ ပြည်သူများသာ ဖြစ်ပါတယ်။ တစ်ကယ်တမ်းကျတော့ အဲ့ဒီ အမတ်တွေနဲ့ ပြည်သူက ခေါင်းဆောင်ဘက်က အသေခံရပ်တည်ရမှာပါ။ ဒါမှ မိမိက အဲ့ဒီ ခေါင်းဆောင်ကို တစ်ကယ် သစ္စာ ရှိရာ ရောက်တယ်၊ အဲ့ဒီ ခေါင်းဆောင်ကို တစ်ကယ်ယုံကြည်ရာ ရောက်ပါတယ်။ မိမိက “သာ“ မလားလို့ အနား ကို ၀င်ကပ်ပြီး ခေါင်းဆောင်ကို ပုဂ္ဂိုလ်ရေး အမွှမ်းတင် နေခြင်း ဟာ ခေါင်းဆောင်အပေါ်မှာ မြှောက်ပင့်ခြင်းသာ ဖြစ်ပြီး- မိမိရင်ထဲမှာ သာယာဖင်း စိတ် အပြည့်ထားခြင်းသာ ဖြစ်ပါတယ်။-
(၃) တစ်ဘက်စောင်းနင်း ၀ါဒ
တစ်ဘက်စောင်းနင်း ၀ါဒ ရှိတဲ့ ပြည်သူများဟာလည်း လိမ္မာပါးနပ်မှု အားနည်းတဲ့ ပြည်သူများလို့ ပြောရပါမယ်- တစ်ဘက်စောင်းနင်း- ဆိုတာ၊ အကောင်း အဆိုးကို မျှမျှတတ နားလည်မပေးနိုင်ဘဲ– ကောင်းတယ် ထင်ရင် အဲ့ဒီ ကောင်းတယ် ထင်တဲ့အချက်နဲ့ အခိုက်အတန့်မှာ အလွန်အကျူး ကောင်းကြောင်းဖွဲ့ ပုဂ္ဂိုလ်ရေး ကိုးကွယ် ပြီး- အဲ့ဒီ လူသားကို ခေါင်းဆောင်တင်- ကယ်တင်ရှင် အဖြစ် သတ်မှတ်ပစ်ပြီး-၊ မကောင်းဘူးထင်မှတ်တဲ့ အခါ များမှာ- ရှေ့က ကောင်းခဲ့တာများကိုပါ ချက်ချင်းမေ့ပစ်ပြီး- ဘီလူး သရဲ မကောင်းဆိုးဝါးလို သတ်မှတ်ပစ်တဲ့ အကျင့်မျိုး- တနည်းအားဖြင့် ကျေးဇူးမဲ့တတ်တဲ့ အကျင့်လို့ ဆိုနိုင်ပါတယ်။ ဒီလို လူထု အများ ရှိတဲ့ တိုင်းပြည် မျိုးဟာလည်း တိုးတက်သင့်သလောက် မတိုးတက်နိုင်ပါ။
ဥပမာ– မြန်မာနိုင်ငံကို အုပ်ချုပ်ခဲ့တဲ့ ဦးနေ၀င်းကို ကြည့်ပါ။ သူတက်လာစဉ်ကာလက သူ့ကို တိုင်းပြည်ရဲ့ ကယ်တင်ရှင်ကြီးအလား လူအများစုကြီးက သတ်မှတ်ခဲ့ကြတယ်။ ကောင်းကြီးသြဘာတွေ ပေးခဲ့ကြတယ်-၊ တိုင်းပြည်အာဏာကို ထင်တိုင်း သုံးစွဲခွင့်များရအောင် ၀ိုင်းရံပေးခဲ့ကြတယ်။ (တိုင်းပြည်တိုးတက်မယ့် အကြံပေးသူ များကို အဖျက်ကောင်များလို့ ဘေးဖယ်နိုင်မယ့် အခွင့်အလမ်းတွေ ပေးခဲ့ကြတယ်)။ ထိုင်းနိုင်ငံက ဆင်ဖြူရှင်ဆု၊ ဖီလစ်ပိုင်က ဟိုဆေးရီဇာဆု၊ အမေရိကန်က စစ်သူရဲကောင်းဆု အပါအ၀င် ပြည်တွင်းပြည်ပ ဆုကြီး ၆ ဆုတောင် ချီးမြှင့်ခံခဲ့ရသေးတယ်။ သူ့ခေတ်က သူဟာ ကမ္ဘာမှာ ဆုအများဆုံး လူသားတစ်ဦးလို ဖြစ်ခဲ့တယ်။ သူ့ကို အားကျလို့ ကမ္ဘာမှာ သူ့နာမည်ကို အထူးပြုပြီး သားသမီးများကို နာမည်ပေးခဲ့တာတောင် ရှိတယ်။ မကြာသေးမှီ ထိုင်းဝန်ကြီးချုပ်ထာ့က်ဆင် လက်ထက်မှာ စိုက်ပျိုးရေးဝန်ကြီး ဖြစ်လာတဲ့ ထိုင်းနိုင်ငံရေးသမားကြီး တစ်ဦးဆိုရင် ချာ့ဒ်ချိုင်း နေ၀င်း လို့ ဖြစ်တယ်- အဲ့ဒီ ၀န်ကြီးရဲ့ ဖခင်က ၀န်ကြီးဖြစ်လာမယ့် ကလေးကို နေ၀င်း လို အောင်မြင်စေရမယ် ဆိုပြီး နာမည်ပေးခဲ့တာ ဆိုပဲ။ (ဒီဝန်ကြီးဟာ အခုထိ ထိုင်းနိုင်ငံရေးလောကမှာ နာမည် ရှိနေဆဲပါ။)
ဒီလိုနဲ့ သူ့ခေတ်ကုန်လာ တော့ သူ့ကိုပဲ ဘီလူး သရဲ မောင်းထုတ်သလို မောင်းထုတ်ကြပြန်တယ်။ ၈၈ အရေးအခင်းကာလ ဦးနေ၀င်းနဲ့ သူ့ကို ဆက်ခံသူများက တိုင်းပြည်အုပ်ချုပ်ခွင့်- အပေးအယူ ညှိတာကိုတောင် ပြည်သူဘက်က လက်မခံတော့ ဘဲ ဦးနေ၀င်းတို့ကို မဟာရန်သူကြီးများလို သတ်မှတ်ခဲ့ပြန်တယ်။ အဲ့ဒီမှာ သူ့အုပ်စု- ငါ့အုပ်စု ကွဲပြီး တိုင်းပြည်ဟာ နှစ်ပေါင်း ၂၀ ကျော် ဆန့်ငင်ဆန့်ငင် ဖြစ်ခဲ့ရတယ်။
မကောင်းတာ ရှိသလို ကောင်းတာတွေလည်း တည်ဆောက်ခဲ့တယ်- ဆိုတဲ့ ထောက်ထားမှုများနဲ့ အပြန်အလှန် တည်ဆောက်နိုင်ခဲ့ရင် တိုင်းပြည်ဟာ နှစ်ပေါင်း ၂၀ လောက် နောက်ကျခဲ့မှာ မဟုတ်ပါ။ အာဆီယံနိုင်ငံ ထဲက အင်ဒိုနီးရှားကို ကြည့်ပါ–၊ စစ်တပ်က အာဏာသိမ်းတက်လာတဲ့ သမ္မတကြီး ဆူဟာတိုနဲ့ ပြည်သူကြားမှာ အပေး အယူလုပ်ပြီး တိုင်းပြည်ကို တည်ဆောက်နိုင်ခဲ့တယ်။ ဒါကြောင့် အချိန်မပုပ်တော့ဘဲ တိုင်းပြည်ကို ပြန် လည်တည်ဆောက်နိုင်ခဲ့တယ်လို့ ဆိုရမှာပါ။
မြန်မာနိုင်ငံဘက်ကို ပြန်ကြည့်ရင် အခုထိ သေချာသေးတဲ့ နိုင်ငံ မဟုတ်ဘူးလို့ သုံးသပ်ရမယ်။ အခွင့်မသာရင် အလွန်အမင်း ကြောက်တတ်ပြီး ဘာလုပ်လုပ် ငုံ့ခံတတ်တယ်၊ အခွင့်သာရင် လုံးဝ မျက်နှာမထောက်တော့ဘဲ အပြတ်နှိပ်ကွပ်တတ်တဲ့ အကျင့်တွေ ရှိနေတော့-၊ ပေးရမယ့်သူဘက်ကလည်း အသေခံပြီး လိုက်လျှောလိမ့်မယ် လို့ တွက်ထားလို့ မရနိုင်ပါ။ ဒီလိုအဖြစ်ဆိုးမျိုးကို ကျော်ဖြတ်ဘို့ တိုင်းသူပြည်သားတွေမှာ တစ်ဦးနဲ့တစ်ဦး ထွက် သာဝင်သာ ရှိတဲ့ နည်းလည်ပေးတတ်မှု အလေ့အကျင့်မျိုးကို တည်ဆောက်ဘို့ လိုပါလိမ့်မယ်။
ဒါမှ မဟုတ်ရင် ရန်လိုမှု၊ ရန်ပိုမှု၊ ရန်ငြိုးထားမှု၊ မယုံကြည်မှုများကြားမှာသာ နစ်မွန်းနေရပြီး- ကိုယ့်အသက် ကိုယ်လုရင်း စီးပွားလုပ်ချိန်မရ၊ တိုးတက်ရာတိုးတက်ကြောင်း စဉ်းစားချိန်မရဘဲ- တိုင်းပြည်တစ်ခုဟာ ဆက်လက်မွဲတေနေဦးမှာပါ။
ပြုပြင်ပြောင်းလဲရေး ဆိုတာ ပြောသလောက် မလွယ်ပေမယ့်- ပြုပြင်နည်းမှန်ရင် ထင်သလောက်လည်း မခက် ပါ။
နိုင်ငံတစ်ခုကို တိုးတက်စေဘို့ (၁) နိုင်ငံရေး ဦးဆောင်များ (၂) ဘာသာရေး ဦးဆောင်များ (၃) ပြည်သူလူထု ကိုယ်တိုင်က တစ်ပြိုင်နက်တည်း ပြုပြင်ရမှာ ဖြစ်ပါတယ်။ ကျွန်တော့အမြင်ကတော့ အထူးသဖြင့် လူထုသာ ပါးနပ်လိမ္မာလာမယ် ဆိုရင်- တိုင်းပြည်တစ်ခုလုံးဟာ လူထုလက်ထဲမှာသာ ရှိပါတယ်။ နိုင်ငံရေး ခေါင်းဆောင် ဆိုတာလည်း လူထုထဲက မွေးဘွားကြီးပြင်းလာသူ၊ ဘာသာရေး ခေါင်းဆောင် ဆိုတာလည်း လူထုထဲက မွေး ဘွားကြီးပြင်းလာသူသာ ဖြစ်လို့ တစ်ကယ်တမ်းသာ လူထုကြီးက တရားမျှတမှု၊ နားလည်ပေးတတ်မှု၊ အပြန် အလှန်တည်ဆောက်တတ်မှုများ ကျင့်သားရလာရင် အဲ့ဒီ ကျင့်သားရပြီး လူထုထဲက မွေးဘွားလာတဲ့ လူ (ခေါင်း ဆောင်များ)ဟာလည်း မွေးရာပါ အလေ့အကျင့်ပေါ်မှာ ဆက်လက် လျှောက်လှမ်းဘို့ ၀န်လေးတော့မှာ မဟုတ် ပါ။——
တစ်ကယ်လို့ ဓါးမကောင်းခဲ့ရင်လည်း ၀ါးက ပျောင်းအိနေရင်- နှီးချောင်း အခြေအနေ မဆိုးနိုင်ပါ။
တိုင်းပြည်တစ်ခု ကောင်းစားစေဘို့-၊
ဆက်လက်တင်ပြပေးပါမယ်-။
ဌေးလွင်ဦး
(မှတ်ချက် – ဤဆောင်းပါးသည် ဆောင်းပါးရှင်၏ အမြင်နှင့် သုံးသပ်ချက်များသာဖြစ်သည်။)
အလုပ်သမားများ၏ ရပိုင်ခွင့်နှင့် အခွင့်အရေးများသည် ယနေ့ကမ္ဘာတွင် အရေးတကြီး ဆွေးနွေးစရာ ခေါင်းစဉ်ကြီးများအနက် တစ်ခု ဖြစ်နေဆဲပင်။ အလုပ်သမားများနှင့်ပတ်သက်၍ အစ္စလာမ်သာသနာကရော မည်သို့ သွန်သင်ဆုံးမထားသည်ကို လေ့လာကြည့်ကြပါစို့…။
အစ္စလာမ့်အခြေခံတန်ဖိုးမှာ တရားမျှတခြင်းပင်ဖြစ်သည်။ လူ့အသိုင်းအဝန်းတစ်ခုအတွင်း တရားမျှတခြင်းမရှိပါက ငြိမ်းချမ်းမှုနှင့် သဟဇတဖြစ်မှု လုံးဝ ရှိလိမ့်မည်မဟုတ်ပေ။ တရားမျှတခြင်းကို ကုရ်အာန်ကျမ်းတော်မြတ်တွင် အလ်-အဒ်လ် နှင့် အလ်-ကိစ်သ် ဟူ၍ အရဗီအသုံးအနှုန်းနှစ်ခုဖြင့် ဖော်ပြထားသည်။ အဒ်လ်ဆိုသည်မှာ အစွန်းနှစ်ဖက်ကို ရှောင်ပြီး အလယ်အလတ်ကျမျှတခြင်းဖြစ်ပြီး၊ ကိစ်သ်ဆိုသည်မှာ လောကရှိ လူတိုင်း သတ္တဝါတိုင်းနှင့် အရာရာတိုင်းတွင် ထိုက်တန် သင့်လျော်သော ရပိုင်ခွင့် အခွင့်အရေးများရှိကြောင်းကို အသိအမှတ်ပြုလက်ခံခြင်း ဖြစ်သည်။ တစ်ဖက်သား၏ ရပိုင်ခွင့်များကို အပြည့်အဝပေးခြင်းသည် တရားမျှတခြင်းဖြစ်ပြီး မပေးခြင်း၊ လျစ်လျူရှုခြင်းသည် မတရားမှု မမျှတမှုပင်ဖြစ်သည်။ အလ္လာဟ်အရှင်မြတ်က ကျမ်းတော်မြတ်တွင် တရားမျှတရန် လေးနက်စွာ မိန့်တော်မူထားသည်မှာ-
“အို-သက်ဝင်ယုံကြည်သူအပေါင်းတို
အကယ်၍ (အသင်တို့က) ဆန့်ကျင်၍ သက်သေထွက်ဆိုရမည့်သူသည် ချမ်းသာကြွယ်ဝသူပင်ဖြစ်စေ၊ ဆင်းရဲသူပင်ဖြစ်စေ(မည်သို့ပင် ဖြစ်စေကာမူ) အလ္လာဟ်အရှင်မြတ်သည် (အသင်တို့ထက်) ၎င်းတို့နှစ်ဦးလုံးနှင့် အနီးစပ်ဆုံးသောအရှင်ဖြစ်တော်မူေ
သို့ရာတွင် အကယ်၍ အသင်တို့သည် ကွေ့ကောက်ပြောဆိုကြပါလျှင်၊ သို့တည်းမဟုတ် လွှဲဖယ် တိမ်းရှောင်ကြပါလျှင် ဧကန်မလွဲ အလ္လာဟ်အရှင်မြတ်သည် အသင်တို့ပြုမှုသမျှတို့ကို အကြွင်းမဲ့ သိမြင်တော်မူသော အရှင်မြတ်ပင် ဖြစ်တော်မူပေသတည်း။” (အမျိုးသမီးကဏ္ဍ၊ ပါဒတော် ၁၃၅)
လူသားတိုင်းတွင် လူသားဖြစ်ခြင်းနှင့်ပတ်သက်ပြီး သာတူညီမျှ အခွင့်အရေး ရြှိကပေသည်။ ထိုအခွင့်အရေးသည် အသားအရောင်၊ လူမျိုး၊ ယောက်ျားဖြစ်မှု မိန်းမဖြစ်မှုနှင့် ဘယ်အရပ်ဒေသမှာ မွေးဖွားသည်၊ ငယ်ခြင်း ကြီးခြင်း၊ ဆင်းရဲချမ်းသာ စသည်တို့ပေါ်တွင် မမူတည်ပေ။ အလ္လာဟ်အရှင်မြတ်က မိန့်တော်မူထားသည်မှာ-
“အို-လူခပ်သိမ်းတို့။ ဧကန်မလွဲ ငါအရှင်မြတ်သည် အသင်တုိ့အား ယောက်ျားတစ်ယောက်၊ မိန်းမတစ်ယောက်မှ ဖန်ဆင်းတော်တော်မူခဲ့၏။ ထို့ပြင် ငါအရှင်မြတ်သည် အသင်တို့အချင်းချင်း တစ်ဦးကို တစ်ဦး ခွဲခြားသိမြင်မှတ်မိကြအံ့သောငှာ လူမျိုးစု အသီးအသီး၊ မျိုးနွယ်အသွယ်သွယ်ပြုလုပ်တော်
မုဟမ္မဒ်သခင်ကိုယ်တော်မြတ်(ငြိမ်
“အရဗ်လူမျိုးဖြစ်ခြင်းသည် အခြားလူမျိုးထက် မြင့်မြတ်မှု သာမြတ်မှုမရှိ၊ အခြားလူမျိုးဖြစ်ခြင်းသည်လည်း အရဗ်လူမျိုးများထက် မြင့်မြတ်မှု၊ သာမြတ်မှုမရှိ။ လူမည်းဖြစ်ခြင်းကြောင့် လူဖြူများထက် မြင့်မြတ်မှု သာမြတ်မှုမရှိ။ လူဖြူဖြစ်ခြင်းကြောင်းလည်း လူမည်းများထက် မြင့်မြတ်မှုမရှိ။ သို့သော်မြင့်မြတ်မှု သာမြတ်မှုသည် ကိုယ်ကျင့်တရား မြင့်မြတ်ကောင်းမွန်မှုအပေါ်မှာသာ တည်ရှိသည်။”
အလုပ်လုပ်ခြင်းနှင့် အလုပ်သမားများနှင့်ပတ်သက်၍
အစ္စလာမ်သည် အလုပ်လုပ်ခြင်းကို ဂုဏ်ပေးသည်။ ကိုယ့်အားကိုယ်ကိုးရန် သွန်သင်သည်။ သို့သော် အလုပ်လုပ်ခြင်းဆိုရာ၌ ထိုအလုပ်သည် တရားသော သမာအာဇီဝအလုပ်မျိုးဖြစ်ရပေမည်။ အလုပ်လုပ်သူ သည်လည်း ရိုးသားမှုနှင့် စိတ်စေတနာဖြူစင်မှုအပေါ် အခြေခံရပေမည်။ မတရားသော လူမှုကျင့်ဝတ်နှင့် မညီသော အလုပ်များ ဥပမာ- အရက်သေစာဘိန်းဘင်းကစော်ရောင်း
အလုပ်သမားများအရေးနှင့်ပတ်သက်ြ
(၁) ရှင်းလင်းသင့်တော်သော သဘောထူညီချက်များ
နှုတ်ဖြင့်ဖြစ်စေ ရေးသားချုပ်ဆိုသည်ဖြစ်စေ သဘောတူညီချက်များ၊ စာချုပ်များအားလုံးသည် ရှင်းလင်းကာ ပွင့်လင်းမြင်သာရပေမည်။ တရားမျှတရပေမည်။ တရားဥပဒေနှင့်ညီညွတ်ရပေမည်။ (တရားဥပဒေဆိုရာတွင် မတရားသော ဥပဒေများ၊ ဖိနှိပ်ထားသည့် ဥပဒေများကို ဆိုလိုခြင်းမဟုတ်ဘဲ ဖြောင့်မတ်မှန်ကန်သော သစ္စာတရားပေါ်တွင် အခြေခံသည့် ဥပဒေကို ဆိုလိုသည်။) အလုပ်ရှင်များအနေဖြင့် အလုပ်သမားတိုင်းကို သူတို့၏ လုပ်ငန်းတာဝန်များသာမက ရပိုင်ခွင့်များဖြစ်သည့် ခွင့်၊ အစားပေးခြင်း၊ ခွင့်ရက်ရှည်များ စသည့်တို့ကိုလည်း အသိပေးခြင်းခံထားရပေမည်။ အလ္လာဟ်အရှင်မြတ်က မိန့်တော်မူသည်မှာ-
“အို-ယုံကြည်သူအပေါင်းတို့၊ အသင်တို့သည် (မိမိတို့ထားရှိကြသော) ပဋိညာဉ် ကတိဝန်ခံချက်များအတိုင်း လိုက်နာဆောင်ရွက်ကြလေကုန်။” (ခဲဘွယ်ဘောဇဉ်ကဏ္ဍ၊ ပါဒတော် ၁)
ကိုယ်တော်မြတ်မုဟမ္မဒ်သခင်(ငြိမ်
“မတရားတာကို တရားတာလုပ်ထားတာ၊ သို့မဟုတ် တရားတာကို မတရားတာလုပ်ထားတာတွေ မဟုတ်ရင် မွတ်စလင်မ်တွေ မိမိတို့ သဘောတူညီချက် ကတိခံဝန်ချက်များကို လိုက်ကို လိုက်နာကြရမည်။” (သိရ်မိဇိ သြဝါဒကျမ်းတော်)
ထို့ကြောင့် အစ္စလာမ့်တရားတော်အရ အလုပ်ရှင်ရော အလုပ်သမားများပါ မိမိတို့ သဘောတူညီချက် ကတိများကို မိမိတို့အစွမ်းရှိသလောက် အကောင်းဆုံး ဖြည့်ဆည်းရပေမည်။
(၂) အလုပ်သမားများ၏ ဂုဏ်သိက္ခာ
အစ္စလာမ့်တရားတော်သည် လူသားတို့အား တရားသော ကုန်သွယ်စီးပွားရှာခြင်းနှင့် အသက်မွေးဝမ်းကျောင်းပြု အလုပ်လုပ်ကိုင်ခြင်းများကို တိုက်တွန်းခွင့်ပြုထားပေးသည်။ သို့ဖြစ်၍ အလုပ်လုပ်သူတိုင်းကို ဂုဏ်ပေးကာ ဆက်ဆံရပေမည်။ တရားသော အလုပ်ဟူသမျှ ဂုဏ်ရှိစွ ဆိုသည့် အတိုင်းပင်။ မုဟမ္မဒ်သခင်(ငြိမ်းချမ်းပါစြေေ
“အသင်တို့သည် အလ္လာဟ်အရှင်မြတ်အား ခဝကိုးကွယ် ဆည်းကပ်ကြလေကုန်။ ၎င်းပြင် အသင်တို့သည် မည်သည့် တစုံတရာကိုမျှ ထိုအရှင်မြတ်နှင့် တွဲဘက်နှိုင်းယှဉ်ခြင်း မပြုကြကုန်လင့်။ ထိုမှတပါးတုံ အသင်တို့သည် အမိအဘနှစ်ပါးတို့ကိုလည်းကောင်း၊ ဆွေမျိုးနီးစပ်တို့ကိုလည်းကောင်
(၃) အလုပ်သမားများအပေါ် သနားကြင်နာခြင်း
အလုပ်သမားများသည် ကျွန်တော်တို့ ညီနောင်များ ညီအစ်မများပင်ဖြစ်ကြသည်။ သူတို့သည် ကျွန်တော်တို့ကို ကူညီသူများလည်းဖြစ်ကြသည်။ ကိုယ်တိုင်မလုပ်နိုင်သော အရေးကိစ္စများစွာအတွက် သူတို့ကို ကျွန်တော်တို့ မှီခိုနေရသည်။ အလုပ်ရှင်များသည် အလုပ်သမားများကို သူတို့လုပ်နိုင်စွမ်းထက် ပိုလွန်ပြီး တာဝန်များ အလုပ်များ မခိုင်းစေသင့်ပါ။ အလုပ်သမားများအတွက် လူသားဆန်ပြီး လုံခြုံသော လုပ်ငန်းခွင်ကို စီစဉ်ပေးရမည်။ အကယ်၍များ လုပ်ငန်းခွင်တွင် ထိခိုက်အနာတရာများရှိခဲ့ပါလျှင် ရပိုင်ခွင့်များနှင့် အစားပေးခြင်းများကို စီစဉ်ပေးရပါမည်။ အလုပ်သမားများကို အလုပ်အတွင်း အမြဲတမ်းနစ်မွန်းမနေစေဘဲ သူတို့ကိုယ်တိုင်နှင့် မိသားစုအတွက် ကိုယ်ပိုင်ချိန် ရှိစေရန်လည်း စီစဉ်ပေးရမည်။ အရွယ်မရောက်သေးသောကလေးငယ်များနှ
ကာယအိနြေ္ဒရေနှင့် မကိုက်ညီသော အလုပ်များ (ယနေ့ ဆေးလိပ်နှင့် အရက်ကုမ္ပဏီများ၊ ဆေးလိပ်နှင့် အရက်ပရိုမိုးရှင်းများ၊ အရက်ဘီယာရောင်းချသော စားသောက်ဆိုင်များတွင် မြန်မာပြည်အမျိုးသမီးငယ်များကို လျပ်ပေါ်လော်လီစွာဝတ်စားစေကာ၊ အလှပြင်၊ စကတ်တိုများဝတ်စားစေကာ ကြော်ငြာများရိုက်ခြင်းနှင့် ညအချိန်အထိ အလုပ်များခိုင်းစေခြင်း၊ ကေတီဗီများနှင့် အနှိပ်ခန်းများကို လူသိရှင်ကြားဖွင့်ခြင်း စသည်တို့ကို တွေ့နေရသည်မှာ လွန်စွာ ဝမ်းနည်းဖွယ်ကောင်းလှပါသည်။ ပို၍ ဝမ်းနည်းဖွယ်၊ ရှယ်ဖွယ်ကောင်းသည်မှာ မိမိတို့ကိုယ်ကို အမျိုးဘာသာသာသနာကို စောင့်ရှောက်ကာကွယ်နေသူများဟု သံကုန် ဟစ်ကြွေးနေသူများသည် ထိုအရေးကိစ္စများတွင်မူ နှုတ်ဆိတ်နေပြီး မိမိတို့ဘာသာတရားက သွန်သင်သော မေတ္တာခန္တီတရားနှင့်ဝေးစွာသော လုပ်ရပ်များတွင် အားစိုက်အချိန်ကုန်ခံနေခြင်းမျာ
“အသင့် ညီနောင်များနှင့်ပတ်သက်၍ အသင်တို့တွင် တာဝန်အပြည့်အဝရှိပေသည်။ အလ္လာဟ်အရှင်မြတ်က သူတို့ကို အသင့်လက်အောက်ခံအဖြစ်ထားတော်မူ
(၄) လုပ်အားခကို ထိုက်သင့်စွာနှင့် အချိန်မှီပေးအပ်ခြင်း
လုပ်သားများကို လုပ်အားခ ထိုက်သင့်စွာနှင့် တရားမျှတစွာပေးအပ်ရမည်။ အစ္စလာမ်တွင် မည်သူတစ်ဦးတစ်ယောက်ကိုမှ မတရားလုပ်ခြင်းကို ခွင့်မပြုချေ။ အလ္လာဟ်အရှင်မြတ်က မိန့်တော်မူသည်မှာ-
“…အသင်တို့သည် လူတို့အား ၎င်းတို့၏ ဥစ္စာပစ္စည်းများကို မတရားသဖြင့် လျှော့၍ပေးခြင်းကိုလည်း မပြုကြကုန်လင့်၊…” (ကြငှန်းများကဏ္ဍ၊ ပါဒတော် ၇)
အလ္လာဟ်အရှင်မြတ်က မိမိတို့ရပိုင်ခွင့်များကို အပြည့်အဝယူပြီးနောက်သော်မှ သူတစ်ပါးတို့အား လျှော့ပေးခြင်းသူများကို သတိပေးထားသည်မှာ-
“အလေး၊ တင်းတောင်း၊ ခွက်၊ စသည်ကို စဉ်းလဲသူတို့သည် ပျက်စီးကြရပေမည်။ အကြင်သူတို့သည် သူတပါးထံမှ ခြင်တွယ်၍ ယူကြရသောအခါ အပြည့်ရယူကြလေသည်။ သို့ရာတွင် ၎င်းတို့သည် သူတပါးတို့အားခြင်တွယ်၍ သော်လည်းကောင်း၊ သူတပါးတို့အား ချိန်တွယ်၍ သော်လည်းကောင်း ပေးကြသောအခါ လျှော့၍ ပေးကြလေသည်။ ၎င်းတို့သည် မိမိတို့မှာ ဧကန်အမှန် ရှင်ပြန်ထကြရမည့်သူများ ဖြစ်ကြသည်ကို မယုံကြည်ကြလေသလော။ ကြီးကြယ်လှစွာသောနေ့တွင်။ အကြင်နေ့တွင် လူခပ်သိမ်းတို့သည် စကြဝဠာခပ်သိမ်းကို ဖန်ဆင်းမွေးမြူတော်မူသော အရှင်မြတ်၏ ရှေ့တော်မှောက်တွင် ရပ်ကြကုန်အံ့သတည်း။”
(အလေးတင်းတောင်းစဉ်းလဲခြင်းကဏ္ဍ၊ ပါဒတော် ၁ မှ ၆)
မုဟမ္မဒ်သခင်(ငြိမ်းချမ်းမှုကျရော
“အလုပ်သမားများအား ချွေးမခြောက်ခင် လုပ်အားခပေးချေကြလေ့ာ။” (အဗ်နေ့မဂျဟ်သြဝါဒတော်ကျမ်း)
(၅) သမဂ္ဂများနှင့် အသင်းအဖွဲ့များ ဖွဲ့စည်းခွင့်ပေးခြင်း
အထက်ပါ အချက်အလက်များအပေါ်အခြေခံကာ အစ္စလာမ့်သွန်သင်ချက်အရ အလုပ်သမားများအနေဖြင့် အသင်းအဖွဲ့များ အစည်းအရုံးများ လွတ်လပ်စွာ ဖွဲ့စည်းပိုင်ခွင့် ရှိပေသည်။ အထူးကုန်သွယ်မှုသမဂ္ဂများနှင့် အသင်းအဖွဲ့များသည် လူသမားတို့၏ လုပ်ငန်းခွင်နှင့် လူမှုရေးများကို ကူညီနိုင်ပေသည်။ ထိုအဖွဲ့များသည် လူသမားများ၏ ရပိုင်ခွင့်နှင့် အခွင့်အရေးများနှင့်ပတ်သက်ပြီး တရားမျှတမှုရရှိစေရန်လည်း အကူအညီများပေးနိုင်သည်။ သို့သော် အလုပ်ရှင်များရော အလုပ်သမားများပါ မိမိတို့တာဝန်ဝတ္တရားများနှင့် ရပိုင်ခွင့်များနှင့်ပတ်သက်ပြီး အလ္လာဟ်ရှင်မြတ်ကို ကြောက်စိတ်နှင့် သိစိတ်ထားရှိကာ လိုက်နာကြရပေမည်။
Muzammil H.Siddiq, Director, Orange County Islamic Centre, California ၏ OnIslam မှ Rights of Workers in Islamဆောင်းပါးကို ဆီလျော်အောင် မြန်မာပြန်ဆိုပါသည်။
အထက်ပါ ဆောင်းပါးဖြင့် MMSY Media မှ မေလ(၁)ရက်နေ့တွင် ကျရောက်သော အလုပ်သမားနေ့ ကို ဂုဏ်ပြုလိုက်ပါသည်။