Blog

မလေးရှားတွင် ပထမအကြိမ် ရခိုင်ရိုးရာ သင်္ကြန်ပွဲတော် ကျင်းပမည်

ခိုင်မောင်ဦး (မလေး)
———————
မလေးရှား ရခိုင်အသင်းပေါင်းချူပ်ကြီး MAO(Malaysia Arakan Organization) မှကြီးမူး၍ ပထမဆုံး အကြိမ်မလေးရှားနိုင်ငံ ရခိုင်းရိုးရာသင်္ကြန်ပွဲတော်ကြီးကို ဧပြီ ၁၃ ရက်နေ့တွင် စည်းကား သိုက်မြိုတ်စွာ ကျင်းပသွားရန် စီစဉ်ထားသည်ဟု သတင်းရရှိသည်။

စင်္ကာပူတွင် ရခိုင်ရိုးရာ သင်္ကြန်ပွဲ မြင်ကွင်း

ယခုကဲ့သို့  ရခိုင်းရိုးရာသင်္ကြန်ပွဲတော်ကို မလေးရှားနှိင်ငံတွင် ပထမဆုံး အကြိမ် ကျင်းပရန် စီစဉ်ရသည့် ရည်ရွယ်ချက်နှင့် ပက်သက်ပြီး ပွဲဖြစ်မြောက်ရေးတာဝန်ခံ ကိုစိုးထွန်းက ယခုကဲ့သို့ ပြောသည်။

“ပြောရရင်တော့ဗျာ။ ကျွန်တော်တို့  ရခိုင်ပြည်ကနေ အကြောင်း အမျိုးမျိူးကြောင့် မလေးရှားကိုရောက်လာကြတယ်။ မလေးရှားကို ရောက်လာပေမယ့် ကိုယ့်ရပ် ကိုယ်ဒေသကို လူတိုင်းက လွမ်းနေကြပါတယ်။ ဒီလို သင်္ကြန်ဆို ပိုလွမ်းနေကြရပါတယ်။ ဒါပေမယ့်လည်း တစ်နေ့ တစ်နေ့  အလုပ်တွေနဲ့ ဘဲ လူတွေက ပိနေကြတော့ ဒီလို သင်္ကြန်အချိန်အခါမှာ စိက်အပန်း ဖြေနိုင်ဖို့နဲ့ ကိုယ်ရိုးရာ ကိုယ်ယဉ်ကျေးမူတွေကို ထိန်းသိမ်းစောင့်ရှောက် ဖေါ်ထုတ်ဖို့ ရည်ရွယ်ပြီး မလေးမှာ ရခိုင်သင်္ကြန်ကို ခုလို ကျင်းပဖို့ စီစဉ်ရတာ ဖြစ်ပါတယ်” ဟု သူက ပြောသည်။

မလေးရှား ရခိုင်ရိုးရာသင်္ကြန်ကို မြန်မာသက္ကရာဇ် ၁၃၇၄ တန်းခူးလဆုတ် (၇ ) ရက်သောကြာနေ့ ၊ ခရစ် သက္ကရာဇ် ဧပြီလ ၁၃ ရက်နေ့ တစ်နေ့တည်း ဆရမ်းဘန်း Port Dickson ကမ်းခြေတွင် နံနက် ၈နာရီမှ စတင်၍ ညနေ ၆နာရီ အထိ ကျင်းပ သွားမည် ဖြစ်သည်။

” နောက်ပြီး ဒီလို့  နိုင်ငံမျိုးမှာ ဒီလို တက်ညီ လက်ညီနဲ့ ခုလို ရခိုင်သင်္ကြန်ကို ကျင်းပနိုင်ရေး အတွက် အခွင့်ရေးရဖို့  ဆိုတာ သိပ် မလွယ်ဘူး။ အခုလို့ မလေးရှားမှာ တစ်ယောက်နဲ့ တစ်ယောက် အကြားမှာ ကွဲပြားမူ ဖြစ်နေချိန်မှာ လုပ်ရတာ ပိုမလွယ်ကူပါဘူး။ ဒါပေမယ့် အမျိုးသားရေး စိတ်ဓါတ်နဲ့ ကိုယ့် ရိုးရာ ကိုယ့်ယဉ်ကျေးမူကို ဖေါ်ထုတ်တဲ့ ပွဲမို့ အားလုံး ပူးပေါင်း ပါဝင်ပြီး ပျော်ရွှင်နိုင်ကြလိမ့်မယ်လို့ မျှော်လင့်ပါတယ်” ဟု သူက ပြောသည်။

ကိုယ်ရိုးရာ ကိုယ့်ယဉ်ကျေးမူ အစဉ်အလာများကို ဖေါ်ထုတ်ခြင်းဖြင့် မိမိတို့၏ ယဉ်ကျေးမူ အစဉ်အလာများကို တန်ဘိုး ထားနားလည် လာပြီး မိမိတို့ ရခိုင်လူမျိူးတွေအကြား စုစု စည်းစည်း ဖြစ်လာနိုင်ပြီး အမျိုးသား သွေးစည်း ညီညွက်ရေးကိုလည်း တည်ဆောက်နိုင်မည် ဖြစ်ကြောင်း ကိုစိုထွန်းက နိရဉ္စရာသို့ ပြောသည်။

ပထမအကြိမ် မလေးရှား နိုင်ငံ ရခိုင်ရိုးရာ သင်္ကြန်ပွဲတော်တွင် လာရောက်သူများ အားလုံး ပျော်ရွှင်နိုင်ရန် အတွက် ရခိုင်ရိုးရာ သင်္ကြန်အကများ၊ ရခိုင်ရိုးရာကျင်ပွဲ၊ ရိုးရာလွန်ဆွဲပွဲနှင့် ရခိုင်သီချင်းဆိုပြိုင်ပွဲများကို အားဖြည့်ကာ ပြုလုပ်သွားမည် ဖြစ်ကြောင်း သတင်း ရရှိသည်။

နိရဉ္စရာ မှ ကူးပါသည်။

မလေးရှားနိုင်ငံရှိ လူဦးအများစုမှာ အစ္စလာမ်သာသနာကိုးကွယ်သော နိုင်ငံဖြစ်ပြီး ကျန်သော ဘာသာများကိုလဲ လွတ်လပ်စွာကိုးကွယ်ခွင်ပြုထားသော မွတ်စလင်မ် နိုင်ငံဖြစ်သည်။ မလေးရှားတွင် အလုပ်လုပ်နေသော မြန်မာနိုင်ငံသား သန်းကျော်ရှိပြိး KL တမြို့ထဲတွင်ပင် မြန်မာဘုန်းတော်ကြီးကျောင်းပေါင်း ၅၀ ကျော်ရှိကြောင်းသိရှိရသည်။

April 11, 2012
ဆန္ဒပြ ပြည်သူတွေကြောင့် ဘာရိန်း ဖော်မြူလာဝမ်း ကားပြိုင်ပွဲ ရုတ်သိမ်းရဖွယ်ရှိ

ဧပြီလ ၂၀ရက်နေ့မှာ ကျင်းပဖို့ စီစဉ်ထားတဲ့ ဘာရိန်း ဖော်မြူလာဝမ်း ကားပြိုင်ပွဲဟာ လူအခွင့်အရေးချိုးဖောက်တယ်လို့ စွပ်စွဲခံနေရတဲ့ ဘာရိန်းအစိုးရအဖွဲ့နဲ့ အစာအငတ်ခံဆန္ဒပြနေတဲ့ လူ့အခွင့်အရေးလှုပ်ရှားသူ အယ်လ် ခါဝါဂျာ (Abdulhadi al-Khawaja) ကို ထောက်ခံသူ ပြည်သူတွေကြောင့် မသေချာမရေရာတဲ့ အနေအထားကို ရောက်ရှိနေတယ်လို့ သိရပါတယ်။

(ဘာရိန်းပြည်သူတွေဟာ Formula 1 ပြိုင်ပွဲကို သပိတ်မှောက်ဖို့ နှိုးဆော်နေကြပါတယ်)

ဘာရိန်းအစိုးရဟာ ဆန္ဒပြသူတွေကို အင်အားသုံးနှိမ်နင်းနေတာဟာ ရက်စက်တဲ့လုပ်ရပ်ဖြစ်တာကြောင့် ပြိုင်ပွဲဝင်အသင်းတွေအနေနဲ့ ဘာရိန်းကို လာရောက်ဖို့ တွန့်ဆုတ်နေကြတယ်လို့ AFP သတင်းဌာနက ဆိုပါတယ်။

ပြိုင်ပွဲဝင်အသင်းတွေက လာရောက်ဖို့ ဆန္ဒမရှိသလို အစိုးရဆန့်ကျင်သူတွေကလည်း အဆိုပါကားပြိုင်ပွဲကို သပိတ်မှောက်ဖို့ ရက်အတန်ကြာကတည်းက ကြိုးပမ်းနေကြပြီး ဖြစ်ပါတယ်။

ဖေဖော်ဝါရီလတည်းက အစာငတ်ခံ ဆန္ဒပြနေတဲ့ အယ်လ်ခါဝါဂျာဟာ အခုအခါမှာ အသက်အန္တရာယ် စိုးရိမ်ရတဲ့ အနေအထား ရောက်နေပြီလို့ သူ့ရှေ့နေက ပြောကြားပြီးတဲ့နောက် အစိုးရအဖွဲ့နဲ့ ပြည်သူတွေကြား အခြေအနေက အတင်းမာဆုံးအနေအထားကို ရောက်ရှိနေပါတယ်။

အယ်လ်ခါဝါဂျာ ထောက်ခံသူတွေဟာ သူ့ကို ချွင်းချက်မရှိ ချက်ချင်းလွှတ်ပေးဖို့ တောင်းဆိုနေကြပြီး ဘာရိန်းတပ်ဖွဲ့ဝင်တွေဟာ ထောက်ခံသူတွေကို ဖြိုခွင်းဖို့ မျက်ရည်ယိုဗုံးတင်မက အပျော့စား ဗုံး လက်နက်ကိုပါ သုံးပြီးတိုက်ခိုက်ခဲ့တယ်လို့ ဆိုပါတယ်။

အပြည်ပြည်ဆိုင်ရာ လွတ်ငြိမ်းချမ်းသာခွင့် အဖွဲ့အစည်း (Amnesty International) ကလည်း အယ်လ်ခါဝါဂျာဟာ သူ့ရဲ့ လွတ်လပ်စွာ သဘောထားထုတ်ဖော်ခြင်းအတွက် ဖမ်းဆီးခံရခြင်းဖြစ်တာကြောင့် ချက်ချင်းလွတ်မြောက်ခွင့်ပေးဖို့ တောင်းဆိုထားပါတယ်။ အယ်လ်ခါဝါဂျာရဲ့ နောက်ဆုံးအခြေအနေကို မသိရသေးပဲ လွန်ခဲ့တဲ့ တနင်္ဂနွေနေ့ကစပြီး ဘာရိန်းအာဏာပိုင်တွေက သူနဲ့ အဆက်အသွယ်လုပ်ခွင့်ပေးဖို့ ငြင်းဆန်ထားပါတယ်။

ဖော်မြူလာဝမ်း ပြိုင်ပွဲဟာ ကမ္ဘာအနှံ့ကျင်းပတဲ့ ကားမောင်းပြိုင်ပွဲဖြစ်ပြီး ကျင်းပခွင့် အလွယ်တကူမရနိုင်သလို ဒီပြိုင်ပွဲကို လက်လွတ်ဆုံးရှုံးရရင် စီးပွားရေးအရရော၊ နိုင်ငံရေး ဂုဏ်သိက္ခာအရရော ဆုံးရှုံးမှုတွေ ဖြစ်လာနိုင်ပါတယ်။

လက်ရှိ ဘာရိန်း ဘုရင် အယ်လ်ခါလီဖာ တို့ ဆွေစဉ်မျိုးဆက်ဟာ ဘာရိန်းနိုင်ငံကို နှစ်ပေါင်း ရာနဲ့ချီပြီး အုပ်ချုပ်လာတာဖြစ်ပြီး အာရပ်နွေဦး တော်လှန်ရေးက အစပြုခဲ့တဲ့ ဘာရိန်းပြည်သူတွေဟာ ၂၀၁၁ ဖေဖော်ဝါရီမှာ စတင်ပြီး အယ်လ်ခါလီဖာမိသားစု ကြီးစိုးမှုကို တော်လှန်ဖို့ ကြိုးပမ်းခဲ့ကြတာ ဖြစ်ပါတယ်။ အစိုးရအနေနဲ့လည်း ဆန္ဒပြသူတွေကို အင်အားသုံးနှိမ်နင်းရာမှာ လူများစွာ သေကြေခဲ့ပြီး ဖြစ်တယ်လို့ သိရပါတယ်။

ဘာသာပြန်- မင်းဝေယံ

April 11, 2012
မွတ်စလင်မ် ပရိသတ်တွေ နားလည်မှုမလွဲစေဖို့ ရီးရဲယ်မက်ဒရစ် အသင်းတံဆပ်ပြင်မည်။

စပိန်ထိပ်သီး ကလပ်အသင်းတစ်သင်းဖြစ်တဲ့ ရီးရဲလ်မက်ဒရစ်အသင်းဟာ မွတ်စလင်မ် ပရိသတ်ထုကို ပိုမိုဆွဲဆောင်နိုင်ဖို့ အသင်းတံဆိပ်က ခရစ်ယာန်အမှတ်အသား လက်ဝါးကပ်တိုင်ပုံကို ပယ်ဖျက်သွားမှာဖြစ်တယ်လို့ သိရပါတယ်။ အဆိုပါ အချင်းအရာနဲ့ ပတ်သက်လို့ ရီးရဲလ်မက်ဒရစ် အသင်းဘက်က “မွတ်စလင်မ် ပရိသတ်အများစု ရှိတဲ့ ဒေသတွေမှာ မလိုလားအပ်တဲ့ နားလည်မှုလွဲမှားမှုတွေ၊ အငြင်းပွားမှုတွေ မဖြစ်ပေါ်စေဖို့ အခုလို ဆုံးဖြတ်လိုက်တာဖြစ်တယ်” လို့ ဆိုပါတယ်။

ကမ္ဘာတစ်ဝှမ်းလုံးမှာ ပရိသတ် အခိုင်အမာ ရထားတဲ့ ရီးရဲမက်ဒရစ်ဟာ၁၉၂၀ခုနှစ်၊ သတ္တမမြောက် အယ်လ်ဖွန်ဆို ဘုရင် (King Alfonso XIII) လက်ထက်တည်းက လက်ဝါးကပ်တိုင်ပုံပါတဲ့ သူ့ရဲ့ သရဖူကို အသင်းတံဆိပ်မှာ ထည့်သွင်း အသုံးပြုခဲ့တာ ဖြစ်ပါတယ်။ ဒါပေမယ့် သူတို့ရဲ့ အခုလို တံဆိပ်ပြင်ဆင်ခြင်းရဲ့ အဓိက အကြောင်းရင်းကတော့ UAE နိုင်ငံမှာ ဆောက်လုပ်နေတဲ့ ဒေါ်လာ တစ်ဘီလျှံတန် အပန်းဖြေစခန်းနဲ့ တိုက်ရိုက်ပတ်သက်နေပါတယ်။ အသင်းအမှတ်တံဆိပ်အောက်မှာ လုပ်ဆောင်သွားမယ့် အဆိုပါ အပန်းဖြေစခန်း စီမံကိန်းဟာ အသင်းရဲ့ စီးပွားရေးအနေအထားအတွက် အလွန်အရေးပါနေသလို အခုဘောလုံးရာသီအစကမှ ကာတာဖောင်ဒေးရှင်းနဲ့ ပေါင် သန်း၁၅၀တန် စာချုပ်ချုပ်ထားတဲ့ အဓိက ပြိုင်ဘက် ဘာစီလိုနာ အသင်းနဲ့ အရှေ့အလယ်ပိုင်း ဈေးကွက်အပြိုင်အဆိုင်ချဲ့ထွင်မှုမှာလည်း အခရာကျနေပါတယ်။

ဒီလို အသင်းတံဆိပ်ပြောင်းလဲမှုဟာ ရီးရဲမက်ဒရစ် တစ်သင်းတည်းတင် မဟုတ်ပဲ ဘာစီလိုနာအသင်းလည်း ပြုလုပ်ခဲ့ဖူးပါတယ်။ အသင်းတံဆိပ်မှာ ပါဝင်တဲ့ အနီရောင် ကြက်ခြေခတ်အမှတ်အသား (San Jorge Cross) ဟာ ခရူးဆိတ်စစ်ပွဲကို ကိုယ်စားပြုထားတာကြောင့် အစ္စလာမ်ဘာသာကို ထိပါးသလို ဖြစ်နေတယ်လို့ ဆော်ဒီအာရေဗျဘက်က စောဒကတက်ခဲ့တာမို့ အရှေ့အလယ်ပိုင်းမှာ ရောင်းချတဲ့ ဘာစီလိုနာအသင်းအင်္ကျီတွေမှာ ကြက်ခြေခတ်ပုံအစား ဒေါင်လိုက် လိုင်းတစ်လိုင်းတည်းနဲ့ တံဆိပ်ကိုသာ ထည့်သွင်းခဲ့ရပါတယ်။

ဘောလုံးအားကစားကို ရူးသွပ်တဲ့ ဥရောပနဲ့ အာရှ စပ်ကြားမှာ တည်ရှိတဲ့ အရှေ့အလယ်ပိုင်းဒေသဟာ ဘောလုံးအသင်းတွေရဲ့ ဈေးကွက်မှာ အလားအလာကောင်းတွေ ရှိတဲ့အတွက် အဲ့ဒီ့မှာ အဓိက နေထိုင်တဲ့ မွတ်စလင်မ်တွေကို လစ်လျူရှုထားလို့မရဘူးဆိုတာကို ပြသနေသလို ပိုက်ဆံရဖို့အတွက်ဆိုရင် ဘာမဆိုလုပ်နိုင်တယ်ဆိုတဲ့ သူတို့ရဲ့ အလေ့အထကိုပါ ပြသနေတာကိုလည်း တွေ့ရပါတယ်။

ရီးရဲလ်မက်ဒရစ် အသင်းဟာ ၂၀၁၁ခုနှစ်အတွင်း ၀င်ငွေအကောင်းဆုံးအသင်းအဖြစ် ယူရို၄၃၈သန်းနဲ့ ရပ်တည်နေပြီး အသင်းမှာ ဘန်ဇီမာ၊ အိုဇေးလ်တို့လို မွတ်စလင်မ် ဘောလုံးသမားတွေကိုလည်း ပိုင်ဆိုင်ထားပါတယ်။

ဒီလို အသင်းတံဆိပ်ကို ပြင်ဆင်ခြင်းဟာ အမြဲတမ်းအတွက်လား၊ သူတို့ရဲ့ အပန်းဖြေစခန်းစီမံကိန်းအတွက်ပဲလားဆိုတာတော့ ရှင်းလင်းစွာ မသိရသေးပါဘူး။

Ref:
http://www.onislam.net
http://muslimvillage.com/

ဘာသာပြန်- မင်းဝေယံ

April 11, 2012
ဆီးရီးယားဒုက္ခသည်များအား ကယ်ဆယ်ထောက်ပံ့ရေး အတွက် ဆော်ဒီ် လခြမ်းနီအဖွဲ့နှင့် UNHCR တို့ ဆွေးနွေး

UNHCR မှတာဝန်ရှိသူပုဂ္ဂိုလ်နှင့် မနေ့က တွေ့ဆုံရာမှာ ဆီးရီးယား ဒုက္ခသည်တွေအတွက် အိမ်နီးချင်းနိုင်ငံများမှ ယူအန်ကိုယ်စားလှယ်အဖွဲ့နှင့်အတူ လူသားချင်းစာနာမှုအထောက်အပံ့ပေးနိုင်ရေးအတွက် ညှိနှိုင်းဆောက်ရွက်မှုတွေပြုလုပ်သွားဖို့ ဆော်ဒ်ီလခြမ်းနီအာဏာရအဖွဲ့၏ ဥက္ကဌ ဘုရင်ဖိုင်ဇယ်လ်ဘင်အဗ္ဗဒွလ်လာက အဆိုပြုပြောကြားသွားပါတယ်။

ဆော်ဒီအာရေဗျအနေနဲ့ ကမ္ဘာတစ်ဝှမ်းမှ ဒုက္ခသည်များနှင့်တကွ အခြားကူညီရန်လိုအပ်သောနေရာများသို့ လူသားချင်းစာနာထောက်ထားခြင်းအားဖြင့်အကူအညီများပေးအပ်ရန်၊ ကယ်ဆယ်ရေးအကူအညီများပေးအပ်ရန် အသင့်အနေအထားမှာရှိနေပြီဖြစ်ကြောင်း ဖိုင်ဇယ်လ်ဘုရင်မှ GCC ရဲ့ UNHCR ကိုယ်စားလှယ် အင်မ်ရမ်းရီဒါနဲ့ တွေ့ဆုံအပြီးမှာ ထုတ်ဖော်ပြောကြားသွားပါတယ်။

ဖိုင်ဇယ်လ်ဘုရင်နဲ့ ရီဒါတို့နှစ်ဦး တွေ့ဆုံစဉ် လက်ရှိဆီးရီးယားနိုင်ငံရဲ့ဒေသတွင်းဖွံ့ဖြိုးမှုအခြေအနေတွေကို သုံးသပ်ကြရာမှာ နိုင်ငံတွင်း အကြမ်းဖက်မှုတွေကြီးမားလာမှုကြောင့် ဒုက္ခသည်အရေအတွက်အဆမတန်များပြားလာမှုအပေါ် အလေးပေးဆွေးနွေးမှုတွေ ပြုလုပ်ခဲ့ပါတယ်။

ဆီးရီးယားဒုက္ခသည်များအတွက် လူသားချင်းစာနာထောက်ထားမှုအထောက်အပံ့နှင့် ကယ်ဆယ်ရေးအဖွဲ့တွေ ဖွဲ့စည်းသွားရန်အတွက် UNHCR နှင့် Saudi Red Crescent တို့မှ တူရကီ၊ လီဘနွန်၊ ဂျော်ဒန်နိုင်ငံများနှင့် အတူတကွပူးပေါင်းလုပ်ဆောင်သွားကြရန် မျှော်လင့်ကြောင်းကိုလည်း ထည့်သွင်းဆွေးနွေးသွားခဲ့ပါတယ်။

ရီဒါမှ ယခုလို ဒုက္ခသည်များနှင့် ကမ္ဘာအရပ်ရပ်မှ လူများရွေ့ပြောင်းနေရာချထားရေးတွေမှာ အကူအညီပေးအပ်မှုအတွက် ဆော်ဒီအာရေဗျအပေါ် ချီးမွမ်းထောက်ခံပြောဆိုသွားခဲ့ပါတယ်။ ထို့ပြင် ဆီးရီးယားဒုက္ခသည်တွေရဲ့ ဒုက္ခဝေဒနာများ လျော့ပါးသက်သာစေရန် ဖိုင်ဇယ်လ်ဘုရင်ရဲ့ ကြိုးပမ်းအားထုတ်မှုတို့ကိုလည်း အလေးထားထည့်သွင်းပြောကြားသွားပါသေးတယ်။

Ref: http://arabnews.com/

ဘာသာပြန်- အလိမ္မာ

April 10, 2012
ကမ္ဘာ့ငြိမ်းချမ်းရေးကို အစ္စရေးနိုင်ငံက ခြိမ်းခြောက်နေကြောင်း ဂျာမန် နိုဗယ်လ်ဆုရှင် သုံးသပ်ဝေဖန်

နိုဗယ်လ်ဆုရှင် ဂျာမန်လူမျိုး စာရေးဆရာ Gunter Grass က “ဘာပြောကို ပြောရမလဲဆိုလျှင်” အမည်ရှိ သူ့ကဗျာတွင် အစ္စရေးနိုင်ငံ၏ နူကလိယ စီမံကိန်းနှင့်ပတ်သက်ပြီး အနောက်ကမ္ဘာ၏ ကလိန်ကျမှု၊ အစ္စရေး၏ အီရန်နိုင်ငံအပေါ် ရန်လိုနေမှုနှင့် ကမ္ဘာ့ငြိမ်းချမ်းရေးကို ခြိမ်းခြောက်နေမှုတို့ကို ထိထိမိမိ ဝေဖန်ဖော်ပြခဲ့သည်။ ထိုကဗျာသည် ဧပြီ ၄ ရက်နေ့ထုတ် ဥရောပ သတင်းစာများစွာတွင် ပါရှိခဲ့သည်။ ထိုကဗျာရေးသားချက်ကို တုန့်ပြန်သည်အနေဖြင့် အသက် ၈၄နှစ်ရှိပြီဖြစ်သော စာရေးဆရာကြီးကို အစ္စရေး ပြည်ထဲရေး ဝန်ကြီး Eli Yishai က ပြည်ဝင်ခွင့်ပိတ်ခဲ့ပြီး အစ္စရေးဝန်ကြီးချုပ် Netanyahu ကလည်း ပြင်းထန်စွာ ဝေဖန်ခဲ့ကာ နိုင်ငံခြားရေးဝန်ကြီး Avigdor Lieberman ကလည်း ဂျူးဆန့်ကျင်ရေးသမားအဖြစ် ယိုးစွပ်ခဲ့သည်။ အီရန် ယဉ်ကျေးမှု ဒုတိယဝန်ကြီး Javad Shamaqdari ကတော့ စနေနေ့တွင် “ဒါက လှလှပပလေး သတိပေးထောက်ပြတာပါ”ဟုဆိုကာ Grass၏ ကဗျာကို ချီးကျူးခဲ့သည်။

အစ္စရေးသည် အနောက်အင်အားစုအကူအညီဖြင့် အီရန်ကို နူကလိယဗုံးပြုလုပ်ရန် ကြိုးပမ်းနေသည်ဟု စွပ်စွဲကာ စစ်ရေးအရ အရေးယူရန် ပြင်ဆင်နေသည်။ သို့သော်လည်း အစ္စရေးနိုင်ငံ ကိုယ်တိုင်သည်ပင်လျှင် နူကလိယဗုံးများစွာ တရားမဝင်ပိုင်ဆိုင်ထားသည့် နိုင်ငံအဖြစ် နိုင်ငံတကာအသိုင်းအဝိုင်း၏ သံသယရှိခြင်းကို ခံနေရသည်။ ကုလသမဂ္ဂ နူကလိယလက်နက်စစ်ဆေးရေးမှူး များကို ရှောင်လွဲနိုင်ရန်အတွက် နူကလိယမပြန့်ပွားရေး စာချုပ်တွင် မပါဝင်စေရန် အစ္စရေးနိုင်ငံ၏ ငြင်းဆိုမှုက ထိုသံသယကို ပိုမိုခိုင်မာ သွားစေသည်။

ဂျာမန်ကဗျာဆရာ၏ ကလောင်စွမ်းက ဂျာမန်နိုင်ငံအပါအဝင် အနောက်အင်အားစု၏ အစ္စရေး၏ သံသယကြီးဖွယ် နူကလိယစီမံကိန်းများကို မမြင်ချင်ယောင်ဆောင်နေခြင်းနှင့် အစ္စရေး၏ လက်ဦးမှုယူကာ အီရန်ကို တိုက်ခိုက်ခြင်းဖြင့် အပြစ်မဲ့ အီရန်ပြည်သူတို့ သေကြေပျက်စီးနိုင်မှုများကို ဗူးပေါ်သလို ပေါ်လွင်စေပေသည်။ ဂျာမန်နိုင်ငံသည် လောလောလတ်လတ်တွင် အလုံးစုံပျက်စီးခြင်းဖြစ်စေနိုင်သော နူကလိယ ထိပ်ဖူးတပ်ဒုံးများ သယ်ဆောင်နိုင်သည့် ရေငုပ်သင်္ဘောများကို အစ္စရေးကို ရောင်းထားသည်။

ဂျာမန်လူမျိုး စာပေသမား Gunter Grass သည် ၁၉၉၉ခုနှစ်တွင် စာပေဆိုင်ရာ နိုဗယ်လ်ဆုကို ရရှိခဲ့ပြီး သူ၏ အကျော်ကြားဆုံး ဝတ္ထုမှာ “The Tin Drum” ဖြစ်သည်။

Ref: Aljazeera & Wikipedia

April 10, 2012