News @ M-Media

Blog

  • မွတ်စလင်မ် ပရိသတ်တွေ နားလည်မှုမလွဲစေဖို့ ရီးရဲယ်မက်ဒရစ် အသင်းတံဆပ်ပြင်မည်။

    မွတ်စလင်မ် ပရိသတ်တွေ နားလည်မှုမလွဲစေဖို့ ရီးရဲယ်မက်ဒရစ် အသင်းတံဆပ်ပြင်မည်။

    စပိန်ထိပ်သီး ကလပ်အသင်းတစ်သင်းဖြစ်တဲ့ ရီးရဲလ်မက်ဒရစ်အသင်းဟာ မွတ်စလင်မ် ပရိသတ်ထုကို ပိုမိုဆွဲဆောင်နိုင်ဖို့ အသင်းတံဆိပ်က ခရစ်ယာန်အမှတ်အသား လက်ဝါးကပ်တိုင်ပုံကို ပယ်ဖျက်သွားမှာဖြစ်တယ်လို့ သိရပါတယ်။ အဆိုပါ အချင်းအရာနဲ့ ပတ်သက်လို့ ရီးရဲလ်မက်ဒရစ် အသင်းဘက်က “မွတ်စလင်မ် ပရိသတ်အများစု ရှိတဲ့ ဒေသတွေမှာ မလိုလားအပ်တဲ့ နားလည်မှုလွဲမှားမှုတွေ၊ အငြင်းပွားမှုတွေ မဖြစ်ပေါ်စေဖို့ အခုလို ဆုံးဖြတ်လိုက်တာဖြစ်တယ်” လို့ ဆိုပါတယ်။

    ကမ္ဘာတစ်ဝှမ်းလုံးမှာ ပရိသတ် အခိုင်အမာ ရထားတဲ့ ရီးရဲမက်ဒရစ်ဟာ၁၉၂၀ခုနှစ်၊ သတ္တမမြောက် အယ်လ်ဖွန်ဆို ဘုရင် (King Alfonso XIII) လက်ထက်တည်းက လက်ဝါးကပ်တိုင်ပုံပါတဲ့ သူ့ရဲ့ သရဖူကို အသင်းတံဆိပ်မှာ ထည့်သွင်း အသုံးပြုခဲ့တာ ဖြစ်ပါတယ်။ ဒါပေမယ့် သူတို့ရဲ့ အခုလို တံဆိပ်ပြင်ဆင်ခြင်းရဲ့ အဓိက အကြောင်းရင်းကတော့ UAE နိုင်ငံမှာ ဆောက်လုပ်နေတဲ့ ဒေါ်လာ တစ်ဘီလျှံတန် အပန်းဖြေစခန်းနဲ့ တိုက်ရိုက်ပတ်သက်နေပါတယ်။ အသင်းအမှတ်တံဆိပ်အောက်မှာ လုပ်ဆောင်သွားမယ့် အဆိုပါ အပန်းဖြေစခန်း စီမံကိန်းဟာ အသင်းရဲ့ စီးပွားရေးအနေအထားအတွက် အလွန်အရေးပါနေသလို အခုဘောလုံးရာသီအစကမှ ကာတာဖောင်ဒေးရှင်းနဲ့ ပေါင် သန်း၁၅၀တန် စာချုပ်ချုပ်ထားတဲ့ အဓိက ပြိုင်ဘက် ဘာစီလိုနာ အသင်းနဲ့ အရှေ့အလယ်ပိုင်း ဈေးကွက်အပြိုင်အဆိုင်ချဲ့ထွင်မှုမှာလည်း အခရာကျနေပါတယ်။

    ဒီလို အသင်းတံဆိပ်ပြောင်းလဲမှုဟာ ရီးရဲမက်ဒရစ် တစ်သင်းတည်းတင် မဟုတ်ပဲ ဘာစီလိုနာအသင်းလည်း ပြုလုပ်ခဲ့ဖူးပါတယ်။ အသင်းတံဆိပ်မှာ ပါဝင်တဲ့ အနီရောင် ကြက်ခြေခတ်အမှတ်အသား (San Jorge Cross) ဟာ ခရူးဆိတ်စစ်ပွဲကို ကိုယ်စားပြုထားတာကြောင့် အစ္စလာမ်ဘာသာကို ထိပါးသလို ဖြစ်နေတယ်လို့ ဆော်ဒီအာရေဗျဘက်က စောဒကတက်ခဲ့တာမို့ အရှေ့အလယ်ပိုင်းမှာ ရောင်းချတဲ့ ဘာစီလိုနာအသင်းအင်္ကျီတွေမှာ ကြက်ခြေခတ်ပုံအစား ဒေါင်လိုက် လိုင်းတစ်လိုင်းတည်းနဲ့ တံဆိပ်ကိုသာ ထည့်သွင်းခဲ့ရပါတယ်။

    ဘောလုံးအားကစားကို ရူးသွပ်တဲ့ ဥရောပနဲ့ အာရှ စပ်ကြားမှာ တည်ရှိတဲ့ အရှေ့အလယ်ပိုင်းဒေသဟာ ဘောလုံးအသင်းတွေရဲ့ ဈေးကွက်မှာ အလားအလာကောင်းတွေ ရှိတဲ့အတွက် အဲ့ဒီ့မှာ အဓိက နေထိုင်တဲ့ မွတ်စလင်မ်တွေကို လစ်လျူရှုထားလို့မရဘူးဆိုတာကို ပြသနေသလို ပိုက်ဆံရဖို့အတွက်ဆိုရင် ဘာမဆိုလုပ်နိုင်တယ်ဆိုတဲ့ သူတို့ရဲ့ အလေ့အထကိုပါ ပြသနေတာကိုလည်း တွေ့ရပါတယ်။

    ရီးရဲလ်မက်ဒရစ် အသင်းဟာ ၂၀၁၁ခုနှစ်အတွင်း ၀င်ငွေအကောင်းဆုံးအသင်းအဖြစ် ယူရို၄၃၈သန်းနဲ့ ရပ်တည်နေပြီး အသင်းမှာ ဘန်ဇီမာ၊ အိုဇေးလ်တို့လို မွတ်စလင်မ် ဘောလုံးသမားတွေကိုလည်း ပိုင်ဆိုင်ထားပါတယ်။

    ဒီလို အသင်းတံဆိပ်ကို ပြင်ဆင်ခြင်းဟာ အမြဲတမ်းအတွက်လား၊ သူတို့ရဲ့ အပန်းဖြေစခန်းစီမံကိန်းအတွက်ပဲလားဆိုတာတော့ ရှင်းလင်းစွာ မသိရသေးပါဘူး။

    Ref:
    http://www.onislam.net
    http://muslimvillage.com/

    ဘာသာပြန်- မင်းဝေယံ

  • ဆီးရီးယားဒုက္ခသည်များအား ကယ်ဆယ်ထောက်ပံ့ရေး အတွက် ဆော်ဒီ် လခြမ်းနီအဖွဲ့နှင့် UNHCR တို့ ဆွေးနွေး

    ဆီးရီးယားဒုက္ခသည်များအား ကယ်ဆယ်ထောက်ပံ့ရေး အတွက် ဆော်ဒီ် လခြမ်းနီအဖွဲ့နှင့် UNHCR တို့ ဆွေးနွေး

    UNHCR  မှတာဝန်ရှိသူပုဂ္ဂိုလ်နှင့် မနေ့က တွေ့ဆုံရာမှာ ဆီးရီးယား ဒုက္ခသည်တွေအတွက် အိမ်နီးချင်းနိုင်ငံများမှ ယူအန်ကိုယ်စားလှယ်အဖွဲ့နှင့်အတူ လူသားချင်းစာနာမှုအထောက်အပံ့ပေးနိုင်ရေးအတွက် ညှိနှိုင်းဆောက်ရွက်မှုတွေပြုလုပ်သွားဖို့  ဆော်ဒ်ီလခြမ်းနီအာဏာရအဖွဲ့၏ ဥက္ကဌ ဘုရင်ဖိုင်ဇယ်လ်ဘင်အဗ္ဗဒွလ်လာက အဆိုပြုပြောကြားသွားပါတယ်။

    ဆော်ဒီအာရေဗျအနေနဲ့ ကမ္ဘာတစ်ဝှမ်းမှ ဒုက္ခသည်များနှင့်တကွ အခြားကူညီရန်လိုအပ်သောနေရာများသို့ လူသားချင်းစာနာထောက်ထားခြင်းအားဖြင့်အကူအညီများပေးအပ်ရန်၊ ကယ်ဆယ်ရေးအကူအညီများပေးအပ်ရန် အသင့်အနေအထားမှာရှိနေပြီဖြစ်ကြောင်း ဖိုင်ဇယ်လ်ဘုရင်မှ GCC ရဲ့ UNHCR ကိုယ်စားလှယ် အင်မ်ရမ်းရီဒါနဲ့ တွေ့ဆုံအပြီးမှာ ထုတ်ဖော်ပြောကြားသွားပါတယ်။

    ဖိုင်ဇယ်လ်ဘုရင်နဲ့ ရီဒါတို့နှစ်ဦး တွေ့ဆုံစဉ် လက်ရှိဆီးရီးယားနိုင်ငံရဲ့ဒေသတွင်းဖွံ့ဖြိုးမှုအခြေအနေတွေကို သုံးသပ်ကြရာမှာ နိုင်ငံတွင်း အကြမ်းဖက်မှုတွေကြီးမားလာမှုကြောင့် ဒုက္ခသည်အရေအတွက်အဆမတန်များပြားလာမှုအပေါ် အလေးပေးဆွေးနွေးမှုတွေ ပြုလုပ်ခဲ့ပါတယ်။

    ဆီးရီးယားဒုက္ခသည်များအတွက် လူသားချင်းစာနာထောက်ထားမှုအထောက်အပံ့နှင့် ကယ်ဆယ်ရေးအဖွဲ့တွေ ဖွဲ့စည်းသွားရန်အတွက် UNHCR နှင့် Saudi Red Crescent တို့မှ တူရကီ၊ လီဘနွန်၊ ဂျော်ဒန်နိုင်ငံများနှင့် အတူတကွပူးပေါင်းလုပ်ဆောင်သွားကြရန် မျှော်လင့်ကြောင်းကိုလည်း ထည့်သွင်းဆွေးနွေးသွားခဲ့ပါတယ်။

    ရီဒါမှ ယခုလို ဒုက္ခသည်များနှင့် ကမ္ဘာအရပ်ရပ်မှ လူများရွေ့ပြောင်းနေရာချထားရေးတွေမှာ အကူအညီပေးအပ်မှုအတွက်  ဆော်ဒီအာရေဗျအပေါ် ချီးမွမ်းထောက်ခံပြောဆိုသွားခဲ့ပါတယ်။ ထို့ပြင် ဆီးရီးယားဒုက္ခသည်တွေရဲ့ ဒုက္ခဝေဒနာများ လျော့ပါးသက်သာစေရန် ဖိုင်ဇယ်လ်ဘုရင်ရဲ့ ကြိုးပမ်းအားထုတ်မှုတို့ကိုလည်း အလေးထားထည့်သွင်းပြောကြားသွားပါသေးတယ်။

     

    Ref: http://arabnews.com/

    ဘာသာပြန်- အလိမ္မာ

  • ကမ္ဘာ့ငြိမ်းချမ်းရေးကို အစ္စရေးနိုင်ငံက ခြိမ်းခြောက်နေကြောင်း ဂျာမန် နိုဗယ်လ်ဆုရှင် သုံးသပ်ဝေဖန်

    ကမ္ဘာ့ငြိမ်းချမ်းရေးကို အစ္စရေးနိုင်ငံက ခြိမ်းခြောက်နေကြောင်း ဂျာမန် နိုဗယ်လ်ဆုရှင် သုံးသပ်ဝေဖန်

    နိုဗယ်လ်ဆုရှင် ဂျာမန်လူမျိုး စာရေးဆရာ Gunter Grass က “ဘာပြောကို ပြောရမလဲဆိုလျှင်” အမည်ရှိ သူ့ကဗျာတွင် အစ္စရေးနိုင်ငံ၏ နူကလိယ စီမံကိန်းနှင့်ပတ်သက်ပြီး အနောက်ကမ္ဘာ၏ ကလိန်ကျမှု၊ အစ္စရေး၏ အီရန်နိုင်ငံအပေါ် ရန်လိုနေမှုနှင့် ကမ္ဘာ့ငြိမ်းချမ်းရေးကို ခြိမ်းခြောက်နေမှုတို့ကို ထိထိမိမိ ဝေဖန်ဖော်ပြခဲ့သည်။ ထိုကဗျာသည် ဧပြီ ၄ ရက်နေ့ထုတ် ဥရောပ သတင်းစာများစွာတွင် ပါရှိခဲ့သည်။ ထိုကဗျာရေးသားချက်ကို တုန့်ပြန်သည်အနေဖြင့် အသက် ၈၄နှစ်ရှိပြီဖြစ်သော စာရေးဆရာကြီးကို အစ္စရေး ပြည်ထဲရေး ဝန်ကြီး Eli Yishai က ပြည်ဝင်ခွင့်ပိတ်ခဲ့ပြီး အစ္စရေးဝန်ကြီးချုပ် Netanyahu ကလည်း ပြင်းထန်စွာ ဝေဖန်ခဲ့ကာ နိုင်ငံခြားရေးဝန်ကြီး Avigdor Lieberman ကလည်း ဂျူးဆန့်ကျင်ရေးသမားအဖြစ် ယိုးစွပ်ခဲ့သည်။ အီရန် ယဉ်ကျေးမှု ဒုတိယဝန်ကြီး Javad Shamaqdari ကတော့ စနေနေ့တွင် “ဒါက လှလှပပလေး သတိပေးထောက်ပြတာပါ”ဟုဆိုကာ Grass၏ ကဗျာကို ချီးကျူးခဲ့သည်။

    အစ္စရေးသည် အနောက်အင်အားစုအကူအညီဖြင့် အီရန်ကို နူကလိယဗုံးပြုလုပ်ရန် ကြိုးပမ်းနေသည်ဟု စွပ်စွဲကာ စစ်ရေးအရ အရေးယူရန် ပြင်ဆင်နေသည်။ သို့သော်လည်း အစ္စရေးနိုင်ငံ ကိုယ်တိုင်သည်ပင်လျှင် နူကလိယဗုံးများစွာ တရားမဝင်ပိုင်ဆိုင်ထားသည့် နိုင်ငံအဖြစ် နိုင်ငံတကာအသိုင်းအဝိုင်း၏ သံသယရှိခြင်းကို ခံနေရသည်။ ကုလသမဂ္ဂ နူကလိယလက်နက်စစ်ဆေးရေးမှူး များကို ရှောင်လွဲနိုင်ရန်အတွက် နူကလိယမပြန့်ပွားရေး စာချုပ်တွင် မပါဝင်စေရန် အစ္စရေးနိုင်ငံ၏ ငြင်းဆိုမှုက ထိုသံသယကို ပိုမိုခိုင်မာ သွားစေသည်။

    ဂျာမန်ကဗျာဆရာ၏ ကလောင်စွမ်းက ဂျာမန်နိုင်ငံအပါအဝင် အနောက်အင်အားစု၏ အစ္စရေး၏ သံသယကြီးဖွယ် နူကလိယစီမံကိန်းများကို မမြင်ချင်ယောင်ဆောင်နေခြင်းနှင့် အစ္စရေး၏ လက်ဦးမှုယူကာ အီရန်ကို တိုက်ခိုက်ခြင်းဖြင့် အပြစ်မဲ့ အီရန်ပြည်သူတို့ သေကြေပျက်စီးနိုင်မှုများကို ဗူးပေါ်သလို ပေါ်လွင်စေပေသည်။ ဂျာမန်နိုင်ငံသည် လောလောလတ်လတ်တွင် အလုံးစုံပျက်စီးခြင်းဖြစ်စေနိုင်သော နူကလိယ ထိပ်ဖူးတပ်ဒုံးများ သယ်ဆောင်နိုင်သည့် ရေငုပ်သင်္ဘောများကို အစ္စရေးကို ရောင်းထားသည်။

    ဂျာမန်လူမျိုး စာပေသမား Gunter Grass သည် ၁၉၉၉ခုနှစ်တွင် စာပေဆိုင်ရာ နိုဗယ်လ်ဆုကို ရရှိခဲ့ပြီး သူ၏ အကျော်ကြားဆုံး ဝတ္ထုမှာ “The Tin Drum” ဖြစ်သည်။

    Ref:  Aljazeera & Wikipedia

  • ကမ္ဘာ့ငြိမ်းချမ်းရေးအတွက် မွတ်စလင်မ်ပညာရှင်များ တွေ့ဆုံကြမည်။

    အစ္စလာမ်နှင့်ပတ်သက်ပြီး အထင်အမြင်လွဲမှားမှုများကို ရှင်းလင်းအားထုတ်မှုတစ်ရပ်အနေဖြင့် ကမ္ဘာ့နိုင်ငံအနှံ့မှ နာမည်ကျော် မွတ်စလင်မ်ပညာရှင်များ၊ အစိုးရအရာရှိကြီးများနှင့် ဂုဏ်သရေရှိ ပုဂ္ဂိုလ်များ စသည်တို့သည် အစ္စလာမ်သာသနာ၏ စစ်မှန်သော ငြိမ်းချမ်းရေးသွန်သင်မှုများကို ဖြန့်ဝေရန် လာမည့်အပတ်တွင် ဒူဘိုင်းမြို့၌ စည်းဝေးကြမည် ဖြစ်သည်။

    “ငြိမ်းချမ်းရေးဟာ အစ္စလာမ့်ရဲ့ အရေးကြီးဆုံး အပိုင်းဖြစ်ပါတယ်။ လူတစ်ဦးတစ်ယောက်ချင်းကနေစပြီး ကမ္ဘာကြီးတစ်ခုလုံးအထိ ငြိမ်းချမ်းရေးကို ဘယ်လိုတည်ဆောက်ကြမလဲဆိုတာနဲ့ပတ်သက်ပြီး အစည်းအဝေးကြီးမှာ ဆွေးနွေးကြပါမယ်” ဟု ဒူဘိုင်းအပြည်ပြည်ဆိုင်ရာ ငြိမ်းချမ်းရေး တွေ့ဆုံပွဲကြီး၏ သဘာပတိ M. K. Ebrahim က ဧပြီ ၄ ရက် ဗုဒ္ဓဟူးနေ့ တွင် Gulf News အား ပြောကြားသွားခဲ့ပါသည်။

    “ယနေ့ခေတ်ကမ္ဘာကြီးမှာ ငြိမ်းချမ်းရေးရဲ့ သတင်းစကားကို ကျွန်တော်တို့ ဖြန့်ဝေချင်ပါတယ်။”

    ဧပြီ ၁၂ရက်နေ့မှ ၁၄ရက်နေ့အထိ ကျင်းပမည့် ဆွေးနွေးပွဲကြီးတွင် ပရိသတ်သိန်းနဲ့ချီပြီး ရှိမည်ဟု မျှော်လင့်ထားကြပါသည်။

    “ပြီးခဲ့တဲ့ တစ်ကြိမ် ၂၀၁၀တုန်းက ပရိသတ် တစ်သိန်းခွဲကျော်ရှိပြီး ဒီနှစ်မှတော့ အဲ့ဒီထက်များလိမ့်မယ်လို့ ကျွန်တော်တို့ မျှော်လင့်ပါတယ်”ဟု ထပ်ပြောခဲ့ပါသည်။

    Al Manar ကုရ်အာန်လေ့လာရေးစင်တာမှ စီစဉ်သော အမေရိကားမှ Yusuf Estes အပါအ၀င် နာမည်ကျော်ပညာရှင်များ တက်ရောက်ကြမည့် သုံးရက်ကြာ တွေ့ဆုံပွဲမှာ မုဟမ္မဒ်ဘင်ရရှီးဒ်အလ်မက်သောဝ်မ် ကမ္ဘာ့ငြိမ်းချမ်းရေးဆုအတွက်  အစပျိုးလုပ်ရှားမှု ဖြစ်လာပါလိမ့်မည်။

    အင်္ဂလန်မှ Abdul Rahim Green၊ အိန္ဒိယမှ Dr. Zakir Naik နှင့် မလေးမှ ရှိခ်Hussain Yee တို့၏ ဟောပြောပွဲများက တွေ့ဆုံပွဲကို ပိုမိုထူးခြားကာ အသက်ဝင်စေလိမ့်မည်။

    “ပညာရှင်တွေက ငြိမ်းချမ်းရေးနဲ့ပတ်သက်ပြီး ကုရ်အာန်ကျမ်းတော်မြတ်ရဲ့ သင်ကြားချက်တွေကို ဆွေးနွေးတင်ပြပါလိမ့်မည်”ဟု Ebrahimက ဆိုပါသည်။

    “ကမ္ဘာ့ဘာသာတရားပေါင်းစုံမှ ယဉ်ကျေးမှုကွဲပြားသော လူထုအတွက် အစ္စလာမ့်သွန်သင်ချက်များကို လေ့လာရန် အခွင့်အရေးကောင်း တစ်ခုဖြစ်ပါလိမ့်မယ်။”

    တွေ့ဆုံပွဲကြီးကို တမူထူးစေမည်ကတော့ ကုရ်အာန်ကျမ်းတော်မြတ်မှ သိပ္ပံဆိုင်ရာ ထူးခြားဆန်းကျယ်မှုများ ပြပွဲနှင့် အစ္စလာမ့် ဈေးပွဲတော်တို့ပင်ဖြစ်လိမ့်မည်။

    “လွတ်မြောက်ခြင်း ပြပွဲက ထူးခြားဆန်းကျယ်မှုများကို ထဲထဲဝင်ဝင် သိရှိခံစားမှုကို ပေးနေချိန်မှာ ဈေးပွဲတော်ကလည်း မွတ်စလင်မ် စီးပွားရေးလုပ်ငန်းရှင်များအတွက် အခွင့်အရေးကောင်း တစ်ရပ်ပင် ဖြစ်လိမ့်မည်”ဟု DIPC ၏ ဈေးကွက်ပိုင်းဆိုင်ရာမှ Ahmad Hamed က ပြောပြခဲ့ပါသည်။

    “ဒါ့အပြင် ကလေးတွေအတွက် သဘောကျစရာနေရာ တစ်ခုလည်းဖြစ်မှာပေါ”့ဟု ဖြည့်စွက်ပြောကြားခဲ့ပါသည်။

    အစည်းအဝေးမတိုင်ခင်မှာ ကျင်းပရခြင်းရည်ရွယ်ချက်နှင့် တွေ့ဆုံပွဲကို လူအများတို့ ပိုမိုသိရှိနားလည်လာစေရန် ငြိမ်းချမ်းရေး ချီတက်ပွဲကို သောကြာနေ့မှာ ဦးစွာကျင်းပပါမည်။

    Murooj Rotan ဟိုတယ်မှ သောကြာနေ့ ညနေ ၄နာရီမှာစတင်ထွက်ခွာပြီး ကမ္ဘာ့ကုန်သွယ်ရေးစင်တာမှာ အဆုံးသတ်မည့် အဆိုပါ ချီတက်ပွဲတွင် ပူဖောင်းများ၊ လေထီးသမားများ၊ ကောင်းကင်အလွတ်ခုန် အလှကစားသူများနှင့် ရဟတ်ယာဉ်များမှ ငြိမ်းချမ်းရေး ရုပ်ပုံများကို ဖော်ဆောင်ပါဝင်မည်ဖြစ်သည်။ ထိုအချိန်တွင် မော်တော်ဆိုင်ကယ်နှင့် ကားများမှလည်း မြို့တော်အနှံ့  ငြိမ်းချမ်းရေးအလံများ လွှင့်ထူကာ တူဆင်နွှဲမည်ဖြစ်သည်။

     

    Ref: http://www.onislam.net/english/news/global/456496-muslim-scholars-gather-for-world-peace.html

    ဘာသာပြန်-ababeel

  • ပသီစာဆို ( ရွှေတောင်သာဂသူဘွဲ့ခံ ဆရာကြီးဦးနု)

    ပသီစာဆို ( ရွှေတောင်သာဂသူဘွဲ့ခံ ဆရာကြီးဦးနု)

    ရေးသားသူ – တင်နိုင်တိုး

    ကုန်းဘောင်ခေတ်ဦးကာလက မြန်မာစာပေနယ်မှာ အစ္စလာမ်ဘာသာဝင် ပသီစာဆိုတော်တစ်ဦး ပေါ်ပေါက်ခဲ့ဖူးပါတယ်။ သူကတော့ ရမ္မာဝတီမြို့ဝယ် ရွှေတောင်သာဂသူဘွဲ့ခံ ဆရာကြီးဦးနုပါပဲ။ စာဆိုတော်ကြီး ဦးနုဟာ ဘိုးတော်ဘုရားလက်ထက်မှာ မဇ္ဈိမဒေသက ကျမ်းပေါင်းများစွာကို ဆောင်ယူပေးခဲ့သဖြစ်လို့ မြန်မာစာပေသမိုင်းမှာ တစ်ထောင့်တစ်နေရာက ကျေးဇူးပြုခဲ့သူလို့ ဆိုနိုင်ပါတယ်။

    ပသီစာဆိုကြီးဦးနုကို နောင်တော်ကြီးမင်းလက်ထက် ၁၇၊ ဇူလိုင်၊ ၁၇၆၂ မှာ ရွှေဘိုမြို့မှာ ဖွားမြင်ပါတယ်။ မိဘတွေကတော့ ကုန်သည်တော် ရှိုက်ခ်ဒါဝူးဒ်နဲ့ ဒေါ်ငြိမ်းတို့ပါပဲ။ မိခင်ဒေါ်ငြိမ်းဟာ သွေးသောက်ကြီး ဦးပွင့်နဲ့ ဒေါ်မြတ်နှင်းတို့ရဲ့ သမီးဖြစ်တာမို့ စာဆိုတော်ဦးနုဟာ ငယ်စဉ်ကတည်းက နန်းတွင်းအသိုင်းအ၀ိုင်းနဲ့ နီးစပ်သူလို့ ဆိုနိုင်ပါတယ်။ အစ္စလာမ်ဘာသာဝင် ဆရာကြီးဦးနုရဲ့ မွတ်ဆလင်အမည်ကတော့ မုဟမ္မဒ်ကာစင်မ်ဖြစ်ပါတယ်။ ဆရာကြီးဟာ ရွှေဘိုဇာတိဆိုပေမယ့် ငယ်စဉ်ကတည်းက အင်းဝတောင်ဘလူရပ်မှာ နေထိုင်ခဲ့ပါတယ်။

    စာဆိုတော်အဖြစ် ထင်ရှားလာမည့် ဦးနုဟာ အသက်(၇)နှစ်အရွယ်မှာ အင်းဝ နန်းဦးကျောင်းတိုက်မှာ ပါဠိ၊ မြန်မာစာပေတွေ စတင်ဆည်းပူးခဲ့တယ်။ အသက်(၁၉)နှစ်အရွယ်ရောက်တော့ ရန်ကုန်ဆင်းလာပြီး ဆီးရီးယားက ကြွရောက်လာတဲ့ ဆရာကြီးစိုင်ယဒ်မူဟာမ္မာဒ်ဆီမှာ အစ္စလာမ်ဘာသာစာပေ၊ အာရဗီ၊ အူရဒူ၊ ဖာရစီဘာသာတွေ သင်ယူတယ်။

    တစ်ဖက်ကလည်း မြန်မာဘာသာ၊ ပါဠိဘာသာကို ကျွမ်းကျင်နိုင်နင်းအောင်ကြိုးစားလေ့လာပါတယ်။ ဒါကြောင့်လည်း နောင်မှာ စာဆိုတစ်ဦးအဖြစ် ထင်ရှားခဲ့တာပါ။

    ဦးနုဟာ အသက်(၂၆)အရွယ်မှာ သွေးသောက်ကြီး ဦးသာဒွန်း၊ ဒေါ်မိုးသူတို့ရဲ့သမီး မမယ်မနဲ့ အိမ်ထောင်ကျတယ်။ သား ‘အဗ်ဒွလ်ကရင်’လို့ခေါ်တဲ့ နာခံတော် မောင်ပြည့်နဲ့ သမီး မမကြီး(ဒေါ်မြတ်လှ)၊ မမထွေး(ဒေါ်မြတ်ထွန်း)တို့ကို ဖွားမြင်တယ်။

    ၃၀ နိုဝင်ဘာ၊ ၁၈၀၅ မှာ ဦးနုဟာ ဘိုးတော်ဘုရား အမိန့်တော်အရ အိန္ဒိယကို သွားရောက်ရတယ်။ ဘင်္ဂလားမှာ နှစ်ထပ်တိုက်တစ်လုံးငှားပြီး ကွမ်းသီးရောင်းရင်း နယ်ချဲ့အင်္ဂလိပ်ရဲ့အခြေအနေကို ထောက်လှမ်းရတယ်။ တစ်ဖက်ကလည်း ကျမ်းစာအုပ်တွေ ရှာဖွေစုဆောင်းရပါတယ်။

    ၁၅ ဧပြီ ၁၈၀၆ မှာ ဦးနု အမရပူရကိုပြန်ရောက်လာတော့ ဘိုးတော်ဘုရားက နှစ်ထောင်းအားရတော်မူလို့ ရမ္မာဝတီမြို့ဝန်ရာထူး ခန့်အပ်လိုက်တယ်။

    ‘ရွှေတောင်သာဂသူ’ဘွဲ့ခံ ရမ္မာဝတီမြို့ဝန်ဦးနုဟာ အိန္ဒိယကို နောက်ထပ် နှစ်ကြိမ်ထက်မနည်းသွားရောက်ခဲ့ရပြီး ပေမူ ၁၀၀၊ ကျမ်းစာအုပ် ၁၇၇ အုပ်ကို သယ်ဆောင်လာခဲ့နိုင်တယ်။ မောင်းထောင်ဆရာတော်ကြီး ဘာသာပြန်ဆိုခဲ့တဲ့ ကျမ်းတချို့ဟာ ‘ရွှေတောင်သာဂသူ’အိန္ဒိယက သယ်ဆောင်လာတဲ့ကျမ်းတွေ ဖြစ်တယ်။

    ‘ရွှေတောင်သာဂသူ’ဘွဲ့ခံ ဆရာကြီးဦးနုဟာ အသက်(၆၈)နှစ်အရွယ် ၁၈၂၂-ခုနှစ်မှာ အမရပူရမြို့မှာ ကွယ်လွန်ခဲ့ပါတယ်။ စာဆိုတော်ဦးနုဟာ ၃၅-ခန်းလို့ခေါ်တဲ့ သာသာရေးဆိုင်ရာ ‘ရှရာကျမ်း’အပါအ၀င် ကျမ်းပေါင်း (၆၀)ကျော် ရေးသားပြုစုခဲ့တဲ့ စာဆိုတော်ကြီးတစ်ဦဖြစ်ပါတယ်။ အဲဒီ (၃၅)ခန်း မူရင်းကျမ်းကြီးကို မကြာမီက ပြုလုပ်ခဲ့တဲ့ လောကနတ်ရှားပါးစာအုပ်ပြပွဲမှာ တွေ့မြင်ခဲ့ရပါသေးတယ်။

     

    ဆရာကြီး၏ ဘင်္ဂလားသွားခရီးစဉ် ခန့်မှန်းမြေပုံ

    စာဆိုဦးနုရဲ့ စာပေလက်ရာတွေထဲမှာ ခရီးစဉ်မှတ်တမ်း လင်္ကာ(၅၅)ပိုဒ်ကလည်း ထင်ရှားလှပါတယ်။ ဆရာကြီး ဒေါက်တာလှတိုးရဲ့ ကျေးဇူးကြောင့် အဲဒီ (၅၅)ပိုဒ်လင်္ကာကို ပုံနှိပ်စာလုံးနဲ့ မြင်တွေ့နိုင်ပြီဖြစ်ပါတယ်။ အဲဒီလင်္ကာရှည်ထဲမှာ အမရပူရကနေ ဘင်္ဂလားအရောက် အကြောင်းအရာတွေကို ရေးဖွဲ့ထားတာမို့ စိတ်ဝင်စားစရာကောင်းတဲ့ ခရီးသွားမှတ်တမ်းကြီးတစ်စောင်ပါပဲ။ ဘင်္ဂလားအသွားလမ်းမှာ လကြတ်တာနဲ့ ကြုံခဲ့ရသေးတယ်။ ‘ဟင်းရာဝ’လို့ အမည်ရတဲ့စခန်းမှာ ညအိပ်ရပ်နားစဉ်အခါဖြစ်ပါတယ်။ လကြတ်စဉ် ကောင်းကင်ဂြိုဟ်အနေအထားကို လင်္ကာထဲမှာ အသေးစိတ်ရေးဖွဲ့ထားတော့ စာဆိုဦးနုဟာ မြန်မာနက္ခတ္တဗေဒင်ကို တတ်ကျွမ်းသူလို့လည်း ဆိုနိုင်ပါတယ်။

    စာဆိုတော်ဦးနုရဲ့ ရှားပါးလက်ရာ ရတုကဗျာအချို့ကိုလည်း ရှေးဟောင်းစာပေအတွဲ(၂၄)မှာ ဖယောင်းလှိမ့် လက်ရေးမူအဖြစ် ဖတ်ရှုရပါတယ်။ အဲဒီအထဲမှာ စာဆိုတော်ဦးနု ကြွေးမြီပြဿနာကြောင့် တိမ်းရှောင်နေရပုံကို ‘မောင်နုတွင်မည်၊ ကျွနုပ်သည်ကား၊ မတည်ရပ်ပါ၊ ကြွေးများစွာကြောင့်၊ အိမ်မှာလျှင်မျှ၊ မနေရတည့်၊ ခေတ္တ ဟိုသည်၊ တိမ်းရှောင်လည်၍’လို့ ဖတ်ရှုရပါတယ်။

    မှတ်တမ်းမှတ်ရာတွေအရ ရမ္မာဝတီမြို့ဝန် ‘ရွှေတောင်သာဂသူ’ကို ကံ့ကော်ရွာသူကြီးနဲ့ မြို့ချောင်းရွာသူကြီးတွေက တိုင်ကြားခဲ့တဲ့အမှုဖြစ်ဟန်ရှိပါတယ်။

    စာဆိုတော်ဦးနုဟာ သရဒွေးကျမ်း၊ အဘိဓါန်ကျမ်းတွေအပြင် ဆေးကျမ်းများစွာကို ဆောင်ယူလာခဲ့သူလည်းဖြစ်လို့ မြန်မာ့ဆေးပညာသမိုင်းမှာလည်း အသိအမှတ်ပြုသင့်လှပါတယ်။ ဒီဆောင်းပါးကို ဆရာမကြီးစောမုံညင်းရဲ့ ဦးနု၏ ဘင်္ဂလားသွားမှတ်တမ်းလင်္ကာဆောင်းပါး(ငွေတာရီ ၁၉၈၈၊ ဇွန်)နဲ့ မောင်မောင်ကြီး(မန်း)ရဲ့ စာဆိုတော်သခင်ကြီး ဦးနု (အစ္စလာမ်သုတ ၁၉၈၈၊ မေ)တို့ကို အခြေပြုရေးသားထားပါတယ်။

     

    (နံနက်ခင်းသတင်းဂျာနယ်၊ အတွဲ-၃၊ အမှတ်-၃၅၊ သြဂုတ် ၂၀၀၈၊ စာမျက်နှာ-၂၃ မှ ကူးယူဖော်ပြပါသည်။)

     

    Posted By-ဝိုင်း

    * * မူရင်းဂျာနယ်ထဲကအတိုင်း စာလုံးပေါင်းသတ်ပုံများကို မပြင်ပဲ ပြန်ကူးထားပါတယ်။ * *