Blog

ကိုဖီအာနန် ရဲ့ ငြိမ်းချမ်းရေးအဆိုပြုချက် ဆီးရီးယား လက်ခံပြီ

ဒမက်စကတ် အစိုးရက ကုလသမဂ္ဂနဲ့ အာရပ်အဖွဲ့ချုပ် သံတမန် ကိုဖီအာနန် ရဲ့ ဆီးရီးယား ပဋိပက္ခအဆုံးသတ်ရေး အဆိုပြုချက် ခြောက်ချက်ကို လက်ခံလိုက်ပြီလို့ ကိုဖီအာနန်ရဲ့ ပြောရေးဆိုခွင့် ရှိသူ က အင်္ဂါနေ့မှာ ထုတ်ဖော်ပြောဆိုလိုက်ပါတယ်။

“ကုလသမဂ္ဂကလက်ခံသဘောတူထားတဲ့ ကိုဖီအာနန်ရဲ့ အဆိုပြုချက်ကို လက်ခံကြောင်း ဆီးရီးယားအစိုးရက အထူးသံတမန် ကိုဖီအာနန် ဆီကို စာရေးအကြောင်းကြားခဲ့ပါတယ်” လို့ပြောရေးဆိုခွင့် ရှိသူ Ahmad Fawzi က ကြေငြာချက်ထဲမှာ ဖော်ပြပါသည်။

“ဒီလက်ခံမှု့ဟာ အရေးကြီးတဲ့ ကနဦးခြေလှမ်းလို့ မစ္စတာအာနန်က မှတ်ယူပါသည်။ ဒီအဆိုပြုချက်ကိုလက်ခံ လိုက်တာဟာ သွေးထွက်သံယိုသက်ဖြတ်မှု့တွေကို အဆုံးသတ်နိုင်ဖို့၊ ဒုက္ခသည်တွေကို အကူအညီတွေပေးနိုင် ဖို့၊ ဆီးရီးယား ပြည်သူတွေရဲ့ အိမ်မက်ကို အကောင်အထည်ဖော်နိုင်မယ့် နိုင်ငံရေး ဆွေးနွေးပွဲကို စတင်နိုင်မယ့် အခြေအနေတစ်ရပ် ဖန်တီး ပေးနိုင်ဖို့ အတွက် ကနဦးခြေလှမ်းဖြစ်ပါတယ်။” လို့ သူက ဆက်ပြောပါတယ်။

မစ္စတာ အာနန်က ဆီးရီးယားသမ္မတ အာဆက်ထံ ဒီသဘောတူညီမှု့ကို ချက်ချင်း အကောင်အထည်ဖော်ဖို့ စာရေးသားပေးပို့ထားတယ်လို့ သိရပါသည်။

အာနန်ရဲ့ တောင်းဆိုချက်တွေထဲမှာ ကုလသမဂ္ဂက ဦးဆောင် ပြီး အကြမ်းဖက်မှု့တွေ ရပ်ဆိုင်းဖို့၊ အစိုးရရဲ့ တပ်တွေ လက်နက်ကြီးတွေကို ဆန္ဒပြ မြို့တွေကနေရုပ်သိမ်းဖို့၊ လူသားခြင်းစာနာတဲ့အကူအညီတွေပေးဖို့ တစ်နေ့ကို နှစ်နာရီ အပစ်အခတ် ရပ်နားဖို့ ၊ တိုက်ခိုက်မှု့တွေဖြစ်ပွားနေတဲ့ နေရာအားလုံးကို သွားလာခွင့် ပြုဖို့ အချက်တွေပါဝင်ပါသည်။

ပြီးခဲ့တဲ့နှစ်တွေက ဆန္ဒပြမှု့တွေကြောင့် အဖမ်းဆီးခံထားရသူတွေကို လည်း ပြန်လွှတ်ပေးဖို့ အာနန်က တိုက်တွန်းထားပါတယ်။ ဒီဆန္ဒပြပွဲတွေမှာ အသတ်ခံရသူပေါင်း ၉၁၀၀ ကျော်ရှိမယ်လို့ စောင့်ကြည့်လေ့လာ သူတွေက ခန့်မှန်းပါသည်။

အခု ငြိမ်းချမ်းရေးအဆိုပြုချက်တွေကို အကောင်အထည်ဖော် ဖို့ဟာ ဆီးရီးယားပြည်သူတွေအတွက်ရော၊ အစိုးရအတွက်ရော နိုင်ငံတကာ အသိုင်းအ၀ိုင်းအတွက်ပါ အရေးကြီးတဲ့ လုပ်ဆောင်ချက်ဖြစ်တယ် လို့ မစ္စတာအာနန်က ပြောကြောင်း Fawzi က ပြောကြားပါသည်။

Source : http://www.nowlebanon.com/NewsArticleDetails.aspx?ID=380582#ixzz1qO…

Translated by LMH

March 29, 2012
လူ ၁၀ယောက်မက သေဆုံးခဲ့ရတဲ့ လစ်ဗျားက လူမျိုးစုအဓိကရုဏ်း

February 24, 2012 က Tripoli Medical Centre မှာ ဆေးကုသမှုခံယူနေတဲ့ လစ်ဗျားလူမျိုးတစ်ယောက်

“Toubu မြို့က လူမျိုးစုတွေနဲ့ လစ်ဗျားတောင်ဘက်မြို့လေးဖြစ်တဲ့ Sabha မြို့က လူမျိုးစုတွေကြားမှာ တနင်္လာနေ့က ဖြစ်ပွားခဲ့တဲ့ လူမျိုးရေးပြဿနာ တိုက်ခိုက်မှုကြောင့် အဲ့ဒီ့မြို့ရှိလူ ၁၀ယောက် သေဆုံးသွားပါတယ်” ဟု တောင်ပိုင်းနယ်မြေဒေသ လုံခြုံရေးတာဝန်ခံ Fezzan, Abdelrahman Seif al-Nasr က AFP ကိုပြောကြားသွားပါတယ်။
“ဒီနေ့(တနင်္လာနေ့)မှာလည်း လူ၁၀ယောက်မက အသတ်ခံရပါသေးတယ်” လို့ သူကထပ်မံပြောကြားခဲ့ပါတယ်။
တစ်ခါ ဒီလိုတိုက်ခိုက်ခဲ့မှုကြောင့် မြို့လယ်ကနေရာအချို့ ပျက်စီးသွားရတဲ့အပြင် လူပေါင်း ၁၅ ယောက်ကနေ အယောက် ၂၀ ခန့် သေဆုံးသွားကြတယ်လို့ သူပုန်အဖွဲ့ဝင်ဟောင်း တစ်ဦးက ပြောကြားခဲ့ပါတယ်။

Toubu က သိမ်းပိုက်ထားတဲ့ စစ်ရေးအဆောင်အအုံတွေကို ပြန်ပြီး သိမ်းပိုက်လာနိုင်တယ်။ တိုက်ခိုက်မှု့တွေကတော့ ဆက်ဖြစ်နေပြီး ပိုပြီးတောင် ဆိုးရွားလာပါတယ် လို့ သူပုန်အဖွဲ့ဝင်ဟောင်း Ali al-Dhib က ပြောပါတယ်။

ဒေသအာဏာပိုင်တွေကို လွဲအပ်ဖို့ Toubu က ငြင်းဆန်နေတဲ့အတွက် တိုက်ခိုက်မှု့တွေ ဖြစ်လာတာလို့ သူက ထပ်ပြောပါတယ်။ ဒီအာဏာပိုင်တွေထဲက တစ်ယောက်ဟာ Bussif လူမျိုးစုဝင်တစ်ယောက်ကို သတ်ဖြတ်ခဲ့ကြောင်းလည်း စွပ်စွဲ ထားပါသေးတယ်။

၂၀၁၂ ဖေဖော်ဝါရီထဲကဖြစ်နေတဲ့ ကုဖ်ရာက ဆာဟာရ အိုအေစစ်မှာ ဖြစ်ပွါးခဲ့တဲ့ Zwai မျိုးနွယ်တွေနဲ့ တိုက်ခိုက်မှုမှာလည်း Toubu မျိုးနွယ်ဝင်တွေ သေကြေခဲ့ပါတယ်။

အာဖရိကနိုင်ငံ က မျိုးနွယ်ဝင် လူမျိုး၂စုကြားက အဓိကရုဏ်းကြောင့် လူပေါင်းများစွာရဲ့ အသက်တွေ သေကြေပျက်စီးမှုတွေ ဖြစ်နေခဲ့ပါတယ်။

http://www.presstv.ir/detail/233287.html

Translated by Noble

March 28, 2012
အလယ်အလတ် မွတ်စလင်မ်ပညာရှင် အလ်ကွာရာဒါဝီအား အစွန်းရောက်ဟု စွတ်စွဲပြီး ပြည်ဝင်ခွင့်မရအောင် ပြင်သစ်နိုင်ငံမှ လုပ်ဆောင်

ပြင်သစ်နိုင်ငံ ပဲရစ် မြို့တွင် နောက်လမှာကျင်းပမယ့် အဓိကကျတဲ့အစ္စလာမ်မစ်ကွန်ဖရင့်ကို တက်ရောက်မယ့် နာမည်ကျော် မွတ်စလင်ပညာရှင်ဖြစ်တစ်ဦးဖြစ်တဲ့ ရှိတ်ယူစွဖ် အလ်ကွာရာဒါဝီကို ဥရောပ၀င်ရောက်ခွင့် ပိတ်ပင်ဖို့အတွက် ပြင်သစ်က စီစဉ်နေပါတယ်။

“ရှင်းရှင်းပြောရရင် ဒီကွန်ဖရင့်ကို တက်ရောက်ဖို့ ဖိတ်ကြားခံရတဲ့ ဒီလိုလူမျိုးကို ပြင်သစ်မြေကနေ မကြိုဆိုပါဘူး။” လို့ ပြင်သစ်သမ္မတ ဆာကိုဇီက ပြင်သစ်အင်ဖို ရေဒီယိုကို ပြောကြားခဲ့ပါတယ်။ ကွာရာဒါဝီဟာ နိုင်ငံတကာမွတ်စလင်မ် ပညာရှင်များ ယူနီယံ(IUMS)ရဲ့ ဥက္ကဌဖြစ်ပြီး၊ ပြင်သစ်ကို လာရောက်လည်ပတ်ဖို့တွက် ပြင်သစ်အစ္စလာမ် အဖွဲ့အစည်း (UOIF) ရဲ့ ဖိတ်ကြားခြင်း ခံထားရတဲ့ပုဂ္ဂိုလ် ဖြစ်ပါတယ်။

ဒါပေမယ် ဆာကိုဇီကတော့ ကာတာနိုင်ငံမှာ အခြေစိုက်နေထိုင်တဲ့ ကွာရာဒါဝီကို တိုင်းပြည်ထဲဝင်ခွင့်ပြုမှာမဟုတ်ဘူးလို့ဆိုပါတယ်။ “ဒီလူကို ပြစ်သစ်သမ္မတနိုင်ငံက ကြိုဆိုမှာမဟုတ်ဘူးဆိုတာကို ကာတာနိုင်ငံကိုလည်း သိစေလိုပါတယ်” ဟုဆာကိုဇီက ပြောပါတယ်။

ဆာကိုဇီက ဆန်းသစ်တဲ့(အစွန်းရောက်တဲ့)အမြင်တွေကို အားပေးနေတယ်လို့ ဆိုတဲ့ အဲဒီတရားဟောဆရာကို နိုင်ငံတွင်းဝင်ရောက်ဖို့ တားမြစ်တဲ့ ကြေညာချက်ထွက်လာပြီး နောက်တနေ့မှာပဲ ပြင်သစ်နိုင်ငံ တူးလော့မြို့မှာ အလ်ကိုင်ဒါးအဖွဲ့ဝင် သေနတ်သမား တယောက်ရဲ့ တိုက်ခိုက်သတ်ဖြတ်မှုတခု ဖြစ်ခဲ့ပါတယ်။ ဆာကိုဇီရဲ့ အနီးကပ်အကြံပေးဖြစ်တဲ့ ဟင်နရီ ဂွာအီနို ကတော့ “သူလာမှာမဟုတ်ပါဘူး။ ပြင်သစ်အစိုးရဟာ ကွာရာဒါဝီ ၀င်ရောက်ခွင့်ကို ဟန့်တားဖို့အတွက် အစီအစဉ်တွေချမှတ်လိမ့်မယ်” လို့ စောစောပိုင်းက ပြောကြားထားပါတယ်။

“ဒီပုဂ္ဂိုလ်ဟာ သံတမန် ပတ်စပို့ကိုင်ထားတဲ့အတွက် ဗီဇာမလိုပါဘူး။ ဒါပေမယ့် ပြစ်သစ်ကိုဝင်ရောက်တာကို တားမြစ်ဖို့အတွက် အစီအစဉ်တွေကိုတော့ လုပ်နိုင်ပါလိမ့်မယ်။” လို့ ပြင်သစ် ရေဒီယို ဂျေ ကို ပြောကြားခဲ့ပါတယ်။

“ပြင်သစ်အစိုးရက အစွန်းရောက်တဲ့ ဘယ်လို တရားဟောဆရာမျိုးကိုမှ နိုင်ငံထဲ ပေးမ၀င်ပါဘူး။”

ကမ္ဘာပေါ်မှာ သြဇာအလွှမ်းမိုးဆုံး မွတ်စလင်ပညာရှင်တွေထဲက တစ်ယောက်ဖြစ်တဲ့ ကွာရာဒါဝီ ဟာ သူရဲ့ အလယ်အလတ်ရှိတဲ့ အမြင်တွေကြောင့် လူသိများပြီး ကမ္ဘာတ၀ှမ်းလုံးကလည်း လေးစားကြပါတယ်။

ကွာရာဒါဝီ ဥရောပ ဖသ်ဝါနှင့် သုသေသနကောင်စီရဲ့ ဥက္ကဌတယောက်လည်းဖြစ်ပြီး၊ အောက်စဖို့ဒ် တက္ကသိုလ် အစ္စလာမ့် လေ့လာရေးစင်တာရဲ့ အကြီးအကဲ တစ်ယောက်လည်းဖြစ်ပါတယ်။

သူဟာ စာအုပ်ပေါင်း တစ်ဒါဇင်လောက်ကိုလည်း ရေးသားထုတ်ဝေခဲ့ပြီး၊ အစ္စလာမ့်ဥပဒေနှင့် တားမြစ်ချက်များ (The Lawful and the Prohibited in Islam) စာအုပ်ကတော့ အကျော်ကြားဆုံးဖြစ်ပါတယ်။

၉/၁၁ တိုက်ခိုက်မှု၊ မက်ဒရစ်နဲ့ လန်ဒန် တိုက်ခိုက်မှုအပါအ၀င် အနောက်နိုင်ငံများအတွင်း ဖြစ်ပွားခဲ့တဲ့ တိုက်ခိုက်မှုများ၊ အဲဒီလိုပဲ နိုင်ငံခြားခရီးသွားတွေကို ပစ်မှတ်ထားတိုက်ခိုက်ခဲ့တဲ့ အင်ဒိုနီးရှားနိုင်ငံ ဘာလီ ဗုံးဖေါက်ခွဲမှု စတဲ့ အစွန်းရောက်တိုက်ခိုက်မှုအားလုံးကို ပြင်းပြင်းထန်ထန် ရှုတ်ချခဲ့သူ တစ်ယောက်လည်းဖြစ်ပါတယ်။

အဲလ်ဂျီးရီးယား မြို့တော်အတွင်း ကုလသမ္မဂ္ဂ ရုံးခွဲကို တိုက်ခိုက်တာအပါအ၀င် အာရဗ်နိုင်ငံတွေမှာ ဖြစ်ပွားခဲ့တဲ့ တိုက်ခိုက်မှုတွေနဲ့ပက်သက်ပြီးလည်း ပြစ်တင်ပြောဆိုမှုတွေ ပြုလုပ်ခဲ့ပါတယ်။

ယခင် လန်ဒန်မြို့တော်ဝန်ဟောင်းဖြစ်တဲ့ ကင်လစ်ဗင်စတုန်း ကတော့ ကွာဒါရာဝီကို “ပြောင်းလဲတိုးတက်လာတဲ့ မွတ်စလင် တွေရဲ့ခေါင်းဆောင်” တစ်ယောက်အဖြစ်သတ်မှတ်ပြီး၊ ပြုပြင်ပြောင်းလဲရေးတွေလုပ်ဆောင်ခဲ့တဲ့ ပုပ်ရဟန်းမင်းကြီး ဂျွန် ၂၃ နဲ့ နိုင်းယှဉ် ပြောဆိုခဲ့ပါတယ်။ ကွာဒါရာဝီရဲ့ ယုံကြည်စိတ်ချရတဲ့ ဒီမိုကရေစီကို ထောက်ခံအားပေးမှု၊ အစ္စလာမ်နဲ့ အနောက်နိုင်ငံများအကြားမှာရှိတဲ့ လစ်ဟာမှုများကို ပေါင်းကူးပေးနိုင်မယ့် စွမ်းအားနဲ့ ပက်သက်ပြီးတော့လည်း ချီးကျူးပြောဆိုခဲ့ပါတယ်။

Ref:http://www.onislam.net/english/news/europe/456372-france-to-bar-qaradawi.html

Translated by Wai Zin

March 28, 2012
ပါမောက္ခချူပ် ဦးကာ

ဦးကာသည် ၁၈၉၄-ခု၊ ဧပြီလ၁၄-ရက်နေ့တွင် မန္တလေမြို့၌ဖွားမြင်သည်။ မိဘများမှာ ဦးမြတ်ရှင် နှင့်ဒေါ်ဘီတို့ဖြစ်သည်။ ဦးကာသည် မင်းတုန်းမင်းတရားကြီးလက်ထက်အသုံးတော်ခံ မမစီ ညီမ မမဖီ၏ မြေးဖြစ်သည်။

အသုံးတော်ခံ မမစီကို မင်းတုန်းမင်းတရားကြီးနှင့်စကြာဒေ၀ီ မိဖုရားကြီးတို့က အလွန်သဒ္ဓါ ယုံကြည်တော်မူကြသည်။ နန်းတော်တွင်း မိဖုရားများသားတော်သမီးတော်များ ၀တ်ဆင်ရန် စိန်ထည်အမျိုးမျိုးနှင့် မိုးကုတ်ကျောက် အမျိုးမျိုးကိုအထည်ပြုလုပ် ဆက်သွင်းရသည်။ မင်းတုန်းမင်းတရားကြီးနှင့် စကြာဒေ၀ီမိဖုရားကြီးတို့က မန္တလေးမြို့တွင်နန်းတော်ကျုံး၏အနောက်ဖက်နန်းတော်ကို မျက်နှာမူနေသော မြေနေရာအပါအ၀င် မြေသုံးနေရာကို မမစီ အားပေးသနားတော်မူသည်။ မမစီကို မိဖုရားခေါင်ကြီးမှအစ အခြားမိဖုရားများ သမီးတော်များကအလွန် ချစ်ခင်ကြသည်။ ၎င်းတို့အသုံးအဆောင်များ အနည်းငယ်ဟောင်းနွမ်း လျှင်ပင် မမစီအား ပေးလိုက်သည်။ အချိတ်ထဘီများနှင့် ကျောက်မှန်တင်ခုံကြီးများ၊ သစ်စေးသုတ်၊ ဇာတ်စုံခြယ် အ၀တ်အထည် ထည့်သည့် ဂုံးသေတ္တာများ ပါဝင်သည်ဟု သိရသည်။

မမစီ၏ညီမ မမဖီ၏မြေးတော်သူ ဦးကာသည် ငယ်စဉ်က ဗုဒ္ဓသာသာနာ့နုဂ္ဂဟကျောင်း၊ မန္တလေးစိန့်ပီတာ အင်္ဂလိပ်အထက်တန်းကျောင်းတို့တွင် ပညာဆည်းပူးသည်။ ငယ်စဉ်ကပင်ပညာချွန်သဖြင့် စကောလား ရှစ်ဆုများရသည်။ ၈-တန်း၊ ၉-တန်း၊ ၁၀-တန်းကို နှစ်နှစ်ဖြင့် ဖြေဆိုအောင်မြင်သည်။ ရန်ကုန်ကောလိပ်မှ ဘီအေ ဂုဏ်ထူးဘွဲ့ကို ၁၉၁၈-ခုတွင် ရရှိပြီး အမ်အေဂုဏ်ထူးဘွဲ့ကို၁၉၂၁-ခုတွင် ရရှိသည်။ ၁၉၁၈-ခုတွင် ဓာတုဗေဒဌာန သရုပ်ပြဆရာအဖြစ် စတင်ထမ်းဆောင်သည်။ ထိုစဉ် တက္ကသိုလ်ကောလိပ် ကျောင်းအုပ်ကြီးမှာ မက်သရူးဟန်တာဖြစ်သည်။ ၁၉၂၃-ခုတွင်လက်ထောက်ကထိက ဖြစ်လာသည်။

၁၉၂၃-ခုတွင် ဘီအီးအက်စ်(လက်ရွေးစင်တန်း)အဆင့်သို့တိုးမြှင့် ခန့်အပ်ခြင်းခံရသည်။ ဆရာကြီးသည် ၁၉၂၆ မှ ၁၉၄၂ ခုနှစ်အထိ ရန်ကုန်ကောလိပ်ပဲခူးဆောင် အဆောင်မှူး တာဝန်ဝတ္တရားများ ထမ်းဆောင်သည်။ ၁၉၃၅-ခုတွင် အမှုထမ်းကောင်းတံဆိပ်ရမင်း ဘွဲ့ချီးမြှင့်ခြင်းခံရသည်။ ၁၉၄၆-ခုတွင် ကထိကရာထူးဖြင့် ဘီအီးအက်စ်စီ (ပထမတန်း)သို့ ရာထူးထပ်မံတိုးမြှင့်ခြင်းခံရသည်။

၁၉၄၆-ခုနှစ်၌ပင် ပဲခူးဆောင်အဆောင်မှူး၊ တက္ကသိုလ်ကောလိပ်များ၏ အဆောင်မှူးချူပ်ဖြစ်လာသည်။ ၁၉၅၈-ခု ဇွန်လတွင် အငြိမ်းစားယူခဲ့ပြီး သင်္ချာဌာနအချိန်ပိုင်းကထိက တာဝန်ထမ်းဆောင်သည်။ နိုင်ငံတော်အစိုးရ စာသင်ကျောင်းများတွင် အစ္စလာမ်ဘာသာဝင် ကလေးသူငယ်များအတွက် အစ္စလာမ်ဘာသာ အခြေခံရရှိစေရန်နှင့် ဘာသာစာရိတ္တ ကြံ့ခိုင်စေရန်သင်ခန်းစာအစီအစဉ်များ ရေးဆွဲရန်နှင့် အကြံဥာဏ်ပေးရန် အစိုးရက ကော်မတီတစ်ရပ်ခန့်အပ်ရာ ထိုကော်မတီတွင်ထိုစဉ်က ရန်ကုန် တက္ကသိုလ်ကထိက ဆရာကြီးဦးကာကို ဒုတိယသဘာပတိအဖြစ် ခန့်အပ် တာဝန်ပေးသည်။ထိုသို့ တာဝန်ပေးခြင်းကို အများပြည်သူတို့ သိရှိရန် ပြည်ထောင်စု မြန်မာနိုင်ငံအစိုးရ ပညာရေးဝန်ကြီး ဌာနခွဲ(၂) က ၁၉၅၃ခု၊ ဧပြီလ ၉ ရက် ရက်စွဲတပ်ပြီး အမိန့်ကြော်ငြာစာထုတ်ပြန်သည်။

၁၉၅၄-ခု နိုဝင်ဘာ ၂ ရက်နေ့က ဗမာမွတ်စလင်မ်ကွန်ဂရက်(ဗမက)အဖွဲ့ ဖျက်သိမ်းပြီး အစ္စလာမ်သာသနာရေးရာကောင်စီကို ဖွဲ့စည်း ရန် ဗမကအဖွဲ့ရုံး၌ ညှိနှိုင်းဖွဲ့စည်းဝေးစဉ် ဆရာကြီးဦးကာအား ဘဏ္ဍာရေးမှူးအဖြစ် အများက လျာထားသည်။ ၁၉၅၄-ခု ဒီဇင်ဘာလ ၅ ရက်နေ့တွင် ကနေဒီလမ်း၊ ဇိနတ် အစ္စလာမ်ယောကျာ်းလေးများ ဂေဟာ၌ အစ္စလာမ်ကောင်စီစတင် ဖွဲ့စည်း သည့် အစည်းအဝေးသို့ ဆရာကြီး တက်ရောက်သည်။ ထိုအစည်းအဝေးမှဆရာကြီးသည် စည်းမျဉ်းရေးဆွဲရေး ကော်မတီဝင်အဖြစ်လည်းကောင်း၊ စာရင်းစစ်အဖြစ် လည်းကောင်း ရွေးချယ်တင်မြှောက်ခံရသည်။ စတင်ဖွဲ့စည်းသည့် ထိုကာလမှစ၍ ဆရာကြီးသည် အစ္စလာမ် သာသနာရေးရာ ကောင်စီတွင် တောက်လျှောက်ပါဝင်ခဲ့သည်။

၁၉၅၈ ခု၊ ဇူလိုင်လ ၂၃ ရက်နေ့တွင် ၀န်ကြီးချူပ်၏ပြည်ထောင်စု စီမံကိန်းကောင်စီဌာနချူပ်၌ ကျင်းပသော အသင်းအဖွဲ့ပေါင်းစုံမှ ကိုယ်စား လှယ်များ၏ပဏမ ဆွေးနွေးပွဲသို့ ရန်ကုန်တက္ကသိုလ်မှ ဆရာကြီး ဦးကာတက်ရောက်ပါဝင်ဆွေးနွေးခဲ့သည်။ အစည်းအဝေးတွင် ဆေးသိပ္ပံ ကျောင်းသားများအသင်း ကိုယ်စားလှယ်က မွတ်စလင်မ်ကျောင်းသူ ကျောင်းသားများအတွက် သီးခြားထမင်းစားရုံနှင့် သီးခြားကျောင်းဆောင်များရရှိရေး အကြံပေးသည်။ ဆရာကြီးဦးကာက အတွေ့အကြုံရင့်ကျက်သူပီပီ သီးခြားကျောင်းဆောင် တောင်းခံလျှင်မသင့်။ ယခင်သီးခြားထမင်းစားရုံနှင့်သီးခြားထမင်းချက် ထားရှိပေးရေးဆိုလျှင် ဖြစ်နိုင်စရာရှိကြောင်း စစ်ကြိုနှင့် စစ်ပြီးခေတ်အတွေ့အကြုံများကို သာဓက ဆောင်၍ အသေးစိတ် ရှင်းလင်းပြောကြားသည်။ ၁-၈-၅၈နေ့ မွတ်စလင်ကုန်သည်ကြီးများအသင်း၌ကျင်းပသော အစည်းအဝေးတွင် ဆရာကြီး၏ အကြံပြုချက်အတိုင်း အောင်မြင်မှုရရှိပြီးဖြစ်ကြောင်းဇူလိုင် ၂၉ ရက်နေ့စွဲ ပါ ကျောင်းဆောင်စားသောက်ရေး ကော်မတီ၏ ပြန်စာအမှတ် ၁၅၉၃ အိပ်ခ်ျအက်ဖ် ၂၂ ကို ရှင်းလင်းပြသည်။ ပါမောက္ခချူပ်ဆရာကြီး ဦးကာသည် နိုင်ငံတော်တွင် အဆင့်မြင့်ရာထူးကြီးများကို တာဝန်ယူ ထမ်းဆောင်သကဲ့သို့တစ်နိုင်ငံလုံးအတိုင်းအတာနှင့် ကိုယ်စားပြုသော ဘာသာရေးအသင်း အဖွဲ့များနှင့်လည်း မကင်းကွာဘဲစိတ်ဝင်တစားပါဝင်ကြောင်း၊ကူညီကြောင်း သိရှိရပါသည်။

သာယာသော လောကကြီးကို အစ္စလာမ်တရားတော်နှင့် ဖန်တီးနိုင်ကြောင်းမျှော်လင့်ယုံကြည်သည်။ ယုံကြည်ချက်ကို- ‘အချူပ်အားဖြင့် ဤစာအုပ်တွင် အလွန်နက်နဲ ကျယ်ဝန်းလှသည့် အစ္စလာမ်တရားတော်ကြီး၏ ကောက်နုတ်ချက်များဖြစ်သော အလွန်သေးငယ်သည့် အစိတ်အပိုင်း ကလေးမျှကိုသာထည့်သွင်း ဖော်ပြထားသော်လည်း ဖတ်ရှုသူများသည် ကိုယ်ကျင့်ဝတ်ကို ကောင်းစွာသိရှိ ထိန်းသိမ်းတတ်၍ ၊ပေါင်းသင်းဆက်ဆံမှု အဆင်ပြေ၍ ကောင်းလာပြီးလျှင်ယခုထက်များစွာ သာယာသောလောကကြီးကို ကူညီဖန်တီးနိုင်လိမ့်မည်ဟု မျှော်လင့်ပါသည်’ဟု အတွင်းဝန်သီရိပျံချီ ဦးဘစိန် (M.S.c, B.S.c) စီရင်ရေးသားသည့် ‘အစ္စလာမ်ဘာလဲ’ ကျမ်းအတွက် နိဒါန်းအမှာစာပေးပို့ရာတွင် ဆရာကြီးက ဖော်ပြထားသည်ကို တွေ့ရှိရပါသည်။

၁၉၅၈-ခုမှ ၁၉၆၀ ပြည့်နှစ်အထိ ကာလအတွင်း ပညာရေးဝန်ကြီးဌာန၊လယ်ယာစိုက်ပျိုးရေးနှင့် သစ်တောရေးဝန်ကြီးဌာန၊ လယ်ယာမြေ နိုင်ငံပိုင်ပြုလုပ်ရေးဝန်ကြီးဌာန၀န်ကြီးအဖြစ် တာဝန် ပေးအပ်ခြင်းခံရသည်။

၁၉၆၂-ခုတွင် ရန်ကုန်တက္ကသိုလ်၏ ပါမောက္ခချူပ်အဖြစ်တော်လှန်ရေးကောင်စီ အစိုးရက တာဝန်ပေးအပ်သည်။ ပြည်ထောင်စုရာထူးအဖွဲ့ဥက္ကဋ္ဌ(ယခု ပြည်သူ့ဝန်ထမ်းရွေးချယ် ခန့်ထားရေး အဖွဲ့ဥက္ကဋ္ဌ) တာဝန်များကိုလည်း ထမ်းဆောင်ပေးခဲ့သည်။

ပါမောက္ခ ဒေါက်တာအောင်ဇော်ရေးသားပြုစုသော တိုင်းရင်းမွတ်စလင်မ် စာပြုစာဆိုများ-၂ စာအုပ်မှ ကူးယူဖော်ပြခြင်းဖြစ်ပါသည်။

March 28, 2012
လူမျိုးရေးမုန်းတီးမှုကြောင့် အီရတ်အမျိုးသမီးတစ်ဦး အမေရိကန်တွင် အသတ်ခံရ

Shaima Alawady

Travon Martin

အမေရိကန် တစ်နိုင်ငံလုံးက ထရေဗွန်မာတင် အသတ်ခံရတဲ့အမှု့ကို စိတ်ဝင်စားနေတဲ့အချိန်မှာ လူမျိုးရေးခွဲခြားမှု့ တစ်ခုလို့ ယူဆရတဲ့ အီရတ်အမျိုးသမီး တစ်ဦး အသတ်ခံရမှု့ ထပ်မံဖြစ်ပွားခဲ့ပါတယ်။ အီရတ်နိုင်ငံမှ ပြောင်းရွေ့နေထိုင်သူ အသက် ၃၂ နှစ် အရွယ် ကလေး ငါးယောက်မိခင်ဖြစ်သူ Shaima Alawadi ဟာ အမေရိကန်နိုင်ငံ ဆန်ဒီရာဂို အနီးမှာ စနေနေ့က အသတ်ခံခဲ့ရခြင်းဖြစ်ပါတယ်။ ပြီးခဲ့တဲ့ ဗုဒ္ဓဟူးနေ့ က ပြင်းထန်စွာ အရိုက်ခံထားရတဲ့ Alawadi ကို သူ့အိမ်မှာ သမီးဖြစ်သူက တွေ့ရှိပြီး သုံးရက်အကြာမှာ သေဆုံးသွားတာဖြစ်ပါသည်။ အရိုက်ခံထားရတဲ့ Alawadi ရဲ့ဘေးမှာ “ကိုယ့်နိုင်ငံကို ပြန်” လို့ရေးထားတဲ့ စာရွက် တစ်ရွက်ကိုလည်း တွေ့ခဲ့ရပါတယ်။

သူသေဆုံးတဲ့သတင်းကို AP သတင်းဌာန က ဖော်ပြပြီး ချက်ချင်းလိုပဲ ဒီသတင်းဟာ Twitter မှာ နာမည်အကြီး ဆုံး သတင်းတစ်ပုဒ်ဖြစ်သွားပါတယ်။ Twitter အသုံးပြုသူတွေဟာ ထရေဗွန်မာတင်အသတ်ခံရချိန်က ၀တ်ဆင်ခဲ့တဲ့ ခေါင်းဆောင်း နဲ့ အခု Alawadi ၀တ်ဆင်တဲ့ hijab ကိုနှိုင်းယှဉ်ဖော်ပြကြပါတယ်။ hijab မှာ မွတ်စလင်အမျိုးသမီးများ ၀တ်ဆင်လေ့ရှိသော ခေါင်းဆောင်း တမျိုးဖြစ်ပါတယ်။

ထရေဗွန်မာတင်မှာ အသက် ၁၇နှစ်အရွယ် လူမဲလူငယ်တစ်ဦးဖြစ်ပြီး ပြီးခဲ့တဲ့ လ ၂၆ ရက်နေ့မှာ ညစောင့် ရဲသား တစ်ဦးက ပစ်ခတ်သတ်ဖြတ် ခဲ့တာဖြစ်ပါသည်။ Fox News သတင်းဌာနမှ သတင်းထောက် Geraldo Rivera က ထရီဗွန် အသတ်ခံရမှု့ဟာ သူဆောင်းထားတဲ့ ခေါင်းဆောင်းကြောင့်လို့ မှတ်ချက်ပေးရာကနေ အွန်လိုင်းမှာ ခေါင်းဆောင်း လှုပ်ရှားမှု့ ပျံ့နှံ့ခဲ့ပါသည်။

Facebook အသုံးပြုတွေအများအပြားဟာ hijab ၀တ်ဆင်ထားတဲ့ ဓာတ်ပုံတွေတင်ခြင်း၊ မှတ်ချက်များ ရေးသားခြင်း၊ ဒီအမှု့နဲ့ပတ်သက်တဲ့ ဗီဒီယိုတွေတင်ခြင်းဖြင့် “Alawadi အတွက် hijab တစ်သန်း” လှုပ်ရှားမှု့ကို လုပ်ဆောင်နေကြပါသည်။ ပြီးတော့ ဒီအမှု့ကို လူအများ စိတ်ဝင်စားလာစေရန် community event များ လုပ်ဆောင်ရန်စီစဉ်လျက်ရှိပါသည်။ တနင်္ဂနွေနေ့မှာ တင်ခဲ့ တဲ့ Alawadi ရဲ့ဓာတ်ပုံနဲ့ post တစ်ခုကတော့ အမေရိကန် နိုင်ငံသားတွေကို တရားမျှတမှု့ဘက်က ရပ်တည် ဖို့ ဆော်သြခဲ့ပါတယ်။

“ဒါဟာ Shaima Alawadi ပါပဲ။ သူ့ရဲ့ အပြုံးကို ကြည့်ကြပါဦး။ သူဟာ သင်တို့ရဲ့ သမီး၊ ညီမ၊ သူငယ်ချင်း ဖြစ်နိုင်ပါတယ်။ အမျိုးသမီးတစ်ယောက်ဟာ hijab ကိုဝတ်ဆင်ခဲ့လို့ အသတ်ခံရတယ်။ လူမဲ ကောင်လေး တစ်ယောက်ဟာ ခေါင်းဆောင်း ကို ဆောင်းတဲ့အတွက် အသတ်ခံရတယ်။ လိင်အကြမ်းဖက်ခံရတဲ့ အမျိုးသမီး တစ်ယောက်ဟာ သူရဲ့အ၀တ်အစားကြောင့် အပြစ်တင်ခံရတယ်။ အဲလို အမုန်းတွေ ပြည့်နှက်နေတဲ့ ကမ္ဘာကြီး ကို သင်နဲ့ ကျတော်တို့ရဲ့ သားသမီးတွေကို အမွေပေးခဲ့မှာလား။ တော်လောက်ပါပြီ။ လူတစ်ယောက်ရဲ့ အသား အရောင်၊ လိင်ကွဲပြားမှု့၊ သူရဲ့ အ၀တ်အစား ၀တ်ဆင်ပုံတွေဟာ အကြမ်းဖက်မှု့အတွက် အကြောင်းပြချက် လုံး ၀ မဖြစ်သင့်ပါဘူး။ ကျတော်တို့ အားလုံးဟာ Shaima ပါပဲ။ ကျတော်တို့ hijab တစ်သန်းလှုပ်ရှားမှု့မှာ ပါဝင်ကြ ပါစို့။ ”

Alawadi အရိုက်ခံရချိန်မှာ သူ့နား မှာ တွေ့ခဲ့ရတဲ့ စာရွက်ကို ကြည့်ခြင်းအားဖြင့် လူမျိုးရေးအမုန်းတရားကြောင့် ဒီလိုလုပ်တာလို့ ယူဆ နိုင်ပေမယ့် သက်ဆိုင်ရာကတော့ သူ့ရဲ့ သေဆုံးမှု့နဲ့ပတ်သက်ပြီး အကြောင်းရင်းကို တရားဝင် ထုတ်ဖော်ပြောဆိုခြင်းမရှိသေးပါဘူး။ “အမုန်းတရားကြောင့် သတ်တယ်ဆိုတာလည်း ဖြစ်နိုင်ပါတယ်။ ကျတော်တို့ စုံးစမ်းစစ်ဆေးနေပါတယ်” လို့ ရဲ အရာရှိက ပြောပါသည်။ “ဒါပေမယ့် ဒါတစ်ခုတည်းကိုပဲ အာရုံစိုက် နေလို့ မဖြစ်သေးပါဘူး။ တခြား အကြောင်းတွေကိုလည်း ထည့်စဉ်းစားရပါတယ်။”

ထို့အတူ ထရီဗွန်မာတင် အမှု့မှာလည်း အွန်လိုင်းမှာရော လူအများကြားမှာပါ လူမျိုးရေးမုန်းတီးမှု့လို့ ယုံကြည်နေကြပေမယ့် အခုအချိန်ထိ သက်ဆိုင်ရာက စုံစမ်းစစ်ဆေးနေဆဲပဲဖြစ်ပါတယ်။ လူမျိုးရေးမုန်းတီးမှု့ကြောင့် အသတ်ခံ ရတယ်လို့ အတိအကျ မစွပ်စွဲနိုင်သေးပါဘူး။

http://mashable.com/2012/03/26/shaima-alawadi-crime/

Translated by Lu Min Han

March 28, 2012