ဇူလိုင် ၂၇၊ ၂၀၂၀
M-Media
– ဒီကနေ့ အာကာသမှာ နယ်ပယ်ချဲ့ထွင်နေတဲ့ လူသားတွေရဲ့ သိပ္ပံတိုးတက်မှုမှာ တစ်ခေတ်တစ်ခါက မွတ်စလင်ပညာရှင်ကြီးတွေရဲ့ အားထုတ်မှုတွေ ဘယ်လောက်အထိ နက်နက်ရှိုင်းရှိုင်း ပါဝင်နေလဲဆိုတာ ဒီဗီဒီယိုမှာ ကြည့်ရှုခံစားနိုင်မှာ ဖြစ်ပါတယ်
အစ္စလာမ်ကမ္ဘာက သိပ္ပံရွှေခေတ် အပိုင်း ၁၊ ၂၊ ၃ ကို အောက်ပါလင့်တွင် ဝင်ရောက်ကြည့်ရှုနိုင်ပါသည်
http://www.m-mediagroup.com/news/tag/science-in-golden-age
ဇူလိုင် ၂၇၊ ၂၀၂၀
M-Media
-ရေတပ်မှာ အသံထက်မြန်တဲ့ နျူဒုံးကျည်တွေ၊ ရေအောက်ဒရုန်းတွေ ဖြည့်တင်းပေးသွားမယ်လို့ ရုရှားသမ္မတ ဗလီဒီမီရ် ပူတင်က ပြောကြားလိုက်ပါတယ်။
ရုရှားရေတပ်တည်ထောင်မှု နှစ်ပတ်လည်အခမ်းအနားကို မနေ့က စိန့်ပီတာစဘတ်မြို့မှာ ပြုလုပ်ခဲ့ပြီး အကောင်းဆုံး စစ်သင်္ဘောတွေ၊ နျူစွမ်းအင်သုံး ရေငုပ်သင်္ဘောတွေ၊ ရေတပ်သုံး လေယာဉ်တွေကို ထုတ်ပြခဲ့ပါတယ်။
အခမ်းအနားကို တက်ရောက်ခဲ့တဲ့ သမ္မတပူတင်က အခုနှစ်အတွင်း ရေတပ်မှာ သင်္ဘော ၄၀ ဖြည့်တင်းပေးဖို့ ရှိနေပြီး၊ Poseidon ရေအောက် ဒရုန်းတွေ၊ Tsirkon အသံထက်မြန်တဲ့ ဒုံးကျည်တွေ တပ်ဆင်သွားမယ်လို့လည်း ဆိုပါတယ်။
Tsirkon ဟာ အသံထက် ၅ ဆ မြန်ပြီး ခြေရာခံဖို့၊ ကြားဖြတ်တိုက်ခိုက်ဖို့ ခက်ခဲတဲ့ ဒုံးကျည်မျိုး ဖြစ်ပါတယ်။
ကမ္ဘာပေါ်မှာ မရှိသေးတဲ့ နောက်ဆုံးပေါ် နည်းပညာမြင့် လက်နက်တွေ တပ်ဆင်ပေးမှာကြောင့် ရေတပ်ရဲ့ တိုက်ခိုက်နိုင်စွမ်းလည်း တိုးတက်လာလိမ့်မယ်လို့ ပူတင်က ထည့်သွင်း ပြောကြားခဲ့ပါတယ်။ ကမ္ဘာဘယ်နေရာကိုမဆို ပစ်ခတ်နိုင်တဲ့ နျူလက်နက်မျိုး စမ်းသပ်ထုတ်လုပ်နေတယ်လို့ ပူတင်က မကြာခဏ ပြောကြားခဲ့ဖူးပါတယ်။
ရုရှားကာကွယ်ရေးဝန်ကြီးဌာနရဲ့ သီးခြားထုတ်ပြန်ချက်မှာ ရေအောက်ဒရုန်းတွေ သယ်နိုင်တဲ့ Belgorod ရေငုပ်သင်္ဘောကို စမ်းသပ်မောင်းနှင်နေပြီး မကြာခင် စမ်းသပ်မှုအဆင့် ပြီးဆုံးတော့မယ်လို့ ဖော်ပြထားပါတယ်။
Ref: Aljazeera
ဇူလိုင် ၂၇၊ ၂၀၂၀
M-Media
-ရုရှားနိုင်ငံတောင်ပိုင်းမှာ အကြီးဆုံးဖြစ်လာမယ့် ဗလီဝတ်ကျောင်းတော်တစ်လုံးကို ဗိုလ်ဂိုဂရက်ပြည်နယ် ဗော့လ်ဇ်စကီးမြို့မှာ ဆောက်လုပ်နေပါတယ်။
ဗလီရဲ့ အမိုးခုံးကို ပါလက်စတိုင်းနိုင်ငံ ဂျေရုစလင်က ‘မတ်စ်ဂျစ်ဒ်အက္ကဆွာဗလီ’ ရဲ့ အမိုးခုံးအတိုင်း တည်ဆောက်မယ်လို့ ရှေ့ဆောင်အီမာမ် အဘ်ဒူလာဟာဂျီက ပြောပါတယ်။ ဗလီကို ဒေသတွင်းဗိသုကာလက်ရာတွေနဲ့ ပုံဖော်မှာပါ။
ဗလီဆောက်လုပ်ဖို့အတွက် ရုရှား ရူဘဲလ် သန်း ၇၀ လောက် ကုန်ကျမှာဖြစ်ပြီး ရုရှားနိုင်ငံတစ်ဝှမ်းက အစ္စလာမ်ဘာသာဝင်တွေ ထည့်ဝင်လှူဒါန်းတာ ဖြစ်ပါတယ်။
ဗလီမှာ လူတစ်ထောင် တစ်ပြိုင်တည်း ဝတ်ပြုနိုင်တဲ့ ဝတ်ပြုခန်းမ၊ အစည်းဝေးခန်းမ၊ ပြတိုက်၊ စာကြည့်တိုက်၊ စာသင်ခန်း၊ ဘာသာရေးအခမ်းအနားတွေ ကျင်းပနိုင်မယ့် မြေအောက်ခန်းမတွေ ပါဝင်မှာပါ။
တည်ဆောက်ပြီးစီးသွားရင် ဗိုလ်ဂိုဂရက်ဒေသရဲ့ အကြီးဆုံး ဗလီတွေထဲကတစ်ခု ဖြစ်လာမှာ ဖြစ်ပါတယ်။ လာမယ့်နှစ် ရမ်ဇာဥပုသ်အပြီး အီဒွလ်အသွဟာနေ့မှာ ဖွင့်လှစ်နိုင်ဖို့ စီစဉ်ထားပါတယ်။
Ref: Islam.ru
ဇူလိုင် ၂၅၊ ၂၀၂၀
M-Media
-ဂြိုဟ်တုဖျက် လက်နက်တစ်ခုကို စမ်းသပ်ပစ်ခတ်ခဲ့တယ်ဆိုတဲ့ သတင်းတွေအပေါ် ရုရှားအစိုးရက ငြင်းဆိုလိုက်ပြီး ဒါဟာ ဝါဒဖြန့်တာသာ ဖြစ်တယ်လို့ ပြောကြားခဲ့ပါတယ်။
အမေရိကန် အာကာသစစ်ဌာနချုပ်ရဲ့ ကြာသာပတေးနေ့က ထုတ်ပြန်ချက်မှာ ရုရှားဟာ အာကာသမှာ ဂြိုဟ်တုဖျက်ဒုံးကျည်ကို စမ်းသပ်ခဲ့ပြီး အမေရိကန်ရဲ့ အာကာသစနစ်အပေါ် ခြိမ်းခြောက်မှု မြင့်တက်လာတာ ဖြစ်တယ်လို့ ဖော်ပြထားပါတယ်။
ယူကေ အာကာသဌာနရဲ့ ဒုတိယစစ်သေနာပတိ ဟာဗေးစမစ်က ဒီလုပ်ရပ်မျိုးဟာ အာကာသ ငြိမ်းချမ်းစွာအသုံးပြုရေးကို ခြိမ်းခြောက်မှုဖြစ်တယ်လို့ Twitter စာမျက်နှာမှာ ရေးသားခဲ့ပါတယ်။
ရုရှားနိုင်ငံခြားရေးဝန်ကြီးဌာနကတော့ အာကာသ ငြိမ်းချမ်းစွာအသုံးပြုရေး ကတိကဝတ်ကို မိမိတို့က အတိအကျ လိုက်နာနေတယ်လို့ မနေ့မှာ ကြေငြာချက် ထုတ်ခဲ့ပါတယ်။
“ဝါဒဖြန့်တိုက်ခိုက်တာမျိုးထက်၊ ပရော်ဖက်ရှင်နယ်ဝါဒမျိုး ပိုမိုပြသဖို့၊ အတူတကွ ဆွေးနွေးတိုင်ပင်ဖို့ အမေရိကန်နဲ့ ယူကေက လုပ်ဖော်ကိုင်ဖက်တွေကို တိုက်တွန်းပါတယ်”
ဇူလိုင်လ ၁၅ ရက်နေ့မှာ လက်နက်တစ်ခု စမ်းသပ်ခဲ့တာကို ရုရှားက ဝန်ခံပါတယ်။ ဒီစမ်းသပ်မှုဟာ အာကာသစနစ်အတွက် ခြိမ်းခြောက်မှုတစ်ခု မဟုတ်ဘဲ နိုင်ငံတာဥပဒေတွကိုလည်း ချိုးဖောက်မှုမရှိဘူးလို့ ကြေငြာချက်မှာ ဖော်ပြခဲ့ပါတယ်။
Ref: Aljazeera
