ဧပြီ ၁၉၊ ၂၀၂၀
M-Media
-ကမ္ဘာတစ်ဝှမ်း လက်ရှိ ပြန့်နှံ့နေတဲ့ Covid-19 ကပ်ရောဂါ တိုက်ဖျက်ရေးအတွက် ဆော်ဒီအာရေဗျက WHO ကို ကန်ဒေါ်လာ သန်း ၅၀၀ လှူဒါန်းခဲ့ပါတယ်။
WHO အကြီးအကဲ ဒေါက်တာ Tedros Adhanom Ghebreyesus က ဆော်ဒီရဲ့ ဒီလှူဒါန်းမှုအတွက် ကျေးဇူးတင်တယ်လို့ ပြောကြားခဲ့ပါတယ်။
“ကိုရိုနာဗိုင်းရပ်စ် တိုက်ဖျက်ရေး ဆော်ဒီဘုရင်နဲ့ ပြည်သူတွေက ကန်ဒေါ်လာ သန်း ၅၀၀ ရက်ရက်ရောရော လှူဒါန်မှုအတွက် အထူးကျေးဇူးတင်ရှိကြောင်း ကျွန်တော် ပြောကြားလိုပါတယ်။ အခြား G20 နိုင်ငံတွေအနေနဲ့လည်း ဆော်ဒီရဲ့ ခြေလှမ်းအတိုင်း လိုက်ပါဆောင်ရွက်မယ်လို့ ကျွန်တော် မျှော်လင့်ပါတယ်”
ဆော်ဒီဟာ WHO လက်အောက်က ကူးစက်ရောဂါဆိုင်ရာအဖွဲ့ကို သန်း ၁၅၀၊ ကာကွယ်ဆေး ထုတ်လုပ်မှုဆိုင်ရာအဖွဲ့ကို သန်း ၁၅၀နဲ့ အခြား ကျန်းမာရေးအဖွဲ့တွေကို သန်း ၂၀၀ စုစုပေါင်း သန်း ၅၀၀ လှူဒါန်းခဲ့တာ ဖြစ်ပါတယ်။
Covid-19 ကပ်ရောဂါဟာ နိုင်ငံပေါင်း ၁၉၀ ကျော်က လူပေါင်း ၂.၂ သန်းလောက်ကို ကူးစက်နေပြီး သေဆုံးသူက ၁၅၀၀၀၀ ကျော်လာပြီဖြစ်ပါတယ်။
Ref: Arab News
