ဒီဇင်ဘာ ၁၆၊ ၂၀၂၃
M-Media
-အောက်တိုဘာ ၇ ရက်နေ့က စတင်တဲ့ ဂါဇာက အစ္စရေးရဲ့ လူသတ်ပွဲမှာ ဟားမက်စ်ရဲ့ ဓားစားခံ အစ္စရေးအရပ်သားတွေလည်း သတ်ဖြတ်ခံခဲ့ရပါတယ်။
ဂါဇာမြောက်ပိုင်း ရှူဂျာယာဒေသမှာ အစ္စရေးမြေပြင်တပ်တွေရဲ့ တိုက်ခိုက်မှုအတွင်း ဟားမက်စ်ကဖမ်းထားတဲ့ အစ္စရေးအရပ်သား ၃ ဦး အသတ်ခံခဲ့ရတာပါ။
အသက် ၂၈ နှစ်ရွယ် ယိုတမ်ဟိုင်၊ အသက် ၂၅ နှစ်အရွယ် ဆာမာရ် အလ် တာလာကာ၊ အသက် ၂၆ နှစ်အရွယ် အလွန် ရှမ်ရစ်တို့ ဖြစ်ပါတယ်။
အစ္စရေးစစ်တပ်ကလည်း မြေပြင်တပ်တွေဟာ အန္တယ်ရာယ်ပေးနိုင်တယ်လို့ ယူဆတဲ့အတွက် ဒီ လူ ၃ ယောက်ကို ပစ်သတ်ခဲ့မိကြောင် ၀န်ခံခဲ့ပြီး စုံစမ်းစစ်ဆေးမှုတွေလုပ်နေတယ်လို့ ထုတ်ပြန်ပါတယ်။
သူတို့ ၃ ယောက်ဟာ ဟားမက်စ်လက်ကနေ ထွက်ပြေးလာတာ ဒါမှမဟုတ် ဟားမက်စ်က ထားခဲ့တာမျိုး ဖြစ်နိုင်တယ်လို့ ထုတ်ပြန်ချက်မှာ ဖော်ပြပါတယ်။
ဒီအဖြစ်အပျက်ကိုကြည့်ရင် အစ္စရေးဟာ ဂါဇာမှာ မြင်မြင်သမျှလူတွေကို သတ်ဖြတ်နေတယ်ဆိုတာ တွေ့နိုင်တယ်လို့ ကျွမ်းကျင်သူတွေက သုံးသပ်ပါတယ်။
အောက်တိုဘာ ၇ က်နေ့ကစတင်ပြီး ဂါဇာမှာ ပြုလုပ်နေတဲ့ တိုက်ခိုက်မှုဟာ ဟားမက်စ်ကို အမြစ်ဖြတ်ရေး၊ ဓားစားခံတွေကို ကယ်ထုတ်ရေး ရည်ရွယ်တယ်လို့ အစ္စရေးက ထုတ်ပြန်ထားတာ ဖြစ်ပါတယ်။
၂ လကျော်အတွင်း ဂါဇာမှာ အစ္စရေးရဲ့သတ်ဖြတ်မှုကို ခံရသူ ပါလက်စတိုင်း အရေအတွက်ဟာ ၁၈၇၀၀ ကျော်လာခဲ့ပြီ ဖြစ်ပါတယ်။
Ref: Aljazeera
