ဧပြီ ၁၂၊ ၂၀၁၉
M-Media
– အာဏာရှင် အိုမာရ် အလ်-ဘရှီးရ်ကို ဖြုတ်ချခဲ့ပြီး စစ်ကောင်စီက ၂ နှစ်တာ အသွင်ကူးပြောင်းရေးကာလကို တာဝန်ယူသွားမယ်လို့ ဆူဒန်စစ်ခေါင်းဆောင်က မနေ့မှာ ကြေငြာလိုက်ပေမယ့် ဆူဒန်ပြည်သူတွေကတော့ စစ်အုပ်ချုပ်ရေးကို ဆန့်ကျင်တဲ့ ဆန္ဒပြမှုတွေ ဆက်လက်လုပ်ဆောင်နေပါတယ်။
သမ္မတအဖြစ် နှစ်ပေါင်း ၃၀ လောက် အာဏာကို ချုပ်ကိုင်ထားခဲ့တဲ့ အသက် ၇၅ နှစ်အရွယ် ဘရှီးရ်ပြုတ်ကျရေးအတွက် ဆူဒန်နိုင်ငံမှာ ပြီးခဲ့တဲ့နှစ် ဒီဇင်ဘာလောက်ကတည်းက ဆန္ဒပြမှုတွေ စတင်ခဲ့တာပါ။
မနေ့မှာတော့ ဘရှီးရ်ကို စစ်တပ်က ဖြုတ်ချလိုက်ပြီလို့ သတင်းတွေထွက်ပေါ်လာခဲ့ပြီး နောက်ပိုင်းမှာ စစ်တပ်အကြီးအကဲ ဗိုလ်ချုပ် အဟ်မဒ် အ၀ဒ် အစ်ဗနေ့ အောက်ဖ်က ရုပ်သံမိန့်ခွန်းမှာ အတည်ပြုခဲ့ပါတယ်။ အောက်ဖ်က တိုင်းပြည်ရဲ့ ဖွဲ့စည်းပုံအခြေခံဥပဒေကို ရပ်ဆိုင်းလိုက်ပြီး၊ ညမထွက်ရအမိန့် တစ်လ ထုတ်ပြန်လိုက်ကြောင်း၊ ၂ နှစ်တာ အသွင်ကူးပြောင်းရေး ကာလအတွင်း တိုင်းပြည်ကို စစ်ကောင်စီက တာဝန်ယူ အုပ်ချုပ်သွားမှာဖြစ်ကြောင်း ထည့်သွင်း ပြောဆိုခဲ့ပါတယ်။
ဘရှီးရ်ကိုတော့ စစ်တပ်က နေအိမ်အကျယ်ချုပ် ချထားပါတယ်။ ဗိုလ်ချုပ်အောက်ဖ်က မနေ့မှာ စစ်ကောင်စီရဲ့ အကြီးအကဲအဖြစ် ကျမ်းသစ္စာ ကျိန်ဆိုခဲ့ပါတယ်။
အာဏာရှင် ဘရှီးရ် ပြုတ်ကျသွားပြီဆိုတဲ့သတင်း ထွက်လာပြီးတဲ့နောက် လမ်းပေါ်ထွက် အောင်ပွဲခံခဲ့ကြတဲ့ ပြည်သူတွေက အောက်ဖ်ဦးဆောင်တဲ့ စစ်အုပ်ချုပ်ရေးစနစ်ကို လက်မခံဘဲ ထပ်မံ ဆန့်ကျင်ကာ အရပ်သားတွေဦးဆောင်တဲ့ အစိုးရတစ်ရပ် ဖြစ်လာရေး ဆက်လက်တောင်းဆိုနေပါတယ်။
ဆန္ဒပြမှုကို ဦးဆောင်ခဲ့တဲ့ ဆူဒန် ပရော်ဖက်ရှင်နယ်များအသင်း SPA က စစ်ကောင်စီရဲ့ ကာဖျူးအမိန့်ကို ဆန့်ကျင်ကာ မြို့တော် ခါတွန်က ကာကွယ်ဝန်ကြီးဌာနအဆောက်အဦးရှေ့မှာ ထိုင်သပိတ် ဆက်လက်လုပ်ဆောင်ကြဖို့ မနေ့က Twitter စာမျက်နှာမှာ ဆော်သြခဲ့ပါတယ်။
“တော်လှန်ရေးကို ဆက်လက်စောင့်ထိန်းကြပါ။ ကာဖျူးကို လိုက်နာတာဟာ မျက်နှာဖုံးလဲအစိုးရကို အသိအမှတ်ပြုသလို ဖြစ်သွားမှာပါ”
ပြည်သူတွေဟာ ကာကွယ်ရေးဝန်ကြီးဌာန အဆောက်အဦးရှေ့မှာ ဆိုင်းတွေ၊ ဗုံတွေနဲ့ ဆက်လက်ဆန္ဒပြနေကြပြီး ပြည်သူကို အခြေပြုတဲ့ ဒီမိုကရေစီအစိုးရတစ်ရပ် အမြန်ဆုံးပေါ်ပေါက်လာရေး တောင်းဆိုနေကြပါတယ်။
ဘရှီးရ်ဟာ ၁၉၈၉ ခုနှစ် အာဏာသိမ်းပွဲကနေ အာဏာရလာတာဖြစ်ပြီး စစ်ကောင်စီအကြီးအကဲအဖြစ် ဆောင်ရွက်မယ့် အောက်ဖ်ကိုလည်း လွန်ခဲ့တဲ့ ၆ ပတ်က သူကိုယ်တိုင် စစ်တပ်အကြီးအကဲနေရာကို ပေးခဲ့တာ ဖြစ်ပါတယ်။
အောက်ဖ်ဟာ အရင်က စစ်ဦးစီးအရာရှိချုပ်၊ စစ်ဖက်ထောက်လှမ်းရေးနဲ့ လုံခြုံရေးအကြီးအကဲအဖြစ် တာဝန်ထမ်းဆောင်ခဲ့သူဖြစ်ပါတယ်။ ဆူဒန်နိုင်ငံအနောက်ပိုင်း ဒါဖာရ်ဒေသမှာ ၂၀၀၃ ခုနှစ်ကနေ စတင်ခဲ့တဲ့ ပဋိပက္ခအတွင်း လူပေါင်း ၃ သိန်းကျော် သေဆုံးမှုမှာ ဘရှီးရ်ကို စစ်ရာဇ၀တ်မှုကျူးလွန်သူအဖြစ် နိုင်ငံတကာ ရာဇ၀တ်ခုံရုံး ICC က သတ်မှတ်ခဲ့ပါတယ်။
အဲဒီကိစ္စမှာ ပါဝင်မှုအတွက် အောက်ဖ်ကို အမေရိကန်ဘဏ္ဍာရေးဝန်ကြီးဌာနက ပိတ်ဆို့မှုတွေ ပြုလုပ်ခဲ့ပြီး အခြား ဆူဒန်တာဝန်ရှိသူ ၂ ဦးနဲ့အတူ ပိုင်ဆိုင်မှု သိမ်းဆည်းတာတွေ လုပ်ဆောင်ခဲ့ပါတယ်။ အောက်ဖ်ဟာ ၂၀၁၀ ခုနှစ်မှာ စစ်တပ်ကနေ အနားယူခဲ့ပြီး အီဂျစ်နဲ့ အိုမန်တို့မှာ သံအမတ်အဖြစ် တာဝန်ထမ်းဆောင်ခဲ့ပါတယ်။ ၂၀၁၅ ခုနှစ် ဆူဒန်အစိုးရဲ့ နိုင်ငံရေး ပြုပြင်ပြောင်းလဲမှုမှာ ဘရှီးရ်က သူ့ကို ပြန်ခေါ်ကာ ကာကွယ်ရေးဝန်ကြီးအဖြစ် ခန့်အပ်ခဲ့ပါတယ်။
Ref: Aljazeera
