ဖေဖော်ဝါရီ ၂၊ ၂၀၁၉
M-Media
– အိုစမာဘင်လာဒင်ရဲ့ သားဖြစ်ပြီး အမေရိကန်က အလ်ကိုင်းဒါးခေါင်းဆောင်အဖြစ် သတ်မှတ်ကာ ဆုကြေးငွေထုတ်ထားတဲ့ ဟမ်ဇာ ဘင်လာဒင်ကို နိုင်ငံသားအဖြစ် ရုပ်သိမ်းကြောင်း ဆော်ဒီ ပြည်ထဲရေးဝန်ကြီးဌာနက ဒီကနေ့မှာ ထုတ်ပြန် ကြေငြာလိုက်ပါတယ်။
အသက် ၃၀ အရွယ် ဟမ်ဇာဟာ လက်ရှိမှာ အလ်ကိုင်းဒါးခေါင်းဆောင်အဖြစ် ဆောင်ရွက်နေပြီး သူရှိမယ့်နေရာ၊ ဒါမှမဟုတ် သူ့ကို ဖမ်းဆီးနိုင်မယ့် သတင်းကို ပေးမယ်ဆိုရင် ဒေါ်လာ ၁ သန်း ချီးမြှင့်မယ်လို့ အမေရိကန်အစိုးရက မနေ့မှာ ထုတ်ပြန်ခဲ့ပါတယ်။
စက်တင်ဘာ ၁၁ တိုက်ခိုက်မှုမဖြစ်ခင် ဟမ်ဇာဟာ အိုစမာဘင်လာဒင်နဲ့အတူ အာဖဂန်မှာ ရှိနေပြီး အမေရိကန်က ၀င်ရောက်ကျူးကျော်တဲ့အခါ ပါကစ္စတန်ကို ဖခင်နဲ့အတူ ရောက်ရှိသွားခဲ့ပါတယ်။
၂၀၁၁ ခုနှစ် အိုစမာဘင်လဒင် သေဆုံးသွားပြီးနောက် အလ်ကိုင်းဒါးအဖွဲ့ရဲ့ခေါင်းဆောင်ဖြစ်လာတဲ့ အေမန် အလ်-ဇာဝါဟီရီ ၂၀၁၅ ခုနှစ်မှာက ထုတ်ပြန်တဲ့ အသံဖိုင်မှာ ဟမ်ဇာကို စကားပြောခိုင်းပြီး မိတ်ဆက်ပေးခဲ့ပါတယ်။ ဟမ်ဇာဟာ အဲဒီဖိုင်ထဲမှာ အနောက်နိုင်ငံတွေက မြို့ကြီးတွေကို တိုက်ခိုက်ဖို့၊ သူ့ဖခင်ကို သတ်ခဲ့တဲ့ အမေရိကန်ကို လက်တုန့်ပြန်ဖို့ တိုက်တွန်းခဲ့တယ်လို့ အမေရိကန်အစိုးရက ပြောပါတယ်။
နိုင်ငံရပ်ခြားမှာရှိတဲ့ အမေရိကန်နိုင်ငံသားတွေကို ပစ်မှတ်ထားတိုက်ခိုက်မယ်လို့ ဟမ်ဇာက ခြိမ်းခြောက်ခဲ့သလို၊ ဆော်ဒီအာရေဗျ အစိုးရကို ဆန့်ကျင်ဖို့အတွက် ဆော်ဒီလူမျိုးစုတွေ ယီမင် အလ်ကိုင်းဒါးအဖွဲ့နဲ့ ပူးပေါင်းဖို့လည်း တိုက်တွန်းခဲ့ပါတယ်။
၂၀၁၁ ခုနှစ် အိုစမာဘင်လာဒင် သေဆုံးချိန်က ဟမ်ဇာဟာ အီရန်မှာ နေအိမ်အကျယ်ချုပ် ကျနေပြီး၊ အိုစမာရဲ့ အကြံပေးတွေက ဟမ်ဇာကို သူ့အဖေနဲ့ ပြန်ဆုံအောင် ကြိုးစားခဲ့ဖူးပါတယ်။
နိုဝင်ဘာလကထုတ်ပြန်တဲ့ နန်းတော်ရဲ့အမိန့်အရ ဟမ်ဇာကို နိုင်ငံသားရုပ်သိမ်းလိုက်တာဖြစ်တယ်လို့ ဆော်ဒီပြည်ထဲရေးရဲ့ ကြေငြာချက်မှာ ဖော်ပြထားပါတယ်။
Ref: Reuters
