ဖေဖော်ဝါရီ ၁၈၊ ၂၀၁၉
M-Media
– မိမိတို့တိုင်းပြည်ဟာ ‘အရေးပါတဲ့ သမိုင်းအချိုးအကွေ့တစ်ခုကို’ ရောက်ရှိနေပြီလို့ မြောက်ကိုရီးယား နိုင်ငံပိုင်မီဒီယာက ဒီကနေ့မှာ ရေးသားဖော်ပြခဲ့ပြီး ခေါင်းဆောင် ကင်ဂျုံအွန်နဲ့ အမေရိကန်သမ္မတ ဒေါ်နယ်ထရမ့်တို့ ဗီယက်နမ်မှာ တွေ့ဆုံမယ့်ကိစ္စကို ရည်ညွှန်းတယ်လို့ သုံးသပ်မှုတွေ ရှိနေပါတယ်။
ခေါင်းဆောင်နှစ်ဦးဟာ ဖေဖော်ဝါရီ ၂၇ နဲ့ ၂၈ ရက်တွေမှာ ဗီယက်နမ်နိုင်ငံမြို့တော် ဟနွိုင်းမှာ တွေ့ဆုံဖို့ ရှိနေပြီး တစ်နှစ်အတွင်း ၂ ကြိမ်မြောက် တွေ့ဆုံမှုလည်း ဖြစ်ပါတယ်။ ပြီးခဲ့တဲ့နှစ် ဇွန်လက စင်ကာပူနိုင်ငံမှာ ပထမဆုံးအကြိမ် တွေ့ဆုံခဲ့တာပါ။
လာမယ့်တစ်ပတ် တွေ့ဆုံမှုအတွင်း အမေရိကန်က ပိတ်ဆို့မှုတွေ လျှော့ပေးမယ်ဆိုတဲ့ ကမ်းလှမ်းမှုမျိုး လုပ်နိုင်တယ်လို့ သုံးသပ်မှုတွေ ရှိနေပါတယ်။
“အရေးပါတဲ့ ဒီလိုအချိန်မှာ ရည်ရွယ်ချက် ကြီးကြီးမားမားထားပြီး ကျွန်တော်တို့ရဲ့ ဖိနပ်ကြိုးတွေကိုချည်ကာ မြန်မြန်ပြေးရမယ့်အချိန် ရောက်ပါပြီ။ ကျွန်တော်တို့တိုင်းပြည်ဟာ အရေးပါတဲ့ သမိုင်းဝင်အလှည့်အပြောင်းတစ်ခုကို ရင်ဆိုင်နေရပါပြီ” လို့ နိုင်ငံပိုင် Rodong Sinmun သတင်းစာရဲ့ အယ်ဒီတာ့အာဘော်မှာ ရေးသားထားပါတယ်။
အမေရိကန်သမ္မတ ဒေါ်နယ်ထရမ့်က မြောက်ကိုရီးယားဟာ ကင်ဂျုံအွန်လက်ထက်မှာ ကြီးမားတဲ့ စီးပွားရေး မောင်းနှင်အားတစ်ခု ဖြစ်လာမယ်လို့ အခုလအစောပိုင်းက Twitter စာမျက်နှာမှာ ရေးသားခဲ့ပါတယ်။
Rodong Sinmun သတင်းစာက မြောက်ကိုရီးယား ပြည်သူတွေအနေနဲ့ စီးပွားရေးတိုးတက်ဖို့အတွက် ကြိုးပမ်းအားထုတ်ဖို့ တိုက်တွန်းခဲ့ပါတယ်။
ကိုရီးယားကျွန်းဆွယ်ရဲ့ ကြွယ်ဝတဲ့ သဘာဝ သယံဇာတ ရင်းမြစ်တွေဟာ မြောက်ကိုရီးယားဖက်မှာ အများစုရှိပြီး အရင်က တောင်ကိုရီးယားထက် ကြွယ်ဝပေမယ့် စီမံခန့်ခွဲမှု ညံ့ဖျင်းတာ၊ တစ်ချိန်က ကျောထောက်နောက်ခံပြုထားတဲ့ ဆိုဗီယက်ယူနီယံ ပြိုကွဲသွားတာတွေကြောင့် အဆင်းရဲဆုံးနိုင်ငံအဖြစ်ကို ရောက်ရှိသွားခဲ့ပါတယ်။
Ref: CNA
