ဖေဖော်ဝါရီ ၇၊ ၂၀၁၉
M-Media
– ကမ္ဘာ့ရာသီဥတုကို စောင့်ကြည့်လေ့လာခဲ့တဲ့ သမိုင်းတစ်လျှောက်မှာ ပြီးခဲ့တဲ့ ၄ နှစ်ဟာ ရာသီဥတုအပူဆုံးနှစ်တွေ ဖြစ်ခဲ့ပြီး ရှေ့ဆက် အပူချိန်မြင့်မားမှု၊ ရာသီဥတု ဖောက်ပြန်မှုတွေနဲ့ ကြုံတွေ့ရမယ်လို့ ကုလ ကမ္ဘာ့ဇလဗေဒအဖွဲ့ WMO ရဲ့ မနေ့ကကြေငြာချက်မှာ သတိပေးလိုက်ပါတယ်။
အလ်နီညိုဒဏ်ကို ကြီးကြီးမားမား ခံစားခဲ့ရတဲ့ ၂၀၁၆ ခုနှစ်ဟာ သမိုင်းတစ်လျှောက် အပူချိန်အမြင့်ဆုံးနှစ်ဖြစ်ပြီး ၂၀၁၈ ခုနှစ်အကုန်မှာ ကမ္ဘာကြီးရဲ့အပူချိန်ဟာ စက်မှုခေတ်မတိုင်ခင် ကာလကထက် ၁ ဒီဂရီဆဲလ်စီးယက်စ် မြင့်တက်ခဲ့တယ်လို့ ကြေငြာချက်မှာ ဖော်ပြထားပါတယ်။
WMO ဟာ နိုဝင်ဘာလကလည်း ရာသီဥတုဆိုင်ရာ အစီရင်ခံစာတစ်ခု ထုတ်ပြန်ခဲ့ပြီး ၂၀၁၈ ခုနှစ်ဟာ စတုတ္ထမြောက် အပူဆုံးနှစ်ဖြစ်တယ်လို့ သတ်မှတ်ခဲ့ပါတယ်။ ပြီးခဲ့တဲ့ ၂၂ နှစ်မှာ နှစ် ၂၀ ဟာ သမိုင်းတစ်လျှောက် အပူဆုံးနှစ်တွေ ဖြစ်ပါတယ်။
WMO အတွင်းရေးမှူး ပက်တာရီ တာအာလက်စ်က နှစ်တစ်နှစ်စီ အပူချိန်တွေထက် ရေရှည်ဖြစ်လာမယ့် အပူချိန်တွေက ပိုမိုအရေးကြီးပြီး၊ လွန်ခဲ့တဲ့ ၄ နှစ်အတွင်း ကုန်းမြေနဲ့ ပင်လယ်သမုဒ္ဒရာတွေပေါ်က အပူချိန်တွေ မကြုံစဖူး မြင့်တက်လာတယ်လို့ ပြောကြားခဲ့ပါတယ်။
ဘေးအန္တရာယ် ပိုကြုံလာနိုင်
အပူချိန် ဆက်လက်မြင့်တက်လာမယ့်အတွက် ကမ္ဘာကြီးဟာ ဟာရီကိန်းမုန်တိုင်း၊ မိုးခေါင်ရေရှားမှု၊ ရေကြီးမှုဒဏ်တွေကို ပိုမိုကြုံတွေ့ရမယ်လို့ WMO က သတိပေးခဲ့ပါတယ်။
“ရာသီဥတုပြောင်းလဲမှုကြောင့် ဆိုးဝါးတဲ့ ရာသီဥတုတွေကို မလွဲမသွေ ကြုံတွေ့ရမှာပါ။ ဒါဟာ ကျွန်တော်တို့ ရင်ဆိုင်ကြုံတွေ့ရမယ့် တကယ့် အမှန်တရားပါပဲ” လို့ တာအာလက်စ်က ပြောပါတယ်။
၂၀၁၈ ခုနှစ်ရဲ့ ရာသီဥတုဆိုးရွားမှုဒဏ်ကို ၂၀၁၉ ခုနှစ်မှာ ဆက်လက်ခံစားနေရတယ်လို့ WMO က ကြေငြာချက်မှာ ထည့်သွင်းပြောကြားခဲ့ပါတယ်။
သြစတေးလျမှာ အခုနှစ်ဇန်န၀ါရီလအတွင်း အပူချိန် စံချိန်တင်မြင့်မားမှုကို ကြုံတွေခဲ့ရပြီး အမေရိကန်ရဲ့ အနောက်အလယ်ပိုင်း ဒေသတွေမှာလည်း အပူချိန် စံချိန်တင်ကျဆင်းမှု ဖြစ်ပွားခဲ့ပါတယ်။
အမေရိကန် အာသာသအေဂျင်စီ နာဆာနဲ့ အမေရိကန် ပင်လယ်သမုဒ္ဒရာ စောင့်ကြည့်ရေးအဖွဲ့ NOAA တို့က ထုတ်ပြန်တဲ့ အစီရင်ခံစားတွေမှာလည်း ၂၀၁၈ ခုနှစ်ဟာ သမိုင်းတစ်လျှောက် စတုတ္ထမြောက် အပူချိန်အမြင့်ဆုံးနှစ်ဖြစ်တယ်လို့ ဖော်ပြခဲ့ပါတယ်။
အာတိတ်နဲ့ အန္တာတိကတွေမှာ ပင်လယ်ရေမျက်နှာပြင်ဟာ စံချိန်တင် ကျဆင်းခဲ့ကြောင်း၊ နိုင်ငံအတွင်း သဘာဝဘေး ၁၄ ခုကြောင့် အနည်းဆုံး ၂၄၇ ဦးသေဆုံးကာ ကန်ဒေါ်လာ ၉၁ ဘီလီယံ ဆုံးရှုံးခဲ့တယ်လို့ NOAA ရဲ့ ကြေငြာချက်မှာ ဖော်ပြထားပါတယ်။
Ref: CNA
