ဖေဖော်ဝါရီ ၅၊ ၂၀၁၉
M-Media
– ကမ္ဘာကြီးရဲ့အပူချိန် မြင့်တက်လာတာကြောင့် ဟိမ၀န္တာနဲ့ ဟိန္ဒူကက်ရ်ှဒေသတွေက ရေခဲပြင် ၃ ပုံ ၁ ပုံဟာ အခုရာစုနှစ်အတွင်း အရည်ပျော်ဖို့ရှိနေပြီး အာရှဒေသက အဓိကမြစ်ကြီးတွေရဲ့ စီးဆင်းမှုကို ဆိုးဆိုးဝါးဝါး ထိခိုက်နိုင်တယ်လို့ ပညာရှင်တွေက မနေ့မှာ သတိပေးလိုက်ပါတယ်။
Hindu Kush Himalaya (HKH) ဒေသဟာ ကမ္ဘာအမြင့်ဆုံး ဧ၀ရတ်တောင်နဲ့ ဒုတိယအမြင့်ဆုံး K2 တောင်တို့ တည်ရှိရာ ဒေသလည်း ဖြစ်ပါတယ်။
တောင်တန်းတွေကို လေ့လာစောင့်ကြည့်နေတဲ့ International Centre for Integrated Mountain Development အဖွဲ့ရဲ့ မနေ့က အစီရင်ခံစာမှာ ကမ္ဘာကြီးပူနွေးလာမှုကြောင့် HKH ဒေသ ရေခဲပြင်ကြီးတွ အခုရာစုနှစ်အတွင်း အရည်ပျော်ပြီး နိုင်ငံ ၈ နိုင်ငံကို ထိခိုက်နိုင်ကာ အရင်က မဖြစ်ခဲ့ဖူးတဲ့ ရာသီဥတုပြဿနာလို့ ဖော်ပြထားပါတယ်။
အစီရင်ခံစာကို သိပ္ပံပညာရှင် ၂၁၀ က လေ့လာပြီး ပူးပေါင်းရေးသားထားတာဖြစ်ပါတယ်။
၂၀၁၅ ခုနှစ်က လက်မှတ်ထိုးခဲ့တဲ့ ‘ပဲရစ် ရာသီဥတု သဘောတူညီချက်’ အတိုင်း ကမ္ဘာ့နိုင်ငံတွေက ဆောင်ရွက်မယ်ဆိုရင်တောင် ၂၁၀၀ ခုနှစ်အရောက်မှာ HKH ဒေသက ရေခဲပြင်ရဲ့ ၃ ပုံတစ်ပုံကျော်လောက် အရည်ပျော်သွားနိုင်ပြီး၊ သဘောတူညီချက်အတိုင်း မဆောင်ရွက်ရင် ၃ ပုံ ၂ ပုံလောက် ပျောက်ကွယ်သွားနိုင်တယ်လို့ ပညာရှင်တွေက သတိပေးခဲ့ပါတယ်။
အာဖဂန်၊ ဘင်္ဂလားဒေ့ရှ်၊ ဘူတန်၊ တရုတ်၊ အိန္ဒိယ၊ မြန်မာ၊ နီပေါနဲ့ ပါကစ္စတန်နိုင်ငံတွေအထိ ကျယ်ပြန့်တဲ့ HKH ဒေသက ရေခဲပြင်တွေဟာ ၁၉၇၀ ပြည့်နှစ်တွေကတည်းက ပါးလာတာဖြစ်ပါတယ်။
ဒီရေခဲပြင် အရည်ပျော်သွားရင် အာရှကပြည်သူတွေ အဓိက မှီခိုနေရတဲ့ ယန်ဇီမြစ်၊ မဲခေါင်မြစ်၊ အိန္ဒုမြစ်နဲ့ ဂင်္ဂါမြစ်တွေရဲ့ စီးဆင်းမှု၊ မြစ်တွေပေါ်မှာ တည်ဆောက်ထားတဲ့ ရေအားလျှပ်စစ် စီမံကိန်းတွေကို ထိခိုက်မှာဖြစ်ပြီး ကမ်းပါး တိုက်စားမှုတွေ မြေပြိုမှုတွေလည်း ပိုမိုဖြစ်ပွားမယ်လို့ အစီရင်ခံစာမှာ သုံးသပ်ထားပါတယ်။
ရေခဲပြင်အရည်ပျော်မှုကြောင့် HKH ဒေသတွေမှာ နေထိုင်တဲ့ လူ သန်း ၂၅၀ အပြင် မြစ်ကြီးတွေတစ်လျှောက် နေထိုင်ကြတဲ့ လူ ၁.၆၅ ဘီလီယံလောက် အတိဒုက္ခရောက်ဖွယ် ရှိနေပါတယ်။ ရေခဲပြင်ပျော်ကျမှု နောက်ဆက်တွဲအဖြစ် ပင်လယ်ရေမျက်နှာပြင်ကလည်း ၁.၅ မီတာလောက်အထိ မြင့်တက်လာနိုင်ပြီး ကျွန်းတွေမှာ နေထိုင်ကြသူတွေဟာ ထိခိုက်မှု ပိုများနိုင်တယ်လို ပညာရှင်တွေက သတိပေးခဲ့ပါတယ်။
Ref : Reuters
