ဇန်န၀ါရီ ၁၄၊ ၂၀၁၉
M-Media
– အီရတ်နယ်စပ်နားမှာ ခြေကုပ်ယူထားတဲ့ IS အကြမ်းဖက်အဖွဲ့ရဲ့ နောက်ဆုံးနေ့ရက်တွေ နီးကပ်လာပြီလို့ ဆီးရီးယားက အမေရိကန်ကျောထောက်နောက်ခံပြုတပ်ဖွဲ့ SDF က ပြောကြားလိုက်ပါတယ်။
ကာ့ဒ်တပ်ဖွဲ့ YPG က ဦးဆောင်တဲ့ ဆီးရီးယား ဒီမိုကရက်တစ် တပ်ဖွဲ့ SDF ဟာ နိုင်ငံမြောက်ပိုင်းနဲ့ အရှေ့ပိုင်းက IS အကြမ်းဖက်အုပ်စုကို ပြီးခဲ့တဲ့ ၄ နှစ်လုံးလုံး ရှင်းလင်းနေခဲ့တာ ဖြစ်ပါတယ်။
ပြီးခဲ့တဲ့လတွေအတွင်း SDF ဟာ ယူဖရေးတီးမြစ် အရှေ့ခြမ်းနဲ့ အီရတ်နယ်စပ်အကြားက IS အဖွဲ့တွေကို တိုက်ထုတ်ခဲ့ပါတယ်။ SDF အဖွဲ့ရဲ့ ပြန်ကြားရေးအကြီးအကဲ မူစတာဖာ ဘာလီက ပြီးခဲ့တဲ့ ၂ ရက်အတွင်း တိုက်ခိုက်မှုတွေ အရှိမြင့်လာသလို နယ်မြေတွေလည်း ပြန်လည်ရရှိလာတယ်လို့ ပြောကြားခဲ့ပါတယ်။
“သူတို့ရဲ့ နောက်ဆုံးနေ့ရက်တွေ နီးကပ်လာပြီး ဒီတိုက်ပွဲဟာ အမြစ်လှန်မယ့် တိုက်ပွဲဖြစ်တယ် ဆိုတာကိုလည်း သူတို့ သိကြပါတယ်”
SDF ကို ကျောထောက်နောက်ခံပြုထားတဲ့ မဟာမိတ်တပ်ဖွဲ့က ပြောရေးဆိုခွင့်ရှိသူ ကာနယ် ရှောင်ရိုင်ယန်က ပိုင်နက်တွေ ပြန်သိမ်းနိုင်ပေမယ့် တိုက်ခိုက်မှုတွေ ဆက်ဖြစ်နေဆဲပဲလို့ ပြောကြားခဲ့ပါတယ်။
“IS အဖွဲ့ကို လုံးဝ သုတ်သင်ပစ်မယ့် စစ်ဆင်ရေးကို ဆက်လက် လုပ်ဆောင်နေဆဲ ဖြစ်ပါတယ်။ သူတို့အဖွဲ့ဟာ ဒေသတွင်း ရေရှည်ခြိမ်းခြောက်မှုတစ်ခုအဖြစ် ဆက်ရှိနေဆဲပါ။ ဒါ့ကြောင့် စစ်ဆင်ရေးက မပြီးသေးပါဘူး”
အမေရိကန်သမ္မတ ဒေါ်နယ်ထရမ့်က ဆီးရီးယားမှာ IS အကြမ်းဖက်အဖွဲ့ကို တိုက်ဖျက်ရေးဟာ အောင်မြင်သွားပြီဖြစ်တဲ့အတွက် သူတို့တပ်ဖွဲ့တွေကို အိမ်ပြန်ခေါ်မယ်လို့ ပြီးခဲ့တဲ့လမှာ ပြောကြားခဲ့ပါတယ်။
IS အကြမ်းဖက်အဖွဲ့ဟာ ၂၀၁၄ နဲ့ ၂၀၁၅ ခုနှစ်တွေမှာ အီရတ်နဲ့ ဆီးရီးယားက နယ်မြေတော်တော်များများကို သိမ်းပိုက်နိုင်ခဲ့ပါတယ်။ အီရတ်နိုင်ငံမှာတော့ ၂၀၁၇ ခုနှစ်နှောင်းပိုင်းမှာ IS အကြမ်းဖက်အဖွဲ့ကို အပြီးသတ် ရှင်းလင်းဖယ်ရှားနိုင်ခဲ့ပါတယ်။
Ref: Reuters
