အောက်တိုဘာ ၁၆၊ ၂၀၁၈
M-Media
၂၀၁၇ ခုနှစ်အတွင်း လူ့အဖွဲ့အစည်းနှစ်ခုအကြား ပဋိပက္ခဖြစ်စေရန် လှုံ့ဆော်ဝါဒဖြန့်မှု
– မြန်မာစစ်တပ်ဟာ Facebook မှာ လူမျိုးရေး၊ ဘာသာရေးမုန်းတီးမှုတွေ ၀ါဒဖြန့်ဖို့အတွက် အခြေစိုက်စခန်းတစ်ခု သပ်သပ်ထားပြီး၊ လူ ၇၀၀ လောက်နဲ့ ငွေကြေးအမြောက်အများ သုံးစွဲကာ လုပ်ဆောင်နေတယ်လို့ အမေရိကန်သတင်းဌာန New York Times က အောက်တိုဘာ ၁၅ ရက်နေ့မှာ ဖော်ပြခဲ့ပြီးတဲ့နောက် Facebook က စစ်တပ်နဲ့နွယ်တဲ့ အကောင့်တွေနဲ့ page တွေကို ထပ်မံ ပိတ်ပင်လိုက်ပါတယ်။
page ၁၃ ခုနဲ့ အကောင့် ၁၀ ခုတို့ကို ပိတ်ပင်လိုက်တာဖြစ်ပြီး ဒီအကောင့်တွေ၊ စာမျက်နှာတွေဟာ ဖျော်ဖြေရေး၊ အလှအပ၊ သတင်းမျှဝေရေးအဖြစ် အသွင်ယူထားပေမယ့် မြန်မာစစ်တပ်နဲ့ နွယ်နေတဲ့ ၀ါဒဖြန့်ချီရေးအကောင့်တွေ ဖြစ်တယ်ဆိုတာ စုံစမ်းစစ်ဆေးမှုအတွင်း တွေ့ခဲ့ရတယ်လို့ Facebook ရဲ့ Blog မှာ မနေ့က ရေးသားဖော်ပြထားပါတယ်။
ပိတ်ပင်လိုက်တဲ့ အကောင့်တွေ၊ page တွေမှာ စုစုပေါင်း follower ၁.၃၅ သန်းလောက်ရှိပြီး၊ follower အများဆုံး စာမျက်နှာတွေက ‘Beauty and Classic’ ၊ ‘ဆရာမလေးများ’၊ ‘စစ်သားဓာတ်ပုံများစုစည်းမှု’ နဲ့ ‘မိုးနတ်မင်း’ တို့ ဖြစ်တယ်လို့ ဆိုပါတယ်။ Facebook သုံးစွဲသူတွေကြားမှာ လူသိများတဲ့ Opposite Eyes ၀ါဒဖြန့်ပေ့ခ်ျကို ကိုင်တွယ်တဲ့ မြန်မာစစ်တပ်က လက်ဖြောင့်တပ်သား Ohn Maung ရဲ့ အကောင့်ကိုလည်း Facebook က ပိတ်ပစ်ခဲ့ပါတယ်။
ဘာသာရေး၊ လူမျိုးရေးတွေကို အခြေခံကာ အခြားသူတွေ လမ်းမှားအောင် ပြုလုပ်တဲ့ ကိစ္စတွေကို မိမိတို့ရဲ့ ၀ဘ်ဆိုက်မှာ အဖြစ်မခံလိုတဲ့အတွက် ဒီအကောင့်တွေကို ဖယ်ရှားရတာဖြစ်တယ်လို့ Facebook က ပြောကြားခဲ့ပြီး၊ စစ်တပ်ရဲ့ အမုန်းဝါဒဖြန့်မှုနဲ့ပတ်သက်လို့ New York Times သတင်းဌာနရဲ့ ဖော်ပြမှုဟာ စုံစမ်းစစ်ဆေးရာမှာ အထောက်အကူဖြစ်ခဲ့တယ်လို့လည်း ဆိုပါတယ်။
အမုန်းဝါဒဖြန့်မှုနဲ့ပတ်သက်ပြီး ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ရဲ့ အကောင့် အပါအ၀င် စစ်တပ်နဲ့ ဆက်နွယ်တဲ့ အကောင်တွေ၊ page တွေ စုစုပေါင်း ၅၂ ခုလောက်ကို ဖယ်ရှားခဲ့တယ်လို့ Facebook ဟာ သြဂုတ်လမှာ သတင်းထုတ်ပြန်ခဲ့ပါတယ်။ ဒီ page တွေ၊ အကောင့်တွေမှာ Follower ၁၂ သန်းလောက် ရှိတယ်လို့လည်း ဆိုပါတယ်။
နယူးယောက်တိုင်းမ်စ်ရဲ့ ဖော်ပြချက်
ပါကစ္စတန်-ဘင်္ဂလားဒေ့ရ်ှစစ်ပွဲမှ ဓာတ်ပုံများကို အသုံးပြုကာ ကာကွယ်ရေးဦးစီးချုပ်ရုံးစာမျက်နှာမှ ရိုဟင်ဂျာဆန့်ကျင်ရေး ၀ါဒဖြန့်မှု
‘A Genocide Incited on Facebook, With Posts From Myanmar’s Military’ (မြန်မာစစ်တပ်ရဲ့ Facebook ပို့စ်တွေက လူမျိုးတုန်း သတ်ဖြတ်မှုဖြစ်အောင် လှုံ့ဆော်နေ) ဆိုတဲ့ခေါင်းစဉ်နဲ့ အောက်တိုဘာ ၁၅ ရက်နေ့က ဖော်ပြခဲ့တဲ့ ဆောင်းပါးမှာ မြန်မာနိုင်ငံအတွင်း အမုန်းဝါဒဖြန့်ဖို့အတွက် စစ်တပ်က စီမံကိန်းနဲ့ လုပ်ဆောင်နေတယ်လို့ စစ်တပ်အသိုင်းအ၀ိုင်းအပါအ၀င် သတင်းရင်းမြစ် တော်တော်များများကို ကိုးကားပြီး ရေးသားထားပါတယ်။
မြန်မာနိုင်ငံမှာ Facebok ကိုသုံးစွဲသူအရေအတွက်ဟာ ၁၈ သန်းလောက် ရှိနေတာပါ။
မြန်မာစစ်တပ်ရဲ့ Facebook ၀ါဒဖြန့်ချီရေးလုပ်ငန်းမှာ တပ်ဖွဲ့ဝင်ပေါင်း ရာနဲ့ချီပါဝင်ပြီး သတင်းစာမျက်နှာတွေ၊ ဖျော်ဖြေရေး၊ အနုပညာ စာမျက်နှာတွေ၊ အလှယ်မယ်တွေရဲ့ စာမျက်နှာတွေအဖြစ် အသွင်ယူထားကြကာ ကြည့်ရှုသူအရေအတွက် အများဆုံးရောက်တဲ့အချိန်တွေမှာ အစ္စလာမ်ဆန့်ကျင်ရေး လုပ်ကြံဇာတ်လမ်းတွေ၊ မွတ်စလင်အမျိုးသားက ဗုဒ္ဓဘာသာဝင် အမျိုးသမီးကို အဓမ္မကျင့်တယ်ဆိုတဲ့ လုပ်ကြံသတင်းတွေလို သွေးထိုးလှုံ့ဆော်တဲ့ ပို့စ်တွေ၊ မှတ်ချက်တွေကို ရေးသားလေ့ရှိတယ်လို့ လုံခြုံရေးစိုးရိမ်ရတဲ့အတွက် အမည်မဖော်လိုတဲ့ ရင်းမြစ် ၅ ခုက New York Times သတင်းစာကို ပြောကြားခဲ့ပါတယ်။
ဒီတပ်ဖွဲ့ကို နေပြည်တော်နားက တောင်ခြေတွေမှာ အခြေစိုက်ထားပြီး ၀ါဖြန့်လုပ်ငန်းအပြင် ထင်ရှားတဲ့အကောင့်တွေ၊ စစ်တပ်ကို ဝေဖန်တဲ့ အကောင့်တွေကို ထောက်လှမ်းတာတွေကိုပါ လုပ်ရကြောင်း၊ အလွန်လျှို့ဝှက်ပြီး တင်းကြပ်ကြောင်း ဒီရင်းမြစ်တွေက ထည့်သွင်း ပြောဆိုခဲ့ပါတယ်။
ဒီကိစ္စနဲ့ပတ်သက်ပြီး Facebook ရဲ့ ဆိုက်ဘာလုံခြုံရေးပေါ်လစီ အကြီးအကဲ နသန်နီယဲလ် ဂလီချာက ‘မြန်မာစစ်တပ်နဲ့ ဆက်နွယ်နေသူတွေဟာ ၀ါဒဖြန့်ချီရေးလုပ်ငန်းတွေကို အသွင်ယူ ဆောင်ရွက်နေတယ်ဆိုတာ ထင်ထင်ရှားရှား တွေ့ခဲ့ရပါတယ်’ လို့ ပြောကြားခဲ့ပါတယ်။
ဒီလို အမုန်းဝါဒဖြန့်တာတွေကို ဖယ်ရှားဖို့နဲ့ Facebook ပေါ် တက်မလာအောင် အားစိုက်ဆောင်ရွက်နေပြီး၊ စုံစမ်းမှုတွေကိုလည်း ဆက်လက် လုပ်ဆောင်နေတယ်လို့ ဂလီချာက ထည့်သွင်းပြောဆိုခဲ့ပါတယ်။
ပြီးခဲ့တဲ့ နှစ်အနည်းငယ်က စတင်ခဲ့တဲ့ စစ်တပ်ရဲ့ ၀ါဒဖြန့်ချီရေးလုပ်ငန်းမှာ လူ ၇၀၀ လောက် ပါဝင်ပြီး ငွေကြေးအပါအ၀င် အခြားရင်းမြစ်တွေကို အကြီးအကျယ် သုံးစွဲနေတယ်လို့ ဒီလုပ်ငန်းနဲ့ နီးစပ်သူတွေက New York Times သတင်းစာကို ပြောကြားခဲ့ပါတယ်။
အဲဒီအကောင့်တွေ၊ စာမျက်နှာတွေဟာ မြန်မာနိုင်ငံက အစ္စလာမ်ဘာသာဝင်တွေအပေါ် မုန်းတီးလာစေမယ့် သတင်းမှားတွေအပါအ၀င် သွေးထိုးလှုံ့ဆော်တဲ့ပို့စ်တွေ၊ ပုံတွေ လွှင့်တင်လေ့ရှိတယ်လို့လည်း သတင်းရင်းမြစ်တွေက ထည့်သွင်းပြောဆိုခဲ့ပါတယ်။
ရခိုင်ပြည်နယ်က ပြဿနာနဲ့ပတ်သက်လို့ ဒီအကောင့်တွေ၊ page တွေဟာ တစ်ခြားနိုင်ငံတွေက သေဆုံးသူတွေရဲ့ ပုံတွေကို အသုံးပြုကာ ရိုဟင်ဂျာတွေက လူတွေ အစုလိုက်အပြုံလိုက် သတ်ဖြတ်တယ်လို့ ၀ါဒဖြန့်ကြောင်း၊ ဒစ်ဂျစ်တယ် ခြေရာလက်ရာတွေကို လိုက်ကြည့်ရင် နေပြည်တော်အထွက်မှာရှိတဲ့ စစ်စခန်းတွေကို ဦးတည်နေကြောင်း ရင်းမြစ်တွေက ဆိုပါတယ်။
သတင်းရင်းမြစ်တွေထဲက ၂ ဦးက စစ်တပ်ရဲ့ ၀ါဒဖြန့်လုပ်ငန်းမှာ ဒေါ်အောင်ဆန်းစုကြည်အပေါ် ပြည်သူတွေ အကြည်အညိုပျက်စေဖို့အတွက် သူမနဲ့ ပတ်သက်တဲ့ သတင်းမှားတွေ ဖြန့်ဝေတာကိုလည်း လုပ်ဆောင်နေကြတယ်လို့ ဆိုပါတယ်။ နိုင်ငံခြားခရီးစဉ်တစ်ခုမှာ ဒေါ်အောင်ဆန်းစုကြည်ဘီးတပ်ကုလားထိုင်ပေါ် ထိုင်နေတဲ့ပုံကို အသုံးပြုကာ သူမဟာ တောင်ကိုရီးယားမှာ အသားအရေတင်းဆေး သွားထိုးလာတယ်ဆိုတဲ့ သတင်းဟာ စစ်တပ်ဝါဒဖြန့်အုပ်စုရဲ့ လက်ချက်ဖြစ်တယ်လို့လည်း သူတို့က ဆိုပါတယ်။
စစ်တပ်ရဲ့ အဲဒီလို ၀ါဒဖြန့်မှုတွေထဲမှာ ကြောက်စရာအကောင်းဆုံးကိစ္စက ၂၀၁၇ ခုနှစ်မှာ ဖြစ်ပွားခဲ့ပြီး မွတ်စလင်တွေဟာ စက်တင်ဘာ ၁၁ ရက်နေ့ကြရင်
ဂျီဟတ်လုပ်မယ်လို့ ဗုဒ္ဓဘာသာအသိုင်းအ၀ိုင်းကို Facebook Messenger ကနေ ၀ါဒဖြန့်ကာ တစ်ဖက်မှာလည်း ဗုဒ္ဓဘာသာ အမျိုးသားရေး ဘုန်းကြီးတွေက မွတ်စလင်ဆန့်ကျင်ရေး ချီတက်ပွဲလုပ်မယ့်အတွက် အသင့်အနေအထားနဲ့ သတိထားနေဖို့ မွတ်စလင်အသိုင်းအ၀ိုင်းဖက်ကို ၀ါဒဖြန့်မှု ဖြစ်တယ်လို့ New York Times ကို ပြောကြားခဲ့တဲ့ သတင်းရင်းမြစ်တွေထဲက နှစ်ဦးက ဖွင့်ဟခဲ့ပါတယ်။
မြန်မာစစ်တပ်က စစ်သားတစ်ချို့ဟာ ရုရုားမှာ စိတ်ဓာတ်စစ်ဆင်ရေး၊ ဟက်ကင်းနဲ့ ကွန်ပျူတာဆိုင်ရာ ပညာရပ်တွေကို သင်ကြားခဲ့ပြီး မြန်မာနိုင်ငံကိုပြန်လာကာ တစ်ဆင့်ပြန်ပို့ချတယ်လို့ New York Times သတင်းစာက ဆောင်းပါးမှာ ထည့်သွင်းဖော်ပြခဲ့ပါတယ်။
နယူးယောက်တိုင်းမ်စ် သဌာနရဲ့ ဆောင်းပါး၊ Facebook ရဲ့ အကောင်တွေ ထပ်မံပိတ်ပင်မှုနဲ့ပတ်သက်လို့ မြန်မာစစ်တပ်ဖက်က တုန့်ပြန်တာမျိုး မရှိသေးပါဘူး။
Ref: New York Times, Facebook Blog
