စက်တင်ဘာ ၂၉၊ ၂၀၁၈
M-Media
– ဆယ်ကျော်သက် ယောက်ျားလေး တော်တော်များများကို နှစ်များစွာ လိင်ပိုင်းဆိုင်ရာ စော်ကားခဲ့တဲ့ ချီလီနိုင်ငံက ခရစ်ယာဘုန်းကြီးတစ်ပါးကို ပုပ်ရဟန်းမင်းကြီး ဖရန်စစ်က မနေ့မှာ သိက္ခာချကာ သာသနာ့ဘောင်ကနေ ထုတ်ပယ်လိုက်ပါတယ်။
အသက် ၈၈ နှစ်ရှိပြီဖြစ်တဲ့ ဘုန်းတော်ကြီး ဖာသာ ဖာနန်ဒို ကာရာဒီမာ ဖြစ်ပြိး လက်ရှိ ချီလီမြို့တော် ဆန်တီယာဂိုက ဘိုးဘွားရိပ်သာမှာ နေထိုင်နေပါတယ်။ သူ့ရဲ့ လုပ်ရပ် လူသိရှင်ကြားဖြစ်လာပြီးတဲ့နောက်ပိုင်း ကက်သလစ်ဘုန်းကြီးတွေရဲ့ လိင်ကျူးလွန်မှုတွေကို ကမ္ဘာက အာရုံစိုက်လာခဲ့ပြီး စုံစမ်းဖော်ထုတ်မှုတွေ ပြုလုပ်ခဲ့ပါတယ်။
ပုပ်ရဟန်းမင်းကြီး ဖရန်စစ်က ဒီလို သာသနာ့ဘောင်ကနေ ထုတ်ပယ်မှုဟာ အပြီးအပြတ် ထုတ်ပယ်မှုဖြစ်ပြီး ရိုမန်ကက်သလစ်အသင်းတော်ရဲ့ အကျိုးအတွက် ဆောင်ရွက်ရတာဖြစ်တယ်လို့ ပြောကြားခဲ့ပါတယ်။
ကာရာဒီမာကို ဗာတီကန်က စုံစမ်းစစ်ဆေးမှုတွေ ပြုလုပ်ခဲ့ပြီးတဲ့နောက် ၂၀၁၁ ခုနှစ်မှာ အပြစ်ရှိကြောင်းတွေ့ခဲ့ရပြီး၊ ပုပ်ရဟန်းမင်းဟောင်း ဘန်နီဒစ်က ကာရာဒီမာအနေနဲ့ ဘ၀တစ်လျှောက်လုံး ဘုရားသခင်ထံ ၀န်ချတောင်းပန်ကာ နောင်တတရားနဲ့ နေသွားဖို့ အမိန့်ချခဲ့ပါတယ်။ ဒါပေမယ့် အဲဒီအချိန်တုန်းက သာသနာဘောင်ကနေ မထုတ်ပယ်ခဲ့ပါဘူး။
စွပ်စွဲချက်တွေအတွက် ကာရာဒီမာက ငြင်းဆိုခဲ့ပြီး၊ ချီလီနိုင်ငံမှာ ခရစ်ယာန်ဘုန်းကြီးတွေရဲ့ ကင်းလွတ်ခွင့်တစ်ချို့ကြောင့် အရက်ဖက်က သူတို့ တရားမစွဲနိုင်ခဲ့ပါဘူး။
ကာရာဒီမာရဲ့ ရာဇ၀တ်မှုကို ဖုံးကွယ်ရာမှာ ပါဝင်ခဲ့တဲ့ ချီလီ ကက်သလစ်ဘုန်းတော်ကြီး ၇ ပါးဟာ ဇူလိုင်လက အသင်းတော်မှာ တာဝန်ယူထားတဲ့ ရာထူးတွေကနေ နှုတ်ထွက်ခဲ့ပါတယ်။
ချီလီအပြင်၊ အမေရိကန်၊ သြစတေးလျနဲ့ ဂျာမနီနိုင်ငံတို့က ကက်သလစ်အသင်းတော်တွေကို စုံးစမ်းစစ်ဆေးမှုအတွင်း ဘုန်းကြီးတွေဟာ ကလေးငယ်တွေအပေါ် လိင်ပိုင်းဆိုင်ရာ စော်ကားမှုတွေ အမြောက်အများ ပြုလုပ်ခဲ့တယ်ဆိုတာကို တွေ့ခဲ့ရပါတယ်။
Ref: Aljazeera
