စက်တင်ဘာ ၁၈၊ ၂၀၁၈
M-Media
– မြန်မာနိုင်ငံမှာ စစ်တပ်ကို နိုင်ငံရေးကနေ ဖယ်ထုတ်ရမှာဖြစ်ပြီး လက်ရှိ စစ်ခေါင်းဆောင်တွေကို ဖယ်ရှားဖို့နဲ့ စစ်တပ်ကို ပြန်လည်တည်ဆောက်ဖို့အတွက် ကုလရဲ့ ‘မြန်မာနိုင်ငံဆိုင်ရာ အချက်အလက် ရှာဖွေရေးအဖွဲ့’ က ဒီကနေ့မှာ တိုက်တွန်းလိုက်ပါတယ်။
စာမျက်နှာ ၄၄၄ မျက်နှာပါ အစီရင်ခံစာမှာ အခုလို တိုက်တွန်းထားတာဖြစ်ပြီး ရခိုင်ပြည်နယ်၊ ကချင်ပြည်နယ်နဲ့ ရှမ်းပြည်နယ်တို့မှာ စစ်တပ်ရဲ့ ကျူးလွန်မှုတွေအတွက် စစ်ခေါင်းဆောင်တွေကို နိုင်ငံတကာ ရာဇ၀တ်ခုံရုံးမှာ လူမျိုးတုန်းသတ်ဖြတ်မှု၊ စစ်ရာဇ၀တ်မှုတွေနဲ့ တရားစွဲဆိုဖို့လည်း ထပ်မံ အကြံပြုခဲ့ပါတယ်။
အချက်အလက်ရှာဖွေရေးအဖွဲ့ရဲ့ ကနဦးအစီရင်ခံစာကို သြဂုတ်လအတွင်းမှာ ထုတ်ပြန်ခဲ့တာပါ။
ဒီကနေ့ထုတ်ပြန်ချက်မှာ ‘တပ်မတော်’ လို့ခေါ်တဲ့ မြန်မာစစ်တပ်ကို ပြုပြင်ပြောင်းလဲရေးလုပ်ဖို့၊ နိုင်ငံရေးနယ်ပယ်ကနေ စစ်တပ်ကို ထုတ်ပစ်ရေး အခြေခံဥပဒေ ပြင်ဆင်ဖို့လည်း ကုလက တိုက်တွန်းခဲ့ပါတယ်။
ကချင်ပြည်နယ်၊ ရခိုင်ပြည်နယ်နဲ့ ရှမ်းပြည်နယ်တွေမှာ လူ့အခွင့်အရေး ဆိုးဆိုးဝါးဝါး ချိုးဖောက်မှု၊ စော်ကားကျူးလွန်မှုတွေဟာ စစ်တပ်ရဲ့ ‘ဗီဇလိုဖြစ်နေတာ’၊ ‘ကျူလွန်မှုတွေကို ၀န်မခံတာ၊ ဘာမှမဖြစ်သလိုနေတာ၊ အရေးယူမှုကနေ လွတ်မြောက်နေတာတွေဟာ’ အင်မတန် တုန်လှုပ်စရာကောင်းတယ်လို့လည်း အစီရင်ခံစာမှာ ဖော်ပြထားပါတယ်။
မြန်မာ့တပ်မတော် အလုံးစုံ ပြုပြင်ပြောင်းလဲရေးအတွက် မိမိတို့ ဆက်သွယ်ဆောင်ရွက်ဖို့ စဉ်စားနေကြောင်း၊ နိုင်ငံအတွင်း ‘လူ့အခွင့်အရေး ပြဿနာတွေ’ ကို မဖြေရှင်းဘူးဆိုရင် လက်ရှိလုပ်နေတဲ့ ဒီမိုကရေစီ အသွင်ကူးပြောင်းရေးလုပ်ငန်းဟာ ပျက်ဆီးမယ့်အန္တရာယ် ရှိနေကြောင်း အချက်အလက်ရှာဖွေရေးအဖွဲ့က သတိပေးခဲ့ပါတယ်။
နိုင်ငံတကာအသိုင်းအ၀ိုင်းအနေနဲ့ မြန်မာနိုင်ငံမှာ ဖြစ်ပွားနေတဲ့ ချိုးဖောက်မှုတွေကို ရှုတ်ချပြီး၊ လက်ရှိ ပြဿနာတွေရဲ့ အခြေခံအကြောင်းအရင်းတွေကို ဖြေရှင်းရာမှာ ကူညီပေးဖို့လည်း အစီရင်ခံစာမှာ တိုက်တွန်းထားပါတယ်။
‘ပြည်သူလူထုကို ပစ်မှတ်ထားတဲ့ တိုက်ခိုက်မှုတွေ၊ ပြည်သူလူထုရဲ့ အကျိုးစီးပွား မထိခိုက်အောင်လို့ ကြိုတင်သတိပေးမှု ထိထိရောက်ရောက်မလုပ်ဘဲ ပြုလုပ်တဲ့ တိုက်ခိုက်မှုတွေ’ လို ဥပဒေနဲ့မညီ၊ သင့်လျော်မှုမရှိ၊ မလိုအပ်ဘဲ လက်ရှိလုပ်နေတဲ့ စစ်ဆင်ရေးတွေအားလုံးကို အစိုးရက ရပ်တန့်ဖို့ အချက်အလက်ရှာဖွေရေးအဖွဲ့က ထည့်သွင်းအကြံပြုခဲ့ပါတယ်။
လိင်ပိုင်းဆိုင်ရာအကြမ်းဖက်မှု၊ ကလေးငယ်တွေအပေါ် ဆိုးဆိုးဝါးဝါး ကျူးလွန်မှုတွေအပါအ၀င် စစ်တပ်နဲ့ အခြားလုံခြုံရေးတပ်ဖွဲ့တွေရဲ့ လူ့အခွင့်အရေး ချိုးဖောက်မှုတွေကို အစိုးရက ၀န်ခံဖို့၊ ဒီလိုကျူးလွန်မှုတွေကို လုံးဝ တားမြစ်ထားတယ်ဆိုတာ တပ်မတော်နဲ့ အခြား လုံခြုံရေးတပ်ဖွဲ့တွေကို ရှင်းရှင်းလင်းလင်းနဲ့ လူသိရှင်ကြား ပြတ်ပြတ်သားသား ညွှန်ကြားထားဖို့ အစီရင်ခံစာမှာ တိုက်တွန်းထားပါတယ်။
ကချင်၊ ရခိုင်နဲ့ ရှမ်းပြည်နယ်တွေအပါအ၀င် ပဋိပက္ခဖြစ်ပွားတဲ့ဒေသတွေမှာ အကူအညီပေးနိုင်ရေးအတွက် ပြည်တွင်း၊ ပြည်ပ လူသားချင်းစာနာထောက်ထားမှုဆိုင်ရာ အဖွဲ့တွေကို လွတ်လွတ်လပ်လပ် သွားလာခွင့်ပြုဖို့၊ လူ့အခွင့်အရေးနဲ့ပတ်သက်ပြီး စွပ်စွဲချက်တွေကို စုံစမ်းနိုင်ရေး ဂျာနယ်လစ်တွေ၊ ပြည်တွင်းပြည်ပ လူ့အခွင့်အရေး စောင့်ကြည့်သူတွေကို ၀င်ရောက်ခွင့်ပြုဖို့၊ လူ့အခွင့်အရေး ကာကွယ်မြှင့်တင်သူတွေကို အရှက်ရအောင်လုပ်တာ၊ တရားစွဲဆိုတာတွေကို ရပ်တန့်ဖို့လည်း အချက်အလက်ရှာဖွေရေးအဖွဲ့က မြန်မာအစိုးရကို တိုက်တွန်းခဲ့ပါတယ်။
အစီရင်ခံစာရဲ့ တိုက်တွန်းချက်တွေထဲမှာ နိုင်ငံရေးအကျဉ်းသားတွေ၊ ၀လုံးနဲ့ ကျော်စိုးဦးတို့အပါအ၀င် သတင်းထောက်တွေကို လွှတ်ပေးရေးလည်း ပါဝင်ပါသည်။
ရခိုင်ကိစ္စနဲ့ပတ်သက်တဲ့ အကြံပြုချက်တွေက ‘၁၉၈၂ ခုနှစ် နိုင်ငံသားဥပဒေနဲ့ နိုင်ငံသားစီစစ်တာကို ရပ်တန့်ရေး၊ ရိုဟင်ဂျာလူ့အဖွဲ့အစည်းတစ်ခုလုံးကို နိုင်ငံသားမဖြစ်အောင် ဆောင်ရွက်ထားတာကို ၀န်ခံရေး၊ ရိုဟင်ဂျာလူ့အဖွဲ့အစည်းနဲ့ ထိရောက်တဲ့ ညှိနှိုင်းဆွေးနွေးမှုကနေတစ်ဆင့် လျင်မြန်တဲ့ အုပ်ချုပ်ရေးဆိုင်ရာ လုပ်ငန်းစဉ်တစ်ခု ဖော်ဆောင်ပြီး နိုင်ငံသားအခွင့်အရေး ပြန်လည်ပေးအပ်ရေး’ တို့ ဖြစ်ပါတယ်။
ဘင်္ဂလားဒေ့ရ်ှနိုင်ငံဖက်ကို ရောက်ရှိနေတဲ့ ရိုဟင်ဂျာဒုက္ခသည်တွေ မိမိတို့ဆန္ဒအလျောက် သိက္ခာရှိရှိ နေရပ်ပြန်လာနိုင်ရေး ဆောင်ရွက်ပေးဖို့လည်း အစီရင်ခံစာမှာ မြန်မာအစိုးရကို တိုက်တွန်းထားပါတယ်။
ကုလသမဂ္ဂဆိုင်ရာ မြန်မာနိုင်ငံသံအမတ်ကြိး ဦးကျော်မိုးထွန်းက ဒီအစီရင်ခံစာကို ပယ်ချက်ခဲ့ပြီး ‘တစ်ဖက်သက်’ အစီရင်ခံစာသာဖြစ်တယ်လို့ အစီရင်ခံစာထုတ်ပြန်အပြီး ကုလလူ့အခွင့်အရေးကောင်စီမှာ ပြောကြားခဲ့ပါတယ်။
Ref: Frontier Myanmar
