သြဂုတ် ၅၊ ၂၀၁၈
M-Media
– အမျိုးသမီးတွေကို ဗီဒီယိုချောင်းရိုက်ကာ မဖွယ်မရာပုံတွေ အင်တာနက်ပေါ်ကို လွှင့်တင်မှု မြင့်တက်လာတာကို ဆန့်ကျင်တဲ့အနေနဲ့ သောင်းနဲ့ချီတဲ့ တောင်ကိုရီးယားအမျိုးသမီးတွေဟာ မနေ့က မြို့တော်ဆိုးလ်မှာ ချီတက်ဆန္ဒပြခဲ့ကြပါတယ်။
နိုင်ငံတစ်ဝှမ်း ကျောင်းတွေ၊ ရုံးတွေ၊ ရထားတွေနဲ့ အိမ်သာတွေမှာ လျှို့ဝှက်ကင်မရာတွေတပ်ထားပြီး အမျိုးသမီးတွေကို ဗီဒီယိုချောင်းရိုက်မှုကို ဖမ်းဆီးရမိတဲ့သတင်းတွေ တောင်ကိုရီးယားမှာ နေ့စဉ်လိုလို ကြားလာရပြီးတဲ့နောက် တောင်ကိုရီးယားအမျိုးသမီးတွေဟာ မေလကစလို့ ဆန့်ကျင်ဆန္ဒပြမှုတွေ ပြုလုပ်ခဲ့တာ ဖြစ်ပါတယ်။
မနေ့က ဆန္ဒပြပွဲမှာ အမျိုးသမီး ၇ သောင်းလောက် ပါဝင်ခဲ့တယ်လို့ ပွဲစီစဉ်သူတွေက ပြောကြားခဲ့ပါတယ်။
“ဒီတိုင်းပြည်က အမျိုးသမီးအိမ်သာတွေမှာ ချောင်းရိုက်ကင်မရာတွေ ပွထနေပါတယ်။ ဒီရာဇ၀တ်မှုကို နှိမ်နှင်းပေးကြပါ” လို့ ဆန္ဒပြသူတွေက တောင်းဆိုခဲ့ကြပါတယ်။
“ငါတို့ ဒီလိုမျိုး ထပ်မနေနိုင်တော့ဘူး” “တောင်ကိုရီးယား – ချောင်းရိုက်ကမရာများနှင့်တိုင်းပြည်” စတဲ့ ဆိုင်းဘုတ်တွေကိုလည်း ကိုင်ဆောင်ချီတက်ခဲ့ကြပါတယ်။
အာရှရဲ့ စတုတ္ထ စီးပွားရေးအကြီးမားဆုံး တောင်ကိုရီးယားမှာ မြန်နှုန်းမြင့်အင်တာနက်တွေ၊ နောက်ဆုံးပေါ် စမတ်ဖုန်းတွေကို တလွဲအသုံးချတာတွေလည်း မြင့်တက်လာပါတယ်။
အမျိုးသမီးတွေကို ချောင်းရိုက်ထားတဲ့ ဗီဒီယိုတွေကို အွန်လိုင်းမှာ မျှဝေတာမျိုးတွေ ဖြစ်နေပြီး အပြာဝဘ်ဆိုက်တွေနဲ့ လောင်းကစားဝဘ်ဆိုက်တွေက သူတို့ဝဘ်ဆိုက်တွေ လူသိများဖို့ ဒီဗီဒီယိုတွေကို အသုံးပြုတာတွေလည်း ရှိနေပါတယ်။
တောင်ကိုရီးယားမှာ ကင်မရာချောင်းရိုက်မှုနဲ့ပတ်သက်တဲ့ ရာဇ၀တ်မှုဟာ ၂၀၁၀ ခုနှစ်မှာ ၁၁၀၀ ၀န်းကျင်သာ ရှိရာကနေ၊ ပြီးခဲ့တဲ့နှစ်မှာ ၆၅၀၀ အထိ မြင့်တက်လာခဲ့ပါတယ်။ ကျူးလွန်သူတွေထဲမှာ ကျောင်းဆရာတွေ၊ ကောလိပ်က ပါမောက္ခတွေ၊ ခရစ်ယာန်ဘုန်းကြီးတွေနဲ့ တရားသူကြီးတွေအထိ ပါဝင်ပါတယ်။
မနေ့မှာ ဆန္ဒပြသူအမျိုးသမီးတွေက ဒီလို ကျူးလွန်သူတွေကို ပြင်းပြင်းထန်ထန်အရေးယူပေးဖို့၊ ဗီဒီယိုတွေတင်တဲ့ ၀ဘ်ဆိုက်ကို ပိတ်သိမ်းပေးဖို့ တောင်းဆိုခဲ့ပါတယ်။
တောင်ကိုရီးယားဥပဒေအရ လက်ရှိမှာ အဲဒီလို ကင်မရာချောင်းရိုက်သူတွေကို ဒဏ်ရိုက်တာ၊ ဆိုင်းငံ့ထောင်ဒဏ်ချမှတ်တွေသာ လုပ်ဆောင်ခဲ့ပါတယ်။
ချောင်းရိုက်ကိစ္စတွေ မြင့်တက်လာတာကြောင့် တောင်ကိုရီးယားရဲမေတွေဟာ အများပြည်သူနဲ့သက်ဆိုင်တဲ့နေရာတွေမှာ လျှို့ဝှက်ကင်မရာတွေ တပ်ဆင်ထားခြင်း ရှိ၊ မရှိကို အမြဲလိုလို စစ်ဆေးနေရပါတယ်။
Ref: CNA
