ဇူလိုင် ၁၇၊ ၂၀၁၈
M-Media
– ပြင်သစ်အသင်းရဲ့ လူငယ်ကွင်းလယ်ကစားသမား ကီလီယန် အမ်ဘက်ပေဟာ ကမ္ဘာ့ဖလားက ရရှိတဲ့ ဆုကြေးအားလုံးကို ကလေးငယ်တွေကို ကူညီနေတဲ့ ပရဟိတအဖွဲ့ကို လှူဒါန်းသွားမယ်လို့ သိရပါတယ်။
အသက် ၁၉ နှစ်အရွယ် အမ်ဘက်ပေဟာ ကမ္ဘာ့ဖလားပြိုင်ပွဲ တစ်ပွဲအတွက် ကန်ဒေါ်လာ ၂၂၃၀၀ ဆုကြေးရပြီး၊ ကမ္ဘာ့ဖလား ရရှိခဲ့တဲ့အတွက် နောက်ထပ် ဒေါ်လာ ၃ သိန်း ၅ သောင်း ရရှိခဲ့ပါတယ်။ ဒါ့ကြောင့် ပြိုင်ပွဲတစ်ခုလုံးမှာ ဆုကြေး ကန်ဒေါ်လာ ၅ သိန်းကျော်လောက် ရရှိခဲ့တာပါ။
ပြင်သစ်သတင်းစာ L’Equipe က အမ်ဘက်ပေဟာ သူ အမြဲတမ်း ကူညီထောက်ပံ့နေတဲ့ Premiers de Cordee ပရဟိတအဖွဲ့ကို ဆုကြေးငွေတွေအားလုံး လှူဒါန်းသွားမယ်လို့ ဖော်ပြခဲ့ပါတယ်။
Premiers de Cordee အဖွဲ့ဟာ မသန်စွမ်း ကလေးငယ်တွေအတွက် အားကစားပွဲတွေကို ကျင်းပပေးနေတဲ့အဖွဲ့လည်း ဖြစ်ပါတယ်။
အဖွဲ့ရဲ့ မန်နေဂျာဖြစ်သူ ဆီဘက်စတီယန် ရူဖင်က အမ်ဘက်ပေဟာ လေးစားထိုက်တဲ့ လူငယ်တစ်ဦးဖြစ်တယ်လို့ Le Parisien သတင်းစာနဲ့ အင်တာဗျူးမှာ ပြောကြားခဲ့ပါတယ်။
“အချိန်ရတိုင်း ကျွန်တော်တိုနဲ့အတူ လာရောက်ပါဝင်တယ်။ သူဟာ ကလေးတွေနဲ့ တော်တော်လေး တည့်ပါတယ်။ ကလေးတွေကို အားတက်စေမယ့် စကားတွေကိုပဲ သူက ပြောတယ်။ ကလေးတွေချင်း ကစားတာထက် သူနဲ့ ကစားမယ်ဆိုရင် ပိုပြီး ပျော်ကြလိမ့်မယ်လို့ ကျွန်တော် တစ်ခါတစ်ခါ တွေးမိပါတယ်”
အမ်ဘက်ပေဟာ ဗိုလ်ပွဲအပါအ၀င် ၂၀၁၈ ကမ္ဘာ့ဖလားမှာ ၄ ဂိုး သွင်းယူခဲ့ပြီး အကောင်းဆုံး လူငယ်ကစားသမားအဖြစ် ရွေးချယ်ခံခဲ့ရပါတယ်။ ဗိုလ်လုပွဲ ခရိုအေးရှားဖက်ကို သွင်းယူတဲ့ဂိုးဟာ ၁၉၅၈ ခုနှစ်နောက်ပိုင်း ကမ္ဘာ့ဖလားမှာ ပထမဆုံးဂိုးသွင်းယူနိုင်တဲ့ ဆယ်ကျော်သက်ကစားသမားအဖြစ် မှတ်တမ်းဝင်စေခဲ့ပါတယ်။
ပီအက်စ်ဂျီအသင်းမှာ ကစားနေတဲ့သူဟာ ဘောလုံးလောကမှာ နေးမာပြီးရင် ဒုတိယမြောက် ပြောင်းရွှေ့ကြေးအများဆုံး ကစားသမားလည်း ဖြစ်ပါတယ်။
Ref: CNA
