ဇူလိုင် ၂၊ ၂၀၁၈
M-Media
– မြန်မာစစ်တပ်ရဲ့ ကန့်ကွက်မှုကြောင့် ဇူလိုင်လ ၁၁ ရက်နေ့ကနေ ၁၆ ရက်နေ့အထိ ကျင်းပဖို့ စီစဉ်ထားတဲ့ ၂၁ ရာစု ပင်လုံငြိမ်းချမ်းရေး ညီလာခံ တတိယမြောက်အစည်းအဝေးမှာ လူနည်းစု တိုင်းရင်းသားတွေရဲ့ အခွင့်အရေးကို ထည့်သွင်းဆွေးနွေးမှာမဟုတ်ဘူးလို့ သိရပါတယ်။
နိုင်ငံလုံးဆိုင်ရာ အပစ်ရပ်ရေး သဘောတူညီချက် NCA မှာ လက်မှတ်ရေးထိုးထားတဲ့ တိုင်းရင်းသား အဖွဲ့အစည်းတွေက အခုလအတွင်း ပြုလုပ်မယ့် တတိယမြောက်အစည်းအဝေးမှာ လူနည်းစု တိုင်းရင်းသားတွေရဲ့ အခွင့်အရေး၊ ကျားမ တန်းတူညီမျှရေးဆိုင်ရာ ကိစ္စတွေကို ဆွေးနွေးဖို့အတွက် နေပြည်တော်မှာ သောကြာနေ့ကပြုလုပ်တဲ့ ပြည်ထောင်စု ငြိမ်းချမ်းရေးဆွေးနွေးမှု ပူးတွဲကော်မတီ (UPDJC) အစည်းအဝေးမှာ တင်ပြခဲ့တာ ဖြစ်ပါတယ်။
ဒါပေမယ့် တပ်မတော်လို့ခေါ်တဲ့ မြန်မာစစ်တပ်က ကျား မ တန်းတူညီမျှရေးကိုပဲ ဆွေးနွေးဖို့ သဘောတူခဲ့ပါတယ်။
“နိုင်ငံသားအခွင့်အရေးမှာ တိုင်းရင်းသားအခွင့်အရေးပါ ပါပြီးသားလို့ တပ်မတော်က ပြောပါတယ်။ ဒါပေမယ့် တိုင်းရင်းသားလက်နက်ကိုင်အဖွဲ့ (EAO) တွေက တိုင်းရင်းသားအခွင့်အရေး၊ လူနည်းစုအခွင့်အရေးဆိုတာ ရှိရမယ်လို့ ထောက်ပြ ပြောကြားခဲ့ပါတယ်။ နှစ်ဖက် သဘောတူညီမှု မရပါဘူး” လို့ ကချင်ဒီမိုကရေစီပါတီ ဥက္ကဌဖြစ်ပြီး UPDJC ရဲ့ အတွင်းရေးမှူးအဖွဲ့ အဖွဲ့ဝင်လည်းဖြစ်တဲ့ ဒေါက်တာ တူဂျာက ပြောကြားခဲ့ပါတယ်။
“အကြောင်းအရာကို ဆွေးနွေးဖို့ ကန့်ကွက်တာမျိုးထက် အသုံးအနှုန်းကို ကန့်ကွက်တာမျိုးပါ။ တပ်မတော်က လူနည်းစု တိုင်းရင်းသားဆိုတာ နိုင်ငံသားထဲမှာ အကျုံးဝင်တယ်လို့ ပြောတယ်။ ဒါ့ကြောင့် ကျွန်တော်တို့ဟာ ဆွေးနွေးမှုကို ရပ်တန့်ခဲ့ပါတယ်။ အရေးကြီးတဲ့ ဖက်ဒရယ်ကိစ္စကို အခုအချိန်အထိ မဆွေးနွေးနိုင်သေးပေမယ့် အခြားကိစ္စတွေကိုတော့ ဆွေးနွေးနိုင်မှာပါ” လို့ ဆွေးနွေးပွဲမှာ ပါဝင်ခဲ့တဲ့ ရှမ်းအမျိုးသားများ ဒီမိုကရေစီအဖွဲ့ချုပ်က ဦးစိုင်းကျော်ညွန့်က ပြောကြားခဲ့ပါတယ်။
၂၁ ရာစု ပင်လုံငြိမ်းချမ်းရေးညီလာခံရဲ့ ကနဦး နိုင်ငံရေးဆွေးနွေးပွဲတွေကို ဇွန်လ ၂၅ ရက်နေ့ကနေ ၂၈ ရက်နေ့အထိ ပြုလုပ်ခဲ့ပြီး ညီလာခံမှာ ဆွေးနွေးမယ့် နိုင်ငံရေး၊ စီးပွားရေး၊ လူမှုရေး၊ သဘာဝပတ်ဝန်းကျင်နဲ့ လယ်ယာကိစ္စ၊ လုံခြုံရေးကိစ္စ စတဲ့ အဓိကခေါင်းစဉ် ၅ ရပ်အတွက် အခြေခံ စည်းမျဉ်တွေ ချမှတ်ရေး ညှိနှိုင်းခဲ့ကြပါတယ်။
ဒါပေမယ့် သဘောတူညီချက် မရတာကြောင့် UPDJC အစည်းအဝေးကို ဇူလိုင်လ ၄ ရက်နေ့ကနေ ၆ ရက်နေ့အထိ ပြုလုပ်ဖို့ စီစဉ်ထားပါတယ်။
“အချို့ကဏ္ဍတွေမှာ ကျွန်တော်တို့ဟာ သဘောတူညီချက် မရခဲ့ပါဘူး။ ဒါပေမယ့် ထပ်ပြီး ဆွေးနွေးရင် သဘောတူညီချက် ရကောင်းရနိုင်မယ်လို့ ကျွန်တော် ထင်ပါတယ်” လို့ ချင်းအမျိုးသားတပ်ဦးရဲ့ ဒုတိယဥက္ကဌ ဒေါက်တာ Salai Lian Hmung Sakhong က ပြောကြားခဲ့ပါတယ်။
သူက တိုင်းရင်းသားတွေဟာ ကိုယ်ပိုင်ပြဌာန်းခွင့် မရမချင်း ဆက်လက်တောင်းဆိုနေမှာဖြစ်ကြောင်း UPDJC အစည်းအဝေးမှာ ပြောကြားခဲ့ပြီး “ခွဲထွက်ခွင့်” ဟာ တိုင်းရင်းသားလူမျိုးစုတွေရဲ့ အခွင့်အရေးဖြစ်တယ်ဆိုတဲ့ သမိုင်းဝင် ပင်လုံစာချုပ်မှာ ဗိုလ်ချုပ်အောင်ဆန်းပေးခဲ့တဲ့ ကတိက၀တ်ကို ထောက်ပြခဲ့ပါတယ်။
စစ်ခေါင်းဆောင်တွေက ဒေါက်တာ Salai Lian Hmung Sakhong ရဲ့ မှတ်ချက်တွေကို သဘောမကျဘူးလို့ UPKDJC အတွင်းရေးမှူးအဖွဲ့ရဲ့ အဖွဲ့ဝင်ဖြစ်တဲ့ ဦးစိုင်းကျော်ညွန့်က ပြောကြားခဲ့ပါတယ်။
“ဒီတောင်းဆိုချက်တွေနဲ့ပတ်သက်ပြီး ဆွေးနွေးလို့ မရဘူးဆိုတာကတော့ အရှိတရားပါပဲ”
Ref: Irrawaddy
