ဇွန် ၂၉၊ ၂၀၁၈
M-Media
– အရှေ့အလယ်ပိုင်း ခရီးစဉ်အဖြစ် အစ္စရေးကို ရောက်ရှိနေတဲ့ ဗြိတိန် တော်ဝင်မင်းသား ၀ီလီယံဟာ အစ္စရေးက ကျူးကျော်သိမ်းပိုက်ထားတဲ့ ဂျေရုစလင်က အလ်-အက္ကဆွာ ဗလီဝတ်ကျောင်းတော်ကို မနေ့မှာ သွားရောက်လည်ပတ်ခဲ့ပါတယ်။
မင်းသားဟာ အစ္စရေးလုံခြုံရေးတွေ၊ ဂျော်ဒန်က စီမံနေတဲ့ အလ်-အက္ကဆွာ ဗလီ ဂေါပကအဖွဲ့ တာဝန်ရှိသူတွေနဲ့အတူ ဗလီဝတ်ကျောင်းတော် ပရ၀ုဏ်အတွင်း လှည့်ပတ်ကြည့်ရှုခဲ့ပါတယ်။
ဗြိတိသျှအာဏာပိုင်တွေက ဒါဟာ ဗြိတိန်တော်ဝင်မိသားစုဝင်တစ်ဦး ပထမဆုံးအကြိမ် အလ်-အက္ကဆွာ ဗလီဝတ်ကျောင်းတော်ကို သွားရောက်လည်ပတ်မှုဖြစ်တယ်လို့ ထုတ်ပြန်ခဲ့ပါတယ်။ မင်းသားဟာ အဲဒီမတိုင်ခင် ဂျေရုစလင်က ခရစ်ယာန်တွေ၊ ဂျူးတွေရဲ့ သာသနိက အဆောက်အဦးတွေဆီလည်း သွားရောက် လည်ပတ်ခဲ့ပါတယ်။
ဗုဒ္ဓဟူးနေ့က မင်းသားဝီလီယံဟာ အစ္စရေးက ကျူးကျော်သိမ်းပိုက်ထားတဲ့ ပါလက်စတိုင်းပိုင်နက် အနောက်ဖက်ကမ်းကို သွားရောက်ခဲ့ပြီး ပါလက်စတိုင်း သမ္မတ မဟ်မူးဒ်အဘတ်စ်နဲ့ တွေ့ဆုံခဲ့ပါတယ်။
“ကျွန်တော်တို့နှစ်နိုင်ငံဟာ အနီးကပ် ပူးပေါင်းဆောင်ရွက်ပြီး၊ ပညာရေးနဲ့ ကယ်ဆယ်ရေးလုပ်ငန်းတွေကို အောင်မြင်အောင် လုပ်ဆောင်နိုင်ခဲ့တဲ့ သမိုင်းကြောင်းလည်း ရှိပါတယ်” လို့ မင်းသားက ပါလက်စတိုင်းသမ္မတကို ပြောကြားခဲ့ပါတယ်။
အနောက်နိုင်ငံတွေဟာ ပါလက်စတိုင်းကို နိုင်ငံတစ်ခုအဖြစ် ရည်ညွှန်းခေါ်ဆိုခြင်းမရှိဘဲ အနာဂတ်မှာ အချုပ်အခြာပိုင် ပါလက်စတိုင်းနိုင်ငံ ဖြစ်လာရေး ထောက်ခံအားပေးတယ်လို့ပဲ ပြောဆိုကြပါတယ်။ မင်းသားဝီလီယံကတော့ ဒီအစဉ်အလာကို ချိုးဖျက်ခဲ့ပါတယ်။
အင်္ဂါနေ့က မင်းသားနဲ့တွေ့ဆုံစဉ် အစ္စရေးဝန်ကြီးချုပ် နေတန်ယာဟုက ပါလက်စတိုင်းတွေ နိုင်ငံတည်ထောင်ရေးကို လက်မခံကြောင်း၊ ပါလက်စတိုင်းပိုင်နက်တွေမှာ တရားမ၀င် အခြေချအိမ်ယာတွေ တည်ဆောက်မှုကို ထောက်ခံကြောင်း ပြောဆိုခဲ့ပါတယ်။
Ref: Jordantimes
