ဇွန် ၁၈၊ ၂၀၁၈
M-Media
– ကိုယ်အင်္ဂါချို့တဲ့တဲ့ကလေး မွေးလာမှာကို ရှောင်ရှားဖို့အတွက် ကလေးဖျက်ချတာဟာ မျိုးသန့်ဖို့ နာဇီတွေရဲ့ ကြိုးပမ်းမှုနဲ့ တူတယ်လို့ ပုပ်ရဟန်းမင်းကြီး ဖရန်စစ်က ပြောကြားလိုက်ပါတယ်။
အီတလီမိသားစုအသင်းက ကိုယ်စားလှယ်ကို စနေနေ့က ရောမမှာတွေ့ဆုံမှုအတွင်း ဒီလို ပြောကြားလိုက်တာဖြစ်ပြီး မိသားစုဆိုတာ အမျိုးသားစစ်စစ်နဲ့ အမျိုးသမီးစစ်စစ်တို့ ပေါင်းစပ်ဖွဲ့စည်းထားခြင်းဖြစ်တယ် ဆိုတဲ့ ရိုမန်ကက်သလစ်အသင်းတော်ရဲ့ ခံယူချက်ကိုလည်း ထပ်လောင်း ပြောဆိုခဲ့ပါတယ်။
ပုပ်ရဟန်းမင်းကြီး ဒီလိုပြောဆိုတယ်ဆိုတာ မှန်ကန်ကြောင်း ဗာတီကန်ကလည်း အတည်ပြုခဲ့ပါတယ်။
“ကိုယ်ဝန်နုတဲ့အချိန်မှာပဲ ကလေးက ကျန်းမာလား၊ တစ်ခုခုဖြစ်လားဆိုတာကို စစ်လားဆေးလားလုပ်ပြီး ဖျက်ချတဲ့ အကျင့်တစ်ခုဟာ ရေပန်းစားနေတယ်လို့ ကျွန်တော် ကြားရပါတယ်။ ဒီလိုပြောလို့ စိတ်ထဲကောင်းတယ် မထင်ပါနဲ့။ ပြီးခဲ့တဲ့ရာစုမှာ နာဇီတွေရဲ့ မျိုးသန့်ရေးလုပ်ရပ်ကို ကမ္ဘာကြီးတစ်ခုလုံးက ကဲ့ရဲ့ပြင်တင်ကြတယ်။ ဒီနေ့တော့ ကျွန်တော်တို့ဟာ ဒီလုပ်ရပ်ကို သကာအုပ်ပြီး လုပ်နေကြပါတယ်” လို့ ပုပ်ရဟန်းမင်းကြီးက ပြောကြားခဲ့ပါတယ်။
နာဇီတွေဟာ ကျန်းမာသန်စွမ်းတဲ့ ကလေးတွေကိုသာ မွေးဖွားခွင့်ပေးပြီး ရုပ်ပိုင်းဆိုင်ရာ၊ စိတ်ပိုင်းဆိုင်ရာ ချို့ယွင်းချက်ရှိသူတွေကို ကိုယ်ဝန်ဖျက်ချစေတာ၊ သန္ဓေတားတာတွေ လုပ်ခဲ့ပါတယ်။
ကိုယ်ဝန်ဖျက်ချတဲ့ကိစ္စအပြင် ပုပ်ရဟန်းမင်းကြီးက လူ့မိသားစုနဲ့ပတ်သက်ပြီး ဘုရားသခင်ရဲ့ ရှုမြင်မှုမှုဟာ အမျိုးသားနဲ့ အမျိုးသမီးတို့ ပေါင်းဖက်ဖြစ်တည်လာမှု တစ်ခုတည်းသာ ဖြစ်တယ်လို့ ထည့်သွင်းပြောဆိုခဲ့ပါတယ်။
ပုပ်ရဟန်းမင်းကြီးရဲ့ နိုင်ငံဖြစ်တဲ့ အာဂျင်တီးနားဟာ ကိုယ်ဝန်ဟာ ၁၄ ပတ်ထက်စောရင် ဖျက်ချခွင့်ပေးရမယ်ဆိုတဲ့ ဥပဒေကို အတည်ပြုပြီးတဲ့နောက် ပုပ်ရဟန်းမင်းကြီး ဖရန်စစ်ရဲ့ ဒီလိုမှတ်ချက်မျိုး ထွက်လာတာပါ။
ဖရန်စစ်ဟာ သြဂုတ်လ အိုင်ယာလန်မှာလုပ်မယ့် ကမ္ဘာ့မိသားစု တွေ့ဆုံဆွေးနွေးပွဲကိုလည်း တက်ရောက်ဖို့ ရှိနေပါတယ်။
Ref: CNN
