Blog

ရုရှားထောက်လှမ်းရေးနှင့် ဆက်နွယ်သည့် ၀ါဒဖြန့်အဖွဲ့၏ အကောင့် ၁၀၀ ကျော်ကို Facebook ဖယ်ရှား

ဧပြီ ၄၊ ၂၁၀၈
M-Media

– ရုရှား ထောက်လှမ်းရေးအဖွဲ့တွေနဲ့ အဆက်အသွယ်ရှိတယ်လို့ သတင်းထွက်တဲ့ အင်တာနက် သုတေသနအေဂျင်စီ (IRA) နဲ့ ပတ်သက်တဲ့ အကောင့် ၁၃၅ ခု၊ page ၁၃၅ ခုကို Facebook က ဖျက်ပစ်လိုက်ပါတယ်။

IRA ဟာ ၂၀၁၆ ခုနှစ် အမေရိကန်သမ္မတ ရွေးကောက်ပွဲမှာ လွှမ်းမိုးဖို့ ကြိုးစားခဲ့တယ်လို့ အမေရိကန်ရဲ့ အထူးစုံစမ်းစစ်ဆေးရေးမှူး ရောဘတ်မူလာရဲ့ စွပ်စွဲခြင်းကို ခံထားရတဲ့ အဖွဲ့အစည်းဖြစ်ပါတယ်။

မနေ့က ထုတ်ပြတ်တဲ့ကြေငြာချက်မှာ Facebook က အကောင့်တွေကို ဖျက်ပစ်ရာမှာ သူတို့တင်ထားတဲ့ အကြောင်းအရာတွေကြောင့်မဟုတ်ဘဲ IRA က ထိန်းချုပ်ထားတယ်ဆိုတဲ့ အကြောင်းအရင်းတစ်ခုတည်းကြောင့် ဖြစ်တယ်လို့ ဖော်ပြထားပါတယ်။

“၂၀၁၆ ခုနှစ် အမေရိကန်သမ္မတ ရွေးကောက်ပွဲ မတိုင်ခင်၊ ရွေးကောက်ပွဲအတွင်းနဲ့ ရွေးကောက်ပြီးတဲ့နောက်ပိုင်း Facebook အသုံးပြုသူတွေကို ဖျားယောင်းဖို့နဲ့ အသုံးချဖို့အတွက် IRA ဟာ အကောင့်အတုတွေနဲ့ ရှုပ်ထွေးတဲ့ ကွန်ယက်တစ်ခုကို ထပ်တလဲလဲ အသုံးပြုခဲ့ပါတယ်။ ဒါ့ကြောင့် သူတုိ့ကို Facebook မှာ မရှိစေချင်တာဖြစ်ပါတယ်” လို့ Facebook ရဲ့ လုံခြုံရေးဆိုင်ရာ အကြီးအကဲ အဲလက်စ်စတာမို့စ်က ပြောကြားခဲ့ပါတယ်။

Facebook အကောင့် ၇၀ နဲ့ Instagram အကောင့် ၆၅ ခုတို့ဟာ ရုရှားစကားပြောတဲ့သူတွေ အထူးသဖြင့် ရုရှားအိမ်နီးချင်း ယူကရိန်း၊ ဥဇဘက်ကစ္စတန်နဲ့ အဇာဘိုင်ဂျန်တွေက အသုံးပြုသူတွေကို ပစ်မှတ်ထားတယ်ဆိုတာ လပေါင်းများစွာကြာ ပြုလုပ်ခဲ့တဲ့ စုံစမ်းစစ်ဆေးမှုအတွင်း တွေ့ခဲ့ရတယ်လို့လည်း Facebook က ပြာပါတယ်။

“IRA ဟာ အကောင့်အတုတွေကို အသုံးပြုပြီး လူတွေကို ဖြားယောင်းတာ၊ အသုံးချတာတွေကို လုပ်ပါတယ်။ ဒါ့ကြောင့် အမေရိကန်၊ ရုရှားနဲ့ အခြားနေရာတွေက ကိစ္စတွေနဲ့ ဆက်စပ်သည်ဖြစ်စေ၊ မဆက်စပ်သည်ဖြစ်စေ ဒီအဖွဲ့အစည်းနဲ့ ဆက်နွယ်နေတယ်လို့တွေ့ရတဲ့ အကောင့်တိုင်းကို ကျွန်တော်တို့ ဖယ်ရှားလိုက်တာဖြစ်ပါတယ်” လို့ ကြေငြာချက်မှာ ဖော်ပြထားပါတယ်။

သူတို့တင်ထားတွေကို လူအများအပြားဆီ ရောက်ဖို့အတွက် IRA ဟာ ကြော်ငြာတွေဝယ်ကာ နိုင်ငံတကာ နိုင်ငံရေးကိစ္စကနေ၊ ရုရှားရဲ့ ယဉ်ကျေးမှု၊ ခရီးသွားလုပ်ငန်းတွေ မြှင့်တင်ဖို့အထိ ဆောင်ရွက်ခဲ့ပါတယ်။

သူတို့ဖယ်ရှားထားတဲ့ page တွေနဲ့ ဆက်နွယ်ပတ်သက်မှုရှိလားဆိုတာကို စစ်ဆေးနိုင်ဖို့ နည်းလမ်းတစ်ခုကို အသုံးပြုသူတွေအတွက် မကြာခင် ထည့်သွင်းပေးသွားမယ်လို့လည်း Facebook က ပြောပါတယ်။

၂၀၁၆ ခုနှစ် အမေရိကန်သမ္မတရွေးကောက်ပွဲမှာ ထရမ့်မဲဆွယ်ရေးအဖွဲ့နဲ့ ရုရှားတို့ ဆက်သွယ်ကာ ဆိုရှယ်မီဒီယာကိုအသုံးပြုပြီး မဲပေးပိုင်ခွင့်ရှိသူတွေအကြား သွေးဆောင်မှုတွေလုပ်ခဲ့တယ်လို့ သတင်းတွေ ထွက်ခဲ့တာပါ။

လက်ရှိမှာ ဒီကိစ္စကို မူလာဦးဆောင်ကာ စုံစမ်းစစ်ဆေးနေပြီး IRA နဲ့ ပတ်သက်မှုအတွက် ရုရှားနိုင်ငံသား ၁၃ ဦးကို ဖေဖော်ဝါရီလမှာ တရားစွဲဆိုခဲ့ပါတယ်။

Ref: Aljazeera

April 4, 2018
လေကြာင်းရန်ကာကွယ်ရေးစနစ် တူရကီသို့ မြန်မြန်ပို့မည်ဟု ရုရှားပြော

ဧပြီ ၄၊ ၂၀၁၈
M-Media

သတင်းစာရှင်းလင်းပွဲတွင်တွေ့ရသည့် သမ္မတနှစ်ဦး

– တူရကီက၀ယ်ယူထားတဲ့ လေကြောင်းရန်ကာကွယ်ရေးစနစ် S-400 ဒုံးကျည်တွေကို သတ်မှတ်ထားတဲ့အချိန်ထက် ပိုမြန်မြန် ပို့ဆောင်ပေးသွားမယ်လို့ ရုရှားသမ္မတ ဗလာဒီမီရ် ပူတင်က ပြောကြားလိုက်ပါတယ်။

တူရကီမြို့တော် အန်ကာရာမှာ တူရကီသမ္မတ အာဒိုဂန်နဲ့ မနေ့က သတင်းစာရှင်းလင်းပွဲမှာ ပူတင်က ဒီလို ပြောလိုက်တာပါ။

“ရုရှားရဲ့ တော်တော်လေး ထိရောက်တဲ့ ဒီစနစ်ကို ပို့ဆာင်မယ့် အချိန်သတ်မှတ်ချက်ကို လျှော့ချဖို့ ကျွန်တော်တို့ ဆုံးဖြတ်ခဲ့ပါတယ်”

နောက်ပြီး ဒီ S-400 လေကြောင်းရန် ကာကွယ်ရေးစနစ် တည်ဆောက်မှုကို မိတ်ဆွေဖြစ်တဲ့ တူရကီရဲ့ တောင်းဆိုမှုနဲ့ အရှိန်မြှင့်ပြုလုပ်နေတယ်လို့လည်း ပူတင်က ပြောကြားခဲ့ပါတယ်။ တူရကီက ရုရှားဆီကနေ ဒီစနစ် ၀ယ်ယူမှုဟာ ကန်ဒေါ်လာ ၂ ဘီလီယံဖိုးလောက် ရှိပါတယ်။

နေတိုးအဖွဲ့ဝင်နိုင်ငံတစ်ခုက ရုရှားထံကနေ ဒီလို အဓိကလက်နက်တွေ ၀ယ်ယူမှုဟာ တူရကီရဲ့ မဟာဗျူဟာ သဘောထား၊ နေတိုးအဖွဲ့အတွင်း သတ်မှတ်ထားတဲ့ စနစ်တွေနဲ့ ကိုက်ညီမှု ရှိ၊ မရှိတွေနဲ့ပတ်သက်ပြီး စိုးရိမ်မှုတွေလည်း ရှိလာပါတယ်။

ဒါပေမယ့် အာဒိုဂန်က ဒီဝယ်ယူမှုအတွက် အနောက်နိုင်ငံတွေရဲ့ ဝေဖန်မှုကို ဂရုစိုက်မှာမဟုတ်ဘူးလို့ တုန့်ပြန်ထားပါတယ်။

Ref : Aljazeera

April 4, 2018
YouTube ရုံးချုပ်သို့ အမျိုးသမီးတစ်ဦး သေနတ်ဖြင့် ၀င်ပစ်သောကြောင့် ၃ ဦး ဒဏ်ရာရ

ဧပြီ ၄၊ ၂၀၁၈
M-Media

အခင်းဖြစ်ပွားသည့် မြင်ကွင်းတစ်ခု

– နာမည်ကျော် ဗီဒီယိုဝဘ်ဆိုက်တစ်ခုဖြစ်သည့် YouTube ၏ ဆန်ဖရန်စစ္စကိုအနီးရှိ ရုံးချုပ်ကို အမျိုးသမီးတစ်ဦးက သေနတ်ဖြင့် ပစ်ခတ်မှုကြောင့် လူ ၃ ဦး ဒဏ်ရာရရှိခဲ့သည်ဟု သိရသည်။

ယမန်နေ့က ဖြစ်ပွားခဲ့ခြင်းဖြစ်ပြီး သေနတ်သမားအမျိုးသမီးမှာ ၎င်းကိုယ်ကို သေနတ်ဖြင့် အဆုံးစီရင်သွားခဲ့သည်။

ရဲတပ်ဖွဲ့ကမူ ထိုအမျိုးသမီး မည်သူမည်ဝါဖြစ်သည်ဆိုသည်နှင့် မည်သည့်အကြောင်းကြောင့် ပစ်ခတ်သည်ဆိုခြင်းကို ဖော်ထုတ်နိုင်ခြင်းမရှိသေးပေ။

MSNBC သတင်းဌာနက သေနတ်သမားမှာ အသက် ၃၀ ကျော်အရွယ် အမျိုးသမီးဖြစ်ပြီး ရုံးချုပ်အပြင်ဘက် ပေါ်တီကိုနားနှင့် ထမင်းစားဆောင်အတွင်းသို့ နေ့လည် ထမင်းစားချိန်တွင် လာရောက်ကာ သေနတ်ဖြင့် ပစ်ခတ်ပြီးနောက် အဓိကအဆောက်အဦးထဲသို့ ၀င်ရောက်ခဲ့သည်ဟု ဖော်ပြခဲ့သည်။

ရဲတပ်ဖွဲ့မှ အကြီးတန်းတာဝန်ရှိသူတစ်ဦးက ပစ်ခတ်မှုမှာ အတွင်းရေးကိစ္စ မကျေလည်မှုကြောင့်ဖြစ်မည်ဟု ယုံကြည်ကြောင်း ပြောကြားခဲ့သည်။ အမေရိကန်အစိုးရ၏ လုံခြုံရေးဆိုင်ရာ တာဝန်ရှိသူတစ်ဦးက ပစ်ခတ်မှုမှာ အကြမ်းဖက်ဝါဒနှင့် ဆက်စပ်မှုမရှိဟု ရိုက်တာသတင်းဌာနသို့ ပြောကြားခဲ့သည်။

ABC သတင်းဌာနကလည်း သေနတ်သမားမှာ အသက် ၃၅ နှစ်မှ ၄၀ အကြားရှိပြီး တောင်ကယ်လီဖိုးနီးယားမှာ အမျိုးသမီးဖြစ်ကြောင်း YouTube နှင့် အဆက်အသွယ် မရှိကြောင်း ဖော်ပြခဲ့သည်။

Ref: CNA

April 4, 2018
အဘီယီ အဟ်မဒ် (သို့) ခရစ်ယာန်အများစုရှိရာနိုင်ငံမှ မွတ်စလင်ဝန်ကြီးချုပ်

ဧပြီ ၄၊ ၂၀၁၈
M-Media

သူကတာ့ အဘီယီ အဟ်မဒ်ဖြစ်ပြီး တနင်္လာနေ့က ကျမ်းကျိန်ခဲ့ပါတယ်။

– အီသီယိုးပီးယား ၀န်ကြီးချုပ် ဟေလီမာရီယမ် ဒီဆာလန် ဖေဖော်ဝါရီ ၁၅ ရက်နေ့ ရုတ်တရက်နှုတ်ထွက်သွားခဲ့ပြီးတဲ့နောက် ၀န်ကြီးချုပ်တစ်ဦးကို ညွှန့်ပေါင်းအစိုးရက ရွေးချယ်ခဲ့ပါတယ်။

သူကတာ့ အဘီယီ အဟ်မဒ်ဖြစ်ပြီး တနင်္လာနေ့က ကျမ်းကျိန်ခဲ့ပါတယ်။

အသက် ၄၂ နှစ်အရွယ်ရှိတဲ့ အဟ်မဒ်ဟာ တိုင်းပြည်ရဲ့ လူဦးရေ သန်း ၁၀၀ မှာ တတိယအကြီးဆုံး လူမျိုးစုဖြစ်တဲ့ အိုရိုမိုလူမျိုးတွေထဲက ပထမဆုံး ၀န်ကြီးချုပ်ဖြစ်လာသူပါ။

သူ သမ္မတဖြစ်လာမှုဟာ တိုင်းပြည်အတွင်းရှိနေတဲ့ သွေးကွဲမှုတွေကို တည်ငြိမ်စေဖို့ အစိုးရက ရည်ရွယ်ပုံရပါတယ်။ အီသီယိုးပီးယားဟာ ၂ နှစ်တာ ဆန္ဒပြမှုတွေပြီးတဲ့နောက် ဖေဖော်ဝါရီ ၁၆ ရက်နေ့က အရေးပေါ်အခြေအနေ ကြေငြာခဲ့ရတဲ့အထိ ဖြစ်ခဲ့တာပါ။

လူ့အခွင့်အရေးချိုးဖောက်မှုတွေ၊ လွတ်လပ်ခွင့် ပိတ်ပင်ထားမှုတွေနဲ့ အစိုးရရဲ့ ဖိနှိပ်ချုပ်ချယ်မှုတွေကို မခံနိုင်တဲ့ အိုရိုမို လူမျိုးတွေဟာ အိုရိုမီယာပြည်နယ်မှာ ဆန္ဒပြမှုတွေကိုလည်း ဆက်တိုက်ပြုလုပ်ခဲ့ပါတယ်။

ကျမ်းကျိန်ပြီးနောက် ပြောကြားတဲ့မိန့်ခွန်းမှာ အဟ်မဒ်က နှစ်ပေါင်းများစွာရှိနေတဲ့ နှစ်နိုင်ငံအကြား နားလည်မှုလွဲနေတာကို ဖြေရှင်းဖို့အတွက် အီရစ်ထရီယာအစိုးရကို မေတ္တာရပ်ခံခဲ့ပါတယ်။

အီရစ်ထရီယာဟာ ၁၉၉၂ ခုနှစ်က အီသီယိုးပီးယားကနေ ခွဲထွက်သွားခဲ့ပြီး ၁၉၉၈ ခုနှစ်ကနေ ၂၀၀၀ ခုနှစ်အထိ နှစ်နိုင်ငံ စစ်ပွဲတွေဖြစ်ပွားခဲ့ကာ အဲဒီအချိန်ကစလို့ ဆက်ဆံရေး ဆိုးရွားခဲ့တာ ဖြစ်ပါတယ်။

အီသီယိုးပီးယားဟာ အာဖရိကတိုက်ရဲ့ ဒုတိယ လူဦးရေအများဆုံးနိုင်ငံဖြစ်ပြီး နိုင်ငံရေးမတည်ငြိမ်မှုတွေ ဖြစ်နေပေမယ့် ဒေသတွင်း စီးပွားရေး အတိုးတက်ဆုံးနိုင်ငံ ဖြစ်နေတယ်လို့ ကမ္ဘာ့ဘဏ်ရဲ့ မှတ်တမ်းက ဆိုပါတယ်။

Ref: CNN

April 4, 2018
မြန်မာနိုင်ငံအတွင်း အမုန်းဝါဒဖြန့်မှုတွင် Feacebook က အဓိကနေရာမှ ပါဝင်နေသည်ဟု ဇူကာဘက်ဝန်ခံ

ဧပြီ ၃၊ ၂၀၁၈
M-Media

Facebook ကိုတည်ထောင်သူ မာ့ခ်ဇူကာဘက်

– မြန်မာနိုင်ငံမှာ လူမျိုးရေး၊ ဘာသာရေး သွေးထိုးလှုံ့ဆော်မှုတွေ၊ ၀ါဒဖြန့်မှုတွေ ပြုလုပ်ရာမှာ Facebook က အဓိကအခန်းကဏ္ဍကနေ ပါဝင်တယ်လို့ တည်ထောင်သူ မာ့ခ်ဇူကာဘက်က ၀န်ခံလိုက်ပြီး အဲဒီကိစ္စအတွက် အလေးအနက်ထား ဆောင်ရွက်နေတယ်လို့ ပြောကြားလိုက်ပါတယ်။

သတင်းဝဘ်ဆိုက်တစ်ခုဖြစ်တဲ့ Vox နဲ့ အင်တာဗျူးမှာ ဒီလို ၀န်ခံခဲ့တာဖြစ်ပြီး Facebook ဟာ နိုင်ငံအတွင်းမှာ ၀ါဒဖြန့်ချီရေး ရင်းမြစ်တစ်ခု ဖြစ်နေတယ်လို့ ဆိုပါတယ်။

နောက်ပြီး လူ့အဖွဲ့အစည်းနှစ်ခုမှာ ပဋိပက္ခဖြစ်စေဖို့အတွက် သွေးကြွစေတဲ့ ရေးသားမှုတွေကို Facebook Messenger ကနေ ဖြန့်ဝေနေတယ်ဆိုတာ သူ့ကို အသိပေးမှု ရှိတယ်လို့ ဇူကာဘက်က ပြောပါတယ်။

“မြန်မာပြည်က ပြဿနာအတွက် ကုမ္ပဏီအတွင်းမှာ တော်တော်လေး အာရုံစိုက်နေတယ်လို့ ကျွန်တော် ထင်ပါတယ်။ စနေနေ့တစ်ရက် ကျွန်တော့်ဆီ ဖုန်းခေါ်မှုကို မှတ်မိနေသေးတယ်။ ပြဿနာဖြစ်နေတဲ့ နှစ်ဖက်လူ့အဖွဲ့အစည်းအတွင်း သွေးကြွစေတဲ့ သတင်းတွေကို Facebook Messenger ကနေတစ်ဆင့် ဖြန့်နေတယ်ဆိုတာ ကျွန်တော်တို့ တွေ့ရတယ်လို့ ဖုန်းဆက်လာတာပါ။ ‘ဗုဒ္ဓဘာသာဝင်တွေ ထကြွတော့မယ်။ ဒါ့ကြောင့် လက်နက်တွေကိုင်ပြီး၊ ဒီနေရာကိုသွားပါ’ လို့ မွတ်စလင်တွေကို တိုက်တွန်းပြီး၊ တစ်ခြားတစ်ဖက်ကိုလည်း ဒီလို တိုက်တွန်းထားတဲ့ စာမျိုးပါ”

“ဒီလိုမျိုးတွေဆိုတော့ ကျွန်တော်တို့ရဲ့ ထုတ်ကုန်တွေကိုသုံးပြီး လူတွေဟာ ထိခိုက်နာကျင်စေဖို့ လှုံ့ဆော်နေတာ ထင်ရှားတယ်လို့ ကျွန်တော်ထင်ပါတယ်”

အဲဒီကိစ္စမှာ Facebook ဟာ ဒီ စာတွေကို လိုက်ရှာပြီး မပြန့်သွားအောင် တားဆီးခဲ့တယ်လို့လည်း ဇူကာဘတ်က ပြောပါတယ်။

“ကျွန်တော်တို့ တော်တော်လေး အာရုံစိုက်ထားတယ်ဆိုတာ ဒီကိစ္စက သေသေချာချာပြောနေပါတယ်”

ရခိုင်ပြည်နယ်အတွင်း ရိုဟင်ဂျာလက်နက်ကိုင်တွေက ရဲကင်းစခန်းတွေကို ၀င်စီးပြီးနောက်ပိုင်း စစ်တပ်ကပြုလုပ်တဲ့ စစ်ဆင်ရေးကြောင့် ရိုဟင်ဂျာတွေ သိန်းနဲ့ချီ ဘင်္ဂလားဒေ့ရ်ှဖက်ကို ထွက်ပြေးခဲ့ရပြီး ကုလကတော့ ဒါဟာ လူမျိုးစုလိုက် သုတ်သင်မှု နမူနာလို့ ပြောကြားခဲ့ပါတယ်။

“ပြီးခဲ့နှစ်မှာ Facebook နဲ့ပတ်သက်ပြီး ကျွန်တော်ကြားခဲ့ရတဲ့ ကြောက်စရာ ဇာတ်လမ်းတွေထဲက တစ်ခုက Faebook ဟာ မြန်မာနိုင်ငံက ရိုဟင်ဂျာဆန့်ကျင်ရေး ၀ါဒဖြန့်မှုမှာ တကယ့် ရင်းမြစ်ကြီးတစ်ခု ဖြစ်နေတယ်ဆိုတာပါ။ လူမျိုးစုလိုက် သုတ်သင်မှုရဲ့ အစိတ်အပိုင်းကို ဖြစ်နေပါတယ်” လို့ ဇူကာဘက်က အင်တာဗျူးမှာ ပြောပါတယ်။

လူ့အခွင့်အရေး စောင့်ကြည့်အဖွဲ့ရဲ့ အာရှဆိုင်ရာ လက်ထောက်ဒါရိုက်တာ ဖီလ်ရောဘတ်ဆန်က မြန်မာနိုင်ငံရဲ့ သတင်းစီးဆင်းမှုကို Facebook က လွှမ်းမိုးနေပေမယ့် Facebook အတွက်တော့ မြန်မာဈေးကွက်ဟာ သိပ်ပြီး အရေးမပါဘူးလို့ ပြောကြားခဲ့တဲ့စကားကို ထောက်ပြပြီး သူတို့ကုမ္ပဏီရဲ့ ကမ္ဘာလုံးဆိုင်ရာ စီမံခန့်ခွဲမှုကို မေးခွန်းထုတ်တဲ့အခါ ဇူကာဘက်က

“ကျွန်တော်တို့ဟာ ကမ္ဘာတစ်ဝှမ်းမှာ ရုံးတွေရှိနေတာကြောင့် တစ်ကမ္ဘာလုံကို ဖြန့်ကျက်ထားတယ်လို့ ပြောလို့ရပါတယ်။ ကျွန်တော်တို့ရဲ့ ရုံးချုပ်က ကယ်လီဖိုးနီးယားမှာဖြစ်ပေမယ့် သုံးစွဲသူ တော်တော်များများဟာ အမေရိကန်က မဟုတ်တဲ့အတွက် ကမ္ဘာတစ်ဝှမ်း မတူညီတဲ့ဒေသတွေက မတူညီတဲ့ လူ့အဖွဲ့အစည်းတွေအပေါ် ထိုက်သင်တဲ့အာရုံစိုက်မှုမျိုး လုပ်ဖို့ဟာ အမြဲတမ်း စိန်ခေါ်မှုတစ်ရပ် ဖြစ်နေပါတယ်” လို့ ပြန်လည်ဖြေကြားခဲ့ပါတယ်။

အမေရိကန်သမ္မတ ဒေါ်နယ်ထရမ့်ရဲ့ မဲဆွယ်ရေးအဖွဲ့နဲ့ ပတ်သက်ခဲ့တဲ့ ဗြိတိန်အခြေစိုက် နိုင်ငံရေးအကြံပေးအဖွဲ့ Cambridge Analytica က အသုံးပြုသူတွေရဲ့ အချက်အလက်တွေကို ရယူပြီး အလွဲသုံးစားလုပ်ခဲ့တယ်ဆိုတဲ့ ပြဿနာမှာ ပါဝင်မှုကြောင့် Facebook ဟာ လတ်တလောမှာ ဝေဖန်မှုကို အကြီးအကျယ်ခံနေရပါတယ်။

ဒီကိစ္စအတွက် အမေရိကန်အောက်လွှတ်တော်မှာ လာရောက်ရှင်းပြပေးဖို့ အကြောင်းကြားစာကို Facebook က လက်ခံရရှိထားပြီး၊ ဗြိတိန်လွှတ်တော်ကလည်း ဒီအချက်အလက် အလွဲသုံးစားပြုမှုကိစ္စအတွက် ဇူကာဘတ်ကို တစ်ဦးချင်း မေးမြန်းခွင့်ရဖို့ တောင်းဆိုထားပါတယ်။

ဇူကာဘတ်ကတော့ Cambridge Analytica ကိစ္စမှာ သူတို့အနေနဲ့ မှားယွင်းခဲ့ကြောင်း ၀န်ခံခဲ့ပါတယ်။

Ref: CNA

April 3, 2018